Aktualitet

Duket se shumë shpejt do kemi emra dhe detaje. Bëhet fjalë për rezultatet e njè operacioni që është kryer në fshehtësi të plotë dhe falë koordinimit të një numri të gjerë institucionesh, për gjurmimin dhe identifikimin e pasurive të paligjshme, të zyrtarëve shqiptarë, të fshehura brenda dhe jashtë Shqipërisë.

Organet ligjzbatuese shqiptare, në bashkëpunim me agjencitë ndërkombëtare të zbatimit të ligjit, kanë mundësuar vitin e kaluar verifikimin e pasurive të paluajtshme dhe parave të pista të gjyqtarëve, prokurorëve, politikanëve, ambasadorëve dhe drejtorëve shqiptarë, të fshehura brenda dhe jashtë vendit.

13 personazhe me influencë të madhe në Shqipëri kanë rënë në rrjetën e këtij operacioni gjatë vitit 2017, ndërsa në total janë sekuestruar 9 milionë euro si para të pista.

Dje, kreu i Drejtorisë së Përgjithshme të Parandalimit të Pastrimit të Parave, Arlind Gjokutaj, gjatë raportimit në Komisionin e Sigurisë Kombëtare, tha se vetëm brenda një muaj, Drejtoria e Përgjithshme të Parandalimit të Pastrimit të Parave i ka kthyer përgjigje Inspektoratit të Lartë të Deklarimit dhe Kontrollit të Pasurive për 3 mijë persona të verifikuar, ku përfshihen jo vetëm njerëzit e drejtësisë, por edhe zyrtarë të niveleve të ndryshme, të cilët duhet të deklarojnë pasurinë.

Gjokutaj, tha gjatë raportimit në Komisionin e Sigurisë Kombëtare, janë verifikuar rreth 7000 persona për aktivitet të dyshimtë për pastrim parash.

“Viti 2017 ka qenë intensiv për institucionin tonë. Çështjet që meritojnë vëmendje: Vlerësimi nga komiteti MANIVAL për pastrimin e parave. Jemi në një fazë të avancuar. Procesi përfshin institucione të rëndësishme, si BB, AMF, prokuroria, policia, Doganat, Tatimet, Ministria e Jashtme, etj. Para muajit korrikut do të kemi raportin, procesi është në vijim. Sa i takon, bashkëpunimit me Prokurorinë, Policinë dhe SHISH, ka elementë për të rregulluar. Kemi referuar 401 raste të dyshuara për pastrim parash. Gjatë viti 2017: janë lëshuar 52 urdhra bllokimi për 11.2 milionë euro dhe janë sekuestruar rreth 9 milionë euro. Kemi bashkëpunim të drejtpërdrejtë me KPK, si dhe kemi shkëmbyer informacione me ndërkombëtarët në nivel Shërbimi Inteligjent. Kemi verifikuar rreth 7000 persona për aktivitet të dyshimtë për pastrim parash”/Shqiptarja.com/

Drejtoria e Përgjithshme e Parandalimit të Pastrimit të Parave ka zbuluar se 13 zyrtarë të lartë kanë tentuar të pastrojnë paratë e vënë nga korrupsioni. Ditën e djeshme drejtori i Pastrimit të Parave, Arlind Gjokutaj raportoi në Komisionin e Sigurisë mbi punën e institucionit që ai drejton për vitin e kaluar.

Sipas të dhënave të bëra publike, gjatë viti 2017 kjo drejtori ka hetuar rreth trembëdhjetë zyrtarë të lartë nën akuzën e shpërdorimit të detyrës apo korrupsionit kryesisht pasiv.

Gjithashtu gjatë vitit 2017, kjo drejtori lëshoi 52 urdhra bllokimi të llogarive bankare me një vlerë totale për 11,2 milionë euro, nga të cilat 9 milionë euro janë sekuestruar.

