Ministri i Ekonomisë dhe i Financave, Arben Ahmetaj, është shprehur për projektet dhe planet e qeverisë, e cila do të ndërmerret me mbledhjen e taksës së Rrugës së Kombit.
Ahmetaj tha se qytetarët duhet të informoheshin më mirë dhe se kontrata është negociuar me kujdes.
“Ka filluar një diskutim jo i drejtë i taksës së qarkullimit dhe shumëkush ngre argumenta rreth kësaj taske. Taksa është pjesë e thesit të madh të buxhetit të shtetit. Këto para shkojnë që nga pensionet, tek borxhi i trashëguar, se kjo qeveri nuk ka lejuar borxh të ri, që tek shkolla, spitale e deri te ndihma ekonomike
Rrugët nacionale nga buxheti i shtetit kanë tërhequr 40.7 miliardë lekë në vitin 2013. Në vitin 2014, ku na lanë gropën e madhe të borxhit, investuam 230 mln dollarë, në 2015 220 mln dollarë, në 2016 157 mln dollarë, në 2017 225 mln dollarë, dhe plani për këtë vit është 244 mln dollarë,” tha Ahmetaj në Komisionin e Siguris
Ahmetaj: Me 5 euroshin do ndërtojmë shkolla dhe spitale”
Deputetë të opozitës dhe familajrë të protestuesve kanë tentuar të futen brenda ambienteve të sallës së gjyqit ku po zhvillohet seanca për 23 të arrestuarit e protestës të së shtunës në Rrugën e Kombit.
Në videon e publikuar shikohet qartë momenti se si njëri nga familajrët e të arretuarve ka hipur sipër njerëzve të pranishëm, po ashtu edhe sipër forcave të policisë për t’u futur brenda me forcë.
Arkeolog , meteorolog, postier dhe tani edhe fotograf; i pajisur me 13 kamera që shkëpusin imazhe nga të gjitha drejtimet, mbërrin R1, ‘selfie drone’ i aftë të bëjë foto dhe video në lëvizje nga perspektiva e protagonistit në çfarëdo ambienti, por në mënyrë të plotë autonome.
E kanë bërë të mundur tre studentë të Institutit të Teknologjisë së Massachussets , me seli në San Francisco.
Për të nisur dhe lëshuar atë përdoret një aplikacion, me të cilin mund të programoni paraprakisht kushtet e fluturimit ose nëse preferoni, përdorni kontrollin manual.
“Është një aparat fluturues dhe autonom që kupton se ku je, vendin rreth jush, dhe lëviz për të bërë video që ndryshe nuk mund të bëhen”, komenton Adam Bry, një nga shpikësit.
Gjendet motori i ujit që 32-vjeçari, Santo Ymeraj humbi që prej natës të së premtes, para gjashtë ditësh. Motori i detit është gjetur mbrëmjen e djeshme nga familjarët e 32-vjeçarit në Budva të Malit të Zi.
Motori ka qenë në largësi prej 10 miljesh nga bregu i Budvës dhe sipas familjarëve, ai ishte gjysmë i mbytur dhe vetëm pjesa e parë ishte mbi ujë.
Motori është vërtetuar nga vetë familjarët nga ngjyra e bardhe dhe disa shenja të tjera.
Ndërkohë që dhe ditën e sotme kanë vijuar kërkimet për gjetjen e trupit të 32-vjeçarit nga familjarët me mjete detare tip gomone si dhe një helikopter që e kanë marrë me qira vetë familjarët. Por deri tani asnjë shenje të trupit të Sato Ymeraj.
Një nga perlat e natyrës shqiptare, tepër e lakmuar prej vizitorëve që rendin nëpër Shqipëri është edhe “Syri i Kaltër”. Por, mund të udhëtosh rehat prej Gjirokastrës apo Sarandës drejt tij dhe “merohesh” siç thonë gjirokastritët për dy kilometra rrugë. Kthesa nga rruga nacionale deri te burimi është një torturë e vërtetë.
