Aktualitet

Një shqiptar është plagosur me armë zjarri në Itali nga një karabinier, mbrëmjen e sotme.

Siç raportojnë mediat lokale ngjarja ndodhi në autostradën “A2” në Salerno. Një efektiv i stacionit në Battipaglia, ishte duke ndjekur me makinë një makinë tip “Fiat Croma” me në bord tre persona. Makina ishte e sinjalizuar si e vjedhur. Në një moment, 3 personat në Fiat braktisin mjetin dhe ia mbathin në këmbë.

Efektivi ishte duke kaluar pjesën ndarëse metatile të rrugës për të arritur personat që po largoheshin. Në një moment një ata kthehet në drejtim të agjentit, i cili teksa rrëzohet nga ndarësja metalike e rrugës qëllon me pistoletë.

Plumbi kap një 42-vjeçar shqiptar në gjoks. Identiteti i të plagosur nuk bëhet i ditur nga mediat italiane.

Raportohet se shqiptari është transportuar në spital dhe po i nënshtrohet një ndërhyrje kirurgjikale.

Shirat e papërqendruar të kësaj fundjave kanë bërë që muaji prill të trokasë me mot të paqëndrueshëm, me vranësira të shpeshta dhe shira lokalë.

Por duke nisur nga dita e hënë, sipas shërbimit Meteoalb, gjatë pjesës së parë të ditës vijon prezenca e shirave. Vranësirat do të jenë të shpeshta kryesisht në veri verilindje, por pasditja fuqizon kthjellimet në të gjithë vendin.

Dita e martë vijon me kthjellime dhe vranësira kalimtare deri në orët e vona të pasdites, kur vranësirat bëhen më të dukshme në territor.

E mërkura, gjatë gjithë ditës, paraqitet me kthjellime dhe alternime vranësirash. Era deri të mërkurën, do të fryjë e lehtë dhe mesatare, me shpejtësi deri 30 km/h nga drejtimi perëndimor.

Temperaturat e ajrit me rënie të lehtë mëngjesin e së hënës, por rritje me të paktën 2°C gjatë mesditës. Rritja do të vijojë të martën dhe të mërkurën duke variuar nga 6°C mëngjesi më i freskët në zonat malore deri mbi 28°C, në orët e mesditës, zonat perëndimore.

Zbatimi i Reformës në Drejtësi, sipas piketave kushtetuese të 22 Korrikut 2016 dhe paketës së 7 ligjeve mbështetëse, sjellë zbehjen deri në rënie të autoritetit të Prokurorit të Përgjithshëm në Shqipëri, duke projektuar, në të njëjtën kohë, një pushtet të ri, në sistemin e drejtësisë shqiptare.

Në muajt në vijim, në varësi të ecurisë së procesit të Vettingut, mbi Prokurorin e Përgjithshëm do të zgjatet hija e një kryeprokurori të ri paralel, i konceptuar për të udhëhequr luftën kundër korrupsionit dhe krimit në nivele të larta. Për shkak se, në shënjestrën e kryeprokurorit të ri do të jenë mëkatet e politikës dhe gjyqësorit, ky pushtet i ri, pritet të shndërrohet në qendër graviteti sa i takon vëmendjes dhe rëndësisë në luftën kundër kulturës së pandeshkueshmërisë në vendin tonë.

Dobësimi radikal i Prokurorit të Përgjithshëm është parashikuar në dy drejtime:

1. Në zhveshjen nga atributet ligjore sa i përket pushtetit brenda mureve të prokurorisë.

2. Në kufizimin e tërësisë së veprave penale, për të cilat mund të përfaqësojë akuzën para gjykatës.

Kushtetuta e ndryshuar dhe ligji i ri nr. 97/2016 për organizimin dhe funksionimin e prokurorisë e zhvesh Prokurorin e Përgjithshëm nga 13 kompetenca të rëndësishme, duke kthyer thjeshtë në një administrator të organit të akuzës, me zero influencë në fatin e një dosjeje konkrete. Në kuadër të pavarësisë dhe fuqizimit të rolit të prokurorëve, Prokurori i Përgjithshëm nuk ka më asnjë rol vendimmarrës, por mund të nxjerrë udhëzime me shkrim për prokurorët dhe oficerët e policisë së gjyqësore, për adresimin e problematikave të ndryshme. Udhëzimet janë vetëm të natyrës administrative ose procedurale.

