Një emigrant që sapo ishte kthyer nga Greqia ka humbur thuajse gjithçka. Paratë, telefonin, makinën, por ajo që është më e rëndësishmja dhe pasaportën greke. Ngjarja ka ndodhur rreth orës 02:00 të mëngjesit të sotëm në fashtin Belorta në Korçë.
Familjarët panë makinën tip ‘Audi’ të përfshihej nga flakët, në pronësi të shtetasit D.D, 26 vjeç, (emigrant në Greqi) i cili ishte parkuar në afërsi të banesës së tij. Zjarrëvënia ka qenë e qëllimshme, ndërkohë që policia po heton për zbardhjen e ngjarjes. ‘Fax News’ raporton se përveç djegies së makinës 26-vjeçarit i kanë vjedhur 1 mijë euro, telefonin si dhe pasaportën greke.
Ndëkohë që nëna e djalit, Lindita Dura ka kërkuar që ngjrja të zbardhet sa më shpejt, duke thënë se djali nuk ka konflikte me askënd. “Nuk kemi konflikte me askënd. Makina u dogj rreth orës 02:00 të mëngjesit. Kanë vjedh 1000 euro, pasaportën greke të djalit dhe telefonin.
Më pas kanë djegur makinën për të humbur gjurmët. Kerkoj të zbardhet sa më shpejt. Në të kundërt do i gjej vetë autorët dhe do i djeg siç më dogjën makinën e djalit”, tha ajo. Vetëm mbrëmë në fshatin Belorta kanë ndodhur 4 vjedhje. Automjeti që u dogj, dy banesa dhe një automjet tjetër.
Njoftimi i policisë:
Më datë 19.04.2018, në orët e para të mëngjesit, në fshatin Belorta, ka rënë zjarr në mjetin tip “Audi”, me targë IBI 4224, në pronësi të shtetasit D.D, 26 vjeç (emigrant në Greqi) i cili ishte parkuar në afërsi të banesës së tij. Nga të dhënat e para, si edhe ekspertiza e kryer në vendngjarje, dyshohet se zjarrvënia mund të ketë qenë e qëllimshme. Po punohet për identifikimin e kapjen e autorëve, si edhe përcaktimin e shkaqeve të rënies së zjarrit.
Mesa duket për familjen e Ardit Gjoklajt, nuk është mbyllur çështja e vdekjes tragjike të djalit të tyre.
Teksa dy të akuzuarit për vdekjen e Arditit në Landfillin e Sharrës kanë fituar pafajësinë nga gjykata e Tiranës, xhaxhai i të miturit shprehet se do hakmerret ndaj Erion Veliajt.
Lush Gjoklaj, xhaxhai i 17 vjeçarit që humbi jetën në landfill gjatë një bisede në studion e Faxnews tha se nuk e kanë mbyllur çështjen dhe se Veliaj do e paguajë me jetën e tij.
“E deklaroj me përgjegjësinë më të madhe ska me mbjellë ma Erion Veliaj pemë, pa ia mbjellë unë mbi të. Jam Lush Gjoklaj, le të vijnë të më arrestojnë, por jeta e djalit s’ka për të humbur kot pa u paguar. Nuk them as sot as nesër, bëj be në zot, pa u pagu ai djalë s’kam për ta lënë. Nuk jemi fis i madh, por jemi boll” tha Gjoklaj.
Sipas Lush Gjokajt faji i Veliajt ishte se në protestë, fotografia e Ardit Gjoklajt ishte grisur dhe ishte shkelur me këmbë nga policët e bashkisë.
“Nuk na thanë që do merrej vendimi pardje. Dy të akuzuarit i pamë duke pirë kafe. Na thanë se kanë marrë pafajësinë. Ky është Vettingu? I pamë të liruar në rrugë, në lagje. S’ka drejtësi më. Vranë një fëmijë 17-vjeç, ikën e pinë kafe.”,-ka thënë Gjoklaj.
Dita e Pavarësisë së Izraelit në Tiranë u festua me përurimin e kopshtit të miqësisë Shqipëri-Izrael, ku Bashkia e Tiranës dhe Ambasada e Izraelit mbollën 70 fidanë të rinj, në shenjë miqësie mes dy popujve. Kryetari i Bashkisë së Tiranës, Erion Veliaj, ambasadori i Izraelit, Boaz Rodkin dhe kryetarja e grupit parlamentar të Miqësisë Shqipëri-Izrael, Blerina Gjylameti, iu bashkuan aksionit të mbjelljes së pemëve dhe zbuluan një pllakatë në shenjë përkujtimi.
