Kur kanë kaluar 24 orë nga arrestimet masive në Bashkinë e Lezhës, përfshirë dhe kryetarin e saj Fran Frrokaj, ka ardhur reagimi zyrtar i selisë blu. Kreu i Partisë Demokratike Lulzim Basha në një dalje publike nga selia blu, deklaroi se PD-ja është e qartë: Të gjithë të barabartë para ligjit.
“Shpresojmë që Fran Frrokaj të jetë i pafajshëm, hetim transparent”- shtoi kryedemokrati Basha.
Sipas Bashës, nuk mund të ketë drejtësi selektive, që një grusht kryebashkiakësh të korruptuar të kësaj qeverie të mos dalin para drejtësisë.
Pjesë nga fjala e kreut të PD-së, Lulzim Basha:
Nuk mund të drejtësi nëse Dako, Tahiri, Ahmetaj, Sejdini dhe një grusht kryebashkiakësh të korruptuar të kësaj qeveri nuk do të dalin para drejtësinë
Sot dua tu them të gjithë shqiptarëve se ne urojmë që Fran Frrokaj të jetë i pafajshëm.
Qëndrimi im dhe i PD-së është i pandryshuar, të gjithë duhet të jemi të barabartë para ligjit, por ne kërkojmë që hetimi të jetë transparent dhe i paanshëm.
Shqiptarët kërkojnë një drejtësi të pandikuar nga axhenda politike selektive të orientuara nga një krah politik drejt një krahu tjetër.
Zbardhen detaje të reja nga aksioni policor i zhvilluar gjatë natës duke u gdhirë dita e sotme. Arrestime janë bërë në 6 qytete, duke nisur nga Kukësi në Shkodër, Lezhë, Tiranë, Dibër dhe Korçë.
Burimet policore thanë se janë lëshuar 50 urdhër arreste nëpër të gjithë Shqipërinë.
Mes të arrestuarve ka edhe zyrtarë dhe punonjës e drejtues policie.
Personat e arrestuar dyshohet se bënin pjesë në një organizatë kriminale që trafikonte njerëz.
Në këmbim të parave, njerëzit dërgoheshin në SHBA dhe në Kanada.
Më shumë taksë për pronën do të paguajnë ato qytete që kanë çmime fiskale më të larta, ndërsa në rrethet si, Memaliaj apo Tepelenë, taksa do të jetë shumë e ulët.Ja tabela e plotë me vlerën e taksës se sa do të paguhet në 68 qytetet e Shqipërisë.
Në qytetin e Elbasanit çmimi referencë i miratuar nga qeveria është 50,300 lekë/m2. Çmimi i shtëpisë 5,030,000 lekë. Për shtëpitë e privatizuara, taksa do të jetë 1760 lekë në vit, kurse për shtëpitë pas 1993-it, taksa do të jetë 2515 lekë në vit.
Për qytetin e Fierit, vlera e shtëpisë do të llogaritet me çmimin fiskal, që është 53,100 lekë/ m2. Vlera e shtëpisë me sipërfaqe 100 m2 është 5,310,000 lekë. Taksa për shtëpitë para ’93-it është 1858 lekë, kurse pas këtij viti është 2655 lekë.
Në qytetin e Memaliaj, një familje që ka në pronësi një apartament me sipërfaqe 100 metra katrorë, të ndërtuar para vitit 1993 do të paguajë 525 lekë në vit. Kush disponon një dyqan në rrethe, do të paguajë më pak taksa se një dyqan në Tiranë.
Kjo, për shkak se çmimi i dyqanit do të llogaritet 1,5 herë më i lartë se çmimi i shtëpisë, kurse në Tiranë kjo llogaritet 2 herë më i lartë. Ndërsa për ndërtesat që përdoren për prodhim, përpunim apo magazinim të mallrave, taksa do të jetë 0,2 për qind e çmimit të magazinës.
Sipas metodologjisë, çmimi i magazinës do të jetë sa 50 për qind e çmimit të sipërfaqes së banimit të zonës përkatëse, sipas qyteteve.
