Aktualitet

Të mërkurën, datë 27 dhjetor 2017, në shumicën e qarqeve priten reshje të dobëta, ndërsa në veri mesatare, deri lokalisht intensive në qarkun e Shkodrës.

Në jug, Vlorë dhe Gjirokastër, ato priten lokalisht mesatare. Në lartësi të mëdha, reshjet do të jenë në formën e borës.

TEMPERATURAT
Temperaturat minimale dhe maksimale të ajrit pritet të arrijnë:
në bregdet: 6 °C / 14 °C
në vendet e ulëta: 6 °C / 14 °C
në vendet malore: 1 °C / 7 °C.

ERA
Era ajo do të forcohet sidomos në bregdet, ku do të arrijë shpejtësinë deri në 40km/orë

Disa ditë pas vdekjes së Florenc Beqirajt, 23 vjeçarit i cili preku zemrat dhe shpirtin e të gjithë shqiptarëve, një lajm i mirë ka ardhur nga qyteti i tij i lindjes, për familjen e të ndjerit.
Këshilli Bashkiak i qytetit ka vendosur që të gjitha shpenzimet për ceremoninë mortore të Florencit, ti kryejë e mbulojë financiarisht vetë Bashkia. Vendimi ka ardhur në mbledhjen e fundit të Bashkisë së Shkodrës dhe vota ka qenë unanime.

Vendimi është mirëpritur nga shkodranët, të cilët po ashtu sikundër në Tiranë, kanë dalë në protestë kundër mungesës së reagimit të qeverisë dhe instancave të shtetit për rastin e Florenc Beqirajt.

Deri më tani mbetet ende e veshur nga një tymnajë mister shkaku dhe mënyra sesi Florenci humbi jetën, duke nisur që nga momenti kur trupi i tij u gjet pa ndjenja dhe me shenja në repartin e strehimit të azilantëve në Francë, e deri tek momenti kur të riut shqiptar i hoqën aparaturat që e mbanin në jetë në spital. Hetimet kanë nisur tashmë dhe pritet që së shpejti e vërteta të dalë në pah.

Kush ishte Florenc Beqiraj:

Florenc Beqiraj ishte i biri i Gëzim dhe Laureta Beqiraj, i datëlindjes 27 shtator 1994 nga Lagja Iliria, Shkodër, vëlla i vetëm i familjes Beqiraj. Ai kishte tre vjet që ndodhej në Francë dhe ishte në proçedura për azil.

Sipas Press Independent Florenci kishte filluar punë si kamerier në një lokal në Marsejë.

Ai është ndaluar nga policia franceze për një mjet identifikimi, dhe për shkak të mungesës së tij ai është shoqëruar në ambientet e komisariatit.

Në vigjiljen e Krishtlindjes dhe natën e Krishtlindjes, kryetari i Bashkisë së Tiranës, Erion Veliaj “e mbyti” me prezencën e tij në televizionet kombëtare.

Plotë pesë herë u shfaq Veliaj gjatë tre ditëve, në emisione televizive me audiencë të lartë.E nisi me emisionin e Ermal Mamaqit të shtunën, vijoi me “Të dielën shqiptare” të Ardit Gjebreas dhe të hënën doli tek emisioni “Top Story” i Sokol Ballës. Ndërkohë u shfaq edhe tek një emision muzikor në TV Klan, “Dance With Me”. Teksa ishte edhe tek Pasditja e Vizion Plus te henen.

Pra, Veliaj në të njëjtë kohë ka “pushtuar” dy televizionet kombëtare, Top Channel dhe TV Klan duke u shfaqur në të njëjtë kohë.

Më herët në një takim me gazetarët, TPZ rikujton se ai ka thënë: Kam menduar të mos dal shumë në televizion, sepse ka patur ngjarje politike. Dua të mbaj një profil pak më të tërhequr”.

Ministri i Jashtëm, Ditmir Bushati ka qene sot per nje vizite ngushellimi ne familjen e Florenc Beqiraj, te riut nga Shkodra qe gjeti vdekjen ne spitalin francez, pasi u dergua aty pa shenja jete, teksa mbahej ne burg.

Gazetari i “Panorama”, raporton se ne kete vizite, Bushati ka qene i shoqeruar nga deputeti Luan Harusha. Ne biseden e zhvilluar me nenen dhe familjare te tjere te viktimes, Ministri Bushati i shprehu ngushellimet dhe garantoi se ceshtja do te hetohet deri ne fund.

“Prokuroria franceze ka nisur hetimet per zbardhjen e plote te ngjarjes”- tha Bushati. Nderkohe qe zyra per shtyp e Bushatit ben me dije se ministria ka deklaruara para familjareve se “Qeveria merr persiper shpenzimet per transportin e trupit te viktimes dhe sjelljen ne atdhe”.

Bushati ka theksuar se “Kemi ne kontakt te panderprere me autoritet Franceze, min.brendshme dhe te jashtme. Te presim perfundimin e hetimeve, te respektojme vdekjen”.

Kryebashkiaku i Tiranës, Erion Veliaj, nuk është i vetmi që mban veshur bluzën ku janë të stampuar drerat dhe një slitë.

Një bluzë të ngjashme me të Veliajt e mban veshur edhe kryebashkiaku i Fierit, Armando Subashi.

Të dy janë shfaqur publikisht me një bluzë të tillë në këto ditë festash, ndoshta në një përpjekje për t’i dhënë vetes së tyre tipare të babagjyshit i cili shpërndan dhurata me slitë…

Fotoja që ka postuar presidenti Ilir Meta në faqen e tij zyrtare në Facebook për të njoftuar dhënien e shtetësisë shqiptare Kryepeshkopit të Shqipërisë Janullatosit, po bën xhiron e rrjetit.

Shumë pak persona mund ta kenë kuptuar se Meta për të shprehur harmoninë fetare me anë të fotos, ka bërë zgjedhjen e gabuar.

Detaji që bie në sy është se i vetmi që është ende gjallë në foto është vetë Janullatos.

Ish-kreu i përfaqësuesve bektashinj Reshat Bardhi, ish-kreu i besimit katolik shqiptar Rrok Mirdita dhe ish-kreu i myslimanëve Selim Muça, janë ndarë nga jeta.

Meta shkruan në statusin e tij:

Të dashur miq,

Në vigjilje të Krishtlindjeve, kam kënaqësinë të bëj publik vendimin tim për t’i dhënë shtetësinë shqiptare Kryepeshkopit të Tiranës, Durrësit dhe gjithë Shqipërisë, Fortlumturisë së Tij, Anastas Jannullatos.

Kontributi dhe përkushtimi i tij në 25 vite i ka shërbyer jo vetëm ringritjes kanonike dhe shpirtërore të Kishës Ortodokse Autoqefale të Shqipërisë dhe arsimimit e përgatitjes së brezit të ri të klerikëve shqiptarë por edhe afirmimit ndërkombëtar dhe njohjes së Kishës Ortodokse Autoqefale të Shqipërisë kudo në botë.

Fortlumturia e Tij ka dhënë, në bashkëpunim të ngushtë me udhëheqësit e tjerë të besimeve fetare në Shqipëri, një kontribut të jashtëzakonshëm në forcimin e harmonisë, tolerancës dhe bashkëjetesës ndër-fetare, kësaj pasurie kombëtare të popullit tonë.

Bekuar qoftë harmonia dhe bashkëjetesa fetare mes shqiptarëve!