Aktualitet

Njihuni me pronarin e fabrikës së “tmerrit” që u shkrumbua në Kashar

Leave a Comment / Aktualitet / /

Dy vite më parë ka lobuar fuqishëm që të miratohej ligji për importin e mbetjeve në Shqipëri, ndërkohë që mësohet se kishte më  shumë se katër muaj që nuk paguante punonjësit.

Pronari i kompanisë Everest që u përfshi nga flakët dhe u dogj sot në zonën e Kasharit, Vullnet Haka, është një emër mjaft i njohur për shqiptarët.

Ai është kryetar i Shoqatës së Ricikluesve në Shqipëri, por ndërkohë që lobonte për importin e mbetjeve, nga ana tjetër fabrika e tij nuk respektonte kushtet e sigurisë.

Para një viti kompania e tij ‘Everest’ u përfshi nga flakët, ndërsa u gjobit për mos respektim të kushteve të sigurisë.

Edhe sot, drejtori i zjarrfikëses së Tiranës deklaroi se nuk funksionoi sistemi i alarmit të zjarrit dhe se nuk u lajmëruan nga biznesi, por nga banorët për zjarrin.

Gjithashtu banorët e zonës në Kashar deklarojnë për “Report Tv” se janë ankuar disa herë për ndotjen që shkaktonin mbetjet në fabrikën e riciklimit, që u dogj sot.

Por, pavarësisht ankesave ata deklarojnë se nuk është marrë asnjë masë.

Njihuni me pronarin e fabrikës së “tmerrit” që u shkrumbua në Kashar Read More »

Itinerari juaj shqiptar, gjërat më të mira që mund të bëni

Leave a Comment / Aktualitet, Turizem / /

Shpresojmë që ky udhëtim në Shqipëri t’ju frymëzojë që ta vizitoni këtë vend të mrekullueshëm, shkruan wanderlustingk.com.

Dita 1 – TIRANA

Mos humbisni Piramidën e ndërtuar nga vajza e Enver Hoxhës në kujtim të tij, pasi ai vdiq. Piramida e Tiranës ishte godina më e kushtueshme në historinë e Shqipërisë. Tani ajo është gjysmë e braktisur. Banorët dhe turistët janë kureshtarë të hipin deri në majë, që është më e vështirë nga sa duket.

Ata që janë të interesuar për historinë e komunizmit duhet të vizitojnë “BunkArt 2” dhe Muzeun e Gjetheve për të mësuar mbi shtypjen gjatë regjimit komunist. “BunkArt 2” të fut në bunkerin më të fundit që është përdorur nga Ministria e Punëve të Brendshme, për të parë art dhe për të lexuar për individë që janë shënjestruar nga regjimi i Hoxhës pa asnjë arsye, përfshirë edhe ndonjë deklaratë të thënë në radio që ai nuk e pëlqente. Sigurisht, nuk mund të humbisni sheshin ”Skënderbej”, sheshi kryesor i Tiranës.

Dita 2 – SHKODRA

Rekomandojmë që këtë ditë ta filloni herët në mëngjes nëse do të bëni vajtje-ardhje Tiranë-Shkodër. Kini parasysh se ka dy stacione autobusësh, një me autobusë që shkojnë në veri dhe tjetri me autobusë që shkojnë në jug. Ata janë në zona të ndryshme dhe ju duhen rreth 30 minuta ecje për të lëvizur mes tyre, por në mes ka një vend shumë të mirë që bën byrekë.

Shkodra konsiderohet si një prej kryeqyteteve kulturorë të Shqipërisë. Shkodra është e famshme për muzikën e saj dhe për influencën kulturore. Qendra historike e qytetit është vërtetë magjepsëse dhe ia vlen të vizitohet. Rekomandojmë gjithashtu “Il Piacere”, një furrë tipike shqiptare në Shkodër që ma rekomanduan disa miq. Përgjatë rrugës kryesore që shkon drejt qendrës do të gjeni shumë ushqime të mira shqiptare.

Një nga arsyet kryesore që rekomandojmë të vizitohet Shkodra është sepse kjo është mënyra më e mirë për të vizituar Alpet e Shqipërisë. Pasi arrini aty, është shumë e lehtë të merrni një udhëtim për në Theth ose Valbonë.

Nëse doni më shumë, merrni një autobus dhe shkonë në kështjellën e Rozafës, që i përket periudhës romake, për të pasur një pamje madhështore mbi qytet në këtë. Megjithatë fortifikimet janë pak të reja, është një kështjellë mahnitëse që ia vlen të vizitohet. Në të kundërt mund të merrni një taksi dhe të shkoni tek Ura e Mesit për të pasur një pamje magjepsëse të kësaj ure historike prej guri.

Dita 3 – THETHI

Ju duhet të ngriheni herët në mëngjes për në Theth, një prej fshatrave më të bukur shqiptarë, në mes të parkut kombëtar më të bukur në Shqipëri. Nëse ju pëlqen ecja nëpër male, mund të zgjasni qëndrimin këtu duke përfituar disa ditë më shumë dhe shijuar ecjet sfiduese në këtë zonë. Ne u zgjuam herët në mëngjes për të vajtur tek Syri i Kaltër i Thethit, një burim magjepsës dhe akull i ftohtë që është një atraksion shumë popullor. Ecja nga rruga kryesore drejt Syrit të Kaltër të Thethit është e vështirë, por e bukur.

Pasi arrini Syrin e Kaltër të Thethit, kthimi për në Theth është më i lehtë. Ky fshat malor është plot legjenda, traditë dhe bukuri natyrore. Pjesa veriore e Shqipërisë ka pasur për një kohë të gjatë ligjet dhe rregullat e veta që quheshin Kanun. Ende mund të shihen shtëpitë kullë ku strehoheshin familjet që të mbroheshin nga gjakmarrja. Ajo e Thethit është e famshme pasi familjet shkonin brenda për të diskutuar zgjidhjen e gjakmarrjes. Padyshim që më pëlqeu qëndrimi në Theth dhe do dëshiroja të kishim qëndruar disa ditë më shumë. Nëse nuk e keni të limituar kohën në Shqipëri, merrni në konsideratë që të qëndroni këtu të paktën dy ditë. Peizazhi është i bukur, ushqimi jashtëzakonisht i lirë dhe i freskët (i përbërë nga produktet lokale) ndërsa ecja nëpër male është më e mira. Në verë është mirë të prenotosh disa kohë më parë.