Dje Lulzim Basha duhet të dilte para medias dhe të fliste. Heshtja tregon bashkëfajësi ose shitje të njërëzve të PD. Sali Berisha ishte ndryshe. Edhe Edi Rama. Edhe Ilir Meta. Nuk heshtnin, kur duhej folur, aq me tepër kur prangat janë në duart e përfaqësuesve të tyre.
Një operacion i madh spektakolarë i Prokurorisë dhe Policisë së Shtetit ka vënë në pranga dje thuajse gjithë drejtuesit e Bashkisë së Lezhës. Bile nëpër Lezhë thuhej se nuk ka më bashki, pasi të gjitha janë në pranga. Bilanci i një hetimi disa mujor për abuzimet me pronat në bfregdet ka çuar pas hekurave 8 persona, mes të cilëve dhe kryebashkiakut Fran Frrokaj, si dhe 14 të tjerë janë nën hetim. Një ngjarje e tillë është e rrallë në aksionet e Prokurorisë dhe Policisë. Pa marrë përsipër të gjykojmë fajësinë apo provat e Prokurorisë që kërkoi arrestin me burg, fakt është se pjesa më e madhe e tyre janë përfaqësues të Partisë Demokratike. Duke nisur nga kryebashkiaku Fran Frrokaj, disa juristë dhe zyrtarë të tjerë të venë në pranga, janë anëtarë të selisë blu, ose kanë lidhje historike me të djathtën. Ky aksion pati reagime të ndryshme. Një pjesë e vlerësonin punën e policisë dhe të tjerë që ishin skeptikë mbi motivet e një stuhie arrestimesh, sepse vendosnin gishtin te sulmi politik duke arrestuar vetëm nga radhët e opozitës.
Dje vetëm kryetari i PD-së Lulzim Basha nuk ka reaguar. As selia e PD. Vonë në darkë kishte një reagim në një status personal vetëm deputeti demokrat i Shkodrës Romeo Gurakuqi, por ishte thjesht reagim personal. Një reagim vonë e bëri dhe nënkryetarja e bashkisë së Lezhës Alfrida Marku, e cila ishte mjaft e ashpër ndaj kryeministrit duke e quajtur arrestim politik për ti marrë bashkinë në zgjedhjet e vitit 2019. Por Lulzim Basha nuk foli.
Në çdo mënyrë që ta interpretosh mosreagimin e kreut të Partisë Demokratike, sërish ngjan si diçka pa sens. Basha është kryetari i partisë më të madhe në opozitë dhe njeriu që mban përgjegjësi edhe për zyrtarët lokalë që ka zgjedhur. Fran Frrokaj është zgjedhur nga PD dhe pikërisht si zgjedhje personale e Bashës, kryebashkiak i cili ka një përvojë të gjatë si pjesë e strukturave demokrate. Heshtja e Lulzim Bashës ndaj arrestimit të përfaqësuesit të PD-së lë shije te keqe ndër demokratët, edhe nëse ka fakte për kryebashkiakun.
Në Lezhë, fajtor apo jo, dje u arrestua thuajse gjithë PD-ja lokale dhe duket sikur në Tiranë ende nuk ka ardhur lajmi për këtë ngjarje, e cila ka shokuar dhe paralizuar një zonë të madhe demokrate. Lulzim Basha duhej të dilte dje në media dhe të fliste për operacionin. Nëse mendon se hetimet dhe akuzat janë të drejta, si lider perëndimor mund përshëndeste punën e Prokurorisë dhe të Policisë. Madje mund të shtonte se PD-ja nuk merr askënd në mbrojte politike, kur organet e drejtësisë janë duke vepruar konform ligjit dhe pa seleksionim politik. Sado keq që të ngjante një deklaratë e tillë, sërish tregonte se PD-ja ka një qëndrim dhe është e ndjeshme për atë që ndodh. Edi Rama, në dosjen Tahiri që ishte shumë herë më serioze, sërish pati një qëndrim distancues, pavarësisht se më vonë u bë mburojë e ish-ministrit. Por Basha edhe këtë nuk e bëri. Nuk doli, por u kujdes mbrëmë vonë të mblidhte krerët e PD-së të rretheve për organizimin e Kuvendit Kombëtar. Pra Lezha e tij si bastion ishte në flakë, kurse Basha darkonte pa e prishur terezinë.