Teksa uroi Ditën e Pavarësisë, kryebashkiaku Veliaj theksoi se shembulli i Izraelit është jashtëzakonisht frymëzues dhe tregues se kur njerëzit bëhen bashkë për një qëllim, mund të bëjnë gjëra të mrekullueshme. “Përkujtojmë në mënyrë shumë origjinale 70-vjetorin e kombit të Izraelit dhe për këdo që e ka vizituar e ka parë se si kur njerëzit bëhen bashkë për një qëllim, mund të bëjnë gjëra të mrekullueshme. Edhe nga një tokë në shkretëtirë, mund të bëjnë një histori suksesi. Për ne shembulli i Izraelit është jashtëzakonisht frymëzues. Nuk kish mënyrë më të bukur për ta festuar 70-vjetorin e pavarësisë së Izraelit, se sa duke mbjellë 70 pemë”, tha Veliaj.
Ambasadori i Izraelit në vendin tonë, Boaz Rodkin, falenderoi Bashkinë e Tiranës dhe grupin e miqësisë Izrael-Shqipëri për kujdesin e treguar në kremtimin e kësaj feste, ndërsa theksoi se bashkëpunimi mes dy vendeve tona, në shenjë edhe të miqësisë mes dy popujve, do vazhdojë me projekte konkrete. “Para se të fillojmë vitin e ri shkollor, do të rinovojmë me bashkinë një nga shkollat e Tiranës dhe gjithashtu, vendosëm të rreshtohemi në krah të bashkisë në përpjekjen për ta bërë këtë qytet më të gjelbër, duke mbjellë 70 pemë sot”, tha ambasadori.
Veliaj nënvizoi se teksa Shqipëria nis një fazë të re të integrimit në familjen europiane, nevojitet një angazhim dhe energji e përbashkët për të vijuar progresin dhe zhvillimin e vendit. “Teksa përgatitemi për një fazë të re të integrimit të Shqipërisë në BE, ajo që kemi kuptuar është që nën shembullin e Izraelit, po të bëhemi bashkë dhe të punojmë për një qëllim, mund të bëjmë çudira dhe nga situata që kemi trashëguar në vendin tonë. Sot jemi shërbëtorë dhe administratorë të kësaj cope të atdheut dhe mundohemi që të gjithë të fokusuar në një qëllim, të kemi energji të përbashkët për progres, për modernizim dhe zhvillimin e vendit tonë”, u shpreh Veliaj, duke vlerësuar nismën e Ambasadës së Izraelit për mbjelljen e pemëve.
Kryebashkiaku tha se mbrojtja që populli shqiptar tregoi gjatë Luftës së Dytë Botërore ndaj popullit të Izraelit na bën krenar dhe apeloi që edhe brezat e ardhshëm të investohen më tej në forcimin e frymës së tolerancës dhe të miqësisë. “Si një qytet me shumë besime të ndryshme dhe me harmoni të paprecedentë, ndihemi krenarë që kemi qenë një nga gurët e themelit të kësaj miqësie speciale. Uroj shumë që gjeneratat e reja do të investohen në çdo qytet, shkollë, klasë, në çdo biznes, sipërmarrje, në çdo libër, që kjo miqësi e fortë të bëhet akoma më e fortë në të ardhmen”, u shpreh Veliaj.
Në frymën e marrëdhënieve të shkëlqyera mes dy vendeve, Bashkia e Tiranës do të shtojë bashkëpunimin me Jeruzalemin dhe disa qytete të Izraelit në fushën e inovacionit dhe zhvillimit të bujqësisë.
Blerina Gjylameti, kryetare e grupit parlamentar të Miqësisë Shqipëri-Izrael, theksoi se kjo miqësi e lidhur në një moment shumë të vështirë për popullin hebre, ka ardhur gjithnjë e duke u forcuar. “Ajo që duam është të shkëmbejmë një eksperiencë, e cila do të vazhdojë sidomos në fushat e inovacionit, teknologjisë apo edhe të agroteknologjisë, që do të na shërbejë shumë. Besoj që do t’ia dalim që edhe Tiranën ta bëjmë një vend shumë herë më të mirë nga ai që ka qenë. Kjo është ajo që na ka bashkuar gjithmonë, jo vetëm sot për sot, por të ndërtojmë një Shqipëri që të jemi krenar edhe nesër kur fëmijët tanë të jenë më të rritur”, tha Gjylameti.
Lojërat e fatit janë prezente edhe në qytetin e Patosit. Vetëm në bulevardin kryesor ka dhjetëra pika të tilla. Vetë qytetarët e thonë se ato duhet të jenë përqendruar në periferi.
“Ato të hiqen fare. Vriten, bëhen. Prish qetësinë. S’duhen të jenë fare në qytet. Në botë s’ka brenda në qytet”, shprehet një qytetar.