Konkretisht, Prokurori i Përgjithshëm, humbet këto atribute:

Nuk dikton më drejtuesit e prokurorive dhe zëvendësit e tyre;

Nuk mund të zëvendësojë prokurorin e një çështjeje të caktuar;

Nuk mund të caktojë një prokuror për hetimin e një çështje;

Nuk mund të urdhërojë komandimin e prokurorëve;

Nuk mund t’i propozojë Presidentit, emërimin, transferimin, ngritjen në detyrë, largimin nga detyra dhe shkarkimin e prokurorëve;

Nuk mund t’i dikojë një prokurori mbylljen apo hapjen e një dosje;

Nuk mund të propozojë numrin e përgjithshëm të prokurorëve;

Nuk mund as të emërojë dhe as të shkarkojë Sekretarin e Përgjithshëm dhe kancelarët e prokurorive;

Nuk mund të urdhërojë më fillimin e procedimit penal kundër prokurorëve;

Nuk mund të urdhërojë procedimin disiplinor të prokurorëve;

Nuk mund të urdhërojë më fillimin e procedimit penal të policisë gjyqësore;

Nuk mund të mbikëqyrë shërbimin e inspektimit të prokurorisë, por vetëm mund t’i kërkojë i kërkon Inspektorit të Lartë të Drejtësisë të kryejë inspektime tematike;

Nuk thërret dhe nuk drejton mbledhjet e këshillit të prokurorisë.

Të gjitha këto atribute, janë shpërndarë në organe të tjera brenda sistemit, duke i dhënë një rol të rëndësishëm Këshillit të Lartë të Prokurorisë, figurës së prokurorit dhe sidomos Kryeprokurorit të Posaçëm. Në të njëjtën kohë, drejtësia e re, ka zbehur rolin e politikës në zgjedhjen e Prokurorit të Përgjithshëm, ndërsa ka eliminuar tërësisht rolin e Presidentit të Republikës. Deri më sot, Prokurori i Përgjithshëm ishte produkt i një kompromisi mes Presidentit dhe forcës politike që kontrollonte Parlamentin, duke prodhuar një kryeprokuror që garantonte paprekshmërinë e politikës.

Drejtësia e re parashikon ngritjen e një strukture speciale, tërësisht të pavarur, e ndarë në tre nivele, paralel me policinë gjyqësore, Prokurorin e Përgjithshëm dhe gjykatat me juridiksion të përgjithshëm. Bëhet fjalë për Byronë Kombëtare të Hetimit, Prokurorinë e Posaçme dhe Gjykatën Speciale. Tre organet përbëjnë atë që quhet SPAK-u, ndërsa bashkëveprojnë me njëri-tjetrin, të pavarur nga veprimtaria e prokurorive dhe gjykatave me juridiksion të përgjithshëm.

Autoriteti dhe pushteti i Prokurorit të Përgjithshëm i kalon pikërisht drejtuesit të Prokurorisë së Posaçme, për gjashtë arsye:

Për fuqinë që ka brenda Prokurorisë së Posaçme;

Për imunitetin nga ndikimi i politikës mbi të;

Për kategorinë e zyrtarëve dhe ish-zyrtarëve të lartë që mund të ndjekë penalisht për çdo vepër penale;

Për tërësinë e veçantë të veprave penale që ndjek dhe përfaqëson akuzën në gjykatat speciale.

Për paprekshmërinë në detyrë.

Për sigurinë juridike pas lënies së detyrës.

Me ngritjen e organeve të SPAK-ut, proces ky i kushtëzuar me ecurinë e zbatimit të ligjit të Vetingut, Kryeprokurori i Posaçëm bëhet autoriteti më i rëndësishëm në sistemin e drejtësisë. Kryeprokurori i posaçëm zgjidhjet dhe shkarkohet nga shumica e anëtarëve të Këshillit të Lartë të Prokurorisë, për 3 vjet, pa të drejtë rizgjedhjeje, ndërkohë që teorikisht, politika mund të influencojë vetëm tek pakica e anëtarëve të KLP. Teorikisht politika, e konsideruar si rreziku më i madh për pavarësinë e gjyqësorit, ka zero ndikim në fatin e Kryeprokurorit të Posaçëm.