Dita 4 – NGA THETHI NË VALBONË

Është një ecje njëditore, megjithatë kur e krahason me ecjen e bërë një ditë më parë në Theth, kjo është shumë më e gjatë. Është mirë të çlodheni dhe të zgjidhni cilin drejtim do të merrni në vend që t’i bëni që të dyja. Ne zgjodhëm të bëjmë më mirë nga Thethi në Valbonë se sa nga Valbona në Theth.

Dita 5 – FIERZË-KOMAN-SHKODËR

Shumica e organizatorëve të udhëtimeve nga Shkodra drejt Thethit dhe Valbonës të ofrojnë edhe një udhëtim në Fierzë dhe Koman. Mendoja se trageti i Liqenit Koman ishte një varkë e vogël që ngjiste lumin. Ky udhëtim është më shumë një aktivitet çlodhës për shqiptarët që vijnë të admirojnë natyrën magjepsëse në këtë pjesë të Shqipërisë. Në fakt Liqeni i Komanit nuk është një liqen natyror, por një liqen artificial i krijuar në vitet 1990 për të ndihmuar në parandalimin e përmbytjes së Shkodrës. Ky udhëtim është idilik dhe jashtëzakonisht i bukur.

Dita 6 – BERATI

Berati është një qytet i mrekullueshëm 2000-vjeçar i njohur nga UNESCO-ja. Ju inkurajoj ta shihni këtë qytet të mrekullueshëm me kështjellë. Hyrja për në kështjellë është e lirë, ndryshe nga kështjella e Gjirokastrës. Përveç se është një nga gjërat më të mira që mund të bëni në Shqipëri, kështjella e Beratit nuk ka ende shumë turistë. Atje gjen vetëm pak banorë lokalë dhe turistë.

Dita 7 – ZONAT PËRRETH BERATIT

Nëse keni një ditë më shumë pushime, ju rekomandojmë të çlodheni në Berat dhe ta përdorni atë si një bazë për një ditë udhëtim. Ju do të gjeni udhëtime turistike për 15-20 euro në malet përreth për një udhëtim me aventura, përfshirë rafting, ngjitje, ecje dhe aventura të tjera. Këto aktivitete janë të lehta për t’u përzgjedhur nëse jeni në Berat.

Dita 8 – VLORA

Kjo zonë turistike është e parapëlqyera e shqiptarëve që dashurojnë detin dhe malet. Nga këtu ju mund të ngjiteni në male duke ju shoqëruar pamje të kristalta mbi det. Kur takuam një mikun tonë shqiptar, Fredin, e pyetëm se cila ishte gjëja e tij më e pëlqyer për Shqioërinë. Ai na tha se vetëm brenda një dite ju mund të shkoni në plazh dhe pastaj t’i ngjiteni një mali me dëborë. Plazhet janë të famshëm në Shqipëri edhe pse kam dëgjuar se, krahasuar me Greqinë, Shqipëria ka bukurinë e plazheve edhe pa njerëz. Duke konsideruar sërish se keni një ditë më shumë pushim, atëhere shkoni në Vuno, fshat përgjatë bregdetit me më shumë se 25 kisha dhe ndërtesa të vjetra prej guri.

Dita 9 – GJIROKASTRA

Gjirokastra është një nga qytetet më të famshme të Shqipërisë dhe pjesa e vjetër e saj është e njohur nga UNESCO-ja për konservimin e mirë të periudhës otomane. Muret e qytetit përreth kështjellës datojnë në shekullin III. Është e mundur të vizitoni kështjellën e Gjirokastrës edhe pse duhet të paguani për hyrjen. Gjatë epokës komuniste kjo kështjellë u përdor për burgosjen e të dënuarve politikë. Sot kjo kështjellë shërben si muzeum.

Dita 10-11 SARANDA

Nga Saranda keni mundësi të merrni anijen për në Korfuz, nëse jeni të interesuar të shkoni në Greqi. Pjesa më e madhe e shqiptarëve betohen se ju duhet të shkoni në jug të vendit për të parë Shqipërinë e vërtetë, kështu që rekomandojmë ta përfshini në itinerarin tuaj këtë qytet përgjatë bregdetit që të lë pa frymë, pasi është bazë e mirë për udhëtimet ditore. Merrni në konsideratë gjithashtu të udhëtoni një ditë në Syrin e Kaltër. Ju mund të vizitoni edhe rrënojat e Butrintit, i njohur nga UNESCO-ja, që janë nga rrënojat më të mirëkonservuara në Shqipëri dhe që datojnë rreth 2 500 vjet më parë./ATSH

Itinerari juaj shqiptar, gjërat më të mira që mund të bëni Read More »

Frymëzim! Tropojania i dhuron mëlçinë një babai dhe i shpëton jetën

Leave a Comment / Aktualitet, Shendetesi / /

Në emisionin “E Diela Shqiptare” një familje ka ftuar vajzën e tyre për t’a falenderuar për veprën e saj e cila nuk ka çmim.

Gentjana Sylaj, vajza nga Tropoja, meriton jo vetëm respektin e familjes Haxhiaj për shpëtimin e një jete, por të të gjithë shoqërisë.

Ajo dhuroi një pjesë të mëlçisë së saj për Lulëzimin, për hir të një dashurie të pa zëvendësueshme, për babain e saj, i cili do ndihej krenar për veprimin që ka kryer.

Babai i Gentjanës prej 8 vjetësh nuk jeton më dhe ajo kishte menduar për të në fillim dhe kishte vendosur të dhuronte organin e saj duke shpëtuar një jetë njeriu që më vonë u shndërruan në familjen e saj të dytë.

Frymëzim! Tropojania i dhuron mëlçinë një babai dhe i shpëton jetën Read More »

Zjarri përpin edhe shtyllat e energjisë elektrike, këto dy zona të Tiranës mbeten pa drita

Leave a Comment / Aktualitet, Lajmi i fundit / /

Nga zjarri që ra sot në fabrikën e riciklimit në Kashar, ka mbetur pa energji elektrike zona e Unazës së Re dhe Mëzezi.

OSHEE njoftoi se prej zjarrit është djegur një pjesë e linjës që furnizon Unazën e Re dhe Mezësin. Grupet e punës së OSHEE ndodhen në terren për masat e ruajtjes së sigurisë.

Raportohet se një kabinë është djegur plotësisht dhe për këtë shkak, OSHEE ka stakuar dy fidera 105 dhe F13 si masë sigurie.