“Shume keq. Shume pasoja”, thotë në tjetër.
“I ka lënë njerëzit pa bukë. Dhe ato 5 lekë që marrin i çojnë atje”, shprehet një tjetër qytetar.
Ndonëse i vogël me rreth 50 mijë banorë, edhe në qytetin naftëtar të Patosit, fenomeni i lojërave të fatit në ambiente publike, shumë pranë shkollave, poshtë pallatit apo pranë vendeve të populluara me fëmijë dhe adoleshentë, është një fenomen që shqetëson banorët.
“Nuk duhet të jenë. Shkaktojnë dëme në familje”, thotë një qytetar.
“Edhe po të shikosh këtu në Patos janë shpërndare si pikat e shiut. Futen të mëdhenj e fëmijë brenda . Po i marrin fëmijët më qafë”.
“Qytetet tona janë pa vende pune. Ato 5 lekë që i marrin me ndihmë sociale i lënë atje”.
Niveli i papunësisë në këtë qytet është i lartë pas mbylljes apo privatizimit të sektorit të naftës.
Por pre e kumarit nuk bien vetëm të papunët. Shembulli që të mëdhenjtë u japin fëmijëve është kthyer në fenomenin më shqetësues, ndaj edhe në këtë qytet komuniteti kërkon ndërhyrjen e ligjit për të larguar kazinotë dhe pikat e basteve.
Partia Demokratike dhe Lëvizja Socialiste për Integrim nuk zgjodhën vezët dhe miellin, por u larguan nga salla e Kuvendit, para se kryeministri Rama të shkonte atje.
Por deputeti i Lëvizjes Socialiste për Integrim, Robert Bitri ishte i vetmi deputet i opozitës i cili qëndroi në sallën e Kuvendit kur e gjithë opozita u largua.
I pyetur jashtë seancës ai tha për gazetarët: Nuk i bashkohem PS. Qëndrova në seancë se kështu e mendoj unë, është e drejta ime, kam folur me kryetaren, nuk i trembem asnjë vendimit të grupit të LSI.
Deputeti Robert Bitri nuk e ka herën e parë që del publikisht kundër LSI-së me veprime e deklarata. Kujtojmë se kur kryedemokrati Basha shpalli mosbindjen civile, aksion të cilit iu bashkua edhe LSI-ja Bitri ka kundërshtuar, duke deklaruar në parlament se nuk ishte dakord. Madje ai ka shtuar se: Basha nuk ishte kryetari i tij.
Është njeriu që në 21 janar fshiu filmimet e kryeministrisë, sot më filmoi mua, është fat i mirë.
Pse nuk folët sot në seancë?
Nuk ishte opozita nuk ka sens
Ju mbron Rama?
As më mbron njeri dhe as dua të më mbrojë
Keni komunikim me Ramën?
Për mua ka vlerë e vërteta dhe nuk ka vlerë askush që nuk mund, ose mund të më pengojë në rrugën time për të bërë drejtësi, nuk e besoj që do ketë bir nëne dhe bir kurve që do të më pengojë
Duket se deputetit Tom Doshi nuk i del inati me shpalljen non-grata të tij nga ana e Shteteve të Bashkuara të Amerikës.
Në një prononcim për mediat, në ambjentin e jashtëm të Kuvendit, Doshi tha se nëse do të bëhet Vettingu, SHBA-të do të përjashtojnë të gjithë deputetët.
“I bie të kalojnë të gjithë non grata nëse do të bëhet vetting“.
Doshi kërkoi të kalojnë në vetting edhe politikanët dhe nëse kjo ndodh tha ai, gjysma e deputetëve nuk do jenë më në Kuvend.
‘Unë kërkoj të prononcohet. Ju garantoj ju se nëse bëhet vetting në politikë nuk mbeten as gjysma në parlament. Vettingu të fillojë dhe të hetojë që tek shkollimi i fëmijëve që i kanë shkolluar të gjithë jashtë, ku janë të ardhurat e këtyre politikanëve? Te vilat, tek makinat, tek jeta e luksit që bëjnë. Dhe ta shohim sesi dalin.’-tha Doshi.
Me 16 prill, Departamenti i Shtetit njoftoi se i ka ndaluar hyrjen në Shtetet e Bashkuara deputetit Tom Doshi dhe familjes së tij.
Pas ish kryeprokuorit Adriatik Llalla, Tom Doshi bëhet zyrtari i dytë nga Shqipëria të cilit i ndalohet hyrja në Shtetet e Bashkuara për shkak të përfshirjes në raste madhore korrupsioni.
