Aktualitet

Sipërfaqe të tëra toke po mbillen masivisht me bamje nga fermerë të ndryshëm në shumë zona të vendit.

Perspektiva e favorshme për t’i eksportuar ato drejt tregjeve të huaja ka bërë që fermerët të rrisin sasinë e prodhimit të tyre.

Padyshim, bamja qëndron në majë të piramidës ushqimore si një super zarzavat.

Mesi i muajit prill është koha më e përshtatshme për nisjen e kultivimit të kësaj perimeje fantastike në vlera ushqyese dhe shumë fermerë kanë zgjeruar dukshëm plantacionet e mbjella me bamje.

Bamja kërkon klimë të ngrohtë ndaj dhe muaji prill konsiderohet se periudha më ideale për nisjen e kultivimit të saj.

Do të duhen vetëm dy muaj dhe më pas ajo është gati për të prodhuar dhe për t’u mbledhur.

Sipas të dhënave të AgroWeb.org gjatë këtij muaji, fermerët kanë rritur sipërfaqet e mbjella me bamje në përpjekje për t’iu përgjigjur kërkesave në rritje për këtë perime.

Interesi i Tregjeve të Huaja në Rritje

Bamja qendron në krye të listës së perimeve me interes nga grumbulluesit e tregjeve të huaj.

Varietet shqiptare të bamjes janë shumë të kërkuara si nga tregu vendas ashtu edhe për eksport.

Mund të përmendim bamjen e Oblikës e cila karakterizohet nga një trup i shkurtër me lartësi 40-50cm dhe 2-3 degëzime.

Fruti përbëhet nga pesë brinjëzime me formë piramidale me gjatësi 8.5 cm dhe perimetër rreth 3.35cm.

Po ashtu, nga të dhënat e AgroWeb.org rezulton se edhe kultivari vendas Libohova është një tjetër varitetet i kërkuar nga tregu.

Është cilësia e tyre e mirë dhe përmbushja e standardeve të kërkuara nga Bashkimi Europian ajo që po i afron tregjet e huaja drejt eksportit të bamjeve por edhe prodhimeve shqiptare në përgjithësi.

Më të preferuarat e shqiptarëve

Bamja është ndër perimet e preferuara të shqiptarëve.

Amvisat kujdesen t’i përdorin bamjet në receta të ndryshme duke përgatitur gjellë të shijshme, tava të mrekullueshme, turshi etj.

Bamjet janë fantastike jo vetëm për shijen e tyre por mbi të gjitha për vlerat ushqyese që kanë.

Përmban shumë fibra dietike dhe vepron si një laksativ natyral, duke ndihmuar në tretje.

Bamja është e pasur me vitaminë A dhe antioksidues të tjerë. Bamja është e pasur me vitamin C, që ndihmon imunitetin e trupit.

Është e pasur me minerale, duke përfshirë këtu hekurin, kalçiumin, magnezin.

Përmban vitamin K, që është shumë e nevojshme për shëndetin e kockave, si dhe luan një rol të rëndësishëm në mpiksen e gjakut./AgroWeb

FTESE
Ditën e mërkurë dt.2 Maj 2018 Ora 10.00 në Bibliotekën Publike “Shevqet Musaraj” të Bashkisë Vlorë promovohet libri me poezi i autores së re Irena Hoxha Curraj “Dhe shpirti më flet”.

Ftohen të marrin pjesë poet dhe shkrimtar të qytetit, dashamirës të poezisë, lexues etj.

Monedha Euro po kalon ditët më të errëta në Shqipëri dhe sot ka prekur pikën më të ulët në 10 vitet e fundit.

Monedha e përbashkët europiane sipas valutës sot në Shqipëri këmbehet me 128.81 lekë, 0.2 lekë më pak se ditën e djeshme.