Ndërsa sipas drejtorie janë verifikuar rreth 7000 persona për aktivitet të dyshimtë për pastrim parash në bashkëpunimi me institucione të rëndësishme, si BB, AMF, prokuroria, policia, doganat, tatimet, Ministria e Jashtme, SHISH, partnerët ndërkombëtar, etj.

Ndërkohë që interesant është fakti se për një periudhe 4 vjeçare nga ana e DPPPP janë bllokuar plot 75 milionë euro, prej të cilave janë sekuestrua 40 milionë euro.

Po ashtu, sa i takon vitit 2017 nga ana e Drejtorisë së Pastrimit të Parave janë identifikuar 5 raste për financimi të terrorizimit, të cilët janë kallëzuar në prokurori. Sakaq, sipas kësaj drejtorie janë rreth 272 raste të cilët janë hetuar dhe paditur në prokurori, pasi nuk dihej burimi i të ardhurave financiare. Ndërsa gjatë vitit 2017, sipas të dhënave të kësaj drejtorie janë hetuar për evazion fiskal plot 16, të cilët janë kallëzuar edhe në prokurori. Nga ana tjetër, kjo drejtori ka vlerësuar edhe bashkëpunimin e mirë që ka pasur gjatë vitit që shkoi me prokurorinë, policinë dhe SHISH në kuadër të hetimeve të nisura prej saj.

Gjokutaj deklaroi gjithashtu  se në kuadër të procesit të vetingut janë verifikuar rreth 3 mijë gjyqtarë, prokurorë dhe familjarët e tyre. Madje, ai theksoi se numri më i madh i hetimeve është bërë për llogari të ILDKP në kuadër të procesit të vetingut, ndërsa shtoi se është bashkëpunuar fort me KPK dhe ONM, si dhe me agjencitë e huaja dhe ato ligjzbatuese shqiptare.

“Kemi kryer hetime dhe kemi kthyer përgjigje për 3000 persona. Kryesisht hetimin e kemi bërë të thellë në kuadër të procesit të vetingut, nga ku janë hetuar gjyqtarët, prokurorët dhe familjarët e tyre. Kemi bashkëpunuar ngushtë Komisionin e Pavarur të Kualifikimit, Operacionin Ndërkombëtar të Monitorimit, partnerët dhe agjensitë homologe, si dhe me ekspertët e FBI e OPDAT për të hetuar pasuritë e njerëzve të drejtësisë në kuadër të procesit të vetingut”, citon gazeta “Sot”.

Në të njëjtën kohë, drejtori Gjokutaj bëri të ditur se në kuadër të procesit të vetingut që pritet të ndodhë në Policinë e Shtetit, sipas tij, do të jenë mesatarisht plot 50 mijë efektivë policie dhe familjarët e tyre që do të kalojnë në sitën e kësaj drejtorie.

Rusia ka paralajmëruar mundësinë e një kundërpërgjigjeje ndaj veprimit të sotëm të Shqipërisë, në lidhje me unifikimin e vendimit për të dëbuar zyrtarë rusë nga shtetet e NATO-s.
Në një prononcim për Report tv, Zv.Ambasadori i Rusisë në Tiranëm Dmitry Kazmin shpreh keqardhje për heqjen e dy diplomatëve rusë nga ana e qeverisë shqiptare, duke deklaruar se do të jetë koha ajo që do të vërtetojë se veprimi I palës shqiptare ka qenë i gabuar.

Madje Kazmin është shprehur se Rusia nuk e përjashton mundësinë e një kundërpërgjigjeje, një deklaratë kjo e cila në terma të gjuhës diplomatike mund të konsiderohet mjaft serioze.

