Aktualitet

Ish-truproja i Sali berishes, Izet Haxhia pak ditë pasi u vetëdoruzau në Policinë Turke, për ti hapur rrugë ekstradimit dhe gjykimit në Shqipëri ka  zgjedhur avokatin që  do ta mbrojë.

Sipas informacioneve mësohet se Haxhia në Shqipëri do të mbrohet nga avokati Fran Dashi.

Familjarët e tij kanë firmosur prokurë për avokatin Fran Dashi, i cili menjëherë pasi Haxhiaj të mbërrijë në Shqipëri do bëjë kërkese për rihapjen e dosjes në fjalë.

Izet Haxhia është dënuar me 25 vite burg nga gjykatat shqiptare në lidhje me vrasjen e Azem Hajdarit, akuzë që ai e mohon.

Ish-truproja i Sali Berishës jeton prej vitesh në Turqi, nga ku ka hedhur akuza të forta ndaj ish-Kryeministrit.

Pavarësisht tërheqjes nga sistemi i drejtësisë, ish-kreu i Prokurorisë së Përgjithshme, Adriatik Llalla nuk do t’i shpëtojë justifikimit të pasurisë dhe pastërtisë së figurës. Pas dy javësh pritet të nisë kontroll i imët për deklarimet e tij.

Kolegji i Posaçëm i Apelimit ditën e Mërkurë, në datën 16.05.2018, ora 10:00 njofton se do të gjykohet në seancë gjyqësore publike çështja për ankimin që Komisioneri Publik ka bërë kundër Vendimit Nr.2, datë 16.02.2018 të Komisionit të Pavarur të Kualifikimit për ish-kryeprokurorin Adriatik Llalla. Seanca gjyqësore publike do të zhvillohet në ambientet e Pallatit të Kongreseve. Trupi Gjykues, përbëhet nga gjyqtarët:

Kryesues i Trupit Gjykues   Sokol Çomo
Relator i Çështjes                          Luan Daci
Anëtar                                                Albana Shtylla
Anëtar                                                Ardian Hajdari
Anëtar                                                Ina Rama

Takimi historik mes udhëheqësit të Koresë së Veriut, Kim Jong Un dhe Presidentit të Koresë së Jugut, Moon Jae-in, u kurorëzua me mbjelljen e një peme.

Dhe kudo ku mbillet një pemë, në këtë ngjarje të madhe nuk mund të mos mungonte Lali Eri.

Pasi mbollën pemen në SHBA, me Trump dhe Macron, fantazia në rrjetet sociale ka bërë të mundur edhe takimin midis udhëheqësve të Koreve(Jug dhe Veri) me kryetarin e bashkisë Veliaj.

Veliaj është aty ku ka kulla, kioska dhe ku mbjellet pemë.

Përgatitja e bashkive në rrugën e pranimit të Shqipërisë në BE, ka qenë fokusi i konferencën për rolin e bashkive në integrimin e Shqipërisë në BE-së.

Në fjalën e saj, Ambasadorja e BE, Romana Vlahutin tha se “me projektet e sporteleve të BE-së donim që t’u ndihmojmë ju kryetarëve të bashkive dhe qytetarët e bashkive tuaja, që të ishit më të mirë informuar për të gjitha mundësitë që ofron BE në nivelin e pushtetin vendor për të zhvilluar kapacitete përthithëse të cilat do t’ju duhen vërtetë shumë në momentin që Shqipëria do të bëhet anëtare e Bashkimit Europian”, – tha Vlahutin.

Sipas saj, projektet e financuara nga BE, synojnë që të bëjnë një hartëzim të parë në Shqipëri të performancës së bashkive që ka të bëjë me çështjet e BE. “Ju jeni më pranë qytetarëve dhe bashkitë japin kontribute mjaft të rëndësishme në fusha si e shtetit të së drejtës, të drejtat e pronësisë, të drejtat e njeriut, politikat sociale, politikat rurale dhe të zhvillimit, arsimimit”, – tha Vlahutin.

Më tej ajo shtoi se “përmirësimi i performancës vendore do të kërkojë një përpjekje një kombinim përpjekjesh nga ju, qeveria qendrore dhe nga donatorët”.

“Fusha si decentralizimit fiskal, shërbimet publike dhe sociale dhe dhënia e tyre, qeverisja dhe shteti i së drejtës janë thelbësore dhe jam besimplotë që ju do të përfitoni nga panelet e sotme për të diskutuar shqetësimet tuaj por dhe për të hedhur ide për të përmirësuar situatën tuaj”, – tha Vlahutin.

“Bashkitë duhet të përfitojnë nga bizneset që punojnë në territorin e tyre. Unë kam qenë në Mirditë, ku i gjithë rajoni mund të përjetojë një rilindje të biznesit me një shumë prej 25 mln eurosh që mund të investohet në prodhimin e verës. Bashkitë duhet të jenë në gjendje që të mbledhin të ardhurat e tyre dhe t’i investojnë në shërbime të qytetarëve”, – deklaroi diplomatja e BE.

Ndërsa zv/ministrja e Brendshme, Romina Kuko tha në në konferencën për rolin e bashkive në integrimin e Shqipërisë se “Ministria e Brendshme riafirmon rolin e saj kyç përsa i përket mbështetjes dhe monitorimit të procesit të decentralizimit, duke përfituar ndër të tjera edhe nga mbështetja e shumë aktorëve”.

Kuko shtoi se fuqizimi i bashkive nuk është vetëm një sfidë specifike për vendin, siç është rasti i Shqipërisë, por gjithashtu lidhet edhe me rrugën e përbashkët për integrimin europian të të gjithë rajonit të Ballkanit Perëndimor.

“Marrëdhënia midis qeverive vendore dhe BE-së, ndonëse në pamje të parë duket e largët institucionalisht, është një marrëdhënie e afërt dhe e fortë, në sfidat e natyrës juridike dhe ekonomike të rrugës drejt BE-së ndihen në nivel local. Përgatitja e bashkive në rrugën e pranimit të Shqipërisë në BE mbështetet nga vendosmëria dhe vullneti i mirë i qeverisë qendrore dhe aktorëve të tjerë”, – theksoi Kuko.

Ministria e Brendshme është e angazhuar maksimalisht në procesin e decentralizimit dhe në qasjen që duhet të kenë bashkitë drejt rrugës për në anëtarësimin në Bashkimin Europian. /ATSH