Rënia e euros në tregun e brendshëm është ndihmuar dhe nga dobësia e saj në tregjet ndërkombëtare. Në bursa, një euro u këmbye sot me 1,2 dollarë, që është niveli më i ulët që nga mesi i muajit janar, si rrjedhojë e deklaratave të kreut të Bankës Qendrore Europian, Mario Draghi, që nënvizoi se rritja e eurozonës është e qëndrueshme, por megjithatë i mbajti normat e interesit të pandryshuara.

Pavarësisht ndikimit nga bursat ndërkombëtare, në trendin afatgjatë, euro ka qenë e dobët në tregun e brendshëm. Në krahasim me një vit më parë, euro ka rënë me 6,4 lekë, ose 4,7% (në 27 prill 2017 një euro u këmbye me 135,24 lekë sipas kursit zyrtar të Bankës së Shqipërisë, ndërkohë që në bursa për të njëjtën periudhë monedha e përbashkët është mbiçmuar me 11% në raport me dollarin.

Arsyet, sipas aktorëve të tregut lidhen me ofertën e lartë të euros në tregun e brendshëm dhe kërkesën relativisht të dobët për lekë. Arsyet janë të njohura tashmë, si burimet informale, që po kanalizohen në tregun e pasurive të paluajtshme, hyrjet nga parapagimet nga turizmi, konvertimet e bizneseve që kanë të ardhura në valutë në datat e pagimit të taksave, politika e deuroizimit të Bankës së Shqipërisë që po nxit daljen e valutës nga bankat, duke rritur ofertën në treg të lirë etj, ka shpjeguar Monitor.

Megjithatë nuk ka asnjë “dritë jeshile” për Euron, sepse sipas ekspertëve të tregut monedha europiane do vijojë të jetë e dobët në tregun  brendshëm edhe përgjatë sezonit të verës.

Dhurata e bashkëshortit për përvjetor, një plantacion me kanabis.

Ayda Field ka vendosur t’i bëjë një dhuratë të shtrenjtë bashkëshortit të saj Robbie Williams, për përvjetorin e tyre të martesës dhe duhet theksuar se kjo nuk është një dhuratë e zakonshme.

Robbie në shumë intervista ka pranuar se është konsumues i rregullt i marijuanës.

Ai e cilëson këtë bime si e vetmja që ka veti qetësuese e kurative dhe tashmë që është e legalizuar në Los Angeles, asgjë nuk e ka ndaluar gruan e tij t’i blejë një plantacion të tërë.

Plantacioni që ajo i bleu është i krijuar në bodrumin e një vile në L.A dhe sa herë që artisti të ketë nevojë për të tymosur mund ta bëjë këtë fare thjeshtë dhe në sasi të palimituara.

Zbatimi i ligjit të Vetingut, krahas përjashtimit nga sistemi i drejtësisë të gjyqtarëve dhe prokurorëve me njollë, po nxjerrë zbuluar ish-funksionarët e përfshirë në mekanizimin disavjeçar të mbrojtjes së pasurive të paligjshme të njerëzve të drejtësisë dhe politikës në Shqipëri.

Fatos Lulo, i shkarkuar si anëtar i Gjykatës Kushtetuese për shkak të mosjustifikimit të pasurisë me dokumentacion ligjor, është rrëfyer para trupës gjykuese të Vetingut rreth pasurisë së tij, duke kompromentuar pozitat e Adriatik Llallës, ish-kreu i Inspektoriatit të Lartë të Deklarimit dhe Kontrollit të Pasurive dhe më vonë, ish-kryeprokuror, si i besuar i qeverisë ‘Berisha’.

Me anë të një deklarate të detajuar, drejtuar trupës gjykuese të Vetingut, e përbërë nga Genta Tafa, Brunilda Bekteshi dhe Entelja Çiftja, Fatos Lulo thotë se pasuria e tij është hetuar në mënyrë të thelluar nga ILDKPKI, në vitin 2010 apo 2011, kohë kur ky institucion drejtohej nga Adriatik Llalla. Lulo pohon se gjatë këtij hetimit është thirrur në ILDKPKI për të dhënë sqarime rreth pasurisë së tij nga Kanadaja në Shqipëri. Lulo sqaron se ILDKPKI, pasi kreu të gjitha veprimet, nuk ia ka thënë asgjë nëse pasuria ishte apo jo e ligjshme, por ai ka vazhduar normalisht detyrën si anëtar i Gjykatës së Lartë dhe më pas anëtar i Gjykatës Kushtetuese, me votat e Partisë Demokratike.

