Aktualitet

Janë përzgjedhur 5 Prokurorët në Tiranë të cilët do jenë pjesë e Task Forcës Speciale “Forca e Ligjit” e krijuar mbi bazën e marrëveshjes Marku-Xhafaj.

Prokurorët e përzgjedhur janë Marjola Mertiri, Ndin Tavani, Daniela Sulaj, Anisa Cilimi dhe Afërdita Ndoj.

Prokurorët pjesë e strukturës “Forca e Ligjit” pranë Prokurorisë së Rrethit Gjyqësor Tiranë do të përballen në vazhdimësi me krimin e organizuar, korrupsionin dhe veprat e tjera të rënda penale.

Puna e tyre do të përqendrohet në pastrimin e parave, korrupsionin, shpërdorimin e detyrës nga zyrtarët shtetërore, trafiqet e paligjshme dhe ndaj krimit të organizuar.

Ambasadorët e Bashkimit Europian konfirmuan një marrëveshje të arritur ndërmjet Presidencës së Këshillit dhe përfaqësuesve të Parlamentit Europian mbi propozimin për Sistemin Europian të Informimit dhe Autorizimit të Udhëtimit (ETIAS).

“Marrëveshja e sotme është një tjetër hap i rëndësishëm në mbrojtjen e kufijve të jashtëm të BE-së. Duke ditur se kush vjen në BE para se të vijnë në kufi, do të jemi më të aftë të ndalojmë ata që përbëjnë rrezik për qytetarët tanë”, u shpreh ministri i Brendshëm bullgar, Valentin Radev.

“Unian” bën me dije se ETIAS do të lejojë kontrolle paraprake dhe nëse është e nevojshme të ndalojë autorizimin e udhëtimit për njerëzit e vendeve të treta të udhëtojnë në zonën Shengen.

Sakaq zyrtarët e BE-së thonë se ETIAS do të “ndihmojë në përmirësimin e sigurisë së brendshme, parandalimin e imigracionit të paligjshëm, mbrojtjen e shëndetit publik dhe reduktimin e vonesave në kufijtë duke identifikuar personat që mund të përbëjnë rrezik në një nga këto zona para se të arrijnë në kufijtë e jashtëm”.

Kurse shtetasit e vendeve të treta të përjashtuar nga viza do të duhet të marrin një autorizim udhëtimi përpara udhëtimit të tyre, nëpërmjet një aplikimi online. Për çdo aplikim, aplikantit do t’i kërkohet të paguajë një tarifë të autorizimit për udhëtim prej 7 euro.

Informacioni i paraqitur në çdo aplikim do të përpunohet automatikisht kundër BE-së dhe bazave përkatëse të të dhënave të Interpol, për të përcaktuar nëse ka arsye për të refuzuar një autorizim udhëtimi.

Nëse nuk identifikohen elemente që kërkojnë analiza të mëtejshme, autorizimi i udhëtimit do të lëshohet automatikisht dhe shpejt. Kështu pritet të ndodh për shumicën e aplikimeve.

Nëse ka ndonjë element që kërkon analizë, aplikimi do të trajtohet manualisht nga autoritetet kompetente. Në këtë rast, njësia qendrore e ETIAS së pari do të kontrollojë nëse të dhënat e regjistruara në dosjen e aplikimit korrespondojnë me të dhënat që shkaktojnë problem. Kur të ndodhë ose ka dyshime se mund të ndodhë, aplikimi do të përpunohet manualisht nga njësia kombëtare e ETIAS-it e shtetit anëtar përgjegjës.

Lëshimi ose refuzimi i një kërkese që mund të shkaktojë problem, do të bëhet jo më vonë se 96 orë pas paraqitjes së kërkesës ose, nëse kërkohet informacion shtesë, 96 orë pas marrjes së këtij informacioni, raporton gazeta Shqiptare. Para kalimit të kufirit, si përmes ajrit apo tokës, do të kontrollohet nëse shtetasit e vendeve të treta zotërojnë autorizimin e vlefshëm për udhëtim.

Autorizimi i udhëtimit nuk do të sigurojë plotësisht të drejtën e hyrjes në një shtet, pasi është roja kufitare që do të marrë vendimin përfundimtar.

Një autorizim udhëtimi do të jetë i vlefshëm për tre vjet ose deri në fund të vlefshmërisë së dokumentit të udhëtimit të regjistruar gjatë aplikimit.

Tani që marrëveshja është konfirmuar nga ambasadorët e BE-së, në emër të Këshillit, rregullorja do të paraqitet në Parlamentin Evropian për votim dhe më pas në Këshill për miratim.

Siç njoftoi më herët UNIAN, më 11 qershor 2017 hyri në fuqi vendimi i Këshillit të Bashkimit Evropian për të futur një regjim pa viza për udhëtime të shkurtra të qytetarëve ukrainas në 30 vende të Bashkimit Evropian dhe zonës Shengen.

Një 94 vjeçare e quajtur Hasime Veizi jeton e vetme në zonën e Tufinës. Por përos kësaj dhe vështirësive me të cilën e përballë mosha e saj, vuan dhe për mungesën e energjisë elektrike në banesën e saj.

