Aktualitet

Sekretari Amerikan i Shtetit, Antony Blinken u takua sot me kryeministrin e Shqipërisë, Edi Rama në Bruksel. Takimi u njoftua nga qeveria shqiptare . Ndërsa në axhendln e Blinken thuhej se ky ishte i vetmi takim i tij sot në Bruksel.

Blinken ndodhet në Europë për të shoqëruar Presidentin e SHBA, Joe Biden gjatë vizitave të tij në Britaninë e Madhe, Belgjikë e Zvicër.

Zyrtarisht, pala shqiptare tha se me Blinken nënshkruan së bashku marrëveshjen SHBA-Shqipëri për koordinimin e teknologjisë 5G.

Rama ka komentuar në FB se takimi ishte shumë miqësor e i dobishëm: “U kemi kërkuar edhe të tjerëve që të bëhen pjesë dhe të bëjmë përpjekje për një korridor të sigurt komunikimi dhe për ta vënë këtë korridor në duart e qytetarëve dhe institucioneve dhe të mos lejojmë që të komprometohen nga aktorë të tretë dashak eq. Është krenari për Shqipërinë të jetë krah jush. Shpresoj që së bashku të bindim edhe miqtë e tjerë në rajon të bëhen pjesë e kësaj. Jemi mirënjohës që ju kemi si partner dhe aleat”, u shpreh Rama.

Ndërsa Blinken u shpreh se partneriteti mes dy vendeve po bëhet më i fortë: “Po vendosim një shembull të fortë për të tjerët sot për nevojën për të siguruar që kur bëhet fjalë për rrjetet më të ndjeshme të teknologjisë të punojmë me shitës të besuar. Mendoj se kjo është shumë e rëndësishme dhe mesazhi më i fortë për t’i dërguar të tjerëve.

Jemi mirënjohës për punën e përbashkët që ka bërë Shqipëria dhe SHBA, përfshirë këtu edhe “Defender 21”. Presim me padurim që të merrni vendin tuaj në Këshillin e Sigurimit në OKB. Kemi shumë punë të mira për të bërë edhe atje. Në të gjitha aspektet ky partneritet po bëhet më i fortë dhe më i thellë dhe ne e vlerësojmë shumë lidershipin tuaj për ta bërë këtë”, u shpreh Blinken.
Takimi Rama-Blinken vjen më pak se 1 muaj nga shpallja e ish-kryeministrit Sali Berisha ‘non grata’ nga SHBA. Ishte pikërisht Sekretari amerikan i Shtetit që zbuloi njoftimin dhe akuzoi Berishën për përfshirje në korrupsion.

Një ditë më vonë Berisha paralajmëroi se do e padisë Blinkenin për shpifje në një Gjykatë në Francë.

Ish-kryeministri Sali Berisha, u shfaq sot me maskë duke ecur në mjedise të hapura për të shkuar në qendrën e votimit për kreun e ri demokrat.

Berisha shoqërohej nga Tritan Shehu dhe u pa të ecte gjatë gjithë rrugës me maskë ndonëse ky detyrim është hequr prej disa ditësh.

Ai spikaste me mbajtjen e maskës në ambient të hapur dhe po ashtu edhe brenda godinës ku po kryhej votimi.

Siç shihni fotot që ju sjell noa.al, askush tjetër nuk mbante maska brenda dhe jashtë, duke ngjallur habi dhe kuriozitet tek kalimtarët që shtruan pyetjen përse Berisha qarkulloi me maskë sot, në një ndër daljet e rralla publike.

Disa javë më parë Berisha pati deklaruar se e kishte kaluar kovidin prej disa muajsh. /noa.al

Ruçi njoftoi se largohet nga pushtetit dhe nga politika, Rama tha se ndjehet se i janë pr erë krahët, gjë që ia ka thënë dhe Ruçit kur e njoftoi se do të ikte nga PS.

Rama pohoi se e pati të pamundur që të bindte Ruçin 70 vjeçar që të qëndrojë ende në PS dhe në pushtet.

“Një falënderim për shokun e vjetër të armëve që në këto vite më është bërë mësues, vëlla, mik, pjesëtar i kësaj familjeje në gëzime e hi dhërime dhe në të tëra vite të kësaj rruge ka qenë ditë e përditë në krahun tim, Gramoz Rucin.

Nuk dua t’ua fsheh se në takimet e fundit të takimeve të panumërta, Gramozi më tregoi vendimin e tij për t’u tërhequr, duke e njohur besoj që ishte një vendim i marrë pa asnjë mundësi rishikimi dhe nga ai çast akoma nuk e gjej dot si do të mbushet boshllëku u largimit të tij.

Pa këshillën e Gramozit do e kishim humbur për fajin tim disa prej ndeshjeve, e di që ai do mbetet këshilltari im më i besuat për strategjitë. Merakun e kam te boshllëku i madh të një eksperience të pashoq”.

Në fund Rama e quajti dhunti këtë që bëri Gramoz Ruçi duke u lutur siç tha që ta ketë edhe ai këtë dhunti.

“Askush nuk është i pazëvendësueshëm e di, por e di që jo gjithkush është është lehtësisht i zëvendësueshëm. Të mësojmë të gjithë nga ky veprimi i tij, të dish të dalësh nga politika është art më vete, do Zoti ka kem dhe unë këtë art. Janë shumë vitet e punës që kemi ndarë mes nesh, që nga dita e zgjedhjes sime, nuk ka pasur një moment të vështirë që nuk e kam pleqëruar me ty dhe të jam mirënjohës”, tha Rama.

Reagimi nga Rama erdhi pasi Ruçi njoftoi se ikte nga PS dhe politika.

“Nuk ka ditë më të mirë se kjo për tu tërhequr. Nuk ka noment më të mirë se 30 vjetori i PS për tu larguar. Më 9 shtator që nis legjislatura e re nuk do të ushtroj më mandatin që më ka dhënë PS dhe nuk do të kem ambicie për të qenë në asnjë organ të zgjedhur ekzekutiv të Partisë Socialiste”, deklaroi Ruçi.

Në vitet e diktaturës komuniste, Gramoz Ruçi ishte ministër i Brendshëm. Gjithmonë ai është akuzuar për masakrën e 2 prillit 1991 të policisë në Shkodër që vrau qytetarë protestues.

Më tej Ruçi mbajti poste drejtuese në PS për shumë vite duke qenë gjithnjë numri dy dhe për shumë vite kryetar i grupit parlamentar socialist.

Që nga 1992 e deri më 2013 ai kurrë nuk mori poste shtetërore derisa u bë kryetar Parlamenti duke qëndruar tetë vjet rresht. /klea/noa.al