Lulzim Basha dje mund të dilte pas operacionit të policisë dhe të gjente dhjetëra kleçka për aksionin, nëse nuk kishte bindje për arrestimin. PD-ja e Berishës ka një përvojë të gjatë në historinë e arrestimeve, ku edhe ngjarjet më të vogla i ka kthyer në kauza të së djathtës. Lulzim Basha mund të deklaronte se kemi të bëjmë me një goditje politike, siç është zakon sa herë arrestohet një zyrtar. Por as këtë nuk e bëri.
Kreu i PD-së kishte mundësi dje që duke pranuar se ligji është shkelur me pronat, të kërkonte të njëjtat masa ndëshkimore edhe ndaj kryebashkiakëve të kampit socialist, kur dihet se po bëhet nami në tokat e zonës bregdetare ku qeverisin socialistët. Edhe në Durrës është bërë masakër me pronat, në Fier, në Elbasan dhe disa bashki të majta. Por Basha nuk doli fare të thoshte, të paktën diçka. Ndërkohë që në parlament bën “namin” duke denoncuar kryeministrin, qeverinë dhe bashkitë socialiste, dje as që u ndje kryetari i PD-së.
Apo Kryeministri Rama dhe ministri Xhafaj i kanë ndonjë dosje në dorë Lulzim Bashës?! PD-ja heshti duke çuar, edhe me heshtje, mesazh kryeministrit dhe Kryeprokurores se “mund të arrestoni dorën e dytë nga PD-ja, por jo ish-ministrat e PD”.
Dje Lulzim Basha duhet të dilte para medias dhe të fliste. Heshtja tregon bashkëfajësi ose shitje të njërëzve të PD. Sali Berisha ishte ndryshe. Edhe Edi Rama. Edhe Ilir Meta. Nuk heshtnin, kur duhej folur, aq me tepër kur prangat janë në duart e përfaqësuesve të tyre.
Skema e falsifikimit të dokumenteve të pronësisë dhe tjetërsimi i kategorisë nga rërë në bujqësore është regjistruar edhe më parë prej prokurorisë shqiptare. Një muaj më parë në bashkinë Rrogozhinë u vunë në pranga 8 persona dhe dy u shpallën në kërkim për abuzimin me 11 mijë metër katror tokë në zonën bregdetare të Spillesë.
Ndërkohë në Kavajë në muajin nëntor të vitit të shkuar u zbuluan 135 praktika të falsifikimit të dokumenteve duke e ndarë tokën shtetëore në favor të individëve dhe më pas ish-zyrtarët e Bashkisë Kavajë dhe bashkëpunëtorë të tyre i shisnin tek persona të tjerë. Nga operacioni u vunë nën akuzë 11 persona ish-drejtues të lartë të Bashkisë por dhe ish-zyrtarë të zyrave të regjistrimit. Në listën e përfituesve të zbardhur prej policisë ishin dhe familjarë të ish-kryetarit të bashkisë Kavajë, Elvis Rroshi.
Një tjetër procedim është dhe rasti i dosjes së Gjirit të Lalzit. Në pranga u vunë 4 persona ndër të cilët dhe ish-kryetari i komunës Ishëm, Sulejman Ibrahimi. Sipas prokurorisë, ndalimi është bërë për shkak të abuzimit me ndarjen e tokave sipas ligjit për tokën, dhe të disa kontratave qiraje për dhënie të hapësirës publike plazheve.
Në korrik të vitit 2016 prokuroria vendosi të ndalojë ish-kryetarin e komunës Levan, Xheladin Malaj, dhe 3 zyrtarë të tjerë nën akuzën e “Shpërdorimit të detyrës” dhe “Falsifikim të dokumentave” duke favorizuar një subjekt në ushtrimin e aktivitetit në tokë shtetërore.
Dosjet e zyrtarëve të lartë për prona në fakt kanë vijuar dhe më tej në vite, teksa shpesh janë mbyllur për mungesa të provave. Në shkurt 2017, 20 hektarë janë sekuestruar pranë zonës së Porto Romanos. Në të njëjtin vit në Shkodër u bllokuan 23 mijë m2. Në maj 2016 u sekuestruan 220 hektarë tokë në zonën e Karaburunit dhe po në të njëjtin qark në vitin 2015 u sekuestruan 44 hektarë tokë.