Vatra e zjarrit doli jashtë kontrollit brenda pak minutave, megjithëse në vendngjarje u dërguan të gjitha forcat zjarrfikëse të Tiranës, dy mjete të ushtrisë dhe dy autobotë të ujësjellësit të bashkisë.

Zjarri përpin edhe shtyllat e energjisë elektrike, këto dy zona të Tiranës mbeten pa drita Read More »

Ishulli i Sazanit, nje pike e rendsishme turistike !

Leave a Comment / Aktualitet, Turizem / /

“Ishulli i Sazanit është një mundësi e madhe për turizmin e natyrës. Ruajtja e trashëgimisë dhe elementeve historikë në ishull një atraksion i madh për vizitorët”, shprehet Drejtori i Agjensisë Kombëtare të Bregdtetit, Auron Tare.
Ishulli i Sazanit
Po si ka rrjedhur emri “Sazan” dhe historia enigmatike dhe misterioze e ishullit të vetëm të mirëfillt Shqiptarë. Një bukuri e pa shoqe e natyrës sonë ujore, përsëri mbetet në kuadrin e enigmës.
Historia ka folur për Sazanin si një nga fortesat më të përshtatshme për të mbrojtur qytetin e Vlorës dhe brigjet për rreth.

Sot kjo histori ka përfunduar sepse Shqipëria është anëtare e NATO-s dhe Sazani mund të kthehet në një nga perlat turistike më interesante të Mesdheut.
Emri i Ishullit të Sazanit përmendet që në kohërat antike, duke filluar nga shekulli i VI p.e.s. me emrin SASON. Gjatë mesjetës, ishulli kaloi në zotërimin Venecian ndërsa gjatë Luftërave Ballkanike, Greqia e pushtoi ishullin.

Vendimet e Konferencës së Ambasadorëve në Londër, në vitin 1913 e detyruan atë që të tërhiqej nga Sazani. Gjatë Luftës së Parë Botërore, ishulli u pushtua nga Italia. Lufta e Vlorës në vitin 1920 bëri të mundur që ata të tërhiqeshin nga Vlora, por mbajtën ende nën sundim Sazanin, deri më 1943, kur Shqipëria u pushtua nga nazistët gjermanë.
Më 21 tetor 1944 ishulli u çlirua dhe që nga ajo kohë është pjesë e integritetit dhe sovranitetit të shtetit shqiptar.
Gjatë periudhës së Luftës së Ftohtë, Sazani së bashku me bazën detare ushtarake të Pasha Limanit, në Orikum të Vlorës, u shndërrua në një ndër pikat kyçe të Ushtrisë së Kuqe sovjetike dhe asaj shqiptare në Mesdhe. Që nga koha e Jul Çezarit e deri në Luftën e Dytë Botërore në bregdetin përreth Gjirit të Vlorës janë zhvilluar një numër betejash detare, pasojë e të cilave kanë qenë disa anije të mbytura.
Një pjesë relikesh nënujore si amfora e objekte të tjera janë rikuperuar nga arkeologët shqiptarë dhe janë ekspozuar në Muzeun Historik Kombëtar dhe atë arkeologjik në Durrës.

Gjatë kohës së Luftës së Ftohtë ishulli i Sazanit ka shërbyer si bazë ushtarake detare ku ishin vendosur kryesisht anijet katerasiluruese, artilieria bregdetare etj. Gjatë asaj periudhe ishulli ka qenë i banuar nga rreth 10 mijë banorë të cilët kryesisht ishin familjarë të oficerëve që shërbenin në ishull.

Gjatë luftës së ftohtë ishulli i Sazanit bashkë me gjirin e Vlorës konsideroheshin si fronti me i vështirë për Ushtrinë Shqiptare. Për këtë arsye, njerëzit që shërbenin në ishull kishin trajtim të veçantë nga qeveria e asaj kohe.
Sipërfaqja e ishullit është 5.7 kilometër katror dhe shtrihet në hyrje të Gjirit të Vlorës. Shtrirja gjeografike e tij është juglindje-veriperëndim në një gjatësi prej 4.8 kilometër. Gjerësia më e madhe e tij është 2 kilometër.

Vija bregdetare e ishullit është pak e thyer. Në anën perëndimore gati në mes të tij formohet Gryka e Xhehenemit, që është një gji i vogël, por i hapur dhe shumë i thellë. Në bregun lindor formohet Gjiri i Shënkollës, ku është ndërtuar edhe porti detaro-ushtarak i ishullit dhe në jug të tij shtrihet Gjiri i Japrakut.
Pikërisht këtu gjendet edhe Plazhi zallor i Admiralit. Ishulli përbëhet nga dy kodra shkëmbore monolite me lartësi maksimale 342 metra. Ngritja e këtij relievi në mënyrë të menjëhershme nga deti, të krijon përshtypjen e një lartësie shumë të madhe. Lartësitë e ishullit ulen nga skajet në drejtim të qendrës. Dy luginat e tij, ajo e Përroit të Xhehenemit dhe Përroi i Shënkollit, që nisen nga Qafa e Vidheve, e ndajnë ishullin në dy pjesë, në atë Veriore, që është më e larta, plot 342 metra dhe në atë Jugore, me lartësi 331 metra.

Duke qënë një zonë e mbrojtur ushtarake, flora dhe fauna e ishullit kanë ngelur të pa prekura. Kjo ka mundësuar shmangien e gjuetisë së paligjshme, si dhe të abuzimeve e dëmtimeve të tjera.

Periferia e ishullit ka shumë plazhe të bukura e të pa shfrytëzuara
Gjatë një vizite të bërë në shkurt të këtij viti, Ministrja e Mbrojtjes Mimi Kodheli, u shpreh se “ky është një ishull që ka pasur një tjetër përdorim dikur, kryesisht për arsye ushtarake.

Ajo epokë ka mbaruar. Është shumë e bukur që diçka e betonizuar për arsye ushtarake, të kthehet në një vend të mirë, të bukur, të dashur, të pastër për turizmin dhe turistët. Shqipëria ka burime për ta bërë tërheqëse vendin për investitorë të huaj apo vendas”.