Rruga është e paasfaltuar dhe me gropa. Janë bërë shumë promovime për këtë perlë të natyrës shqiptare si një destinacion turistik, por akoma nuk është menduar për 2 kilometra rrugë të paasfaltuar.
Është një destinacion që vizitohet shumë edhe nga të huajt, por shërbimi në këtë pikë turistike lë për të dëshiruar. Edhe shërbimi ambulant apo i përhershëm atje duhet menaxhuar më mirë. Të kujdesemi që këtë sy të kaltër ta kthejmë në një sy që shikon drejt një turizmi modern.
Syri i Kaltër ndodhet pranë rrugës midis Sarandës dhe Gjirokastrës. Është një luginë shumë piktoreske ku nga një burim i kaltër del një ujë i kristaltë. Nga thellësia e burimit uji merr ngjyrën e kaltër nën rrezet e diellit dhe hijes së pemëve. Eshtë burimi më i madh dhe më interesant ndër 18 burimet që shpërthejnë rrëzë malit të Gjerë.
Syri i Kaltër është shpallur monument natyre. Forma e tij është ovale e ngjashme me formën e një syri, shpërthen nga toka i errët në mes dhe i kaltër anash. Thellësia e tij është tepër e madhe, arrin deri në 45 m thellësi. Ndodhet përballë fshatit Krongj, 45 m nën nivelin e luginës së Drinos dhe është shkarkim kryesor i malit të Gjerë. Është burim me ujëra të freskëta dhe të ëmbla i rrethuar me bimësi të dendur dhe me gjelbërim të përhershëm.
Burimi i lumit të Bistricës, që përshkon një pjesë të jugut të Shqipërisë, i shëmbëllen vërtet një syri të madh rrumbullak me diametër afro dhjetë metra.
Bebja e syrit, një gropë e thellë pus, nga ku uji ngjitet lart si në një kazan që sapo ka filluar të vlojë ka një ngjyrë blu në të zezë. Ajo vjen e rrethohet pastaj nga pjesa e kaltër e syrit që bëhet e tillë ngaqë thellësia e burimit aty është më e pakët.
Bukuria e kërkuar nga shumë vizitorë, gjendet pikërisht aty buzë rrugës nacionale Sarandë-Delvinë-Gjirokastër. Nëse udhëtimi ndjek të kundërtën e rrjedhës së Bistricës, arrin në burimin e Syrit të Kaltër, aty ku gjelbërimi shkrihet në ujërat që rrjedhin.
Një tabelë udhëzuese të drejton për nga Syri i Kaltër. Një ndalesë e vogël për të hyrë në parkun që administrohet nga ndërrmarrja pyjore Delvinë, në një rrugë gjarpëruese, paralel me basenin e madh të burimit.
Gjithë uji i ëmbël i burimit rrethohet nga një bimësi e shumëllojshme. Kënga e zogjve, aromat e gjelbërimit dhe fëshfërima e rrepeve mbetet grishëse. Këtu vizitorët e huaj ndalen, fotografojnë, shijojnë ujin e burimeve që rrjedhin, si dhe gatimet në dy lokalet turistike.
Ka njerëz që takohen në rrugë dhe krijojnë një magnetizëm të madh ndaj tyre. Astrologët besojnë se ekziston një lidhje e pazgjidhshme mes hijeshës dhe shenjave të zodiakut. Këtu janë shenjat që kanë bukuri më të madhe nga të tjerat:
Shigjetari
Njerëzit e kësaj shenjeje preferojnë një dashuri për jetën, por ata digjen me pasion drejt gjysmës tjetër së tyre.
Shigjetarët preferojnë harmoni të intimitetit, për ta është e rëndësishme që partneri i tyre të jetë i kënaqur. Sekreti i karizmës është siguria e pashembullt në aftësitë e tyre. Këto karakteristika të shenjës ndihmojnë për të arritur qëllime të mëdha në këtë shenjë.