“Nga ky organ jam thirrur nga inspektori dhe kam dhënë shpjegime për gjithçka në lidhje me deklaratën e vitit 2004 dhe të atë të vitit 2006, vit në të cilin unë mora detyrën e anëtarit të Gjykatës së Lartë. ILDKPKI, mbasi kreu të gjitha të gjitha veprimet e saj, mendoj se arriti në një konkluzion. Ky konkluzion i saj duhet të ketë qenë në favorin tim, pasi unë kam vazhduar detyrën që nga ajo kohë deri më sot”, shprehet Lulo. Por, hetimi i thelluar i komisionit të Vetingut konfirmon se ILDKPKI, gjatë drejtimit nga Adriatik Llalla, ka mbrojtur pasurinë e paligjshme të këtij gjyqtari.

KPK arriti në konkluzionin se Lulo nuk justifikonte një apartament në Tiranë, viti 2004, një njësi me sipërfaqe 172 m2, dhuruar nga motra, deklarim të rremë për një zyrë 74 m2, viti 2004, mosjustifikim i 10 500 000 lekë nga ’95-2005, mosjustifikim i 100 mijë USD dhuruar nga motra, deklarim të rremë për një apartament në Kanada, deklarim i rremë i një depozite në Kanada 400 000 CAD, mosjustifikim i një huaje 480 mijë USD marrë motrës, mosjustifikim i shumave 160 000 CAD dhe 400 000 CAD etj. Të gjitha këto janë konsideruar normale nga Adriatik Llalla, ku drejtonte ILDKPKI dhe kur hetonte në mënyrë të thelluar pasurinë e Fatos Lulos.

Rrëfimi i plotë  gjyqtarit Fatos Lulo për organet e Vetingut

“Unë Fatos Lulo, me detyrë anëtarë i Gjykatës Kushtetuese, duke qene se jam subjekti i deklarimit të pasurive, si dhe në mbështetjen e ligjit për rivlerësimi i e gjyqtarëve dhe prokurorëve, shoh të nevojshme të sqaroj nëpërmjet këtij deklarimi si më poshtë vijon:

-Në deklarimin tim të parë, që mban datën 27.11.2004, si rezultat i emërimit tim si anëtar i KKRT, kam deklaruar apartament banimi me sipërfaqen dhe vlerën përkatëse në Toronto, Kanada, të pahipotekuar. Te pjesë likuiditet kam deklaruar depozitë jashtë vendit 400 000 dollarë kanadezë. Kam deklaruar marrjen e një huaje 480 000 dollarë amerikanë mostrës sime. Në deklarimin e 2006, si rezultat i emërimit si anëtar i Gjykatës së Lartë, kam deklaruar shitje apartamenti në Toronto dhe shumën përkatëse. Kam deklaruar shlyerjen e huasë 480 000 dollarë amerikanë.

-Sa më sipër, sqaroj se unë kam dy shtetësi, atë shqiptare dhe atë kanadeze. Në vitin 2004, vit që përkon me deklarimin tim të parë, unë kam qenë rezident në të dyja vendet dhe njëkohësisht së bashku me motrën time, D. L, biznesmene në fushën e ndërtimit në një nga shoqëritë me emër në Shqipëri, menduam që të zhvillonin edhe në Kanada biznes së bashku. Për këtë, motra ime më dha hua cash shumën 480 000 dollarë amerikanë. Formulari i deklarimit të parë, mbushur nga unë, datë 27.11.2004, pasqyron mundësinë e blerjes së një apartamenti në Toronto, pasi unë isha në tratativa për blerjen e tij me agjenci imobilare, prandaj në formular është shënuar i pahipotekuar, për vetë faktin se akoma nuk ishte blerë.

