Nxënësja e Gjimnazit “Ali Demi” Vlorë GERDA CANO u vlerësua me cmimin “Aktorja më e mirë dytësore” në Festivalin Teatror Kombëtar për Shkollat e Mesme “Gjergji Trola” 2018 , me rolin e Deas në dramen “Unë jam Era” me regji të Eduard Ismaili.
Festivali Teatror rinor “Gjergj Trola” 2018, një nga eventet e kthyer në traditë në Kryeqytet prej 16 vitesh, dhe Festivali Teatror Kombëtar per Shkollat e Mesme “Gjergj Trola” 2018 ngriti siparin në datën 16 prill, ora 14.00, në Universitetin e Arteve, Salla Black Box.
Për dhjetë ditë, nga data 16 -27 prill, nga ora 14:00 deri në orën 17:00 aktorët e rinj nga 14 shkolla të kryeqytetit dhe të rinjtë nga gjithe Shqipëria, përfshirë rrethet Korça, Vlora, Berat Shkodër, Sarandë dhe Tiranë sollën për bashkëmoshatarët e tyre, mësuesit dhe artëdashësit vepra të autorëve vendas dhe të huaj që trajtojnë tema të realitetit social në Shqipëri dhe problematika që shqetësojnë të rinjtë sot.
Secila prej veprave erdhi nën një këndvështrim origjinal nën regjinë e regjisorëve të rinj, shumë prej tyre studentë të Universitetit të Arteve, dega regjizurë.
Vlora u perfaqesua nga Gjimnazi “Ali Demi” ,me shfaqen “Une jam Era” , pjese e shkuar nga Ermela Lamcaj dhe Stela Mihaj, me regji te Eduard Ismailit . Dramen “Une jam Era” e sollen me nje loje te mrekullueshme ne te gjitha rolet e caktuara nxenesit: Loris Sinanaj,Gerda Cano,Martin Xhaferi,Grejti Kapllanaj,Graciela Kicaj,Klejvis Sadiku,Serxho Gjoni,Fatjona Serjani,Flavia Aliaj,Jugerta Derraj. Ne rolin kryesor ishte Era e sjelle ne menyre profesionale nga maturantja Loris Sinanaj e cila ishte ne nominim dhe prentendente per Cmimin Aktoria me e mire Kryesore por qe nuk e arriti fitoren , dhe pse u vleresua nga juria si dinjitoze per rolin e marre. Ne kete pjese qe fliste per Bulimin e Bullizmin rolin e secilit prej nesh duke e shtyre Eren ne fundin e saj te hidhur e solli nxenesja Gerda Cano qe pervec vleresimeve te merituara mori dhe Cmimin “Aktorja me e mire dytesore” ne Festivalin Teatror Kombetar per Shkollat e Mesme “Gjergji Trola”2018
Vleresimi u krye nga nje juri e nderuar dhe shume profesioniste ku benin pjese :
Kryetare jurie – “Artistja e Popullit” e “Nderi i Kombit” Tinka Kurti ,
Anetar – Profesori i nderuar Gezim Rudi ,
Anetare – Profesoresha e nderuar Rozi Kostani
Ceremonia e ndarjes së çmimeve, për Festivalin Teatror Kombëtar të shkollave të mesme,u zhvillua në datën 27 prill, ora 16:00, në Universitetin e Arteve, Salla Black Box.
Në ceremonitë e ndarjes së çmimeve morren pjesë edhe përfaqëues të lartë të institucioneve arsimore, kulturore, si Zv.Ministër i Arsimit,Sportit dhe Rinise Z.Ervin Demo, përfaqësues të Bashkisë Tiranë, përfaqësues të UNFPA (Fondit të Kombeve të Bashkuara për Popullsinë), etj.
Festivali ishte nje produkt i angazhimit dhe punës së përbashkët të Shoqatës së Artistëve të Rinj të Skenës (SHARS) dhe Albania Community Assist (ACA), me mbështetjen dhe në bashkëpunim me Bashkinë Tiranë, Fondin e Kombeve të Bashkuara për Popullsinë (UNFPA), Universitetin e Arteve, Teatri Kombëtar Eksperimental “Kujtim Spahivogli, Ministrinë e Arsimit dhe Drejtorinë Arsimore Rajonale Tiranë.
