Aktualitet

Hap televizorin, të del Erion Veliaj. Ndiz radion, dëgjon zërin e tij. Hap portalet ose rrjetet sociale, bombardohesh nga fotot e Lali Erit.

Kush e shikon, mendon lum Tirana për kryebashkiakun që ka. Aq shumë është fokusuar tek puna, sa nuk pyet për jetën e tij provate.

Nuk ka ditë jave dhe orë që nuk punon. Ai punon 24 orë në 7 ditë të javës. Aq shumë lodhet i shkreti, por fatmirësisht që ka një grua që e kupton si Ajola, që e toleron Lalin edhe kur ai nuk përmbush detyrimet si burrë.

Nga puna e tepërt, Veliaj rrezikon të mos bëhet baba. Nuk ka kohë as për intimitet me Ajolën. Por ndonjëherë edhe gënjeshtra, sado që ti të paguash që ta mbash të fshehtë, ajo del në shesh.

Sot në Tiranë, u dogj totalisht një fabrikë e madhe në Kashar. Fabrika e përpunimit të mbetjeve u përfshi nga flakët. Zjarrëfikësit ngritën duart lart dhe thanë që zjarri është tepër i fuqishëm dhe nuk ndalet dot. Për pasojë fabrika u shkrumbua dhe bizneset dhe banesat rreth e rrotull janë në rrezik.

Banorët janë të trembur për jetën e tyre. Po ku është Lali Eri që nuk vjen? Ku është supermeni i Tiranës që nuk duket në skenë për të shpëtuar qytetarët e tij?

Lali Eri, pa pikën e turpit, ka postuar vetëm një mesazh në rrjetin e tij social twetter duke thënë që mos kaloni afër zjarrin se digjeni. Tallje me popullin që pret ndihmë nga bashkia.

Por cinizmi i Veliajt nuk ndalet. Atij as nuk i plas shumë se banorët e Kasharit po përcëllohen nga flakët. Ai ka vijuar me rutinën e tij të përditshme dhe të mërzitshme.

Ai ka shpërndarë në media, materialin e përgatirur më përpara për sot. Sot Veliaj, gjasmë ka qënë në Farkë duke mbjellë pemë në kuadër të ditës së Tokës.

Kjo është rrenë e hapur. Nëse Lali Eri do të ishte në Tiranë, ai do të shkonte afër zjarrit, jo në Farkë për të mbjellë pemë. Mbjellja e pemëve është bërë ditë më përpara, pop o shitet sikur të ishte sot.  Të paktën Lali Eri të mos ua nisje mediave, se qytetarët e tu po digjën dhe ti thua hajde pemë në Farkë. Sikur nuk shkon muhabeti. Gjithsesi ti e di.

Por qytetarët e kuptojnë se ti nuk je fare në Tiranë, por kur të bie rruga, del e mbjell ca pemë dhe i shpërndan çdo ditë të javës, për të treguar se je këtu dhe po punon.

Apo, mos është kjo tjetra qe dyshojmë. Mos e dhëntë Zoti, që ti të mos ekzistosh. Domethënë që Lali Eri të mos jetë i vërtetë, por një fantazi e Edi Ramës. Njëlloj si Simona e Al Paçinos, një super femër, këngëtare që marrosi gjithë botën me bukurinë dhe zërin e saj, por në fakt ishte kompjuter. Nuk ishte reale.

A thua të jetë edhe Veliaj si Simona? Pra të jetë një imazh kompjuterik që nuk ekziston! Ka mundësi! Të gjithë e shikojmë Lali Erin, por asnjë nuk e prek!Pamfleti.net

Komisioni i Pavarur i kualifikimit pritet që të përjashtojë nga sistemi i drejtësisë një pjesë të madhe të gjyqtarëve dhe të prokurorëve në vend. Deri më tani ka përfunduar procesi për 4 nga 57 emra në listën prioritare. Rasti më i fundit ishte ai i prokurores së Shkodrës, Besa Nikëhasani, e cila u shkarkua sepse nuk justifikonte pasurinë. ILDKP e nxori atë të pastër, mirëpo KPK nga verifikimit që ka bërë, pa se kishte probleme me pasurinë.

Gazeta ka mësuar se komisioni vetingut nuk është mjaftuar me dokumentet që i ka dorëzuar ILDKP, edhe pse kjo e fundit ka kryer verifikime pranë ZVRPP, Drejtorisë së Pastrimit të Parave, Tatimeve, Doganave, etj. Anëtarët e komisionit kanë kryer një verifikim të thellë nga e para për të gjithë emrat prioritarë dhe rolin më të madh në këtë mes e ka pasur Drejtoria e Pastrimit të Parave. Sipas informacioneve, kjo drejtori ka bashkëpunuar me agjencitë e huaja për të gjithë emrat e listës prioritare dhe për shumë prej tyre është mbyllur procesi për 3 ditë. Agjencitë partnere kanë kthyer me shpejtësi përgjigje dhe ka rezultuar se shumë prej emrave kanë probleme.

Ka nga ata që kanë bërë transferta bankare jashtë dhe nuk i kanë deklaruar, ka të tjerë që anë mashtruar me llogaritë bankare, por ka dhe nga ata që kanë mashtruar me pasuritë e patundshme, duke mos i deklaruar. Pra edhe pse shumë rezultojnë të pastër nga ILDKP, Drejtoria e Pastrimit të Parave i ka rrëzuar të gjithë. Një burim i tha gazetës se nga lista e 57 emrave janë zbuluar dhe transferta drejt kompanive “offshore”. Të gjitha dosjet janë dorëzuar pranë KPK dhe procesi po ecën në bashkëpunim me Operacionin Ndërkombëtar të Monitorimit.

Verifikime familjarëve

Paralelisht me gjyqtarët dhe prokurorët po verifikohen dhe familjarët e tyre. Bëhet fjalë për mbi 3 mijë persona, që janë kryesisht bashkëshortë dhe fëmijë të 700 gjyqtarëve dhe të prokurorëve, që po kalojnë në sitë. Arsyeja kryesore që po verifikohen brenda dhe jashtë vendit, rezulton se banesat, bizneset, tokat dhe pasuri të tjera në rastet më të shumta janë në pronësi të bashkëshortëve dhe familjarëve të gjyqtarëve dhe të prokurorëve. Ka dhe raste të tjera kur ato janë në emër të prindërve të tyre.

Për këtë arsye, ka nisur një verifikim shumë i gjerë nga ILDKP, e cila ka vënë në lëvizje hipotekat dhe Drejtorinë e Përgjithshme të Pastrimit të Parave, për të parë më me detaje situatën. Sipas informacioneve, po shihet nëse pronat kanë ndryshuar pronësi kohët e fundit, si dhe nëse janë shtuar apo blerë. Nga burimet pranë ILDKP, numri total i të afërmve dhe familjarëve të gjyqtarëve dhe i prokurorëve që po verifikohen, arrin në mbi 3 mijë.

Dyshimet janë se gjyqtarët dhe prokurorët e kanë shpërndarë pasurinë e tyre, duke mos mbajtur në emër të tyre gjithçka, pasi disa apartamente i kanë kaluar në emër të bashkëshortëve ose bashkëshorteve, apo dhe në emër të fëmijëve dhe prindërve të tyre. Sipas të dhënave, vitet e fundit ka pasur një trend rritës të pronave që administrojnë fëmijët e gjyqtarëve dhe të prokurorëve. Por kushdo që ka abuzuar do të duhet të japë llogari./ SOT