Aktualitet

Që Lulzim Basha dhe Romana Vlahutin nuk e durojnë dot njëri tjetrin kjo nuk është më një sekret në rrethet politiko diplomatike të Tiranës. Por kjo është parë sot në mënyrë shumë të qartë gjatë takimit të kerut të PD në sallën VIP të aeroportit të Rinasit, me shefen e diplomacisë europiane Federica Mogherini.

Basha u tregua tejet i përzemërt dhe miqësor me italianen, ndërsa i ofroi një ftohtësi korrekte kroates

(Shihni si i jep doren/ foto 1). Kur u ulën për bisedën e shkurtër Basha dhe Mohherini qënduar gati kokë më kokë duke e lënë më njëanë ambasadoren e BE në Tiranë, që është mësuar zakonish me shumë më tepër vëmendje sesa kaq.

Por edhe Vlahutin nuk është se e la veten të binte pre e momentit të vështirë. Ajo përdori armën më të mirë për të treguar se e injoronte tjetrin (foto).

Sapo Basha filloi të flasë me shefen e saj, Romana bëri të pa interesuarën, kerkoi gjatë në çantën e saj dhe filloi të lundrojë në celular (foto 2 dhe 3).

Shenjë kjo tipike ose e atyre që gjenden ne siklet ose e atyre që kërkojnë te tregojnë se respekti për dikë ka mbëritur drejt fundit./lapsi.al

Ministria e Brendshme, së bashku me Policinë e Shtetit ka ndërmarrë një nismë të re. Këtë herë, forumi Qytetar për Sigurinë u ndal në Dibër, aty ku ministri i Brendshëm, Fatmir Xhafaj tha se arsyet që luftohet kanabisi nuk është bima, por janë dy arsye të tjera.

”Bie dakord që është një e keqe e madhe, 25 vjet që duhet të na bëjë të mos ndjehemi mirë, pavarësisht se kujt krahu politik i takojmë në këtë vend, është kultivuar kanabis. Këtu nuk është te bima e pasojat në vetvete, por mbi të gjitha dhe kjo është arsyeja kryesore pse kemi hyrë në luftë pa kompromis me këtë gjë, sepse është shfrytëzuar nga disa grupe kriminale për tu fuqizuar ndër vite, dhe nga ana tjetër ka shndërruar tek brezi i ri, të rinjtë, kulturën se mund të pasurohesh shumë më lehtë në jetë dhe duke sakrifikuar diçka nga jeta jote, duke kaluar përmes burgut që të pasurohesh. Nëse flasim për parandalim a ka detyra policia? Absolutisht po. Dhe ne jemi të ndërgjegjshëm. Po nëse ndëshkimi është aktiviteti dhe funksioni ynë kryesor, pa dyshim parandalimi është një përgjegjësi dhe detyrë për ne, por besoj fort që është një detyrë dhe angazhim jo thjesht dhe vetëm për policinë por për të gjithë”, tha Xhafaj.

Kallarati është një ndër fshatrat e Labërisë. Nga pikëpamja etnografike i përket krahinës së Kurveleshit.

Ai është një nga pesë fshatrat e Kurveleshit të Poshtëm, që bashkë me Bolenën, shënon kufirin veriperëndimor të Kurveleshit me krahinën e Mesaplikut. Nga ana administrative, Kallarati sot është pjese e komunës se Vranishtit të rrethit të Vlorës.

Fshati i Kallaratit ngrihet në një terren kodrinor që shtrihet në të dy anët e rrjedhjes së sipërme të Shushicës, poshtë Kuçit.

Nga verilindja e lindja kufizohet me Bolenën, nga juglindja e jugu me Kuçin, nga perëndimi me Pilurin dhe Himarën, kurse nga veriu e veriperëndimi me Vranishtin. Kallarati ka një sipërfaqe të përgjithshme – me toka bujqësore, kodra e male – prej rreth 30 km².

Tokat e bukës shtrihen kryesisht në të dy anët e lumit të Shushicës dhe në zonën kodrinore. Kodrat zënë rreth 50 % të sipërfaqes së territorit të tij.

Është fshati më i ulët i gjithë Kurveleshit, në lartësinë mesatare 354 m mbi nivelin e detit. Përmes tij kalon lumi i Shushicës dhe rruga automobilistike Vlore-Kuç-Borsh, që gjarpëron përgjatë brigjeve të lumit.

Gjatë dy muajve në vijim priten goditje në nivele të larta. Dje Komisioni Europian rekomandoi hapjen e negociatave për Shqipërinë, ndërkohë që sfida më e madhe do të jetë fundi i muajit qershor, pasi duhet të binden vende skeptike si Gjermani, Franca dhe Hollanda.

Por kjo do të thotë se gjatë majit dhe qershorit pritet që të ketë reprezalje në drejtësi dhe politikë. Bashkimi Europian ka kërkuar gjithmonë arrestime në nivel të lartë zyrtarësh, ndërsa maji dhe qershori shihen si dy muaj vendimtarë, kohë në të cilën do të ndryshojë fati i Shqipërisë. Sinjalet janë dhënë ditën e djeshme edhe nga qeveria, e cila i ka dorëzuar kryeprokurores Arta Marku rekomandimet për vitin 2018.

