Aktualitet

Në përpjekje për të hedhur poshtë akuzat si autorë të atentatit me eksploziv të 13 janarit në Shkodër, Endrit Çopja dhe Argel Lulaj bënë një deklaratë të pazakontë në sallën e gjyqit.

Ata thanë se kishin qenë disa herë në Shkodër për të kryer vepra të tjera kriminale, për të cilat në fakt s’ka akuzë ndaj tyre, por jo për atentatin ndaj Lulzim Kullës.

“Kemi qenë disa herë në Shkodër për të blerë kanabis, por jo për të vendosur eksploziv”, kanë thënë dy të arrestuarit, në seancën me dyer të mbyllura që u zhvillua paradite për rivlerësimin e masës së sigurisë, që përfundoi me lënien e tyre në burg pa afat.

Kjo deklaratë u konfirmua si nga përfaqësues të akuzës ashtu edhe nga pala mbrojtëse.

Të arrestuarit mësohet të kenë thënë se nuk i mbanin mend datat kur kanë qenë në Shkoder, ndërsa nuk i bënë publik emrat e personave tek të cilët do të blinin drogën.

Prokuroria dyshon se ky pretendim është vetëm një alibi e të arrestuarve, për të ngritur një version paralel mbi aryset e udhëtimi të tyre në Shkodër.

Megjithatë, nuk është ende e qartë nëse organi i akuzës do ta hetojë edhe këtë version, në mënyrë që të bjerë në gjurmët e organizatorëve të trafikut të pretenduar.

Avokati Genc Gjokutaj, tha jashtë kamerave se organi i akuzës nuk kishte prova që të faktonin pjesëmarrjen e tyre në atentatin ndaj Lulzim Kullës, që la 8 të plagosur.

Ndërsa prokurori Albert Muçaj tha se kishte përgjime të të arrestuarve, të cilat nuk i paraqiti me argumentin se mund të cënonin hetimin. Ai është shprehur gjithashtu se Çopja dhe Lulaj u identifikuan nga pamjet filmike të disa kamerave të sigurisë së zonës ku ndodhi krimi.

Prokuroria pretendon se motorçikleta ku ishte vendosur lënda eksplozive është transportuar me furgon të bardhë nga Elbasani në Shkodër, përpara atentatit.

Çopja, Lulaj dhe Serxho Teta, i akuzuar për moskallëzim krimi, u arrestuan nga policia të enjten e javës së kaluar në Elbasan. Prokuroria dyshon se shkak i atentatit janë pazaret e prishura të drogës.

Izet Haxhia i cili është akuzuar për vrasjen e Azem Hajdarit, pritet që të ekstradohet në Shqipëri.

Ai me anë të një video ka dhënë një mesazh ish-kryeministrit Sali Berisha, duke shpërndarë një video të vitit 1992.

“Pamje te tilla ka pasur pothuajse ne çdo miting te asaj fushate te shpreses per popullin e vuajtar ,qe shpresonte per nje epoke te re ,ku te sundonte ligji ,demokracia ,liria per te gjithe .Por ky tradhetari dhe mashtruesi qe une i mbrojta jeten me trupin tim ,ashtu i pangrene ,i pafjetur por me idealizem te paster ,ishte vrasesi i ketyre shpresave”, shkruan ndër të tjera Haxhia në profilin e tij në Facebook.

Postimi i plotë

Kjo eshte nje vıdıo e vitit 1992 ne fushaten elektorale te 22 marsit .Pamje te tiila ka pasur pothuajse ne çdo miting te asaj fushate te shpreses per popullin e vuajtar ,qe shpresonte per nje epoke te re ,ku te sundonte ligji ,demokracia ,liria per te gjithe .Por ky tradhetari dhe mashtruesi qe une i mbrojta jeten me trupin tim ,ashtu i pangrene ,i pafjetur por me idealizem te paster ,ishte vrasesi i ketyre shpresave .

İshte ky besprere dhe armik i Shqiptareve ,qe na mbushi me urrejtje per vellezrit tane qe kishin bindje te kunderta politike me neve ,qe krijoj perçarje krahinore e fetare ,qe mbushi partine qe e vodhi me dredhite e intrigat e tij epike, me spıune te sigurimit ,spıune te Udb serbe dhe hajdute ordinere .Ketij spiuni dua ti them se po vjen dita qe te ballafaqohem me te perpara drejtesise ,dhe aty perballe meje do ti beje radigrafine e tij te plote te nje krimineli ,te pabesi e tradhetari frikacak..