Ndryshe nga Prokurori i Përgjithshëm, Kryeprokurori i Posaçëm, ka fuqi t’u caktojë çështje prokurorëve të posaçëm, t’i japë udhëzime një prokurori për një çështje konkrete të ndjekur prej tij, thërret mbledhjen e Prokurorisë së Posaçme si dhe mund të caktojë një prokuror tjetër për të drejtuar Prokurorinë e Posaçme, për një periudhë deri në 45 ditë.

Kryeprokurorit të Posaçëm i është besuar shembja e murit të pandeshkueshmërisë në Shqipëri dhe fronti u luftës kundër krimit. Në drejtimin e tij, Prokuroria e Posaçme duhet të hetojë dhe të mbrojë në gjykatë të gjitha akuzat penale për akuzat penale kundër Presidentit, kryetarit të Kuvendit, kryeministrit, ministrave, kryebashkiakëve, anëtarëve të Gjykatës së Lartë dhe Kushtetuese, deputetit, zëvendësministrit, anëtarëve të Këshillit të Lartë Gjyqësor dhe Këshillit të Lartë të Prokurorisë, si dhe drejtuesve të institucioneve qendrore ose të pavarura të përcaktuara në Kushtetutë. Në shënjestrën e Prokurorisë së Posaçme janë edhe të gjithë ish-funksionarëve të sipërpërmendur. Për këtë grup zyrtarësh dhe ish-zyrtarësh, Prokuroria e Posaçme ka në kompetencë të gjitha veprat e mundshme penale.

Rëndësia e Prokurorisë së Posaçme dhe drejtuesit të saj merr një tjetër dimension me grupin e veprave penale që kalojnë në kompetencë të SPAK-ut. Janë 40 vepra penale në kompetencë të Byrosë Kombëtare të Hetimit dhe Prokurorisë së Posaçme, si në rastin ku konsumohen nga grupi i pushtetarëve dhe ish-pushtetarëve, ashtu edhe nga njerëzit e zakonshëm.

Ky projekt historik ka pothuajse zero mundësi që të mbetet në letër. Për herë të parë në historinë e pluralizmit shqiptar, ka një garanci për zbatimin e tij. Ashtu si për mbikëqyrjen dhe asistimin në zbatimin ligjit të Vetingut, një komision i përbërë nga ekspertë të drejtësisë penale, të caktuar nga misionet e Bashkimit Europian dhe Qeverisë së Shteteve të Bashkuara të Amerikës në Shqipëri, do të angazhohet për mundësimin e zbatimit të ligjit të SPAK. Ky komision ndërkombëtar do të japë udhëzime dhe këshilla për themelimin dhe zhvillimin e Byrosë Kombëtare të Hetimit, për një periudhë 2-vjeçare.

Garancia parashikohet në pikën 9 të nenit 57 të ligjit të SPAK-ut. Rëndësi do t’i kushtohet rekrutimit dhe trajnimit të punonjësve të Byrosë Kombëtare të Hetimit. Ndoshta është pikërisht kjo garanci ndërkombëtare për zbatimin e ligjit të SPAK, sikundër po zbatohet edhe ligji i Vetingut, që ka prodhuar rezistencën e segmenteve të caktuara të politikës shqiptare kundër një prej reformave më të thella dhe të gjithanshme në historinë e shtetit shqiptar.  Shqiptarja.com

Kryebashkiaku Erion Veliaj,  apo “Lali Eri”, siç etiketohet në publik, bën jetën e një milioneri. Të paktën, kjo reflektohet nga të ardhurat që ai ka deklaruar pranë ILDKPKI. Nga një qytetar i varfër që ishte dikur, ashtu siç e ka pohuar edhe vetë se jetonte duke shitur fiq, sot, ai  jeton në një tjetër stad ekonomik.Duke shitur fiq apo jo, Veliaj, rezulton milioner.

