Aktualitet

Në një prej zonave krombajtëse në Tropojë është gjendur një masiv kromi me një vlerë të konsideruesheme.

Ky zbulim është bërë në Zogajt të Tropojës. Lajmi u bë i ditur nga biznesmeni Sahit Muja i cili pretendon se ka zbuluar në vendin e tij rezervën e kromit me sasinë më të madhe në botë.

‘Live ne Tropoje. Endrra e pa imagjinushme ralitet. Pas 8 vitesh investimesh e sakrificave te medha arritem te kapim nje nder rezervat me te medha te kromit ne bote ne Zogaj te Tropojes. Nje trup gjigant qe do ti siguroje kombit Shqiptare miljarda dollare. Ishte privilegj i madhe te kem shkencetaret me te mire ne bote e biznesmen te klasit botrore qe konfirmuan kte masive kromi qe eshte nder me cilsoret ne bote. Te gjathe ata qe nuk heqen dore nga une e qendruan pas meje ju falenderoj per punen fisnikerine e besimin. Perulem me shume rrespekt per te gjithe stafin e vllezrit e mi qe si luane erdhen nga Amerikaper te bere te mundur kte arritje kolosale. Zoti e bekofte dhe bashkoftekombin Shqiptare.’shkruan Muja krah fotos së publikuar në profilin e tij.

Deputeti i Partisë Demokratike, Enkelejd Alibeaj thotë se ngritja e Komisionit Hetimor për rastin e ish-ministrit të Brendshëm Saimir Tahiri, dhe fenomenin e kultivimit të drogës në vend, është aksioni i parë politik. Në emisionin “Kjo javë” me Nisida Tufën në “News24”, deputeti demokrat thotë se këto dy çështje janë në interes të publikut, pasi fenomeni i kultivimit të drogës është zgjeruar ndjeshëm pas vitit 2013.

Sipas Alibeajt, gjatë punimeve të këtij Komisioni do të diskutohet nëse ka patur pengesë të punës së Prokurorisë për rastin “Tahiri”. Duke përmendur ekstradimin e Nezar Seitit drejt Italisë, Alibeaj tha se një veprim i tillë u bë pengesë për hetimet e Prokurorisë.

“Nuk ka ndonjë të fshehtë të madhe për të kuptuar punën e komisionit hetimor. Objektiv i komisionit janë përcaktuar dy çështje kryesore, së pari për fenomenin e kultivimit dhe trafikimit të lëndëve narkotike. Ky fenomen ka patur edhe mbështetje politike, madje një zhytej totale politike, siç është rasti i përfshirjes së ish-ministrit të Brendshëm Saimir Tahiri. Së dyti pra është çështja e përfshirjes së ish-ministrit Tahiri. Komisioni hetimor nuk heton hetimet e prokurorisë, nuk e lejon ligji, kushtetuta, ajo çka ne kemi interes është korrektesa ligjore, pra fakti: “a e kanë mbështetur apO e kanë penguar të drejtën për të hetuar të organeve të Prokurorisë”, u shpreh deputeti i PD.

Alibeaj tha se ky Komision Hetimor do të ketë një afat kohor, pra nga një periudhë e caktuar kohore prej nga do të fillojë puna hetimore. Sa i takon rasteve të kultivimit të drogës në Shqipëri, Alibeaj pranoi se gjatë qeverisjes së PD ka qenë vetëm rasti i Lazaratit.

“Kur themi se do të diskutohet për fenomenin e kultivimit të drogës, nuk do të ketë limit, sepse çështja është sensibilitet publik, më shumë se politik. Ky fenomen, që unë e pranoj se ka patur ndonjë ishull të izoluar siç ishte Lazarati, dhe që ishte faj i yni; por ne pretendojmë që më së paku nga 2013 e këtej kultivimi i drogës u rrit ndjeshëm. Kjo ishte një strategji e qartë qeveritare, me mbështetje të qeverisë. Kemi prova që drejtues të policisë, të cilët u rimorën në punë pas 2013, kishin këtë gjë në fokus”, tha Alibeaj.

Policia shqiptare ka dhënë sot detaje të mega-operacionit të koduar “One If – By Land”, falë të cilit u shkatërruan 7 grupe kriminale që kishin krijuar një linjë të trafikut të klandestinëve nga Shqipëria, të kthyer në shqetësim për shumë vende të BE-së, por edhe për SHBA-të e Kanadanë e largët.

Bëhet fjalë për grupe të strukturuara që kishin linja e itinerare të qarta, e që në një hark të caktuar kohor kishin mundur të çonin në destinacion 1 mijë persona.