Dhe vërtet, po t’i hedhësh një sy brigjeve të këtij ishulli, mrekullohesh nga bukuria e plazheve, shpellave, guvave dhe historisë së tij.
Shpellat nënujore, si ajo e Haxhi Alisë, Gjirit të Djallit e të tjera janë nga më të mëdhatë që mund të gjenden në Mesdhe. Ato sot përbëjnë një sfidë të vërtetë për zhytësit dhe një atraksion të veçantë për sportet nënujore.
Ishulli i Sazanit, sot vizitohet nga eksplorator amator të nënujit, spelolog, admirues të natyrës por së shpejti ai do jetë një objeksion për turizmin e lirë. Sazani mbetet një mundësi e vonuar për turizmin shqiptar.

Ishulli i Sazanit, nje pike e rendsishme turistike ! Read More »

Përkujtohet në fshatin Kaninë në Vlorë, 567 vjetori i dasmës së Skënderbeut

Leave a Comment / Aktualitet, Art-Kulture, Histori / /

Përkujtohet në fshatin Kaninë në Vlorë, 567 vjetori i dasmës së Skënderbeut. Një ngjarje e rëndësishme historike që vjen për herë të parë në kalanë e Kaninës, vendi ku 567 vite më parë Gjergj Kastrioti Skënderbeu lidhi kuorër me bijën e Kaninës së Vlorës Donika Arianiti, një martese e konsideruar edhe si një bashkim mes veriut dhe jugut të Shqipërisë.

Gjithcka është realizuar si një dasmë, ashtu si mund të jetë festuar në atë kohë, ndërsa mbërritja e ciftit u realizu mbi dy kuaj. Ideja e deputetit Fate Velaj, ndërsa të pranishem dhe një delegecion prej rreth 60 vetash, të ardhur nga Arbëreshët e Italise, në përberje të së cilit edhe Loris Castriota Scanderbeg, stër,stër nipi i Skënderbeut.

Të pranishëm edhe miq e dashamirës nga trevat Shqiptare, Kosove, Mal i Zi dhe Maqedoni, ndërsa synimi mbetet që kjo ditë të kthehet në një festë të përvitshme, duke e kthyer në një nga ngjarjet e rëndesishme historike që duhet përkujtuar.

Deputeti dhe iniciatori Fate Velaj e ka konsideruar të tillë këtë ngjarje,një ditë historike që duhet lënë kujtim për brezat.Loris Castriota Scanderbeg, e ka nisur në shqip përshëndertjen e tij, për të falenderuar dhe vlerësuar kujtimin e kësaj ngjarjeje historike që ka bashkuar shqiptarët.

Nuk kanë munguar përshendetje nga përfaqësues dhe drejtues të delegacionit arbëresh, kreut të bashkise Vlorë e shqiptarë të Kosovës, ndërsa gjithcka ka vijuar me koncert me këngë e valle nga të gjitha trevat shqiptare.

Festa që përkujton dasmën e Skënderbeut do të vijoje në manastirin e Ardenicës, ndërsa ditën e hënë, ky përfaqësim do të jetë edhe në Tiranë,në një kujtim në sheshin që mban emrin e heroit tonë kombëtar, por edhe në bashkinë Tiranë

Përkujtohet në fshatin Kaninë në Vlorë, 567 vjetori i dasmës së Skënderbeut Read More »

Mirësevini në Vlorë! – “Qyteti I flamurit”, “Qyteti me dy dete” dhe “Porti Jugor i Adriatikut”

Leave a Comment / Aktualitet, Art-Kulture, Histori, Turizem / /

Vlora është një nga qytetet më të bukura të Shqipërisë dhe për këtë duhet të jemi krenar. E quajtur “Qyteti I flamurit”, “Qyteti me dy dete” ose “Porti Jugor i Adriatikut” konsiderohet si perla e turizmit shqiptar, me brigjet e saj të bukura, gadishulli I Karaburunit, ishulli I Sazanit, kalaja e Kaninës, Laguna e Nartës, Lumi Vjosa, me shumë plazhe, monumente, njerëz, produkte, toka dhe det etj.

Cfare duhet vizituar.

Në qendër të qytetit ngrihet “Monumenti I Pavarësisë” në festën e këtij eventi historic. Afër, shtrihet me nje pamje interesante Mozaiku I Muradies, i ndërtuar në vitin  1542, nga arkitekti I famshëm Sinani (që gjithashtu ka ndërtuar mozaikun e Sulejmanit në Stamboll). Një pikë krenare e Vlorës është edhe Kuzum Baba, pika më e lartë e këtij qyteti, e cila ofron panorama të mrekullueshme të të gjithë Vlorës me pamje nga deti. Në very te qytetit shtrihet Laguna e Nartës, e dyta më e madhja në Shqipëri. Natyrëdashësit do të gjejnë vendin ideal për ta. Laguna është e pasur me peshq dhe me gjallesa ujore dhe ka përmbajtje të lartë kripe.

Fshati I Nartës dhe Zvërnecit, të njohura per prodhimin e verës së tyre artizanale, janë afër gjirit të Lagunës. Kështu njerëzit mund të shijojnë peshkun e freskët dhe verën e bërë vetë. Aty mund të vizitosh edhe Manastirin e Zvernecit. Në ishullin e vogël të Zvërnecit ndodhet kisha Bizantine e Shën Mëris, e ndërtuar në shekullin e 14. Ishulli është I mbuluar nga pemë mesdhetare. Bashkë me pikën e Triportit, e bëjnë ishullin një vend shumë tërheqës.

Jo largë nga qyteti, në një pikë dominante është Kalaja e Kaninës në fshatin e Kaninës, e cila I përket shekullit të 3të, dhe ka qënë pronë në të cilën është rritur Donika, gruaja e heroit tonë nacional Skënderbeut.

Vlora ka një pozitë të favorshme gjeografike si portë hyrëse në Rivieren Shqipëtare, dhe është perla për turizëm. E fillojmë nga “Uji i Ftohte” sepse është burim I ujit të ftohte, dhe vazhdojmë me tunelin I cili është kufiri natyror midis  detit Adriatik dhe Jon. Aty fillon rruga për Rivierën Shqipëtare. 10 km. nga Vlora, Radhima është fshati me shumë hotele luksoze dhe piktoreske qe presin vizitoret te kalojne pushimet e tyre ne Vlorë. Do tju tregojme disa prej tyre në faqet në vazhdim. Duke lënë qytetin pas dhe duke udhëtuar drejt Sarandës, ne arrijmë në qafën e Llogorasë dhe Parkun Nacional, I mbuluar nga pyje te dendura pishash. Afër, ndodhet fshati turistik për të cilin do tju tregojmë ne faqet në vazhdim. Llogoraja është vendi Ideal për hedhje me parashuta. Është I njojtur për evente europiane në lloje të ndryshme sportesh. Llogaraja është një vend I rrallë ku ajri I fresket dhe I pastër I malit ndërthurret me ngrohtësinë e detit.

