Aktualitet

Furrat e tregtimit të bukës, pastiçeritë dhe byrektoret kërkojnë ulje të çmimit të energjisë elektrike.

Aktualisht, këto furra buke, për shkak të përdorimit të frigoriferëve, janë penalizuar nga tarifa e reduktuar prej 7,6 lekë/kwh. Për rastet kur furrat e tregtimit të bukës, pastiçeritë apo byrektoret kanë në përdorim bazë frigoriferike, çmimi i energjisë po paguhet më shumë se 7,6 lekë për kwh.

Shqetësimi u ngrit nga kryetari i Shoqatës së Prodhuesve të Bukës, Pastiçerisë dhe Brumërave, Gëzim Peshkëpia, në një nga seancat dëgjimore të zhvilluara me Entin Rregullator të Energjisë.

I kontaktuar nga gazeta, kreu i Shoqatës së Prodhuesve të Bukës tha se të gjitha furrat e reja që ngrihen në vend dhe përdorin bazë frigoriferike, nuk tarifohen me 7,6 lekë, por më shumë.

“Furrat e reja që po hapen nuk iu jepet subvencioni, pra, nuk e paguajnë energjinë me tarifën 7,6 lekë për shkak se kanë në përdorim 2 apo 3 frigoriferë. Bëhet fjalë për furrat ku tregtohen bukët apo ëmbëlsirat, jo për furrat që prodhohet. Pra, ne pretendojmë që të paguhet kjo tarifë, pasi furrat nuk mund të kthehen si në vitet ‘90, kur tregtonin vetëm disa bukë, tashmë furrat janë kthyer shumë bashkëkohore. Këto janë investime të bëra nga ne. Këta na thonë, shisni vetëm bukë. Por në të gjitha vendet e huaja, shërbimi që ofrojnë furrat e bukës është kompleks. Nuk mund të heqim dorë nga biznesi ynë vetëm për shkak të çmimit të energjisë. Ne pretendojmë që baza frigoriferike, 2-3 frigoriferë që janë në përdorim, nuk duhet të ndikojë në heqjen e subvencionit që kanë furrat e bukës dhe fabrikat e miellit. Pra, të paguajnë tarifë për energjinë 7,6 lekë për kwh ndryshe nga bizneset e tjera”, shpjegoi kreu i Shoqatës së Prodhuesve.

PROPOZIMI

Kreu i Shoqatës së Prodhuesve të Bukës kërkon zgjidhje institucionale të problemit. Ai shprehet se i kanë nisur një propozim edhe ministrit të Energjetikës, Damian Gjiknuri, ku i propozohet që për furrat e tregtimit të bukës, ëmbëlsirave dhe byrektoreve, të aplikohet një tarifë prej 8,2 lekë/kwh.

“Kjo që po kërkojmë, nuk është kërkesë për lëmoshë. Ne e kemi TVSH-në e bukës 20 për qind, kurse vendet e Europës e paguajnë nga 0 deri në 8 për qind. Ky reduktim i tarifës të energjisë na jepet si pjesë e paketës lehtësuese, që të gjitha vendet e tjera i bëjnë prodhimit dhe tregtimit të bukës.

Ne kërkojmë një zgjidhje institucionale, të studiohet dhe për të gjithë këto furra që tashmë kanë frigorifer dhe nuk i heqin dot, të përcaktohet një tarifë tjetër. Ne i kemi dërguar një shkresë zyrtare edhe Ministrisë së Infrastrukturës dhe Energjetikës. Ne kemi propozuar që për furrat e bukës që nuk kanë bazë frigoriferike tarifa të mbetet 7,6 lekë/kwh, ndërsa për furrat e tjera të bukës që kanë bazë frigoriferë, të aplikohet një tarifë prej 8,2 lekë/kwh. Pra këto ndryshime duhet të bëhen në vendimin e këshillit të ministrave, por më përpara institucionet shtetërore duhet të ulen për të diskutuar efektet financiare të propozimit tonë apo të ndonjë propozimi tjetër”, u shpreh kreu i Shoqatës së Prodhuesve të Bukës.

