Aktualitet

Edhe përgjatë ditës së premte do të ketë reshje të shiut dhe dëbore në Shqipëri, ndërsa më tej pritet që radhën ta marrë moti i kthjellët.
Gjatë ditës së premte dhe në mbrëmje pjesa më e madhe e zonës malore do të ketë reshje dëborë dhe pjesa tjetër e territorit. Ndërsa bregdeti dhe ultësira perëndimore do të kenë reshje të pakta dhe të përkohshme.

Por ndërsa në këto ditë po ndjeni të ftohtit, sinoptikanët japin një lajm të keq. Temperaturat e ulëta do të na shoqërojnë deri në fund të vitit. Ndërsa dita e ndërrimit të viteve, pra 31 dhjetori, do të jetë i acartë. Temperaturat parashikohet që të bien edhe më shumë. Kështu që për shumë të rinj që kanë menduar që natën e Vitit të Ri ta kalojnë jashtë duke festuar, bëjnë mirë të vishen trashë.

Dita e parë e 2018 do të rikthej reshjet e shiut në të gjithë territorin e vendit.

Mesa duket gjatë vizitës që ministri i Brendshëm Fatmir Xhafa kishte në Elbasan, ka ndodhur një incident. Një qytetare nga Elbasani i ka shkruar ish-kryeministrit Berisha. Policia e Elbasanit dhe as reporterët prezentë në incident nuk kanë transmetuar asgjë rreth këtij rasti. Ja si e tregon historinë vajza e ish-oficerit të ndaluar nga policia:

“Pershendetje dr Berisha! Une qe po ju shkruaj quhem Rovena Çala. Babai im Bujar Çala ish oficer policie i liruar padrejtesisht nga rilindja bolshevike e Edvin Kristaq Rames jeton momente deshperimi te thelle.

Sot Policia e Elbasanit e ka shoqeruar ne polici. Duket pak si e cuditshme por eshte e vertete. Ja arsyeja e shoqerimit: Rreth ores 14.00 ne Teatrin Skampa Ministri i Brendshem Fatmir Xhafa ishte ne nje nga sallat e hotel Turizmit Elbasan. Sapo doli Ministri nga Turizmi dhe ju drejtua makines babai im Bujari i doli perpara duke e pershendetur me stlin sovjetik duke ngritur grushtin lart. Donte ti bente nje urim special per mireseardhjen ne qytetin e Elbasanit.

Me tej babai vazhdoi duke thirrur: “Rrofte Marksizem-Leninizmi! Rrofte diktatura e proletariatit! Rrofte Komiteti Qendror i Partise Komuniste Shqiptare me ne krye shokun Edvin Kristaq Rama! Ministri Xhafa nuk beri ze, por me bishtin nder shale hipi ne makine dhe u largua. Sigurisht kjo skeme u krye ne prani te mjaft policeve civile e me uniforme te cilet nuk vepruan.

Pas kesaj babin tim ne shtepi erdhi e mori nje fugon policie dhe e shoqeruan ne komisariat. Nuk e kuptoj se cfare vepre ka kryer im ate per tu shoqeruar ne polici. Ai nuk shau askend vecse thirri rrofte, rrofte, rrofte… Pershendetje me te kendshme ministri nuk besoj se ka marre ne asnje vend. Shqetesimi me i madh per babin tim mbetet se sic konstatoi ne komisariat disa police ishin te trembur se mund te pezulloheshin nga detyra per mosveprim.

Eh, policet e shkrete nuk dine ç’te bejne. Veçse nje gje eshte e sigurt se policet nuk jane fajtore dhe s’kane pse te ndeshkohen. Ju lutem dr Berisha shperndajeni kete mesazh. Me respekt”.

Pak ditë më parë në media qarkulloi lajmi i vdekjes së gruas së ish- diktatorit, Enver Hoxha, Nexhmije Hoxha.
Edhe pse bëri “xhiron” e mediave ky lajm rezultoi i pavërtetë.

Reaguan familjarë të Nexhmijes që përgënjeshtruan lajmin.

Por në një rrëfim për gazetën “ Dita” Nexhmija flet për herë të parë në lidhje me këtë ngjarje.

Duhet thënë se kjo është hera e dytë që Nexhmijen e “fusin” në varr para kohë.

Ajo ka bërë një letër në formë urimi për shqiptarët dhe jep një përgjigje për lajmin e vdekjes.

Ajo shkruan se ishte nusja e djalit, Pranvera ajo që e zgjoi nga gjumi duke i thënë: Ngjallu se të kanë vdekur para kohe…

Ajo komenton edhe debatin për helmimin e bashkëshortit të saj, arsyet e hedhjes së kësaj teze dhe replika me mjekët Hektor Peçi dhe Isuf Kalo.

Mesditën e sotme, i mbuluar me flamurin shqiptar, erdhi në atdhe trupi i pajetë i shkodranit 23-vjeçar Florenc Beqiraj.

Beqiraj erdhi i pajetë nga Franca, pasi u dërgua në spital pa shenja jete nga qendra ku ishte ndalur si azilkërkues. Vdekja e Florencit vijon të jetë mister.

Sakaq burime mediatike thonë se trupi i pajetë pritet t’i nënshtrohet edhe një ekspertize mjeko-ligjore në Shqipëri në funksion të zbardhjes së shkaqeve të vdekjes.

Ai do të përcillet drejt banesës së fundit në Shkodër, ku familja Beqiraj ka hapur dyert e mortit prej ditës që mësoi vdekjen e të birit.