Shqipëria ka marrë pjesë për të katertin vit radhazi në panairin ndërkombëtar Global Expo Seafood. Eventi u zhvillua në Bruksel nga datat 23 deri në 25 prill ku morën pjesë shumë vende të botës me shumëllojshmëri produktesh deti. Kjo është një risi për tregun Europian dhe jam i lumtur që Shqipëria mori një çertifikatë të tillë”, u shpreh Rossi. Përdorimi i ushqimit të duhur dhe kontrolli direkt në të gjitha fazat e prodhimit ka sjellë rezultate të shkëlqyera.
Almarina meriton me të drejtë të jetë krenaria e detit shqiptar. Vlerësimi kësaj here për një kompani nga Orikumi i Vlorës, vjen nga zemra e Europës, Brukseli. Dhe jo pak, por shpallet peshku i vetëm i kultivuar në kontinentin Europian si Antibiotik Free.
E thënë ndryshe, prodhimi që vjen nga gjiri i Vlorës u çertifikua në Expo Seafoodsi i vetmi që përmbush të gjitha kushtet për t’u konsideruar i pa trajtuar me asnjë lloj medikamenti apo substancë tjetër kimike. I gjithë zinxhiri i realizimit të këtij produkti elitë të detit shqiptar nën monitorim e rreptë të enteve çertifikuese si dhe nga gjithë supermarketet më në zë të Europës, furnitor i të cilëve është prej afro një viti. Duke i vënë theksin në rritjen e peshkut të cilësisë dhe sigurisë ushqimore në respekt të plotë të ruajtjes së ambientit kompania është e çertifikuar me Standartet ndërkombëtare të cilësisë IFS,GLOBALG.A.P(The Global Partnership for Good Agricultural Practice) Vlerësimet e klientit europian, auditimet e laboratoreve prestigjioze si dhe kërkimet shkencore të Universitetit të Camerinos në Marche e radhisin kocen dhe levrekun e Orikumit shumë më përpara në vlera se prodhimi i fermave italiane, greke e kroate që kane dhjetra vite në tregun europian.
Shqipëria ka marrë pjesë për të katertin vit radhazi në panairin ndërkombëtar Global Expo Seafood. Eventi u zhvillua në Bruksel nga datat 23 deri në 25 prill ku morën pjesë shumë vende të botës me shumëllojshmëri produktesh deti. Shqipëria u përfaqësua në Expo Food me produktet e Almarina, kompanisë shqiptare të mbështetur fuqishëm nga gjiganti Italian EREDE ROSSI SILVIO. Por risia e këtij viti është çertifikata Antibiotik Free (Mungesë e plotë e antibiotikeve në të gjthë ciklin e plotë të rritjes së kocës dhe levrekut) që iu dorëzua peshkut të Almarinës dhe produktit cilësor që sjell në tregun Europian. Peshku i Orikumit është i pari në Europë që çertifikohet si i tillë.
Niçola Rossi, Presidenti i gjigandit EREDE ROSSI SILVIO ,akuakulturisti më i madh i troftës të salmonuar jo vetëm në Itali por edhe në Europë, është shprehur shumë i kënaqur me vlerësimin që ka marrë Almarina. “Ujërat e gjirit të Vlorës janë vendi ideal për prodhimin pa antibiotik të koceve dhe levrekut. Kjo është një risi për tregun Europian dhe jam i lumtur që Shqipëria mori një çertifikatë të tillë”, u shpreh Rossi. Përdorimi i ushqimit të duhur dhe kontrolli direkt në të gjitha fazat e prodhimit ka sjellë rezultate të shkëlqyera.
Sheme Kondi, administratori shqiptar i Almarina i pranishëm në Expo, theksoi se ky çertifikim është një rezultat që i atribuohet edhe gjigantit Rossi me mbështetjen dhe bashkëpunimin në cdo moment të mbarështimit. “Kjo çertifikatë europiane e nderon Shqipërinë duke bërë që edhe investitorë të tjerë të kthejnë sytë drejt vendit tonë. Kompania me shpejtësi të madhe krijoi të gjitha strukturat e saj dhe sot ne jemi një eksportues shumë i rëndësishëm në supermarketet e Italisë dhe Europës. Kjo në sajë të një pune pasionante te nje stafi profesionistesh te zote që fillon nga Shqipëria e mbaron në kryeqendrën e Europës, në Bruksel”, tha Kondi menjëherë pasi autoritetet organizuese të panairit i dorëzuan çertifikatën vlerësuese. Sipas tij suksesi i kësaj kompanie, relativisht te re bën që vendi ynë të prezantohet disi ndryshe, duke bërë që kompani të shumta të lidhin kontrata të leverdishme me të.