Buka, prodhuesit paralajmërojnë rritje të çmimit

Kreu i Shoqatës së Prodhuesve së Bukës paralajmëron se mosaplikimi i tarifës së reduktuar do të sjellë rritje të çmimit të bukës dhe ëmbëlsirave. “Ne e kemi bërë të qartë se do të rritet çmimi i bukës, po ashtu dhe një ëmbëlsirë që sot shitet 50-60 lekë, jashtë vendit shitet 2 euro. Pra, çdo rritje tarifash apo taksash ka rritje të çmimeve të produkteve. Mbi 96 për qind të objekteve të furrave të bukës janë me qira dhe të gjitha këto janë në kurriz të biznesit”, shprehet Peshkëpia. Numri total i furrave të bukës është 4 mijë, por shoqata përfaqëson edhe subjektet e tjera, pastiçeritë dhe byrektoret./Panorama

Historia e fundit që u trajtua natën e sotme në programin “Dua të të bëj të lumtur” ishte historia e Edës dhe mamasë të saj.

Një histori plot dashuri dhe sakrifica që vetëm një nënë mund të bëj për fëmijët e saj. Kur Eda ishte vetëm 21 vjeç i kishin nisur problemet shëndetësore. Pas shumë analizash që kishte bërë, ajo kishte mësuar se kishte probleme me veshkat.

Njëra prej tyre ishte tharë ndërsa veshka tjetër nuk funksiononte mirë. Doktorrët i kishin thënë që ajo kishte vetëm dy mundësi, ose të bënte dializë ose një transplant. Eda kishte vendosur t’i nënshtrohej operacionit dhe të bënte transplant veshkën, të cilën ia kishte dhuruar mamaja e saj.

Operacioni kishte përfunduar me sukses dhe për të falenderuar mamanë e saj për sakrificat që kishte bërë, Eda i ishte drejtuar programit “Dua të të bëj të lumtur”.

Eda iu drejtua mamasë së saj: “Të kam sjellë sot këtu, për të falenderuar ty dhe babin për çdo sakrificë që keni bërë. Jam e lumtur dhe falenderoj Zotin çdo natë që jam lindur nga dy prindër si ju. Unë ju premtoj se do qëndroj pranë jush, siç më keni qëndruar ju mua kur unë kisha nevojë.”

Përgjigja që erdhi nga mamaja e Edës ishte: “Çdo nënë do ta bëntë këtë sakrificë për fëmijën e saj. Eda është një mrekulli dhe bën të lumtur çdo njeri.

Ajo ka qenë krahu im i djathtë për çdo gjë. Më ka ndihmuar dhe vazhdon të më ndihmojë. Eda është shpirti im binjak!” Top Channel

Programi “Dua të të bëj të lumtur” këtë të shtunë nisi me një histori e cila për shekuj të tërë ka qenë dhe vazhdon të jetë një “plagë” e shoqërisë shqiptare.  Gjakmarrja vazhdon të jetë prezente dhe pse kanë kaluar shumë shekuj.

Historia që u trajtua në program ishte historia e dy familjeve të cilat për çështje pronash kishin nisur të konfliktoheshin duke arritur deri në vrasje. Një vrasje që nisi gjakmarrjen midis dy tyre.
Kjo ishte historia e Gjonit dhe Martinit. Me kalimin e viteve dhe me humbjen e shumë personave nga të dyja familjet, Martini kishte vendosur që të falte gjakun duke kërkuar pajtimin midis tyre.
Gjoni i ishte drejtuar programit “Dua të të bëj të lumtur” për ta falenderuar Martinin që zgjodhi t’i jepte fund gjakmarrjes. “Martin të falenderoj si ty edhe vëllezërit e tu që i dhatë fund gjakmarrjes. Sot ne jetojmë në harmoni siç kemi qenë në fillim para se të ndodhnin konfliktet. Edhe pse kemi humbur shumë persona më në fund ne jetojmë të qetë.”
Por Gjoni nuk ishte personi i vetëm që e falenderoi Martinin. Ishte pikërisht djali i tij i cili kishte ardhur në program për ta falenderuar atë që nuk e kishte mësuar me urrejtje dhe idenë e marrjes së gjakut.
“Ne nuk duhet t’i mësojmë brezat e rinj me idenë e gjakmarrjes. Nuk duhet të lëmë probleme dhe pasoja tek brezat që vijnë pas nesh. Ne duhet të hapim negociatat midis nesh!”,- ishin fjalët e Martinit.
Surpriza që Arbana Osmani kishte menduar për Martinin ishte gazetari i mirënjohur Marin Mema. Top Channel

Këtë të dile, kreu i qeverisë së Kosovës, Ramush Haradinaj e ka nisur me nje postim per zhdukjen e dy punonjesve te policise.

Nga se mesohet behet fjale per mbytjen ne lumin e Lepencit, rrethana qe ende nuk dihen.