Traditat tona të rralla kulturore.

Vlora nuk është e njohur vetëm prej heronjve dhe luftëtarëve të qytetit,por sepse njerëzit e fshatrave të Vlorës janë të gjithë këngëtar, ata kultivojnë një zhaner specific të muzikës, folkun karakteristik të cilin askush nuk e këndon sic e këndojnë ata. Grupi polifonik I Vlorës është unik në të gjithë Botën. Së fundmi “Polifonia Labe” (e ashtuquajtur folku karakteristik) është pjesë e 50 riteve spiritual të Botës. Një fakt tjetër që e bën Vlorën të famshme është, pemët e ullirit. Ju mund të shijoni vajin e bërë nga fabrikat tona, I cili është më I miri në llojin e vet.

Akomodimi.

Strukturat e akomodimit në Vlorë janë luksoze dhe ofrojnë kushte shumë të rehatshme. Si gjithë Shqipëria, edhe në vlorë cdo gjë është ndërtuar 15 vitet e fundit, kështu që mobilimi dhe teknologjia e hotelit është pothuajse e re.

Gastronomia.

Vlora është një qytet I vecantë sepse në të njëjtin restorant ju mund të shijoni produktet e mishit dhe të peshkut. Ju mund të shijoni frutat e detit dhe peshkun dhe njekohësisht qengjin në hell. Në restorantet e Vlorës ka një shije unike. Kjo ndikohet prej tokës ku janë rritur, plot jod dhe kripë, e cila vjen nga erërat e detit Jon, kjo u jep një shije speciale qengjave.

Argëtimi

Ju mund të ushtroni të gjitha llojet e sporteve ujore ose ajrore, dhe gjithashtu mund të shkoni në mal. Udhëtime të gjata apo të shkurtra, parashutizëm, zhytje, lundrim në hapësira të mëdha, janë disa nga aktivitetet më interesante që Vlora ofron për pushuesit jo vetëm në verë.

Gjenden kompani të ndryshme në Vlorë që organizojnë sporte të ndryshme. Ato ofrojnë ndihmë në zhytje, për të eksploruar ujërat e dy deteve të Vlorës. Mund të shkoni tek “ekspedita blu” për të përjetuar eksperiencat në ujrat me kontakt me OUTDOOR ALBANIA, një grup në gjithë Shqipërinë. Në Vlorë gjatë pranverës kur deklarohet hapja e sezonit turistik, organizohet një aktivitet I rëndësishëm, Exploring Albania.

Gjithashtu në mënyrë individuale mund të ushtrosh sporte ujore si: sërf, gara me motorrat ujor, dhe të bëshë udhëtime të gjata në plazhin e Karaburunit, I cili ofron mundësi të pafundme për të vizituar shpellat e këtij gadishulli si dhe botën nënujore.

Në parkun nacional të Llogorasë ju mund të gjeni një faun dhe florë të pasur në thellësinë e pyjeve të parkut. Për alpinistët një mundësi e mirë është të arrinë në maj të malit të Cikës, të shijojnë panoramën magjike të detit, të ndërthurrur me male dhe pisha.

Përsa i përket jetës së natës, klube dhe disko organizojnë koncerte të mëdha ku këngëtarët shqipëtar ose të huaj këndojnë live.  Një ndër këto klube mund të përmendim Summer Depo.

Ardhja në Vlorë është një zgjedhje e zgjuar, sepse është vendi që e viziton dhe e mban mend. Duke eksploruar Vlorën ju mund të shikoni vende shkembore, por duke hyrë brënda mund të shikosh një natyrë shumë të bukur, ushqim të shijshëm. Vlora është qyteti magjik, me njerëz mikpritës, solar, dinamik, të qeshur, pak impulsive por të sinqertë.

Qarku I Vlorës përfshin zona të mëdha të Shqipërisë në të cilën përshihet edhe Riviera Shqipëtare. Dy parqe nacionale dhe rezervate janë të përfshira si tërheqje natyrore të Vlorës, që ofrojnë 48 monumente natyrore të 3 kategorive. Aventura turistike ju garantohet pasi ju keni parë të paktën tarracën e Kuzum Babas, tarracën e Ujit të Ftohtë, shpellën e Gramës, Haxhi Alia në Karaburun, shpëlla e Lepenicës, maja e malit të Cikës, kanioni I Gjipes dhe pisha flamur në Llogora.

Vlora është e rëndësishme për fkatin se ofron potenciale të mëdha për turizmin blu dhe jeshil. Në parkun nacional të Llogorasë mund të ushtrosh dhe turizmin e bardhë gjithashtu.

Parku nacional ujor i ishullit të Sazanit dhe Gadishullit të Karaburunit.

Ky është parku më I ri në Shqipëri që përfshin zonat ujore te ishullit të Sazanit dhe gadishullit të Karaburunit poshtë ujrave blu të detit Jon. Një florë dhe faun e pasur ndodhet në zonat e këtij parku, të deklaruar në Maj të vitit 2010 si parku nacional I 15 I Shqipërisë.

Shumëllojshmëria e tokave është e rëndësishme për zonën mesdhetare, me pyjet alpine dhe subalpine, pishat (pinus nigra) dhe pinus peuce, pinus leucodermis, pisha maqedonase, pyjet konifer, shenja tipike mesdhetare, flora tipike e shkëmbinjve ujor etj. Në ujëra ne mund të shohim delfin (Delfinus Delphi dhe Tursiops Trumcatus) dhe lloje të tjera të mbrojtura nga konventa të ndryshme. Në ujërat e Karaburunit ka Foka (Monachus monachus) një nga llojet që është në rrezik zhdukjeje. Zondat me bimë endemike dhe subendemike si Taxus Bacata, Ceratonia Siliqua, etj. Zonat janë me potencial të lartë për zhvillimin e turizmit dhe ekoturizmit. Parkut nacional I bashkangjitet edhe ishulli I Sazanit. Kjo sjell zhvillimin masiv të turizmit nënujor. Deri tani grupe të ndryshme profesionale organizojnë ekspedita zhytjeje për amator dhe profesionist.