Një tjetër risi e peshkut të Orikumit është sasia e Omega 3, ndërkohë që në vende si Greqia , Kroacia apo Turqia, ky përbërës i rëndësishëm i filetos së peshkut që ndikon direkt tek shëndeti i konsumatorit, Omega 3 nuk e kalon shifrën 9,70, ndërsa peshku i Orikumit arrin maksimalisht në 17,88. Njazi Mustafa, bashkëortak në Almarina, ritheksoi se ky rezultat është një sukses jo vetëm për Almarinën dhe zonën e Orikumit, por është një vlerësim që hap dyert prodhimeve shqiptare për të ndjekur të njëjtën rrugë.
Në Global Expo Seafood u prezantua edhe ferma e peshkut Alb Adriatiko përfaqesuar nga Hysen Jazaj, i cili theksoi se në sajë të bashkëpunimit me Almarina Or dhe Grupo Rossi u bë e mundur hapja e dyerve nga supermarketet evropiane për produktet shqiptare dhe ritheksoi rëndësinë e pjesëmarrjes së Shqipërisë në këtë event që konsiderohet si panairi më masiv dhe kualitativ i peshkut në rang ndërkombëtar./ZgjohuShqiptar.al
Pak ditë pas vetëdorëzimit tek autoritetet turke, Izet Haxhia, ish-truproja i ish-Presidentit Berisha dhe një prej personave të dënuar nga gjykata shqiptare për vrasjen e Azem Hajdarit, ka nisur përgatitjet për t’u përballur me drejtësinë.
Ai ka zgjedhur në Shqipëri avokatin Fran Dashi, i cili do të mbrojë interesat e tij gjatë dhe pas ekstradimit. “Panorama” kontaktoi me avokatin Dashi, i cili tha se ka nisur përgatitjet për procedurat e ekstradimit dhe shumë shpejt Haxhia do të vijë në Shqipëri, ku është dënuar në mungesë.
Sipas avokatit, Haxhia do të rigjykohet dhe dosja “Hajdari” do të rihapet. Avokati shprehu bindjen se klienti i tij është i pafajshëm dhe kërkon një proces të rregullt ligjor, ndryshe nga ai i viteve më parë.
“Z. Haxhia u dorëzua me vullnetin e tij në Policinë turke, pasi Gjykata e Lartë atje vendosi që të ekstradohej. Me dëshirën dhe vullnetin e tij ai kthehet në atdhe pas 18 vjetësh, për t’u ballafaquar me drejtësinë dhe për të treguar pafajësinë e tij në çështjen e bujshme të vitit 1998.
Ne do të kërkojmë rigjykim dhe hapjen e çështjes nga e para, pasi z. Haxhia që nga dita që ka nisur procesi gjyqësor dhe deri në këto momente, nuk ka qenë prezent në asnjë seancë pyetjesh apo seancë gjyqësore. Dhe mosprezenca e tij gjatë procesit e bën nul vendimin e Gjykatës.
Në këto kushte, ai kthehet me vullnetin e tij për të bashkëpunuar me drejtësinë dhe të tregojë pafajësinë”, thotë avokati Dashi.
I pyetur nëse rihapja e dosjes prek edhe të dënuarit e tjerë të çështjes “Hajdari”, avokati nuk preferoi të bënte komente më përtej se sa për klientin e tij.
“Unë përfaqësoj zotin Haxhia dhe për këtë arsye nuk marr përsipër të komentoj për persona të tjerë”, shtoi Dashi.
Lidhur me kohën se kur mund të mbërrijë Izet Haxhia në Shqipëri, avokati tha se po bëhen përgatitjet, edhe pse nuk ka një datë fikse, për shkak se procedurat zgjasin, si nga pala turke ashtu edhe nga ajo shqiptare.
Rreth katër ditë më parë, ish-truproja i Berishës njoftoi përmes rrjeteve sociale se ishte vetëdorëzuar në Policinë turke, pas vendimit të Gjykatës së Lartë atje për ta ekstraduar në Shqipëri.
“Meqë nuk erdhën të më marrin, u dorëzova vetë në Policinë turke”, shkruante ai në profilin e tij në “Facebook”.
