Aktualitet

Fjala e Kryeministrit Edi Rama në takimin e kabinetit qeveritar me drejtuesit qendrorë e vendorë për punësimin, shërbimet, reformën e tokës:

Mirëmëngjes të gjithëve!

Është një takim që ne e zhvillojmë gjithnjë në këto aktivitete jashtë Tiranës të kabinetit qeveritar me drejtuesit vendorë dhe me drejtuesit e agjencive dhe zyrave qendrore në qark, për të nënvizuar problematikat dhe objektivat tona.

Unë dua ta nis me objektivin për të çuar shërbimet në një nivel krejt tjetër dhe me një sërë vështirësish që ne hasim në këtë aspekt, pasi ende në zyrat e shërbimeve administrative ka parazitë dhe grabitqarë që janë mësuar të shfrytëzojnë detyrën dhe mundësinë që u jep detyra, për të përfituar në dëm të interesit dhe të të drejtave të qytetarëve.

Një nga pikat strategjikisht të rëndësishme është nxitja e vazhdueshme e njerëzve për të bashkëvepruar me qeverinë përmes platformës së bashkëqeverisjes www.shqipiëriaqëduam.al.

Historia e derisotme e platformës na tregon qartësisht se në shumë raste “jo”-ja, apo “ta shikojmë”, që përdoren si çelësa komunikimi me qytetarët për t’iu dhënë të drejtat e tyre, janë tërësisht abuzive.

Përpara disa ditësh, ministrja e Drejtësisë ka informuar publikun lidhur me ecurinë e procesit të bashkëqeverisjes përmes platformës, në raport me dhënien e të drejtave nga hipoteka, ALUIZNI, si dy pika kryesore referimi për qytetarët në këtë fazë të historisë tonë, ku nevoja për titujt e pronësisë dhe nevoja për titujt e legalizimit është ende shumë-shumë e madhe.

Fatkeqësisht, platforma dhe ndërveprimi me qytetarët ka nxjerrë në pah sesa shumë iu bihet në qafë njerëzve padrejtësisht lidhur me, në radhë të parë, kërkesën për të marrë dokumentin e pronësisë në hipotekë. Por, nga ana tjetër, në këtë proces është shprehur edhe vullneti ynë, që për çdo rast, kur një qytetar ka të drejtë dhe kur atë që nuk e ka marrë për vite të tëra e merr brenda 10 ditësh, që do të thotë se është penguar padrejtësisht, ne nuk ndalojmë me kaq, por i shkojmë pas rastit dhe evidentojmë shkaktarët e pasojës së rëndë mbi qytetarët, duke i larguar nga puna dhe pastaj duke i çuar edhe në ndjekje penale.

Janë sot mbi 80 raste largimesh nga puna në hipoteka pikërisht për këtë shkak dhe pikërisht si rrjedhojë e ndërveprimit të drejtpërdrejtë me qytetarët dhe një numër tjetër i konsiderueshëm masash paralajmëruese për punonjësit e hipotekave.

E them këtë për të nënvizuar dy gjëra;

Drejtuesit e hipotekave do ta kenë shumë-shumë të qartë, që ajo që kanë përsipër është një detyrë me një rëndësi shumë të madhe në jetën e qytetarëve sot. Vonesat, zvarritjet, mosdhënia e shërbimit në kohë janë në radhë të parë përgjegjësi e tyre dhe nuk mund dot të fshihen pas një punonjësi, apo një punonjësi tjetër që është shkaktar i drejtpërdrejtë i shkeljes së të drejtës për të marrë shërbimit.

Të gjithë qytetarët duhet ta marrin qartësisht mesazhin, se nuk është e nevojshme të humbasin kohë për t’i gjetur anën zgjidhjes së problemit të tyre në forma të ndryshme, por mjafton që të drejtohen në platformën e bashkëqeverisjes, të shpenzojnë maksimumi 3 minuta për të bërë me dije problemin e tyre dhe brenda 10 ditësh marrin përgjigje, duke realizuar qëllimin e tyre për të marrë atë që iu takon dhe duke ndihmuar që pas dhënies së të drejtës për ta, të zbulohen shkaktarët e vonesës në marrjen e asaj të drejte.

Ne kemi hyrë në një fazë tëre të dhënies së shërbimeve. Sot kemi një numër të konsiderueshëm shërbimesh që jepen drejtpërdrejtë nga platforma e-Albania përmes internetit. Janë mbi 400 shërbime të drejtpërdrejta. Por është e domosdoshme që të gjithë zyrat, të gjithë drejtuesit vendorë dhe drejtuesit e zyrave qendrore në territor të ndihmojë që sa më shumë njerëz të vetëdijesohen për ekzistencën e këtyre shërbimeve dhe sa më shumë njerëz t’i përdorin këto shërbime, që janë të shpejta, efikase dhe larg çdo lloj hapësire ku abuzohet, apo ku bëhet korrupsion.