“Është shumë pikëllues lajmi për zhdukjen e dy policëve të Kosovës në lumin Lepenc. Ndajë shqetësimin me familjarë dhe miq në këtë fazë shumë të vështirë të shpresës dhe frikës për fatin e policëve tonë. Ngjarjet si kjo na bëjnë të mos harrojmë kurrë se policia e Kosovës është ajo që me shumë mund dhe shpesh dhe sakrificë kujdeset që ne të jetojmë në ambient të sigurtë. Falënderoj të gjitha njësitë relevante, Policinë e Kosovës, FSK-në, zjarrëfikësit dhe të gjithë të përfshirët në kërkim të dy policëve tanë.”

Debati për prishjen e Teatrit Kombëtar mbetet ende një çështje shumë e nxehtë, por duket se zhvillimet e fundit po shuajnë debatin.

Sot në një letër të hapur instituti ndërkomëtar Docomomo International, i kërkon institucioneve në Shqipëri që të mos prishtet Teatri.
Letra e plotë

I nderuar Z. Edi Rama,

Kryeministër i Shqipërisë

Docomomo International – Komiteti Ndërkombëtar për Dokumentimin dhe Ruajtjen e Ndërtesave, Vendet dhe lagjet e Lëvizjes Moderne, dëshiron të tërheqë vëmendjen tuaj për të ardhmen alarmante të Teatri Kombëtar të Shqipërisë, një rast i konsiderueshëm i kompromentimit të pronës kulturore në kryeqytetin e Shqipërisë, Tiranë.

E ndërtuar në vitin 1938 pranë sheshit Skënderbej si një qendër kulturore “Italo-Shqiptare”, kjo ndërtesë racionaliste ishte një nga veprat e para arkitekturore italiane në Shqipëri. Konceptuar nga arkitekti Giulio Berte, kjo ndërtesë – kulturore dhe sportive, me një kinema, pishinë dhe restorant – është me interes historik për të teknikën origjinale të ndërtimit. Pjesa e jashtme e ndërtesës, e arritur gjatë periudhës ekonomike të Autarkisë, është i përbërë nga materiali i parafabrikuar “populit”, një çimento eksperimentale e përzier me fibra të plepit dhe algave.

I riemëruar Teatri Kombëtar, që nga viti 1947 është teatri kryesor i Shqipërisë.

Në kontekstin e periudhës së transformimit dhe inovacionit të jashtëzakonshëm me të cilin po ballafaqohet qyteti, dhe që nga a projekti i rindërtimit është miratuar për Teatrin Kombëtar të Shqipërisë dhe zonat e afërta, Docomomo shpreh shqetësimet më të mëdha që mbështeten në planet e reja për këtë qendër kulturore që synojnë të fshijnë integritetin e saj origjinal. Ndërtesa e re bashkëkohore prej 9,300 metrash katrorë do të vendoset në zemër të qytetit, në afërsi të Opera Kombëtare dhe Galerisë Kombëtare të Arteve, duke zëvendësuar teatrin origjinal.

I drejtohemi kësaj letre Kryeministrit të Shqipërisë, Ministrit të Kulturës, Kryetarit të Bashkisë së Tiranës dhe të gjithë individëve dhe institucione të tjera relevante që mund të ndihmojnë, duke tërhequr vëmendjen e përpjekjeve dhe bashkëpunimit maksimal mbrojtjen e kësaj pikëpamje moderne.

Docomomo International u kërkon të gjitha institucioneve pjesëmarrëse që ta marrin këtë çështje shumë seriozisht dhe të ndalojnë çdo gjë punë të pakthyeshme të bëra në monument.

Mos hezitoni të kontaktoni me Docomomo International në rast se keni nevojë për ndonjë udhëzim.

Shikoni përpara për vëmendjen tuaj më të mirë për këtë rast.

Nga Altin Prenga

Një përgjigje për gjithë maskarenjtë tradhëtarë shqipfolësa që thonë se ne nuk kemi rrush, nuk kemi verë etj.

Vetëm në Bukëmirë, Mirditë janë mbi 100 HA vresht. Duke bërë llogaritë mund të shërbesh mbi 2 milionë vakte në restorant me një sasi rrushi të tillë.

Këto janë duart e Ndue Prengës, vreshtar brez pas brezi.

Një nga shumë ata njerëz që punojnë me ndershmëri në kët vend!

Promovoni çdo prodhim të botës por mos ofendoni mundin e ketyre njerëzve. Faleminderit për mirkuptimin!/27.al