Pas ndalimit të kryebashkiakut të Lezhës, Fran Frrokaj gazetar e PD-së, Rilindja Demokratike shkruan se këto janë arrestime politike të kundërshtarëve të Edi Ramës.
Gezata shkruan se kjo bëhet në mënyrë që të ngjallet frikë dhe panik tek qytetarët në një kohë që qeveria është shndërruar në një organizatë kriminale.
Rama ka nisur arrestimin e kundërshtarëve politikë me akuza të rreme. Kryebashkiaku i Lezhës Fran Frrokaj është shoqëruar në polici. Kreu i bashkisë akuzohet për ‘Tjetërsim pronash’. Sipas Prokurorisë politike kemi të bëjmë me “Shpërdorim detyre”. Duket se kemi të bëjmë me një fushatë të re politike të arrestimeve me synim ngjalljen e frikës dhe përhapjen e panikut tek qytetarët në një kohë që qeveria është shndërruar në një organizatë kriminale për lidhjet me trafiqet, krimin dhe korrupsionin – shkruan RD.
Me deklaratën e kreut të qeverisë Edi Rama se emigracioni është i mirë, në vend është rihapur debati mbi refugjatët shqiptarë që kanë ”pushtuar” vendet e BE-së.
Kundër zgjidhjes që po bëjnë shqiptarët duke braktisur vendin, ka dalë edhe ambasadorja e BE-së në vendin tonë, Romana Vlahutin. Nga Kukësi, ajo tha se azili nuk është zgjidhe, ndaj dhe bëri thirrje që zgjidhjen qeveria ta japë duke krijohen mundësi dhe punë këtu në Shqipëri.
”Diskutuam për aeroportin e Kukësit dhe jam në pritje të sutidmeve të fizibilitetit se ku qëndrojmë me atë projekt dhe cfarë mund të bëhet më tej dhe gjithashtu për të parë se çfarë mund të bëjmë më tepër për punësimin e të rinjve, sepse Kukësi është një nga ato bashki që po humbasin njerëz. Shumë prej tyre po bëjnë atë që është e pamundur, pra të kërkojnë azil në vendet anëtarë të BE, por kjo nuk është e mundur. Kërkimi i azilit nuk është rrugëzgjidhja, por ajo çfarë duhet bërë dhe çfarë po përpiqem të bëjnë është të ofrojmë mundësi këtu”,-tha Vlahutin.
Zbardhen detaje nga operacioni ‘Shefi’ i përfunduar 2 ditë më parë në Shqipëri e Itali ku në pranga janë vendosur 43 persona, 21 prej të cilëve janë shqiptarë. Në një konferencë për mediat, kreu i Prokurorisë së Krimeve të Rënda, Besim Hajdarmataj është shprehur se bëhet fjalë për një operacion të zhvilluar me grupe të përbashkëta të hetimit mes Prokurorisë së Krimeve të Rënda dhe DIA-s.
Ai zbuloi gjithashtu se në terren kishte edhe oficerë të DIA-s.
“Finalizimi i një bashkëpunimi të suksesshëm e të frytshëm. Është hera e parë që në një operacion të tillë asistojnë oficerë të DIA-s që treguan frymën e tyre të bashkëpunimit gjatë punës në terren me oficerë të policisë së shtetit. Janë siguruar gjithashtu masa sigurimi arrest me burg për Ferhat Hajdinin dhe Fiqiret Seferi për disa episode. Hetimet janë ende në vijim, duke premtuar rezultate pozitive në luftën e përbashkët kundër narkotikëve. Bashkëpunimi ynë është vijues edhe gjithëpërfshirës duke përmendur krijimin e skuadrave të përbashkëta hetimore, ku kemi edhe të arrestuar, si Dino Abazi.
Po kryhen hetime paralele nga Shqipëria e Italia për një numër procedimesh për sasi të mëdha narkotikësh, kryesisht kanabis, të trafikuara përmes formave të ndryshme”, deklaroi Hajdarmataj.
Dr.Ettore Cardinali, i prokurorisë anti-mafia të Barit, drejtues i hetimeve që çuan në kapjen e 43 personave konfirmoi informacionet e dhëna nga Hajdarmataj.