“S’kam kompleks nga jeta ime, as nga varfëria me të cilën jam rritur, as nga familja dhe as nuk kam vrarë njeri. Nuk kam kompleks që kam shitur fiq në Pazarin e Ri dhe as që kam ikur në këmbë në emigracion. Se çdo shqiptar i ndershëm, në kushte të vështira ka shkuar në emigracion. Të tallesh me ta është pafytyrësi’, ka thënë Veliaj,  gjatë fushatës elektorale, kur kandidonte për kryetar të Bashkisë së Tiranës.

Në vitin 2013, Veliaj rezulton pronar një apartamenti 111 metër katror në Tiranë, me dy makina 23 mijë euro dhe 6 mijë euro si dhe me dy llogari bankare.

Në vitin 2014, Veliaj ka deklaruar pesë llogari bankare, dhe të ardhurat e  bashkëshortes nga dhjetë burime, përfshirë këtu edhe llogaritë bankare.

Kryebashkiaku Erion Veliaj ka deklaruar një rrogë rreth 12 milionë lekë të vjetra për vitin 2015, ku një pjesë e ka përfituar nga posti i tij si ministër i Mirëqënies Sociale dhe një pjesë tjetër si Kryetar i Bashkisë së Tiranës.

Ndërsa ka vijuar gjatë vitit 2016 të shlyejë një kredi të marrë në gusht të 2015.

Të ardhurat nga paga për vitin 2016 Veliaj i ka pasur 1.5 milion lekë, ndërkohë që ka deklaruar një llogari me 1.1 milion lekë dhe 1 mijë euro.

Ndërsa bashkëshortja e tij, Ajola Xoxa ka deklaruar shitjen e një apartamenti 88 mijë euro.

Në kategorinë e të ardhurave, për vitin 2016 ajo ka deklaruar konsulencë ligjore 7.5 milionë lekë si dhe konsulencë me UNICEF 260 mijë lekë.

CNA.al po sjell pasurinë e Veliajt ndër vite, referuar të dhënave të marra nga Open Spending Albania dhe formularëve të marra pranë ILDKPKI.

Pronar me 100% i Ap. banimi Tiranë me sip. 111.2 m2, me blerje, vlera 5 115 200 lekë.

Gjendje e llogarisë në valutë të huaj ku është zotërues me 50% në vlerën 5 290 euro.

Gjendje e llogarisë në valutë të huaj ku është zotërues me 50% në vlerën 7 500 dollar.

Pronar me 100% i veturë tip Peugeot, blerë në vitin 2008, vlera 23 000 euro.

Pronar me 100% i veturë tip Volkswagen Tuareg, blerë në vitin 2013, vlera 6 000 euro.

Paga bruto si Ministër 595 000 lekë.

Shpërblime nga Kuvendi 52 896 lekë.

Paga neto si ministër i Mirëqenies Sociale dhe Rinisë, 1 551 834 lekë.

Bashkëshortja, të ardhura nga paga për shërbime konsulence ndaj zyrës ligjore “Tashko-Pustina sh.p.k”, nga 1 janari 31 mars 2014, 733 920 lekë.

Bashkëshortja, të ardhura nga paga për shërbime konsulence ndaj zyrës ligjore “The Partners sh.p.k”, 360 000 lekë.

Bashkëshortja, të ardhura nga paga si lektore pranë Universitetit Evropian të Tiranës, 1 janar – 28 shkurt 2004, 70 226 lekë.

Gjendja e llogarisë bankare në një bankë të nivelit të dytë, 25 007 lekë.

Gjendja e llogarisë bankare në një bankë të nivelit të dytë, 692 euro.

Gjendja e llogarisë bankare në një bankë të nivelit të dytë, pakësuar me 9 euro.

Gjendja e llogarisë bankare në një bankë të nivelit të dytë, 5 305 euro pjesa takuese 50%.

Gjendja e llogarisë bankare në një bankë të nivelit të dytë, 7 516 dollarë pjesa takuese 50%.

Bashkëshortja, gjendja e llogarisë bankare në një bankë të nivelit të dytë, 19 801 euro.

Bashkëshortja, gjendja e llogarisë bankare në një bankë të nivelit të dytë, 4 879 euro.

Bashkëshortja, gjendja a e llogarisë bankare në një bankë të nivelit të dytë, 11 241 lekë.