Haxhia është njëri prej të dënuarve me 25 vjet burg nga gjykatat shqiptare për vrasjen e Azem Hajdarit. Mirëpo, ai nuk e ka pranuar kurrë këtë akuzë dhe është arratisur në Turqi ku ishte në azil. Haxhia, gjatë gjithë kësaj kohe ka akuzuar gjithnjë Berishën për vrasjen e Azem Hajdarit dhe për gjyqin ndaj tij. Edhe më herët, Haxhia ka thënë se do të paraqesë fakte tronditëse për vrasjen e deputetit shqiptar kur të kthehej në Shqipëri.
Partia Socialiste ka ndezur “motorët” për zgjedhjet vendore të vitit 2019. Edhe pse na ndan edhe një vit nga ky proces zgjedhor, kryeministri Edi Rama ka nisur punën dhe përgatitjet sikur zgjedhjet të zhvilloheshin në qershor. Mirëpo kreu i qeverisë nuk është i kënaqur me punën e kryer deri më tani nga kryetarët e bashkive dhe këshilltarët socialistë. Duke qenë se zgjedhjet vendore të 2019 do të jenë përcaktuese edhe për ato parlamentare që do të zhvillohen në vitin 2021, Edi Rama kërkon që në procesin e vitit të ardhshëm të arrihet një rezultat sa më i mirë.
Por meqenëse ai është shprehur i pakënaqur nga angazhimi dhe arritjet e deritanishme, krerët e bashkive dhe këshilltarët do t’i nënshtrohen një procesi analize. Për të vlerësuar performancën e tyre është ngritur një grup i caktuar pune, i cili përbëhet nga Ilir Beqaj, Eglantina Gjermeni, Arben Ahmetaj dhe Evis Kushi. Ndërsa kryebashkiakëve dhe këshilltarëve socialistë iu është dorëzuar një formular. Në pyetësor pushteti vendor duhet të tregojë në mënyrë të detajuar punën e kryer.
Formulari përmban 18 pyetje, ndërsa disa nga pyetjet më pikante janë: Sa janë shpenzimet me fondet e veta për investime në shkolla/ rrugë rurale/ ujësjellës për vitet 2014, 2015, 2016, 2017?; Ecuria e shpenzimeve për sportin dhe kulturën gjatë këtij 4-vjeçari; Cila është tarifa e gjelbërimit dhe e ndriçimit?; Sa metra katrorë leje ndërtimi për ndërtimet e reja janë dhënë në vitet 2014-2017, etj. Sipas informacioneve, deri më tani pyetjeve u janë përgjigjur 26 kryetarë bashkie, ndërsa 7 prej tyre nuk kanë dërguar akoma përgjigjet e tyre.
Sondazhe me qytetarët
Nga ana tjetër, Partia Socialiste pritet të organizojë edhe një sërë sondazhesh në terren ku do të pyeten qytetarët dhe njerëz brenda partisë për kryetarët e bashkive dhe këshilltarët bashkiakë. Vlerësimi që ata do të japin për punën e bërë nga këto dy grupe do të ndikojë tek lista e kandidatëve që PS do të fusë në garë për zgjedhjet e vitit 2019. Mirëpo duhet të theksohet fakti se askush nuk e ka vendin e sigurt sepse lideri i qeverisë nuk është i kënaqur me performancën e kryebashkiakëve dhe këshilltarëve.
Duke marrë parasysh edhe përgjigjet që do të jepen në formular dhe sondazhet që do të kryhen, nuk përjashtohet që tek lista e kandidatëve të ketë lëvizje dhe që disa persona të mos futen më në garë. Pra, fati i gjithsecilit do të vendoset nga rezultatet që do të dalin nga procesi i analizës. Ky grup i punës i ngritur për analizën, i cili drejtohet nga Ilir Beqaj, do të vijojë punën deri më 30 qershor, kur do të bëhet analiza finale dhe do të vendoset nëse do të rikandidohen apo jo kryebashkiakët socialistë për zgjedhjet e vitit 2019.