Kurse të gjitha shpenzimet janë marrë përsipër nga qeveria shqiptare, që sic bëri të ditur ministri i Jashtëm Ditmir Bushati gjatë vizitës në familjen Beqiraj po bashkëpunon ngushtë me autoritetet franceze për të zbardhur të vertetën e ngjarjes.

Vdekja në rrethana ende të mistershme, që po hetohet nga autoritetet franceze ngjalli reagime të forta dhe protesta në vendin tonë.

Grupi i hakerave shqiptarë i quajtur Anonymous Albania, njofton ne rrjetet sociale se ka sulmuar të gjitha faqet zyrtare të qeverisë.

Kjo sipas tyre, në shënjë proteste për ngjarjet e fundit dhe korrupsionin. “Anonymous Albania” shkruan se ka kërkuar dorëheqjen e qeverisë Rama në 2018 dhe zgjimin e popullit nga gjumi.

Grupi i hakerave shqiptarë ka bërë me dije se ka sulmuar dhe e-mailin privat të kryeministrit duke zotëruar edhe informacione private të tij.

Aktualisht, pavarësisht këtij njoftimi faqet e sipërpërmendura janë duke funsksionuar normalisht, ndërsa thuhet që probleme kanë patur ata që klikojnë nga jashtë vendit.

Viti 2018 pritet të sjellë arrestimet e para në nivele të lartë në Shqipëri. Ambasadori Donald Lu e paralajmëroi diçka të tillë në fund të nëntorit dhe fillimi i 2018 pritet të jetë mjaft i vështirë për shumë gjyqtarë, prokurorë, deputetë, ministra e ish-ministra. Ndërkombëtarët i kishin shpresat te SPAK, por vonesat me të kanë bërë që t’u soset durimi dhe tani me largimin e Llallës do të nisë goditja e korrupsionit nga Prokuroria e Krimeve të Rënda. Sipas burimeve të sigurta të gazetës, në organin e akuzës po bëhet gati arrestimi i një politikani shqiptar. Burimet thanë se prokuroria është informuar nga shërbimet partnere se një politikan ka arritur të fshehë rreth 80 milionë euro në Londër, para që dyshohet të jenë vënë në mënyrë korruptive.

Të dhënat e para kanë mbërritur në vendin tonë dhe janë duke u kryer një sërë hetimesh e verifikimesh për të zbuluar se për kë emër bëhet fjalë dhe cilat janë mënyrat që janë vënë kaq shumë para. Pritet që rreth muajit shkurt të zbardhet dosja e plotë, ku pritet që të ketë dhe arrestime. Të dhënat për personin në fjalë janë zbuluar në kuadër të një sërë verifikimesh që janë duke kryer amerikanët për politikanët shqiptarë.

Gazeta Sot deklaroi pak ditë më parë se FBI në Tiranë dhe përfaqësues të SHBA kanë kërkuar nga Drejtoria e Pastrimit të Parave të dhëna për të gjithë politikanët, përfshirë deputetë, ministra e ish-ministra. Për të gjithë ata që ka pasur indicie se mund të kenë bërë transferta të dyshimta apo kanë llogari jashtë vendit, janë bërë verifikime. Një burim i rëndësishëm nga Prokuroria e Përgjithshme i tha gazetës se për politikanin në fjalë ka qenë SHBA që ka iniciuar verifikimet dhe gjurmimet i kanë çuar ata në Londër, ku më pas janë vënë në lëvizje autoritetet vendase dhe është zbuluar se bëhet fjalë për 80 milionë euro. Në fund të janarit ose në shkurt, pritet të zbulohet dhe emri si dhe të nisin zyrtarisht hetimet për të, ku nuk përjashtohet arrestimi dhe sekuestrimi i pasurisë.

Asnjë prej politikanëve shqiptarë nuk e ka të sigurt postin. Burime nga Drejtoria e Pastrimit të Parave i thanë gazetës se ndërkombëtarët janë duke i verifikuar një e nga një të gjithë zyrtarët kryesorë të shtetit dhe janë të shumtë ata që pritet të përfundojnë pas hekurave. Dihet tashmë se janë shumë emra që i kanë dërguar jashtë vendit paratë e korrupsionit. Që nga vitit 2011 e deri më sot nga vendi ynë kanë dalë plot rreth 2 miliardë dollarë. Shifrat janë bërë publike nga një raport i “Global Financial Integrity” dhe të dhënat e siguruar nga Inspektorati i Lartë i Deklarimit dhe Kontrollit të Pasurive.

Sipas raportit, që nga vitit 2011-2015 janë transferuar rreth 1.3 miliardë dollarë. Por nëse bëhet një kërkim në faqen zyrtare të ILDKP, transferta ka pasur dhe vitet e fundit. ILDKP ka paditur në prokurori disa gjyqtarë, deputetë, ish-deputetë dhe ish-ministra për fshehje pasurie dhe transferta jashtë vendit të dyshimta. Po ashtu Drejtoria e Pastrimit të Parave ka bllokuar shumë llogari me qindra mijëra euro. Sa i takon rrugëve që janë ndjekur, Drejtoria e Parandalimit të Pastrimit të Parave ka treguar se paratë dalin në mënyrë tokësore dhe përmes transfertave, ndërsa sipas një raporti të Byrosë së Sigurisë Diplomatike, pjesë e Departamenti Amerikan të Shtetit, paratë fshihen kryesisht në Zvicër dhe vende si Malta, Ishujt Kajman dhe parajsa fiskale. Ndërsa vetë DASH në portin e 2016 thekson se një pjesë e madhe e parave të korrupsionit janë investuar në bregdet.