“Lidhur me vendimin e autoriteteve shqipetare per largimin e dy diplomateve ruse, na duhet te shprehim keqardhjen per kete rast. Ky vendim bie ndesh me perpjekjet tona per permiresimin dhe intesifikimin e marredhenieve dypaleshe. Vendimi eshte i pabazuar dhe koha do ta tregoje kete. Ne kete situate nuk mund te perjashtohen edhe kundermasat nga pala ruse. Edhe njehere tjeter dua te shpreh keqardhjen per cka ndodhi. Veprimi i pales shqipetare i kundervihet frymes pozitive per marredhenie te mira midis dy vendeve.Pozitën zyrtare ju do të merrni në të ardhmen e afërt.”- shprehet zv.ambasadori rus.

Kjo e hënë ka qenë një ditë e ngarkuar politikisht pasi kujtojmë se pas vendimit të SHBA-ve e shumë shteteve të NATO-s për të larguar diplomatët rusë nga vendet e tyre respektive, të njëjtin qëndrim ka mbajtur dhe Shqipëria. Shkak i kësaj lëvizje që ka përfshirë dhe shtete të mëdha si Amerika, Britania, Gjermani, Franca etj, është vdekja misterioze e ish agjentit rus Sergei Skripal dhe vajzës së tij Yulia.

Vdekja sipas rezultatit të hetimeve ka ardhur për shkak të një agjenti kimik (nervor). Britania, aty dhe ku ka ndodhur vdekja e dy rusëve, akuzon vetë shtetin Rus si organizatorin e fshehur prapa këtij krimi.

Ashtu sikurse ka paralajmëruar muaj më parë “Pamfleti”, duke ndjekur linjën e marrjes së pronësisë dhe të shitblerjeve dorë më dorë, më në fund organet ligjzbatuese shqiptare do të mbërrijnë tek pronarët e vërtetë.

Kështu ditën e sotme, Prokuroria e Durrësit ka nisur një hetim lidhur me tjetërsimin e pronave në zonën e Durrësit. Kryesisht bëhet fjalë për toka truall dhe sipërfaqe të konsiderueshme në bregdet.

Objekt i këtyre hetimeve janë institucionet e Hipotekës dhe të ALUIZNI-t.

Sipas informacioneve të mediave(RTV), pjesa ku më shumë janë përqendruar hetimet është zona e Gjirit të Lalëzit. Ku është dhe rezidenca e pjesës më të madhe të politikës, duke filluar nga ish kryeministra, deputetë dhe ish ministra, drejtuesit kryesorë drejtësisë dhe të mediave.

Informacionet thonë se prokuroria ka tentuar të marrë në pyetje punonjës të institucioneve të lartëpërmendura, por një pjesë e mirë e tyre nuk janë gjetur.

Bëhet fjalë për rreth 30 punonjës hipoteke dhe ALUIZNI të periudhave të ndryshme, që janë vënë në shënjestër nga organi i akuzës.

Policia e Durrësit bën me dije se pranë këtij institucioni ende nuk janë sjellë urdhra arreste, por pritet të mbërrijnë së shpejti. Mësohet se janë vënë në shënjestër dhe janë evidentuar të gjithë personat që kanë tjetërsuar pronat.

Ndërkohë që janë marrë dhe dokumentacionet që kanë të bëjnë me krijimin këtyre fshatrave turistikë.

Vendimet e KKRRT në kohë të ndryshme kur kanë dhënë lejet për këto fshatra turistikë, dhe shpërblimi i dhënë për ta në formë vilash është sërish objekt hetimi.

Mësohet se po përgatitet vala e dytë e arrestimeve dhe pritet që të ngrihet niveli në rang ish kryeministrash. Ku tre prej tyre janë duke u evidentuar pasi dyshohet se kanë përfituar vila në Lalz në këmbim të firmave për fshatrat turistikë.

Kujtojmë që pak ditë më parë u arrestua kryebashkiaku i Lezhës, Frrokaj i akuzuar për tjetërsim pronash së bashku me 12 zyrtarë të tjerë, por më pas u lirua dhe po hetohet në gjendje të lirë, ndërsa 11 zyrtarë janë në kërkim.PAMFLETI