-Për sa më sipër, në pikën 2, nga shuma që unë kisha në dispozicion prej 480 000 dollarë amerikanë, mendoja të hapja llogari në bankat në Kanada, në shumën 400 000 dollarë kanadezë. Ky fakt është më se i vërtetë, pasi unë nuk kam vënë asnjë numër llogarie tjetër për këtë shumë, pasi nuk ekzistonte të qe bërë kjo transfertë. Duke qenë se unë nuk po ndërmerrja asnjë veprim në lëvrimin e shumës për blerjen e apartamentit, agjencia imobilare, ku kisha bërë prenotimin, kreu shitjen e saj në vlerën që unë kam pasqyruar në deklarimin periodik të datës 27.03.2006.

-Sa më sipër, është plotësisht e vërtetueshme, nëpërmjet organeve zyrtare financiare kanadeze, që unë asnjëherë nuk kam pasur apartament të blerë në Kanada, si dhe shumën prej 400 000 dollarësh kanadezë në ndonjë llogari bankare në atë vend apo të jetë lëvizur një shumë e tillë nga Shqipëria në Kanada dhe anasjelltas. Çdo gjë si më lart, e deklaruar nga unë në deklaratën e vitit 2004 dhe 2006, ka ardhur rezultat i mospasjes së një faqeje ku të deklarohej për prona apo likuiditete, të cilët ishin në pritshmëri ardhjeje për subjektin deklarues. Në këto kushte, unë deklaruesi, u këshillova me zyrtarët e ILDKPKI t’i pasqyroj në deklarimet e mia, por duke i vënë fjalën ‘pa hipotekuar’. Në Kanada, blerja e një prone shoqërohet në mënyrë të menjëhershme me dokumentin hipotekor të pronësisë, gjë që unë nuk e kam pasur ndonjëherë.

-Në vitin 2010 apo 2011 (nuk e mbaj mend ekzakt vitin), mua më ra shorti nga ILDKPKI për kontroll të thellë. Nga ky organ jam thirrur nga inspektori dhe kam dhënë shpjegime për gjithçka në lidhje me deklaratën e vitit 2004 dhe të atë të vitit 2006, vit në të cilin unë mora detyrën e anëtarit të Gjykatës së Lartë. ILDKPKI, mbasi kreu të gjitha të gjitha veprimet e saj, mendoj se arriti në një konkluzion. Ky konkluzion i saj duhet të ketë qenë në favorin tim, pasi unë kam vazhduar detyrën që nga ajo kohë deri më sot. Në këto kushte, mendoj se ky objekt kontrolli është i ezauruar. Sa më lart, deklarohet në vullnetin tim dhe përgjegjësinë time ligjore”./Shqiptarja.com

Fieri është qyteti që ka rënë në “dorën” e tre prokuroreve femra që janë pjesë e Task Forcës Speciale “Forca e Ligjit”.

Ato duhet të hetojnë korrupsionin dhe krimin e organizuar në nivele të larta në Fier.

Burimet thane se është vendosur që tre femra të jenë pjesë e strukturës “Forca e Ligjit” pranë Prokurorisë së Rrethit Gjyqësor Fier, të cilat do të përballen në vazhdimësi me krimin e organizuar, korrupsionin dhe veprat e tjera të rënda penale.

Nga 5 kandidatë, përfundimisht është vendosur që tre prokuroret të cilat do të duhet të kërkojnë arrestimin e zyrtarëve të korruptuar në rrethin e Fierit janë; Suela Beluli, Ervisa Hyka dhe Englantina Shehu.

Nga burime pranë organit qendror të akuzës është mësuar se puna e tyre do të përqendrohet në pastrimin e parave, korrupsionin, shpërdorimin e detyrës nga zyrtarët shtetërore, trafiqet e paligjshme dhe ndaj krimit të organizuar.