Bashkëshortja, gjendja e llogarisë bankare në një bankë të nivelit të dytë, 5 303 euro ku pjesa takuese 50%.

Bashkëshortja, gjendja e llogarisë bankare në një bankë të nivelit të dytë, 7 516 dollarë pjesa takuese 50%.

Kontratë shitblerje autoveture, 5 000 euro.

Bashkëshortja, kontratë sipërmarrje, për ndërtim ap. 171 m2 plus verande, 88 641 euro pale ne sipërmarrje Agi-Kons shpk pjesa takuese 33%.

Paga si Ministër i Mirëqenies Sociale dhe Rinisë 557 764 (pesëqind e pesëdhjetë e shtatë mijë e shtatëqind e gjashtëdhjetë e katër) lekë.

Paga si Kryebashkiak 656 832 (gjashtëqind e pesëdhjetë e gjashtë mijë e tetëqind e tridhjetë e dy) lekë.

Zonja Ajola Xoxa të ardhura nga aktiviteti i konsulencës ligjore biznes i bogël regjistruar me NIPT për 2015 vlera 3 264 735 (tre milion e dyqind e gjashtëdhjetë e katër mijë e shtatëqind e tridhjetë e pesë) lekë.

Konsulencë financuar nga USAID dhe UN Ëomen 170 000 (njëqind e shtatëdhjetë mijë) lekë.

Shtuar llogaria bankare me 867 633 lekë krijuar nga paga.

Shtuar llogaria bankare me 427 Euro.

shtuar llogaria bankare e 5 euro.

shtuar llogari bankare nga paga me 5 307 euro.

shtuar llogaria bankare me 5 288 USD.

Zonja Ajola Xoxa llogari bankare 23 649 euro të ardhura nga puna.

Zonja Ajola Xoxoa llogari bankare 1 025169 lekë të ardhura nga puna.

Zonja Ajola Xoxa llogari bankare në vlerë 2 930 euro.

Zonja Ajola Xoxa llogari bankare 15 072 lekë.

Zonja Ajola xixa llogari bankare 5 307 euro pjesa takuese 50%.

zonja Ajola Xoxa llogari bankare 8 288 USD ku pjesa takuese është 50%.

Llogari bankare në euro 217 euro.

Llogari bankare në lekë me burim të ardhura ushtrim profesioni 1 100 328 lekë.

Viti 2016

Të ardhura neto nga paga si Kryebashkiak, 1 555 204 lekë.

Bashkëjetuesja zonja Ajola Xoxa, të ardhura neto nga aktiviteti konsulencë ligjore, biznes i vogël me NIPT vlera 7 597 703 lekë.

Bashkëjetuesja Ajola Xoxa të ardhura nga konsulenca për B. Y. L. A financuar nga UNICEF në vlerën 112 400 lekë.

Bashkëshortja, të ardhura neto si drejtuese e konsulentëve, projekt i UNICEF, 153 000 lekë.

Gjendje llogarisë bankare, 1 172 042 lekë.

Gjendje llogarisë bankare, 1 025.21 euro.

Gjendje llogarisë bankare, 5 308.29 euro.

Gjendje llogarisë bankare, 8 295.10 dollarë.

Bashkëjetuesja Ajola Xoxa gjendje llogarisë bankare, 40 254 euro.

Bashkëjetuesja, gjendje llogarisë bankare, 33 969 lekë.

Bashkëjetuesja, gjendje llogarisë bankare, 1 948.39 euro.

Bashkëjetuesja, gjendje llogarisë bankare, 13 272.64 lekë.

Bashkëjetuesja, kontratë finale blerje apartament banimi më 26.07.2016, porositur më 06.05.2012 së bashku me dy porositës të tjerë të cilët janë tërhequr duke mbetur Znj. Xoxa blerëse e vetme, 88 641 euro.

Bashkëshortja, gjendje llogarisë bankare, 37 829 euro.

Bashkëshortja, gjendje llogarisë bankare, 1 574 lekë.

Është shlyer gjatë vitit 2016 vlera 720 826 lekë për një kredi me vlerë totale 6 100 000 lekë me afat 180 muaj e disbursuar me datë 31. 08. 2015. E mbetur pa shlyer në 31 dhjetor 2016 vlera 5 815 845 Leke