Laguna e Nartës ndodhet në pjesën very perëndimore të qytetit të Vlorës. Ajo është e pasur me toka të lagura , me zogj ujor, me një florë tipike mesdhetare të tokave të kripura. Narta është laguna e dytë më e madhe në gjithë Shqipërinë përsa I përket zogjve të ujit, dhe kjo e bën atë një nga zonat natyrore të mbrojtura. 20 mijë zogj dimri që përfshin 40 lloje. Burim ushqimi për pelikanin kacurrel (Pelicanus Crispus) dhe për flamingon (Phenicoperus Ruber) rreth lagunës rritet një faun e pasur tipike e ligatineve mesdhetare. Zona e Zvërnecit është e famshme për tërheqjen të ndërthurur me pasurinë tradicjonale dhe kulturore  që ka një potencial të lartë për zhvillimin e turizmit. Brenda në Lagunën e Nartës shtrihet ishulli I Zvërnecit, I famshëm për Manastirin e vjetër që ka vlera kulturore.

Kushtet klimatike.

Vlora ka një klimë të ndërthurur malore dhe detare. Vera është e freskët me shumë diell, dhe dimri I ftohtë dhe I lagësht.

Flora dhe fauna.

Flora konsiston ne pyje konifer si pisha e zez. Pemët janë përgjithësisht mesdhetare, shumë të vjetra por të rëndësishme për ekoturizmin. Fauna e parkut është gjithashtu e pasur me rosa, shqiponja, ketra, etj.

Sportet dhe aktivitetet.

Llogoraja ka potencial të lartë për zhvillimin e ekoturizmit. Ju mund të organizoni sporte të ndrysme si ngjitje. Mund të bëni ekskursione ose piknik. Kampingu dhe gjuetia janë të lejuara vetëm në zona të caktuara dhe duhet të pyesësh autoritetin.

Cfarë mund të vizitosh.

Pisha flamur 900m mbi nivelin e detit, 20m e lartë me diametër 75 cm, është 100 vjece. Mund të vizitohet në rrugën Vlorë-Llogora-Palas. Shpella e Shën Gjergjit ndodhet në malin e Cikës afër fshatit Tërbac. Shpella karstike 100m e gjatë dhe 3-4m e gjerë. Thuhet që kjo shpell është përdorur nga Teuta e Ilirisë. Mund të vizitohet gjatë rrugës Vlorë-Kotë-Tërbac. Shpella e Lepenicës ndodhet afër fshatit Lepenic, muret e së cilës janë të shkruara me dizajne të ndryshme nga kohët prehistorike. Vizitohet gjatë rrugës Vlorë-Kotë-Lepenicë. Shpella e Haxhi Alisë ndodhet në gadishullin e Karaburunit midis Gjuhëzës dhe Gollovecit. Është 30m e gjatë, dhe 10-12m e gjerë. Mund të vizitohet vetëm nga deti, nga Vlora deri tek kepi I Gjuhëzës.

Ushqimi dhe akomodimi.

Në qoftëse viziton parkun e Llogorasë nuk duhet të humbasësh mundsinë për të shijuar mbretin e kuzhinës tradicionale të zones, qengjin e pjekur në hell. Ky lloj ushqimi ka një shije special sepse rritet ne tokë të kripur të pasur me jod deti. Gjithashtu ja vlen te provohet kosi I deles, ullinjtë, mjalti dhe vera e zonës. Shumë restorante të vegjël apo të mëdhenj e ofrojnë këtë duke filluar që nga Llogoraja deri afër Palasës edhe më tutje. Mundësi akomodimi ka shumë. Ju mund të gjeni hotele të shumta me kushte shumë të mira. Mund të themi se struktura akomoduese më e famshme është “Fshati Turistik Llogora” që ofron një strukturë moderne dhe luksoze.

Monumente natyrore.

Gjeo-monumentet:

Kuzum Baba ndodhet në pjesën lindore të qytetit të Vlorës. Në kodrën Kuzum Baba përreth 30m mbi nivelin e detit, gjatësia shkon 200-300m.

Tarraca e Ujit të Ftohtë, 30 m mbi nivelin e detit, është një shkëmb I vjetër 20-25m i lartë.

Intinerari ujor.

Shkëmbi dhe shpella e Gramë, ndodhet pas Karaburunit.  Gjiri I Gramës ka një breg shkëmbor dhe mund të ketë edhe shpëlla nënujore. Ndodhet dhe një zonë ku skllevërit kanë gdhendur emrat e tyre dhe të dhëna të tjera, që janë burim mesazhesh të rëndësishme për kërkuesit.

Intinerari Vlorë-Himarë.

Barrierat korale të grykës së Djallit. Habitati koral ndodhet midis Karaburunit dhe Sazanit, me një thellësi rreth 10m në ishullin e Sazanit. Shkëmbi I Sazanit bie direct në det në formën e një shkëmbi aktiv me një gjatësi prej disa qindra metrash, me altitudë 100-120m. Muret kanë thyerje, gropa, etj.

Mali I Cikës është një thyerje tektonike që është në formën e shkallzimeve me gjatësi 2-8 metra.

Intenerari Vlorë-Llogara.

Shkallëzimet aktive të Dukatit. 300m nga rruga rurale e fshatit Dukat, është një fenomen gjeologjik I rallë nga thyerjet dhe zhvendosjet e lumit 4-5 metra.

Intenerari Vlorë-Dukat dhe Fushë-Llogora.

Ndërprerja e aktive e re e Llogorasë. Në afërsi të fshatit Dukat, në llogore Jug-në anë të rrugës. Ka me qindra metra të sipërfaqes dalje.

Itinerari Vlorë-Dukat Fushë-Llogora.

Kanioni e Gjipesë. Ajo është e formuar nga karst. 800 m të gjatë, 10 m të gjerë, 100-120 m të lartë

Internerari Dhërmi-St. Theodor- Plazhi Gjipe

Dunat toka e Vunoit. Paraqesin peizazhin e degraduar në balta Kuaternarit, 10-15 m të trashë dhe të kuqe, arriti nga lartësitë. Ajo është formuar nga erozioni, intensifikimin e dëmtimin e faktorit njerëzor, dëmtimit vegjetacionit, zjarret.

Internerari Vlorë- Vuno ose Himarë-Vuno.

Rrethi i Gruas së Vjetër. Brataj, rreth 800 m mbi nivelin e detit, në formë si një vulë me tre qarqe, në  gur gëlqeror formuar nga karstiket.