Ekzekutivi ka kërkuar nga prokuroria që fokus i punës së këtij institucioni gjatë vitit 2018 të jetë lufta ndaj korrupsionit në nivele të larta. Sipas ligjit çdo vit qeveria i dorëzon Prokurorisë së Përgjithshme një paketë me rekomandime, ku e udhëzon mbi fushat që duhet të jenë prioritare. Në rekomandimet e saj, ekzekutivi kërkon nga institucioni i akuzës që të rrisë luftën kundër korrupsionit në nivele të larta. Madje, qeveria i rekomandon prokurorisë që të ketë si prioritet hetimin e zyrtarëve dhe politikanëve që fshehin pasurinë.

“Lufta me tolerancë zero ndaj korrupsionit, sidomos korrupsionit në nivelet e larta dhe sekuestrimi e konfiskimi i të ardhurave me origjinë kriminale, aseteve kriminale apo pasurisë së pajustifikuar të vënë nga korrupsioni zyrtar, është një nga prioritetet kryesore të qeverisë shqiptare, njëkohësisht edhe një nga kriteret që kushtëzon integrimin evropian të vendit”, thuhet në dokument.

Gjithashtu, qeveria i rekomandon prokurorisë që në kuadër të luftës ndaj korrupsionit të rrisë hetimin me metoda speciale, me qëllim zbulimin e kësaj vepre penale në një kohë të shkurtër. Sipas qeverisë, hetimi pasuror dhe sekuestrimi i pasurisë duhet të shihet me prioritet nga prokuroria. “Rritje të hetimeve proaktive dhe teknikave speciale të hetimit; Kryerja e hetimeve sistematike pasurore dhe rritje e numrit të aseteve të sekuestruara që prej fazës fillestare të hetimit dhe konfiskimin e tyre në përfundim; Hetime të shpejta dhe bashkëpunim me agjencitë ligjzbatuese; Bashkëpunimi me agjencitë ligjzbatuese ndërkombëtare sidomos për kryerjen e hetimeve pasurore financiare që lidhen me veprat penale të korrupsionit”, thuhet në dokumentin e cituar nga “Sot”

Hetimi i pasurisë

Por përveç kërkesës për arrestimin e zyrtarëve të lartë me akuzën e korrupsionit, qeveria ka kërkuar nga prokuroria që të rrisë hetimin pasuror për politikanët. Dhe për këtë qeveria ka ngritur si shqetësim raportin e ILDKPI, ku shumë zyrtarë të lartë kanë fshehur pasurinë, dhe sipas saj, nuk janë referuar në prokurori. Qeveria kërkon nga prokuroria që të rritet numri i të dënuarve për pastrim parash.

“Relatohet se për veprën penale të “refuzimit për deklarimin, mosdeklarimin, fshehja ose deklarimi i rremë i pasurive, interesave privatë të personave të zgjedhur dhe i nëpunësve publik ose i çdo personi tjetër që ka detyrimin ligjor për deklarim”, e cila është vepër penale që referohet nga ILDKPI, numri i kallëzimeve penale të regjistruara për vitin 2017 është 20, po aq edhe numri i procedimeve penale të regjistruara.

Ndërsa numri i procedimeve të dërguara për gjykim është 13. Pra rezulton se jo të gjitha materialet referuese të dërguara nga ILDKPKI-ja dërgohen për gjykim, nuk relatohet numri i të pandehurve dërguar për gjykim dhe i atyre të organi i prokurorisë ka kërkuar dënimin, ndërkohë që për vitin 2017 është rekomanduar rritje e numrit të çështjeve të dërguara për gjykim dhe rritje e numrit të të pandehurve të dënuar me vendim të formës së prerë”, thuhet në dokument. Më tej është deklaruar se gjatë vitit 2018 pritet të ketë më shumë hetime për politikanët që fshehin pasuritë.

Në heshje dhe larg zhurmës mediatike, princesha 62-vjeçare e Tajlandës Maja (Maha) Çakri Sirindon po qëndron në Shqipëri. Princesha mësohet se fillimisht ka qëndruar në Tiranë, ku ka vizituar muzeun historik dhe me tej është ndalur në Shkodër, ku vizitoi muzeun Kombëtar të Fotografisë “Marubi”.

Princesha Sirindon mësohet se është shprehur e impresionuar nga ajo çfarë ka parë në muzeun e fotografisë, ku u njoh me një pjesë të historisë së qytetit, por edhe Shqipërisë në periudha të ndryshme, nga e shkuara e deri në ditët e sotme.

Sirindon ka nisur një tur vizitash në vendet e Ballkanit, ku më herët ka qënë në Kosovë për të parë nga afër edhe atje disa prej vendeve historike dhe objektet e kultit, si xhamitë dhe Teqete, që janë një realitet tjetër prej besimit të saj Budist.

Një tragjedi e vërtetë ka ndodhur në ajër në një avion të Southwest Airlines të nisur nga aeroporti i LaGuardia i Nju Jorkut, me drejtim Dallasin.

Motori i avionit në fjalë ka shpërthyer dhe presioni e copat e tij thyen një dritare.

Shperthimi dëmtoi dritaren në radhen e 17-të, ndërkohe që në avion kishte 143 pasagjerë dhe 5 anëtarë ekuipazhi.

Nga aksidenti një person ndërroi jetë. Bëhet fjalë për një grua 43-vjeçare, Jennifer Riordan mama e dy fëmijëve dhe menaxhere e një banke në Nju Meksiko.