Akrepi
Akrepat janë njerëz shumë aktivë, të gatshëm për ndryshime kolosale në çdo kohë. Gjithkush dëshiron të kryejë eksperimente në shtrat, por jo të gjithë vendosin t’i zbatojnë ato në momentin më të rëndësishëm.
Virtyti i akrepit është se ai pëlqen të studiojë trupin e të dashurit të tij për kënaqësinë maksimale. Refuzimi i ashpër i akrepave nuk është i mirë, ata janë në gjendje të tradhëtojnë. Në të njëjtën kohë njerëzit e kësaj shenje nuk kanë turp për eksperimentet, por justifikojnë gjithçka me dashurinë dhe afeksionin e tyre.
Binjakët
Binjakët pëlqejnë të kundërshtojnë veten e tyre dhe kjo vetëm mund të ndez marrëdhëniet. Binjakët janë interesante kryesisht nga njerëz të lodhur nga mërzia e jetës së përditshme, sipas pathos. Ata mund ta pushtojnë zemrën e një personi vetëm duke e parë atë. Fakti është se mërzia është e padurueshme për ta. Binjakët janë elegante dhe ekspresivë.
Megjithëse prej katër ditësh lajmi kryesor në vend është protesta e Kalimashit dhe arrestimi i 23 qytetarëve, ajo që bie në sy është heshtja e komunitetit ndërkombëtar.
I vetmi që është shprehur publikisht gjatë këtyre ditëve ka qenë ambasadori britanik në Tiranë, sipas të cilit dhuna nuk është zgjidhje.
Ambasadori amerikan, Donald Lu nuk i ka komentuar këto zhvillime dhe në rrjetet sociale ka pasur zëra që kanë kërkuar një qëndrim prej tij.
Por ku ndodhet ambasadori? Gazetari Robert Goro ka publikuar në faqen e tij në facebook një fotografi me ambasadorin Lu nga aeroporti i Athinës, por pa e specifikuar se kush ishte destinacioni i diplomatit amerikan.
“Nje befasim i kendshem ne aeroportin nderkombetar te Athines. As edhe nje bodyguard rreth tyre, as sherbim VIP apo bilete business class. Duke pritur me durim ne radhe, me shumicen e qytetareve qe udhetonin ne economy class, edhe ambasadori i SHBA-ve ne Tirane, Donald Lu me familjen”, shkruan Goro.
Këtu të gjithë flasin për moral, ndërkohë që morali ka kohë që e ka humbur kuptimin e vet.
Pak më parë “Pamfleti” shfaqi shqetësimin se Pallati 17 katësh tek Liqeni Artificial i dhënë nga ish kryebashkiaku Lulzim Basha si dhuratë për klientin e tij Bashkim Ulaj, pritet të shërbejë prapë si objekt ‘dhurimi’.
Ai do t’i dhurohet Bashës në “pjatancë” nga Rama në këmbim të tërheqjes nga protestat për taksën e rrugës së Kombit.
Gjykata me brekë nëpër këmbë e ka në dorë një gjë të tillë dhe pritet që në këto kushte vendimi të jetë pro klientit të Bashës, ndërtuesit të familjes Bashkim Ulaj.
Ndërkohë që ky pallat është dhënë nga Basha në vitin 2014. Teksa argumentonte kundër protestuesve të atëhershëm se bashkia e Tiranës për këtë çështje, nëpërmjet një deklarate për median thotë se “Projekti zhvillimor kufizohet vetëm brenda pronës private dhe shfrytëzon vetëm 40 % të truallit privat dhe në përfundim të tij, qyteti do të përfitojë edhe 20 mijë metra katrorë hapësirë publike dhe gjelbërim.