Duke qenë se jemi këtu në Qarkun e Fierit, dua të flas specifikisht duke filluar nga çështja e vjetër dhe e pazgjidhur e titujve të pronësisë në tokën bujqësore, ku ne jemi në bashkëpunim të ngushtë me bashkitë dhe specifikisht me Bashkinë e Fierit. Shpresojmë se rruga e ndjekur nga bashkia, për t’i dhënë një zgjidhje kësaj problematike, që është jashtëzakonisht e ndërlikuar për shkak të të gjithë atyre historive të zhvilluara në vite, do të na hapë rrugën, jo vetëm për ta shtrirë metodologjinë e përdorur, në rastin e fshatit që u përmend, në të gjithë fshatrat e zonës, por edhe përtej Bashkisë së Fierit. Për ne është prioritet që ta mbyllim çështjen e titujve të pronësisë mbi tokën në fshat.

Ndërmarrja e Ujësjellësit të Fierit ka bërë një progres të rëndësishëm me reformën e ujit dhe sot kemi shifra kuptimplota që flasin për këtë progres, edhe pse ka ende shumë për të bërë në këtë aspekt.

Për ne, reforma e ujit është prioritare. Përmirësimi i aksesit në shërbimin e marrjes së ujit të pijshëm dhe përfshirja në listën e kontributorëve, domethënë, pagesa e ujit sipas konsumit, janë dy objektiva që shkojnë bashkë në këtë proces shumë të rëndësishëm dhe transformues për ekonominë vendore dhe për ekonominë kombëtare.

Po ashtu është e domosdoshme për të çuar në një shkallë tjetër cilësinë e marrëdhënies mes inspektorëve tatimorë në territor dhe biznesit. Është domosdoshmëri që të gjithë të vetëdijesohen dhe të gjithë të veprojnë bazuar mbi parimin e bashkëpunimit me biznesin dhe jo mbi parimin e ndëshkimit të biznesit.

Është bërë një punë e jashtëzakonshme për të informuar biznesin e vogël lidhur me ndryshimin e fundit. Faktikisht, nga 9 mijë e disa qindra biznese që preken nga ky ndryshim, deri javën e shkuar, tatimet kanë arritur të takojnë dhe të komunikojnë drejtpërdrejtë me afro 6 mijë prej tyre në territor. Objektivi është që të takohen të gjithë, t’iu shpjegohet të gjithëve se për çfarë bëhet fjalë, por përtej këtij momenti delikat është e domosdoshme që marrëdhënia mes tatimeve dhe biznesit të jetë një marrëdhënie që qëndron mbi parimin e bashkëpunimit, jo mbi parimin e ndëshkimit. Këtu kemi shumë për të bërë, për të trajnuar dhe edukuar ashtu siç duhet të gjithë ata që kontribuojnë në trupën e inspektorëve dhe të agjentëve qeveritarë të këtij institucioni dhe të të gjitha institucioneve që janë të lidhura drejtpërdrejtë me qytetarin.

Ne do të përfshihemi shumë shpejt në një fushatë kombëtare të llogaridhënies publike të të gjithë kabinetit qeveritar, sipas ministrive dhe të të gjitha agjencive dhe zyrave qendrore që operojnë në territoret e vendit, për të garantuar transparencë dhe për të garantuar nxjerrjen në pah të të gjitha dobësive aktuale dhe marrjen e përgjegjësive nga gjithsekush që është përgjegjës për mos çuarjen më shpejt përpara të projektit të modernizimit, të transparencës dhe eficencës së shërbimeve.

Mediat serbe kanë raportuar se amerikanët janë duke ndërtuar në menyrë sekrete një aeroport ushtarak brenda Kampi Bondsteel, në Kosovë.

Baza ushtarake e ndërtuar në vitin 1999 tani është zgjeruar dhe me 100 hektarë, thonë mediat serbe.

Burimet nga strukturat e inteligjencës shpjegojnë se deri në njëfarë kohe amerikanët as nuk mendonin të bënin një aeroport në Bondsteel por se gjithçka ndryshoi pas ftohjes së marrëdhënieve me Rusinë dhe forcimit të rezistencës shkaktuar nga përhapja e NATO-s në lindje.

Për amerikanët është e rëndësishme që të ketë një bazë nga ku ata do të udhëheqin sulme, do të ulën aeroplanë transporti, dhe çdo gjë do të jetë sekrete.

Se sa sa të vërteta janë pohimet e mediave serbe mbetët të tregoj koha!