Për shkatërrimin e kësaj linjë, siç bën me dije edhe polica shqiptare rol vendimtar kanë luajtur edhe dy agjentë amerikanë të atashuar pranë ambasadës së SHBA- në vendin tonë.

“Operacioni u realizua në koordinim me Agjentët Specialë të Shërbimit Diplomatik të Sigurisë të Departamentit të Shtetit në SHBA, që janë atashuar në Tiranë, agjencitë e Departamentit të Sigurisë Kombëtare dhe Patrullimit të Kufirit të SHBA-ve”,- sqaron policia shqiptare.

KUSH JANE PARTNERET QE MOREN PJESË NË OPERACION
2 agjentët speciale të Shërbimit Diplomatik të Sigurisë së Departamentit Amerikan të Shtetit, të atashuar pranë ambasadës së SHBA-ve në Tiranë,

Përfaqësuesin e organizatës policore SELEC me qendër në Rumani,

Përfaqësuesin e policisë spanjolle,

Dogana dhe Mbrojtja Kufitare – Qendra Kombëtare e Targetimit, janë dy agjencitë që kanë asistuar në zhvillimin e hetimeve dhe realizimin e këtij operacioni.

Partnerë të tjerë që kanë asistuar dhe kontribuar në këtë operacion janë Agjencia e Shërbimeve Kufitare të Kanadasë, SELEC, EUROPOL, Interpol, Policia e Kosovës, Policia Kombëtare Spanjolle, Policia Franceze, Policia italiane, etj.

ITENERARET QË PËRDORNIN PËR TË TRAFIKUAR SHQIPTARET
• Shqipëri – Itali – Mbretëri e Bashkuar
• Shqipëri – Francë – Mbretëri e Bashkuar
• Shqipëri – Bullgari – Belgjikë – Republika Domenikane – SHBA / Kanada
• Shqipëri – Spanjë – Amerika Latine – SHBA/Kanada
Lidhur me provat dhe faktet e grumbulluara me metoda speciale hetimi, Prokuroria për Krimet e Rënda Tiranë ka kërkuar në Gjykata dhe ka nxjerrë Urdhëra Ndalimi për 51 shtetas shqiptarë të implikuar, nga të cilët janë ekzekutuar 39 të tillë dhe 12 shtetas të tjerë janë shpallur në kërkim.

Në konferencën për shtyp për megaoperacionin e policisë për goditjen e grupeve që trafikonin shqiptarë drejt SHBA-së dhe Kanadsë, kreu i policisë së Shtetit, Ardi Veliu, bëri me dije se në mesin e 39 të arrestuarve, janë edhe 4 punonjës të Policisë së Shtetit. Veliu bëri me dije se ata janë me detyrë kontrollorë në Pikat e Kalimit Kufitar, Hani i Hotit dhe Qafë Thanë, të cilët kanë shpërdoruar detyrën duke mos kryer regjistrimin e shtetasve të kontrabanduar në pikat e kalimit kufitar, në kundërshtim me ligjin.

Ata janë:

Çelnik MAKSUTI, 53-vjc Ilir ISMAILI, 32-vjeç, lindur e banues në Pogradëc, me detyrë kontrollor në P.K.K.Qafë Thanë.
Erjon MAXHARI, 28-vjeç, lindur e banues në Pogradec, me detyrë kontrollor në P.K.K.Qafë Thanë.
Gjokë UJKAJ, 46-vjeç, lindur e banues në Shkodër, me detyrë kontrollor në P.K.K. Hani i Hotit Shkodër.

Veliu bëri të ditur se këto shtatë grupe kriminale kanë arritur të dërgojnë në SHBA dhe Kanada plot 1mijë persona. Itineraret e ndjekur prej tyre janë Shqipëri-Itali-Mbretëri e Bashkuar, Shqipëri-Francë-Mbrëtëri e Bashkuar, Shqipëri-Bullgari-Belgjikë-Republikë Domenikane- SHBA- Kanada dhe Shqipëri-Spanjë-Amerikë Latine-SHBA-Kanada. Për çdo person paguhej nga 7 mijë paund për në Angli dhe 25-30 mijë dollarë për në SHBA dhe Kanada.

Ministri i Brendshëm Fatmir Xhafaj ka reaguar lidhur me mega aksionin e mbajtur sot nga Policia e Shtetit dhe oficerë amerikanë, që çoi në shkatërrimin e një rrjeti kriminal që merreshin me klandestinë. Ky grup krimial e ka bazen ne Lezhe. Përmes një reagimi në ‘Twitter’ Xhafaj theksoi se kjo ishte një goditje 7 në 1, ndërsa paralajmëroi aksione të tjera me rëndësi.