Një histori e tillë vjen e publikuar nga emisioni investigativ ‘Stop’.

“Nuk kam dëgjuar e nuk kam parë që të lesh një plakë 3-4 muaj pa drita që të bjerë nga krevati. Nuk më mori Zoti, më la për të vuajtur!”, u shpreh me lot në sy e moshuara.

“Shqiptarët për shqiptarët” udhëtoi drejt fshatit Dushk-Sektor të Lushnjës.

Familja e Fiqiri Kajos na thirri për ndihmë dhe ne shkuam për tua dëgjuar hallet. Varfëria është ulur këmbëkryq në shtëpinë e Fiqiri Kajos 68 vjeç. Kryefamiljari është i sëmurë dhe çdo muaj duhet të marrë ilaçet. Fiqiriu është i pafuqishëm edhe për shkak të moshës që ka. Gjithçka që dëshiron është të ndihmojë fëmijët e tij. Nuk ka mundësi te vizitoje as djalin për sytë.

Fiqiriu ka tre fëmijë. Sot ndihet i lënduar pasi nuk u plotëson fëmijëve asnjë kusht “më del gjumi natën për ta, kur fëmijët ikin në shkollë nuk u jap asnjë send me vete”.

Zejnepja e ëma, thotë se ka pasur raste kur fëmijët kanë shkuar të uritur në shkollë, pasi nuk i është gjendur asnjë ushqim në banesë. “Nuk kisha çfarë tu jepja” shprehet ajo. As librat e shkollës nuk ua blejnë dot. Librat fëmijët i kanë të falura dhe të vjetra.

Vajza e madhe është 18 vjeç ka dëshirë të vijojnë studimet e larta, por familja nuk ka mundësi financiare. Djali në klasë të gjashtë ka probleme nga sytë, në matematikë djali shkëlqen. Por djali mezi shkruan dot. Kryefamiljari, Fiqiriu merr një pension të vogël, rreth 10 mijë lekë të reja dhe nuk i përballon dot nevojat e familjes. Me ato çka nxjerrin nga toka gruaja mundohet të sajojë ushqim. “Gatuaj makarona dhe oriz, por edhe ato rrallë pasi nuk dalin” thotë gruaja.

Alidioni në klasën e gjashtë ka probleme në shikim. Mezi lexon dhe shkruan me ndihmën e motrave më të mëdha. Në sy mban syze të improvizuara me ngjitëse, familja e tij nuk ka para për ta vizituar dhe për ti blerë syze të reja. “Më duhen syzë të reja për të lexuar më mirë, për të arritur rezultate më të larta, dua të zbuloj më shumë nga lëndët” thotë Alidioni. Ulet në bankë të parë por edhe atje nuk e shikon mirë dërrasën e zezë. Ngatërron shkronjat, numrat.Alidioni ka ardhur në Tiranë ku është vizituar tek një okulist. Mjeku specialist konstatoi se djali kishte hipermetropi të lartë. Syzet e reja për djalin u përgatitën me teknologjinë më të fundit gjermane. Tashmë ai ka një shikim shumë më të mirë dhe syze të reja. Syzet e vjetra të improvizuara me ngjitëse u hodhën drejt e në koshin e plehrave. Duket sikur varfëria të prangos në fatin e caktuar. Motra e madhe e Alidionit, Arsida kërkon një bursë studimi të studiojë në shkollë të lartë kur të përfundojë gjimnazin. Nga pamundësi ekonomike as librat e shkollës nuk i blen dot. Një ëndërr që pritet në mes duket historia e Arsidës. Kur ishte në vit të dytë mes lutjeve të lutjes i kërkonte babait ti blinte të paktën një libër të ri./News24

Kjo histori po ben xhiron e rrjetit.

Brezi i gjyshërve tanë kanë pasur fatin e mirë që të ushqehen shëndetshëm, ndoshta vërtet kanë pasur më pak ama e dinin se çfarë po konsumonin dhe kjo bën që të jenë të shëndetshëm, e me raste të kalojnë 100 vite jetëgjatësi.

Një rast që ka mbërritur sot në redaksinë tonë vjen nga Tepelena, ku Merushe Shytaj është 108 vjeçe dhe është shëndetplotë.

Nipi i saj ka shkruar për JOQ.al:Përshëndetje JOQ!
Gjyshja ime është 108 vjeçe dhe përshëndet të gjithë shqiptarët. Po u dërgoj edhe pasaportën e saj që vërteton datën e lindjes 1910.”

I pyetur nga JOQ.al për sekretin e jetëgjatësisë së gjyshes, Armando përgjigjet:
Sekreti i saj është ushqimi dhe besimi në Zot.
Gjyshja nuk konsumon absolutisht ushqime me yndyrë. Dhe të paktën që prej 25 vitesh që kam lindur unë, nuk mbaj mend të ketë shkuar ndonjëherë për vizitë në spitale. Është kënaqësi kur më tregon historitë nga koha kur ka jetuar.”
Gjyshe Merushes i urojmë shëndet të plotë, duke ju ftuar të ndiqni përshëndetjen e saj.