Aktualitet

Liruar me aktgjykim të formës së prerë për një vrasje, për të cilën u burgos, tani ka marrë një kompensim shtetëror prej 290 mijë euro pasi ka kryer burgim të padrejtë.

Ndërkohë, për këtë krim janë marrë përsëri në pyetje dy dëshmitarë bashkëpunues, por autori nuk mund të ndiqet penalisht sipas parimit të “non bis in idem” (ju nuk mund të gjykoheni dy herë për të njëjtën vepër”.

Bosi i trafikut të drogës Antonio Esposito, 39 vjeç, i akuzuar për vrasjen e një shqiptari, kontrollonte trafikun e drogës në rrugët e Maddaloni në provincën e Caserta.

Esposito, i cili ndodhet në burg për vrasjen e një shpërndarësi droge, i cili donte të fillonte biznesin me të, por duke mos paguar “normat”, është marrësi i një prej 19 masave kufizuese të kryera sot nga policia kundër njerëzve që besohet të jetë i lidhur me “Clanin Belforte – fraksion Maddaloni”.

Krijimi i grupit kriminal me qëllim trafikun dhe tregtimin e drogave të forta me metoda mafioze janë akuzat e reja të bëra ndaj tij në përfundimit të hetimit të koordinuar nga zëvendës prokurori Luigi Frunzio.

Hetimet filluan pas vrasjes shitësit të drogës Daniele Panipucci, krim i cili i atribuohet Espositos.

Nga përgjimet e telefonit dhe ato ambientale, si dhe deklaratat e dy të penduarve, përveç rolit të lartë të Espositos brenda organizatës, e përshkruajnë atë si përgjegjës për vrasjen e 25 vjeçarit shqiptar, Sajmir Meta, i cili u qëllua me pistoletë në qafë në një bar në Maddaloni më 19 shkurt 2005.

Sipas hetimeve, shqiptari ishte vrarë për arsye banale, pas zënkës duke luajtur lojëra elektronike.

Gjykata e Shkallës së Parë e dënoi italianin me 28 vite burg për krimin, por Apeli e përmbysi, për shkak të tërheqjes së një dëshmitari. Gjykata Supreme gjithashtu konfirmoi lirimin. Kjo do të thotë se ai nuk mund të gjykohet sërish për vrasjen e emigrantit shqiptar me pistoletë të kalibrit 9 mm.

Për këtë krim, ai qëndroi në paraburgim rreth 4 vite dhe shuma e kompensimit tani është prej 290 mijë euro.

Një prej të të arrestuarve përgjatë operacionit të koduar “Picaso”, në momentet kur ndodhej në policinë belge, lajmëroi të atin, duke i thënë “Ikni se po vijnë bletët”.

Më 30 mars u arrestuan 8 hajdutë që kryenin grabitje në Belgjikë dhe sendet me vlerë i sillnin në Shqipëri. Mjaftoi një telefonatë nga 24-vjeçari që ishte arrestuar në Belgjikë, për të vënë në alarm hajdutët.

Ardit Skeja u prangos më 30 mars, në kuadër të operacionit të koduar “Picaso” dhe ndërsa ndodhej në ambientet e policisë belge bashkë me 4 shqiptarë të tjerë, arriti të gjente një celular për të lajmëruar të atin.

Burimet pranë grupit hetimor thanë se Skeja i tha babait të tij “Ikni se po vijnë bletët”. Kaq mjaftoi që 2 prej 10 hajdutëve të këtij grupi të arratiseshin. Megjithatë, policia shqiptare arriti të arrestonte 3 nga 5 hajdutët që ndodheshin në Tiranë.

Nga hetimet mësohet se ky grup kriminal kishte kryer të paktën 30 grabitje në Belgjikë dhe një pjesë të sendeve me vlerë i dërguan në Shqipëri. Pesë të arrestuarve në Belgjikë iu sekuestruan 5 mijë euro, ndërsa të prangosurve në Shqipëri iu gjetën sende me vlerë si ora, buzylykë, etj.

Emigrantët shqiptarë janë të dytët në rradhë pas Marokut për numrin e lartë të nënshtetësive që kanë marrë në vendet e Bashkimit Europian.

Instituti Europian i Statistikave, Eurostat evidenton se janë 67.500 shqiptarë që gjatë vitit 2016 kanë marrë nënshtetësinë. Një numër që ka ardhur në rritje, duke na renditur të dytët pas marokenëve.

Edhe pse shqiptarët shënuan rekord të kërkesave për azil në Francë e Gjermani, ka shtete të tjera në Europë që ofrojnë mundësi për të gjithë ata profesionistë që dëshirojnë të bëjnë karrierë.

Njëri prej vende që ofron pagesë të mirë dhe kushte të shkëlqyera në punë është Norvegjia. Ky vend duket se është duke kërkuar për fuqi punëtore dhe ofron pagesa të mira.

Sipas të dhënave të fundit, paga aty varion nga 4500 euro në muaj. Profesionet që janë më shumë të kërkuara përfshijë inxhinierë, mësues (sidomos ata të shkencave natyrore), mjekë dhe infermierë, shoferë autobusash, kuzhinierë dhe kamerierë.

Zyra europiane për punësim ka publikuar raportin ku thuhet se punëtorëve në profesionet e përmendura më lartë, u ofrohet paga mujore prej 4.500 euro. Kushtet e punës në Norvegji janë ndër më humanet në botë dhe ia vlen për të punuar.
Mund të aplikoni  ketu: https://www.nav.no/workinnorway/en/Home