Nga ana tjetër, në fokus PS do të ketë edhe platformën e bashkëqeverisjes dhe numrin e regjistrimeve në portal nga ana e bashkive. Sipas një dokumenti të siguruar nga gazeta, 30 janë bashkitë që kanë numrin më të lartë të regjistrimeve tek portali i bashkëqeverisjes. Listën e kryesojnë bashkitë e Vlorës, Tiranës, Beratit, Fierit, Korçës, etj. Ndërsa 31 bashki të tjera nuk kanë avancuar sa duhet me regjistrimet në portal. Midis këtyre bashkive që duhet të përparojnë mund të përmendim atë të Kolonjës, Kukësit, Patosit, Divjakës, Cërrikut, Vorës, etj./SOT
Bëmat dhe skandalet e njerëzve të drejtësisë i kanë mbyllur Shqipërisë dyert e Evropës.
Duke qenë të korruptuar vetë deri në palcë, u ka munguar guximi për arrestimin e të inkriminuarve të politikës.
Që qytetarët shqiptarë të depërtojnë në Evropë, paraprakisht duhet që të korruptuarit e gjykatave dhe prokurorive të largohen nga institucionet që i kanë keqpërdorur.
Madje-madje përveç konfiskimit të pasurisë korrupsionit, një numër jo vogël gjyqtarësh dhe prokurorësh meritojnë të gjenden pas hekurave.
Vetëm në Shqipëri ndodh një çudi e tillë, kur një vend mbahet peng nga gjyqtarë dhe prokurorë të korruptuar.
Jo vetëm pasurinë por edhe bëmat e tyre, sigurisht të atyre që i kanë prodhuar do t’i risjellim në kujtesë të opinionit publik.
Pasuria e Kryetarit i Gjykatës së Apelit Hysni Demiraj, por edhe bëmat e tij, do të jenë në fokusin e objektivit të CNA.al.
Rikujtojmë se në vitin 2016, kryetari i Gjykatës së Apelit ka dhunuar shoferin e tij. Të paktën kështu është raportuar nga Policia e Shtetit në atë kohë.
“Më datë 09.06.2016 rreth orës 11:00 në Komisariatin e Policisë nr 1 Tiranë është paraqitur shtetasi K. M., 25 vjeç, lindur në Vlore dhe banues në Tiranë, i cili kallezon se ka qënë i punesuar me detyrë shofer i administratës pranë Gjykatës së Apelit Tiranë dhe sot rreth ores 09:30 duke qënë në ambientet e Gjykatës së Apelit Tiranë, është konfliktuar për shkak të marrëdhënies së punës që ka pasur dhe pretendon se është goditur me grusht nga Kryetari i Gjykates së Apelit Tiranë shtetasi Hysni Demiraj, 54 vjeç, lindur në Tropojë dhe banues në Gjirokastër, rezident në Tiranë”, thuhet në njoftimin e policisë, në vitin 2016.”
Po a është kaq i rëndë dhe në pasuri sa në bëma, kryegjyqtari i Apelit?
Të dhënat e pasurisë të deklaruara prej tij tregojnë se vetëm me dy paga, ka lidhur një kontratë me një kompani për ndërtimin e një pallati. Bëhet fjalë për vitin 2007.
Nuk dihet se në çfarë vendi do të ndërtohej objekti si dhe vlera e kontratës është jotransprante. Të paktën këto dhëna nuk janë përfshirë në materialet e publikuara nga Open Spending Albania.
Gjithsesi Demiraj në vitin 2007 ka deklaruar se ka paguar 40 mijë euro për kontratën me kompaninë Park-Construction-Albania.
Në vitin 2009 ai ka deklaruar, detyrime të papaguara në vlerën 12 500 euro për një kontratë sipërmarrje me Park-Construction-Albania shpk.
Në vitin 2010 ka detyrime të papaguara në vlerën 8 500 euro si dhe detyrime të paguara në vlerën -4 000 euro për një kontratë sipërmarrje me Park-Construction-Albania shpk.
Në vitin 2011, deklaron, detyrime të papaguara në vlerën 6 500 euro dhe detyrime të paguara në vlerën -2 000 euro për një kontratë sipërmarrje me Park-Construction-Albania shpk.
Në vitin 2012, Demiraj deklaron, detyrime të papaguara në vlerën 6 500 euro dhe detyrime të paguara në vlerën -500 euro për një kontratë sipërmarrje me Park-Construction-Albania shpk.
Në vitin 2013, ka detyrime të paguara në vlerën -2 000 euro për një kontratë sipërmarrje me Park-Construction-Albania shpk.