Vlorë-Kotë-Brataj-monument.

Dunat e Nartes. Dunat janë një grup prej 5-6 m të lartë dhe 20-30 gjerë m. Të mbuluara me bimësi, bari, shkurre, pisha mbillen 50 vjet më parë.

Internerari Kriporja- Gjiri i Nartës

Delta e lumit Palasa. Përbën në një kon të formuar nga depozitimi lumë, më i madhi në vend, me gjatësi 900 m, ndërsa baza kon është rreth 2 km, ku është plazhi ranor.

Internerari Vlorë-Llogora-Palasë.

Shpella e Shën George. Në shpatin e Cikës, i njohur si “Shpella e bletës”, e “Shkembit të kuq”. Krijuar nga karstike në gëlqerorë, 100 m të gjatë, 3.5 m të lartë. Rreth 8 m nën hyrje shpellë, është një mur I  lashtë. Besohet se shpella është përdorur nga mbretëresha ilire Teuta.

Vlorë-Kote-Tërbaç-shpellë.

Shpella e Ramikas. Shushicë, 1000 m mbi nivelin e detit. Krijuar nga karstike në gëlqeror, Konsiston në nguhtime dhe zgjerime me një madhësi prej 10-15 m.

Internerarin Vlore-Kote-Ramicë.

Shpella e Velçës. Brataj. Krijuar nga karstike në gëlqeror, Konsiston në ngushtime dhe zgjerimet dhe ka mikroforma. Disa metra të gjatë, 5.7 m të gjerë dhe të lartë. I njohur si zgjidhjen e njerëzimit neolitik, ende e pashkelur.

Itinerari o Vlorë-Kote-Velçë

Shpella i Boderit. Shushicë, 800 m mbi nivelin e detit. Krijuar nga karstike në gëlqerorë, është dy kate, rreth 200 m të gjatë, 10-15 m të lartë dhe të gjerë.

Itinerari Vlorë-Kotë-Smokthinë.

Shpella e Haxhi Alisë. Karaburun midis kepit të Gjuhëzës dhe Goloveci. Krijuar nga karstike në gëlqerorë mbi 30 m të gjatë, 10-15 me 10-12 m të lartë dhe të gjerë. Emri është i lidhur me emrin e marinarit  Haxhi Alia.

Itinerari Vlora- Kepin e Gjuhëzës

Shpella e shkruajtur e Lepenicës. Brataj. Krijuar nga karstike në gur gëlqeror, ku shumë vizatime të lashta janë zgjeruar në mure.

Vlorë-Kotë-shpella e Lepenicës.

Shpella e Bilbilejve. Grup i vogël i shpellave në gëlqeror karstikike në malin e Cikës, pranë Tërbaçit, Vranisht. Njohur dhe i quajtur si Shpella e Peshnjës. Këta njerëz janë strehuar nga pushtuesit.

Vlorë-Kotë-Tërbaç-Peshnjë.

Shpella e Porto Palermos. Në gjirin e Palermos. Shpella karstike, më pak të njohur.

Itinerari Himarë-Porto Palermo.

Shpella e Piratëve. I ndodhur pranë shkëmb detar në Manastirin të Shën Teodorit. Është shpellë karstike. Piratët janë strehuar atje me anije të vogla. Një shkëmb i ndarë në dy pjesë bllokon aksesin.

Plazhi i Dhërmiut.

Shpella e Serianit. I ndodhur në qytetin e Himarës. Njohur dhe me emrin “Shpella e Odisesë”. Është e njohur si shpellë karstike 20 m të gjatë, 7.8 m të lartë dhe të gjerë.

Shpella e Dukgjonit.  Në Gjirin e Bristani. Kjo është një e njohur si shpelle karstike 30-40 m të gjatë, 20-25 m të gjerë dhe të lartë, me pellgje ujore etj

Itinerari I Orikum- Kisha e Marmiroit- Këmba e Kanalit.

Vrima e Vranishtit. Mali Bogonic, 1000 metra mbi nivelin e detit. Përfaqëson një vrimë karstike të zgjeruar.

Itinerari Vlorë-Kotë-Vranisht

Hidro-monumentet

Ujëvarë e Ramicës. Brataj. E njohur dhe e quajtur si “Fell doën ëater.” Formuar nga rrjedhja e ujëerave të Ramicës në shkëmbinj gëlqerorë, 10-12 m të lartë. Uji bie në një gropë rreth 1.5 metra të thellë.

Itinerari Vlorë-Kotë-Ramicë-Gjinoçicë.

Burimi kripur i Bashaj. Kjo është një burim karstik I kripur. Duket se gjatë rrugës përshkon shtresa kripë nëntokësore.

Vlore-Kote-Bashaj itinerarin.

Laguna Limopuo. I ndodhur në afërsi të fshatit Zvërnec. Ajo është e laguna bregdetare me biodiversitet të lartë të kripës karstike.

Itinerari Vlore-Pylli I Sodës- Zvërnec

20 Bio-monumente

Pema e Buronjat.

Pisha Flamur in Llogora.

Pema e Tërbaçit.

Rrapi i Dukatit.

Pema e Izvorit.

Rrapi i Tragjasit të vjetër.

Rrapi i Shënvarvarës në Velçë.

Pema e Drashovicës.

Pemët e ullinjve të Trumbullit në Karbunarë.

Pylli I  Zvërnecit.

Pemët e Steeple-t.

Lisat e  Pilurit.

Pema e  Kosmarit.

Pema e Palasës.

Pema e shkollës Nr.1.

Rrapi I xhamisë.

Pema e Spigot.

Pemët e Zareli.

Pema e Shatërvanit të Madh.

Pema Laze.

Mirësevini në Vlorë! – “Qyteti I flamurit”, “Qyteti me dy dete” dhe “Porti Jugor i Adriatikut” Read More »

Kryegjyqtari i Krimeve të Rënda si Agjenci Imobiliare, zbardhet pasuria “mbretërore” e Fehmi Petkut

Leave a Comment / Aktualitet / /

Gjyqtarët dhe prokurorët, vlerën më të madhe të pasurisë e kanë tek investimet në pasuritë e paluajtshme.

Numërohen me gishta gjyqtarët dhe prokurorët që jetojnë me pagat që marrin.

Në fakt nuk do shumë përllogaritje, duke patur parasysh koston e jetesës në Shqipëri, se çfarë pasurie mund të vësh me pagën e një gjyqtari apo prokurori.

