Aktualitet

Këtë vit, atë të ardhshëm si dhe në 2020, Shqipëria do të jetë ekonomia me rritjen më të shpejtë në Ballkanin Perëndimor, thotë Instituti i Vienës për Studime Ekonomike në një raport të publikuar së fundmi për Europës Qendrore dhe Lindore. Për këtë vit, Instituti i Vjenës, projekton një rritje ekonomike të vendit tonë në 4.1%, ndërsa për vitin e ardhshëm në 4%, për të zbritur më pas në 3.9% në 2020.

Projeksionet e reja shënojnë një zhvlerësim të ekonomisë shqiptare. Në raportin e kaluar vlerësohej se, ekonomia e vendit tonë do të rritej me 4.2% këtë vit dhe 4.1% vitin e ardhshëm. Pra, kemi të bëjmë me një zhvlerësim minimal të projeksioneve, me vetëm 0.1%. Edhe sa i përket normës së papunësisë, projeksionet më të fundit tregojnë se, Shqipëria do të jetë ajo me normën më të ulët këto tre vite, me 13%, 12.5% dhe 12% respektivisht.

Pavarësisht optimizmit të Institutit të Vienës sa i përket indikatorëve kyç makro-ekonomikë, një rënie e papunësisë me vetëm 0.5% në një vit është minimale. Sa i përket normës së inflacionit ndërkohë, projeksionet mbeten të pandryshuara. Instituti i Vienës është i radhës ndër institucionet prestigjioze që ka tentuar të shfryjë disi optimizmin e tepruar sa i përket rritjes ekonomike të vendit tonë.

Tërheqja e investimeve të huaja madhore dhe mosafrimi i investimeve të reja do të prodhojë për rrjedhojë një ngadalësim të hapit të rritjes, duke i`u larguar kështu objektivit të shumë kërkuar të qeverisë, në të paktën 5% rritje ekonomike, që sipas ekzekutivit do të kishte impakt të drejtpërdrejtë në xhepat e qytetarëve.

E ndërkohë që projeksionet tregojnë një situatë ku Shqipëria është e para në rajon, realiteti flet ndryshe, duke i vendosur shqiptarët në vend të fundit kur bëhet fjalë për ekonominë reale, pra Prodhimin e Brendshëm Bruto për frymë dhe pagat.

Edhe këto të dhëna janë publikuar nga Instituti i Vienës për studime ekonomike dhe tregojnë se sa larg është realisht një vend nga Austria, e marrë si ekonomia referencë në këtë rast. Kur bëhet fjalë për PBB për frymë, në Shqipëri ky indikator është sa 1 e katërta e Austrisë.

Më keq se shqiptarët e Shqipërisë janë vetëm ata të Kosovës në këtë drejtim dhe ukrainasit. Por ekonomia e Ukrainës është zhytur thellë në recesion pas konfliktit të fundit në vend. Sa i përket pagave ndërkohë, shqiptarët e Shqipërisë zbresin në vend të parafundit, më mirë vetëm se ukrainasit.

Pagat në vendin tonë vlerësohen sa 30% e austriakëve, thotë Instituti i Vienës për Studime Ekonomike. Serbia, Maqedonia, Bosnje Hercegovina dhe Mali i Zi, janë të katërta më mirë se Shqipëria në drejtim të ekonomisë reale, asaj familjare, paçka se projeksionet dhe vlerësimet e fundit makroekonomike, po të Institutit të Vienës, tregojnë se Shqipëria i ka lënë pas në 2017 këto vende dhe do të vijojë ti lërë pas në tre vitet e ardhshme.

Ja si festohet edhe ne Qytetin tone Dita e Veres ose quajtur ndryshe Dita e largimit te Dimrit.

14 Marsi ka nisur bukur me kenge ,valle, argetime dhe kohen e bukur plot Dielll qe e beri te shkelqente kete dite te shenuar.

Gezuar Diten e Veres me ngjyra ashtu sic ishte sot!

Durrësi është qarku me pjesëmarrjen me të ulët në forcën e punës, çka do të thotë se popullsia mbi 15 vjeç e lart nuk dëshiron të punësohet në normat që përformojnë qarqet e tjera të vendit.
Një raport i INSTAT në lidhje me punësimin gjeti se në qarkun bregdetar 52.9 për qind e popullsisë mbi 15 vjeç kërkon të punojë. Ky është treguesi më i ulët në rang kombëtar.
Në të kundërt, në qarkun e Elbasanit interesi për të punuar vërehet të jetë me i lartë në krahasim me pjesën tjetër të vendit. Rreth 66 % e popullsisë mbi 15 vjeç në këtë qark kërkon të punojë, gati 7 pikë përqindje me i lartë se treguesi mesatar i pjesëmarrjes në forcat e punës në rang kombëtar.
Gjithashtu qarqet e Fierit, të Vlorës, Beratit dhe Shkodrës shfaqin gatishmëri më të lartë për të punuar se pjesa tjetër vendit.
Në të kundërt qarqet e Tiranës, Kukësit, Lezhës dhe Durrësit shihet se kanë gatishmëri më te ulët për të marrë pjesë në tregun e punës në krahasim me mesataren kombëtare.
Në rang kombëtar, pjesëmarrja në forcat e punës është rritur dukshëm në vitin 2017, duke shënuar 59.1 për qind në fund të vitit 2017 në rritje gati 2 pikë përqindje në krahasim me 2016.
Forca e punës në Shqipëri sillet sot si një i ri në kulmin e moshës që fle deri në orët e vona të ditës dhe punon sa për të mbajtur frymën, kur duhet të ndodhte e kundërta. Popullsia shqiptare ka hyrë në një moshë punë favorite kur normat e varësisë, të rinjtë nën moshën 15 vjeç dhe të moshuarit mbi 65 vjeç janë ende në raporte të ulëta në krahasim me forcën e punës.
Sipas të dhënave të INSTAT, në vitin 1979, në 100 persona, 73 ishin të rinj, ndërsa në vitin 2011, kjo shifër ka qenë vetëm 47 të rinj për 100 banorë, kurse më 2017 ka pësuar ulje të mëtejshme.
Ekspertët e demografisë pohojnë se Shqipëria ndodhet në mes të dritares së mundësisë ekonomike që shtrihet përafërsisht në fillim të viteve 2020. Mosha mesatare e forcës së punës është mbi 40 vjeç dhe nëse do të aplikoheshin politikat e duhura, ekonomia e vendit do të ishte në kulmin e produktivitetit prej kësaj mundësie që jep forca e punës.
Forca e punës në Shqipëri është në moshën ku përvoja dhe mosha janë kombinim ideal për të prodhuar maksimumin e përfitimeve.