Në deklaratën e pasurisë të viti 2016, të siguruar nga CNA.al, nuk përmend më një kontratë e tillë. Sërish të ardhurat Demiraj i ka nga paga e tij dhe e bashkëshortes, ndërsa vajzën deklaron se po e shkollon me kredi në një një shkollë jopublike në Milano.
Viti 2004
Paga vjetore Hysni Demiraj 780 000 lekë.
Bashkëshortja paga në vlerën 156 000 lekë.
Shitur veturë tip Volksëagen në vlerën 200 000 lekë.
Viti 2005
Paga vjetore Hysni Demiraj 800 000 lekë.
Bashkëshortja paga në vlerën 240 000 lekë.
Gjendja Cash 500 000 lekë në banesë
Viti 2006
Paga vjetore Hysni Demiraj si Gjyqtar 616 283 lekë.
Paga si anëtar i KLD 460 000 lekë.
Paga vjetore Hysni Demiraj si Gjyqtar 616 283 lekë.
Paga si anëtar i KLD 460 000 lekë.
Pagesa gjatë mbledhjes së KLD 190 000 lekë.
Bashkëshortja paga në vlerën 240 000 lekë.
Detyrime të papaguara në vlerën 5 000 000 lekë për një hua marrë një personi fizik më 27.09.2006.
Viti 2007
Paga vjetore Hysni Demiraj si Gjyqtar 819 000 lekë.
Shpërblime 18 000 lekë.
Pagesa si anëtar i KLD 120 000 lekë.
Bashkëshortja paga në vlerën 300 000 lekë.
Bashkëshortja shpërblime në vlerën 20 000 lekë.
Kontratë sipërmarrje me Park-Construction-Albania shpk për ndërtimin e një pallati.
Detyrime të papaguara në vlerën 4 400 000 lekë për një hua marrë një personi fizik më 27.09.2006 prej 5 000 000 lekë.
Detyrime të paguara në vlerën -40 000 euro për një kontratë sipërmarrje me Park-Construction-Albania shpk për ndërtimin e një pallati.
Detyrime të paguara në vlerën -600 000 lekë për një hua marrë një personi fizik më 27.09.2006 prej 5 000 000 lekë.
Viti 2008
Paga vjetore Hysni Demiraj si Gjyqtar 791 670 lekë.
Shpërblime 26 500 lekë.
Pagesa si anëtar i KLD 110 000 lekë.
Interesa bankare në vlerën 54 665 lekë.
Bashkëshortja paga në vlerën 320 000 lekë.
Bashkëshortja shpërblime në vlerën 10 000 lekë.
Detyrime të papaguara në vlerën 3 800 000 lekë për një hua marrë një personi fizik më 27.09.2006 prej 5 000 000lekë.
Detyrime të paguara në vlerën -600 000 lekë për një hua marrë një personi fizik më 27.09.2006 prej 5 000 000 lekë.
Viti 2009
Paga vjetore Hysni Demiraj pranë Gjykatës së Apelit 567 018 lekë.
Paga vjetore Hysni Demiraj pranë Gjykatës së Gjirokastrës 395 835 lekë.
Pagesa si anëtar i KLD 120 000 lekë.
Bashkëshortja paga në vlerën 450 000 lekë.
Detyrime të papaguara në vlerën 3 200 000 lek për një hua marrë një personi fizik më 27.09.2006 prej 5 000 000 lekë.
Detyrime të papaguara në vlerën 12 500 euro për një kontratë sipërmarrje me Park-Construction-Albania shpk.
Përshkrim shpenzimi
Detyrime të paguara në vlerën -600 000 lekë për një hua marr një personi fizik më 27.09.2006 prej 5 000 000 lekë.
Viti 2010
Paga vjetore Hysni Demiraj 1 176 684 lekë.
Pagesa si anëtar i KLD 120 000 lekë.
Bashkëshortja asistencë në vlerën 64 000 lekë.
Pronotuar Garazh me vlerë 12 500 euro dhe sip 15m2.
Detyrime të papaguara në vlerën 2 600 000 lek për një hua marrë një personi fizik më 27.09.2006 prej 5 000 000 lekë.
Detyrime të papaguara në vlerën 8 500 euro për një kontratë sipërmarrje me Park-Construction-Albania shpk.
Detyrime të paguara në vlerën -600 000 lekë për një hua marr një personi fizik më 27.09.2006 prej 5 000 000 lekë.
Detyrime të paguara në vlerën -4 000 euro për një kontratë sipërmarrje me Park-Construction-Albania shpk.