Në këtë mënyrë, investimet në pasuritë e paluajtshme të gjyqtarëve dhe prokurorëve dyshohet se janë burimi kryesor i pastrimit të parave prej tyre. Pra, investimet në pasuri të paluajshtme, dyshohet se i kanë kthyer në një lavatriçe të pastrimit të parave. Por deri më tani nuk ka pasur hetime të mirëfillta për këtë çështje.

Nëse shikon në mënyrë të detajuar deklarimin e pasurisë të gjyqtarëve dhe prokurorëve, arrin në konkluzionin se në fund të procesit të vettingut, do të mbetemi pa gjyqtarë dhe prokurorë.

Është radha e kreut i Gjykatës së Apelit për Krime të Rënda Fehmi Petku, për të cilin ILDKPKI, na ka vënë në dizpozicion deklarimin e pasurisë për vitin 2016.

Në formularin e deklarimit të pasurive që disponon CNA.al, Petku rezulton me një sërë pasurish të paluajtshme, madje për disa prej tyre (sipërfaqe toke) pohon se nuk ka as dokumentacion. Edhe për një shtëpi në Sauk të lëshuar me qira me mbi 1600 euro në muaj, Petku deklaron se e ka të paregjistruar në Hipotekë.

Pasuria e deklaruar për vitin 2016.

Pasuri të paluajtshme të fituara si trashëgimtarë ligjor i babait. E pavlerësuar deri në këto momente.

Trualli me spërfaqe 372 metër katror. Shitës komiteti Ekzekutiv Tiranë me vlerë 7440 lekë.

Banesë mbi truallin e mësipërm e përbërë nga tre kate, bodrum dhe papafingo. Ndërtuar në vitet 1994-1995. Legalizuar në vitin 2006 me sipërfaqe ndërtimi 1150 metër katror. E pavlerësuar deri në këto momente.

Truall me sipërfaqe 6000 metër katror, blerë me dy kontrata shitblerje. 4000 metër katror në shumën 60 00 000 lekë dhe 2000 metër katror në vlerën 30 00 000 lekë. Të dyja këto sipërfaqe janë blerë me 1500 lekë metër katrori. Sipëedaja faktike sipas dy kontratave 53 000 metër katror që shkon në 7950000 lekë.

Një shtëpi banimi dy katëshe e ndërtuar mbi truallin e mësipërm me sipërfaqe 130 metër katror. Banesa ka përfunduar procesin e legalizimin. Mbi bazën e deklaramit të bërë nga babai, kjo banesë ka kaluar në emrin tim. Banesa është e pavlerësuar deri më sot.

Truall me sipërfaqe 16 000 metër katror e blerë si më poshtë:

Me datë 19.07.1996, 4500 metër katror në shumën 225 000 lekë. Po në të njëjtën datë ka blerë 250 metër katror në vlerën 125000 lekë dhe 632 metër katror në vlerën 316 000 lekë. Me datë 21.08.1996, blerë 200 metër katror në vlerën 100 000 lekë.

Nga sipërfaqja totali prej 16.000 metër katror, për sipërfaqen prej afërsisht 10.000, nuk ka mundur të gjej deri në këto momente aktet e shitblerjes, por sqaroj se që nga gushti 1996, shkurt 1997 dhe deri në nëntor 2014, kjo sipërfaqe është poseduar nga trashëgimlënësi dhe nga nëntori 2014 e deri më sot, posedohet nga trashimtarët e tij.

E gjithë sipërfaqja, është një parcelë e vetme, e pandarë dhe ndodhet në fshatin Bultic, komuna Vaqarr, në Tiranë dhe është e paregjistruar në zyrat e regjistrimit të pasurive në emër të trashëgimlënësit për shkak të mungesës së dokumentacionit të duhur ligjor nga ana e shitësit.

Pasuri e paluajtshme, tokë bujqësore e ndodhur në fshatin Kodër-Lumë, komuna Shtiqën, Bashkia Kukës, pasuri trashëgimore e vjetër. Kjo pronë është e paregjistruar në regjistrat e ZRPP Kukës, pasi ndodhet në proces gjyqësor në Gjykatën e Apelit Shkodër, për fitimin e pronësisë.

Të ardhura nga paga si gjyqtarë në Gjykatën e Apelit për Krime të Rënda në shumën 1.739.184 lekë.

Të ardhura nga pjesëmarrja në Komisionin për mbrojtjen e dëshmitarëve dhe bashkëpunëtorëve të drejtësisë, në shumën 38 250 lekë.

Të ardhura nga paga e djalit Alban Petku, i punësuar në sektorin privat në shumën 193.163 lekë.

Të ardhura nga kompania e sigurimeve shoqërore INSIG, si siguracion shëndetësor në shumën 549 467 lekë.

Të ardhura nga kontrata e qirasë (1600 euro në muaj) për banesën e ndodhur në Sauk, me kontratë jo noteriale, pasi banesa është e paregjistruar në Hipotekë në vlerën 6400 euro. Kjo shumë është marrë gjatë periudhës 13.01.2015 – 01.01.2016.

Të ardhura nga kontrata e qira për banesën në Sauk, me kontratë jo noteriale,lidhur me datë 22.08.2016 me një afat dy vjeçar, me shumën 1800 euro në muaj.

Vlera e qirasë nga periudha kur është lidhur kontrata deri kur është bërë deklarimi i pasurisë, pra nga 22.08.2016- 16.08.2016 shkon në shumën 8 100 euro.

Overdraft për nevoja familjare në shumën 190 000 lekë.

Master card, marrë për nevoja familjare me datë 21.06.2010 në shumën 5 000 euro. Detyrim i pashlyer 5039 euro.

Ka shlyer kredinë familjare në shumën 406 629 lekë.

Kredi personale për nevoja familjare marrë me datë 05.10.2016 në shumën 1500 000 lekë. Shuma e pashlyer është 1.459.225 lekë.

Qira financiare marrë me datë 14.04.2015, për përdorim automjeti në shumën 10 549 euro për një afat 4 vjeçar.. shuma e pashlyer është 6582.73 euro.

Dorëzanës për djalin tim Bekim Petku në qirane financier Tirana Leasing me datë 16.04.2013, në shumën 23 400 euro për 5 vite. Shuma e pashlyer është 7.239 euro.

Kryegjyqtari i Krimeve të Rënda si Agjenci Imobiliare, zbardhet pasuria “mbretërore” e Fehmi Petkut Read More »