Një grua në moshë të rënduar, e sëmurë e që duhet t’i shërbejë dhe bashkëshortit të saj që është në gjendje më të rënduar se ajo. Grua e fortë deri në dhimbje, nga ato gratë që duket sikur mes shumë mundimesh i bën ballë jetës. Ajo ka nevojë për ndihmën e shqiptarëve.

Hanife Hasa është 58 vjeç, jeton në fshatin Grabjan të Lushnjes. Gruaja gjen forcë për të na treguar historinë e jetës së saj edhe pse duket se fuqitë e kanë lënë. “U martova 17 vjeç, u bëra me djalë. Djali im ishte i mençur, në gjimnaz djali u diagnostikua me tumor në këmbë” Drita e syve djali i vetëm u shua në sytë e saj.“E operuam djalin, u be keq djali. Pas dy javësh iu kthye tumori. Mjeku më tha merre në shtëpi nuk ka shërim. Djali më vdiq në duar” thotë gruaja për “Shqiptarët për shqiptarë” në News24. 6 muaj pasi i vdiq i biri ajo u përball me një tjetër tragjedi. Në pusin e shtëpisë së saj humbën jetën 5 persona përfshirë bashkëshorti, vëllai dhe nipi i saj. I vetmi kujtim për të janë disa fotografi të vjetra.

Hanifja vetë është e sëmurë, plagët e zemrës janë të mëdha. Sot ajo banon bashkë me burrin e saj. 58 vjecarja ka probleme të mëdha shëndetësore në këmbën e majtë. Dhimbjet i ka të mëdha.  Mjeku i tha të operohej në spitalin shtetëror. Ironike është fakti se ajo ishte e 600-ta në radhë. Me shaka mjeku i tha se duhet të priste 50 vjet për t’u operuar. “Mezi eci, këmba më mundon, nuk i shërbej dot burrit. Vjet mu sëmur edhe burri. Tani është i paralizuar” thotë gruaja e cila me një patericë shtyn me mundime burrin e saj.

“Zvarrë ecim nga halli të dy” “Po mos të jetë kjo, unë do isha i vdekur. I kërkoj falje gruas për gjithë këto mundime që po bën” shprehet burri.

Të reja, të bukura e me një karrierë të lakmuar, historitë e bukurosheve shqiptare që përfunduan pas hekurave të burgut për krime të rënda.

Duke u nisur nga arrestimi i Olesia Dukës, dentistes së “Vip-ave”, albeu.com rikthen në vëmendje burgosjet më të bujshme të bukurosheve shqiptare.

Dentistja e famshme, Olesia Duka

Olesia Duka u arrestua pak ditë më parë pas denoncimit të një biznesmeni të njohur, se Olesia i kishte marrë atij 900 mijë euro dhe nuk ia kishte kthyer më.

Pas denoncimit të tij, u zbuluar se ajo kishte mashtruar plot 11 biznesmenë dhe një ish-deputet të PS, duke u marrë shifra të çmendura parash, raporton albeu

Olesia jetonte një jetë luksi me udhëtime e rroba firmato. E ftuar disa herë edhe në emisione, ajo njihej si dentistja e “Vip-ave”.

Uarda Çota

Bukuroshja zeshkane që tërhoqi vëmëndjen e medias, u burgos për një aksident të rëndë automobilistik në Komunën e Parisit në Tiranë.

Ngjarja ka ndodhur tre vite më pare dhe nga aksidenti humbi jetën 11-vjeçarit Rubin Peka, djali i ish-zv/ministrit Avenir Peka.

Ajo u dënua me 5 vite burg por pas dy vitesh përfitoi nga amnistia.

Anjeza Shabani

Gazetarja e njohur Anjeza Shabani shokoi opinionin publik pasi dhunoi një fëmijë 3-vjeçar në kopshtin që administronte në Sauk në Tiranë.

Anjeza Shabani u dënua me 2 vite burg ndërkohë oponioni publik e kryqëzoi atë pas pamjeve të dhunshme brenda kopshtit “Diren”.

Desara Mançellari

E kush mund t’a harrojë vajzën simpatike e cila i vuri flakën katër makinave të babait të ish-të dashurit.

Në polici ajo tregoi se ish i dashuri i ushtronte presion dhe për këtë mori hak duke i djegur 4 makina superluksoze.

Ajo rrëfeu se bleu benzinë në një pikë karburanti, mori një shkrepëse dhe i vuri flakën katër automjeteve të babait të tij.

Pas disa vendimeve, Dasara u la me arrest shtëpie.

Lule Makashi dhe Adela Makashi

Pak muaj më parë, u arrestuan dhe burgosën nënë e bijë pasi mashtruan plot 360 shqiptarë, të cilët paguanin rreth 20 mijë dollarë për një vize punë në Kanada.

Nënë e bijë u dënuan respektivisht me 10 dhe 8 vite burg.