Viti 2011
Paga vjetore Hysni Demiraj 1 153 359 lekë.
Detyrime të papaguara në vlerën 2 300 000 lek për një hua marrë një personi fizik më 27.09.2006 prej 5 000 000 lekë.
Detyrime të papaguara në vlerën 6 500 euro për një kontratë sipërmarrje me Park-Construction-Albania shpk.
Detyrime të paguara në vlerën -300 000 lekë për një hua marr një personi fizik më 27.09.2006 prej 5 000 000 lekë.
Detyrime të paguara në vlerën -2 000 euro për një kontratë sipërmarrje me Park-Construction-Albania shpk.
Viti 2012
Paga vjetore Hysni Demiraj 1 223 403 lekë.
Detyrime të papaguara në vlerën 1 800 000 lek për një hua marrë një personi fizik më 27.09.2006 prej 5 000 000 lekë.
Detyrime të papaguara në vlerën 6 500 euro për një kontratë sipërmarrje me Park-Construction-Albania shpk.
Detyrime të paguara në vlerën -500 000 lekë për një hua marr një personi fizik më 27.09.2006 prej 5 000 000 lekë.
Detyrime të paguara në vlerën -500 euro për një kontratë sipërmarrje me Park-Construction-Albania shpk.
Viti 2013
Paga vjetore Hysni Demiraj 1 229 399 lekë.
Pagesa si pedagog i jashtëm në vlerën 100 000 lekë.
Detyrime të papaguara në vlerën 800 000 lek për një hua marrë një personi fizik më 27.09.2006 prej 5 000 000lekë.
Detyrime të papaguara në vlerën 30 000 euro për një kontratë huaje të lidhur më 27.08.2013.
Detyrime të paguara në vlerën -1 000 000 lekë për një hua marr një personi fizik më 27.09.2006 prej 5 000 000 lekë.
Detyrime të paguara në vlerën -2 000 euro për një kontratë sipërmarrje me Park-Construction-Albania shpk.
Deklarata e pasurisë së Hysni Demirajt për vitin 2016
Vlera e 5 000 euro nga kontrata e shitjes së automjetit tip Benz me datë 25.08.206, kunatit.
Në datën e dorëzimit të kësaj kontrate kam në banesë, vlerën monetare, cash, të kursyera si rezultat i shitjes së automjetit dhe kursimit një vjeçar nga paga ime mujore dhe e bashkëshortes dhe e diferencës së kredisë që kam marrë për vajzën në shumën 7 000 euro dhe 400 000 lekë.
Kredi afatgjatë me datë 07.04.2016 për pagesën e vajzës, pranë fakultetit jopublik në Milano, në shumën prej 20 mijë euro, nga këto 17 mijë euro kanë kaluar në emrin e vajzës. Kredia është me afat 15 vjeçar dhe përfundon në vitin 2031. Kësti mujor i kësaj kredie është 146 euro në muaj. Janë paguar 1168 euro, ndërsa pa pagiar 19.331.77 euro.
Deri më 31 dhjetor 2016 vajaza ka ahardhuar 8 425.27 euro.
Overdraft për kartën visa Classic me limit kreditimi 1 000 000 lekë, nga e cila deri me 31 dhjetor 2016 nuk është përdorur.
Paga e kryetarit të Gjykatës së Apelit Tiranë, në shumën 1 530 196 lekë.
Paga si anëtar i bordit drejtues së zyrës së administrimit të buxhetit gjyqësor në shumën 32.087 lekë.
Paga e bashkëshortes si punonjëse e bibliotekës së fakultetit ekonomik për periudhën 19 shtator-31 dhjetor 2016 në shumën 107.122 lekë.
Panik ne Tirane, pasi dy persona nga lartesia kercenojne me vetevrasje.
Një burrë dhe një grua kanë hipur në një vinç në Tiranë dhe kërcënojnë me vetëvrasje.
Policia e Tiranës bën me dije se: rreth orës 20:45 ka ardhur njoftimi se në rrugën e “Kosovarëve”, në një vinç, në lartësinë 30 metra kanë hipur dy persona.
Në vendngjarje kanë mbërritur shërbimet e Policisë, Zjarrëfikses dhe Ambulanca, ku nga verifikimet paraprake rezulton se
Dy shtetas (burrë dhe grua), të cilët nuk pranojnë të identifikohen, kanë hipur në një vinç (për një problem pronësie) nga ku kërcënojnë se do të hidhen.