Mos u mundo qe me ane te kalemshitureve te tu ne media te shpifesh e sajosh genjeshtra qe i ke per profesıon ,,sikur une paskam bere marveshje e pazare me keta narkotrafikantet e perverset qe jane ne pushtet ,ju jeni i njejti brume ,jeni pjelle e te njejtit bark te kulshedres sllavo -komuniste .Ju beni pazare me njeri -tjetrin ,ziheni diten e ndani prene e grabitur nga Shqiptaret naten.Une ne jeten time as nuk kam bere ,as nuk bej pazare me askend ,edhe po te jem para vdekjes apo sikur gjithe jeten ta mbyll ne burg .

Po ku keni dinjetet apo karakter ju o minj halesh te kuptoni nga keto gjera .Burgu eshte per burrat ,ndersa ju e felliqni edhe burgun sepse jeni me keq se laviret …

Margarita Feka është mësuesja e Ermal Metes, këngëtari shqiptar që rrëmbeu trofeun e Sanremos.

Sot në pension, zonja Feka ka qene mësuesja e fillores së Ermalit, ndërsa ajo mes emocioneve rrëfen jetën e ish-nxënësit të saj. Margarit tregon fëmijërinë e Ermalit, fillesat e tij në bankat e shkollës dhe talentin për muzikën.

“Ishte një djalë i rregullt, i shkathët. Shumë i përpiktët. Në orën e mësimit qëndronte përballë dhe të dëgjonte me vëmendje. Ishte dhe pak i lëvizshëm por gjithë këtë meritë e ka jo vetëm nga aftësitë e tij, por edhe nga kujdesi i nënës së tij, Mira. Ermali sillej mirë jo vetëm brenda klasës, por edhe jashtë. Ai sillej shumë mirë. Ishte djalë me të gjitha të mirat. Ai vjen nga një familje muzikantësh. E ëma për violinë dhe i ati po ashtu. Dhe mundoheshin që ta kishit djalin shumë të mirë. Ermali ka pasur talent qysh në kopsht.

Para se ti zgjidhnim në shkollën e muzikës, i kontrollonim qoftë nga veshi muzikor. Çdo mësues ndjen një kënaqësi të madhe kur dëgjon për nxënësit e tyre. Vjet kam qenë e shokuar kur fitoi çmimin e tretë. Kur e dëgjova që kishte zënë emrin tim, u ndjeva krenare dhe mu mbushën sytë me lot. Kishin kaluar shumë vite, dhe ai mbante mend emrin tim. Edhe mbrëmë e ndoqa, dhe u gëzova shumë kur këndoi dhe fitoi. Ndaj i uroj që të ecë lartë e më lartë jo në Itali, por në të gjithë botës.”, tha mësuesja.

Por Ermali ka ditur t’ja shpërblejë mundin mësueses së tij të fillores, duke e parë atë pjese te këngës se vitit te kaluar, “Viettato Morire”. Duke thënë se e ka ndjekur me interes te veçantë festivalin e këngës italiane,

Margarita Feka i ka uruar Ermalit suksese të mëtejshme, duke shtuar se pak tij fshihet një zë i rralle, që duhet të dëgjohet në mbarë botë.

[youtube https://www.youtube.com/watch?v=vrTF40ybp-w]

Reshjet e dëborës kanë pushtuar veriun dhe juglindjen e Shqipërisë duke zbardhur një pjesë të mirë të vendit. Mësohet se është bllokuar në qarkun e Korçës rruga për në Dardhë.

Mësohet se rruga kalohet vetëm me zinxhirë pasi dëbora ka arritur deri në 40 centimetra.

Dëborë ka rënë për disa orë edhe në Devoll por aksi Korçë-Kapshticë është plotësisht i hapur dhe pa probleme.

Anija e flotës ushtarake amerikane, “Ross” ka mbërritur në Gjirin e Vlorës në kuadër të një nisme për forcimin e mëtejshëm të marrëdhënieve mes SHBA dhe Shqipërisë si dhe përkushtimin e të dy vendeve për stabilitetin në rajon.

Anija do të qëndrojë tre ditë për një program të bashkëpunimit ushtarak dypalësh.

Në ceremoninë e mbërritjes ishin të pranishëm zv/ministri i Mbrojtjes, Petro Koçi, ambasadori amerikan Donald Lu, si dhe drejtues të lartë të Forcave të Armatosura shqiptare.

Anija “Ross” ka në bord një ekuipazh prej 350 vetë dhe ka qenë pjesë e dhjetëra operacioneve ushtarake, ku më i fundit i tyre në Siri.

Pas Shqipërisë, anija do t’i drejtohet Spanjës dhe më pas SHBA.