“Jam këtu për të verifikuar raportet e mira të besimit që janë vendosur me prokurorinë për krime të rënda që nga viti 2017 me skuadrën hetuese të përbashkët. Kemi konstatuar edhe bashkëpunimin e plotë të policisë në ekzekutimin e këtyre urdhrave të arrestit”, tha Cardinali, duke theksuar se bashkëpunimi do vijojë.
Pjesë nga deklarata e Besim Hajdarmataj:
Jemi këtu bashkë me kolegë nga Prokuroria e Barit dhe Antimafia e rajonit të Pulias për të shpjeguar për një operacion të përbashkët.
Më datë 14 mars 2018 në vendin tonë dhe në Itali janë nxjerrë urdhra arresti për 21 shtetas shqiptarë, prej të cilëve 19 të arrestuar dhe 2 të shpallur në kërkim, të cilët janë pjesë të grupeve të strukturuara kriminale që veprojnë në fushën e trafikimit të narkotikëve midis dy vendeve Shqipëri e Itali. Kryesisht, të kanabisit sativa, ku nga operacionet e kryera në shtetin italian në 2016-2017 janë sekuestruar 2.5 ton kanabis sativa, 1 kg heroinë dhe 1 kg kokainë.
Nga operacionet e kryera nga 2016 në Itali janë sekuestruar 2.5 ton kanabis sativa, 1 kg kokainë dhe 1 heroinë.
Arrestimi u si rezultat i hetimeve të përbashkëta.
Në 2017 mes dy prokurorive është bërë një marrëveshje e përbashkët hetimore për shkëmbimin e informacioneve dhe hetimit me grupe të përbashkëta.
Në pranha në Shqipëri janë vënë, Mariglen Shuha dhe Avni Seferi, të cilët ishin pjesë e një grupi kriminal të trafikut të drogës mes dy vendeve.
Nga bashkërendimi i të dhënave në kohë reale dhe puna e përbashkët me oficerët e DIAS Bari Italia u identifikuan dhe mbi bazën e urdhër arresteve ndërkombëtarë, të prokurorisë së barit, u bë arrestimi i tyre më 14 mars 2017.
Ky operacion kishte në përbërje oficerë të Policisë së Shtetit, të policisë gjyqësore të Krimeve të Rënda dhe oficerë të DIA-s. Ky operacion është një bashkëpunim i frytshëm duke dëshmuar vullnetin tonë në luftën kundër narkotikëve
Është hera e parë që në një op të tillë marrin pjesë asistojnë oficerë të DIA-s që treguan frymën e tyre të bashkëpunimit më Policinë e Shtetit.
Në kuadër të hetimeve janë caktuar masa sigurimi për 2 qytetarët shqiptarë Ferhat Hajdini Fiqiret Seferi dhe në kërkim Marlin Aliaj dhe Andi Peshku.
Rezultate ederitanishme tregojnë për vullnetin e përbahskët dhe integritetin profesional dhe njerëzor. Gjejmë me vend të theksojmë se bashkëpunimi me autotetet italaine është vijues dhe gjithpërfshirës me krijimin e skuadrave të përbashkëta hetimore me prokurorinë e Leçes.
Një prej të arretsuarve është Dine Abazi si pjesë e organizatës kriminale të trafikimit të narkotikëve mes dy vendeve. Na rezulton se po kryhen hetime paralele për një numër procedimesh për trafik të madh narkotikësh si kanabis nga deti, ajri dhe në raste të rralla nga pikat e kalimit kufitar; i referohem viteve 2016-2017.
Prokuroria antimafia i Barit nga ana e tij tha se “jam këtu për bashkëpunimin e vendosur mes dy prokurorive; bëhet fjalë për skuadrën investigative të përbashkët Falenderoj përfaqësuesit e Policisë së Shtetit që me shumë profesionalziëm kanë vijuar punën e tyre…… Në vijim të hetimeve janë vënë dy organizata të ndara, të ndryshme.
Pyetje nga mediat: A ka ky grup kriminal, asete në Shqipëri?
Hajdarmataj: Kemi bërë hetime, prokuroria italiane kishte filluar më parë. Ne krahas hetimeve nisin dhe hetimin pasuror.