Ajo që tronditi mendjet e publikut dhe nervat e tij ishte fakti i ndërtimit të pallatit 17-katësh që do të ngrihet mu tek diga e “Liqenit Artificial”. Edhe pse fasha të gjera të shoqërisë janë ankuar dhe kanë protestuar ndaj këtij ndërtimi, Bashkia e Tiranës është mjaftuar me prononcimin e thatë se: “pallati nuk do ta cenojë pronën publike”.
Edhe pse Inspektorati Kombëtar për Mbrojtjen e Territorit arriti të bllokojë punimet për mungesë dokumentacioni, ishte Gjykata ka vendosur vazhdimin e tyre. Madje ka qënë dhe Ish ministri i Drejtësisë përfaqësues i LSI Ylli Manjani, në atë kohë nënkryetar i LSI, ai që e quajti projektin e ndërtimit të një kompleksi pallatesh në afërsi të Digës së Liqenit në Tiranë, një skandal shumëdimensional me firmën dhe bekimin e kreut të Bashkisë së kryeqytetit, Lulzim Basha.
“Ai kompleks atje që ngjan me një qytet të ri, është një skandal juridik, është një korrupsion politik dhe një katastrofë urbane e shoqëruar nga një katastrofë mjedisore gjithashtu. Duhet ndaluar me çdo kusht. Është një çmenduri që një kryetar bashkie që erdhi me premtimin për të ndaluar betonizimin…është e pafalshme dhe e patolerueshme deklarata e Bashkisë që duke prerë pemë dhe duke shtuar beton shtohet gjelbërimi!”, thotë Manjani në atë kohë.
Madje ai deklaroi se mazhoranca qeverisëse është e vendosur ta ndalojë këtë projekt.
“Me të gjitha mjetet ligjore do të ndalohet. Duhet ndaluar se s’bën! Nuk mund t’u zëmë frymën njerëzve. Nuk ka asnjë kriter urbanistik ai lloj ndërtimi. Është korrupsion politik sepse po bëhet nga klientë të pushtetit, janë klientët e Bashkisë së Tiranës që nuk mund të pranohet. Kjo mazhorancë ka dëshmuar se ka vullnet për ta pastruar territorin, për ta mbrojtur territorin nga katastrofat urbane dhe do ta bëjë këtë punë.
Ditën që do ta lërë këtë punë, kjo mazhorancë nuk duhet të jetë në pushtet”, tha Manjani.
Sot ka ndryshuar qëndrim. Madje po hesht dhe vetë Jamarbër Malltezi. Më 2012, kohë kur në krye të Bashkisë së Tiranës ishte Lulzim Basha, superdhëndri është paguar nga shefi i tij për të bërë vlerësimin strategjik mjedisor të Planit të Përgjithshëm Vendor, një plan i cili legjitimoi ndërtimin e një sërë pallatesh shumëkatëshe në disa nga zonat e gjelbëruara të Tiranës, si pallati 17 katësh te Diga e Liqenit apo përballë Fakultetit të Ekonomisë.
Dhe pasi u bllokua, me kërkesën e Veliajt, superdhëndërri protestoi rëndë atje.
Kryetari i Bashkisë Veliaj u shpreh kundër ndërtimit të pallatit 17 katësh te diga pasi leja e dhënë bie ndesh me raportin e Bordit të Digave.
Sipas tij kjo çështje me interes për qytetarët dhe parkun e liqenit nuk mund të gjykohet nga gjyqtarë që janë familjarë me ndërtuesit e pallatit 17-katësh.
Tashmë pritet që Rama t’ia “dhurojë” në tavolinë këtë pallat Bashës, thjeshtë e vetëm si “mall këmbimi” për të mbyllur gojën për taksën e Rrugës së Kombit. Nuk e ka për herë të parë.
I dha dhe 13.3 milionë euro vjehrrit të Bashës, pavarësisht se kishte ndërtuar një pallat në det, kundër çdo ligji.