Ata dyshohet të jenë përsëritës në këtë veprim.
Po negociohet nga shërbimet e policisë për zbritjen e tyre nga vinçi.
“Dua të shes veshkën”. Këto janë fjalët e një nëne që i është drejtuar emisionit Fiks Fare me këtë kërkesë të pazakontë për shkak të kushteve të vështira ekonomike.
Ajo tregon se e ka menduar gjatë dhe pamundësia ekonomike e ka detyruar të vendosë për të kryer këtë veprim. “Burri im është i sëmurë dhe nuk ka mundësi të punojë, shtëpi nuk kemi, jetojmë te prindërit e mi. Ata nuk kanë pension. Të vetmet të ardhura janë rroga ime prej 220 mijë lekësh të vjetra”, tregon ajo historinë për të shpjeguar se çfarë e ka shtyrë të marrë vendimin për të shitur veshkën.
Ajo tregon për Fiks Fare se këtë e bën për vajzën e saj, e cila është vetëm 15 vjeçe dhe dëshiron që ajo të jetojë si adoleshentet e tjera.
“Dua të bëj diçka për të, t’i lë të paktën një shtëpi, të tregoj se unë mund të bëj diçka për të, pasi për të do të jepja jetën”, rrëfen gruaja e re, e cila është rreth 40-ve dhe jeton në Tiranë.
Nëna e re shpjegon se ka dy vjet që e mendon këtë gjë, por nuk i ka treguar askujt dhe dëshiron që sidomos vajza e saj mos ta mësojë kurrë këtë fakt.
Madje, ajo thotë se disa herë është drejtuar për të ardhur te Fiksi, por është kthyer rrugës. Edhe ditët e fundit është afruar dy-tre herë, derisa ka vendosur të hyjë në redaksi dhe të bëjë kërkesën e veçantë.
“Kisha frikë sesi do e merrnin njerëzit, sesi do më gjykonin, si do më shihnin, se unë nuk kam frikë për jetën time. Këtë po e bëj për fëmijën tim dhe nuk druhem për asgjë, prandaj, ju lutem më ndihmoni”, mbyll rrëfimin e saj nëna e re, teksa i dridhet zëri, me shpresën se nëpërmjet emisionit, dikush do e dëgjojë dhe veç faktit se ajo do i vijë në ndihmë familjes së saj, me këtë veprim do të ndihmojë edhe dikë që do e ketë të nevojshme transplantin e një veshke.
Megjithëse janë pronarë të tokave në Kakome, një pjesë e banorëve të Nivicës nuk mund ti shfrytëzojnë pronat e tyre, pasi shprehet se ato gjenden brenda rrethimit të vendosur nga kompania Riviera Kakome dhe se policia private e cila ruan këtë rrethim nuk i lejon.
Banorët e Nivicës kanë tentuar përsëri të shkojnë në pronat e tyre, por ndonëse janë të pajisur me certifikatat mbi pronësinë e tokave të tyre, ata nuk janë lejuar. Kryetari i fshatit Nivicë shprehet se ende vazhdojmë të besojmë në ligjet e shtetit dhe presim zbatimin e ligjit dhe vendimeve të gjykatave, pasi kompania Riviera Kakome megjithëse pretendon pronësinë në 29 hektarë, ata kanë rrethuar 110 mes tyre.
Banoret e Nivicës shprehen se një problem tjetër me të cilin përballen është se Hipoteka e Sarandës nuk po bën regjistrimin e pronës së tyre, pavarësisht se ata kanë gjithë dokumentacionin e duhur. Prej disa muajsh ata kanë aplikuar dhe kanë bërë pagesat e kërkuara në hipotekë dhe megjithëse afati për hipotekimin ka muaj që ka kaluar, ata shprehen çuditërisht hipoteka e Sarandës nuk u ka kthyer asnjë përgjigje.
Kjo ka bërë që banorët të dyshojnë se kjo është pjesë e lojës së kompanisë Riviera Kakome për të gllabëruar edhe pronat e mbetura në Kakome. Banoret e Nivicës kanë prej vitesh që përballen me problemin e tokave në Kakome dhe ende ky problem nuk është zgjidhur. Ata shprehen se këtë betejë do ta vazhdojnë pasi kjo është toka e tyre brez pas brezi./javanews
