Aktualitet

Pakistani ka përjetuar ditën më të nxehtë në botë për muajin prill, duke regjistruar temperatura ekstreme prej 50.2 gradë celsius, sipas ekspertëve. Departamenti Meteorologjik i Pakistanit konfirmoi se temperatura e skajshme u regjistrua në qytetin Nawabshah të hënën, më 30 prill, duke e bërë atë potencialisht temperaturën më të nxehtë të muajit prill të regjistruar ndonjëherë në Tokë.

Në prill, temperaturat mesatare në Pakistan varionte nga 18 deri në 29 gradë.

Etienne Kapikian, një meteorolog francez në Meteo France, tha në Twitter se ishte temperatura më e nxehtë e prillit e regjistruar në të gjithë kontinentin aziatik.

Postimi i tij bëri që një person të shkruante: ’50 gradë celsius? Në prill?! RIP Pakistan “.

Një tjetër komentoi duke theksuar se shumë njerëz kanë vdekur nga goditja e nxehtësisë.

Christopher Burt, një ekspert global për ekstremet e motit, i tha “Washington Post” se temperatura e së hënës në Pakistan mund të jetë më e larta e regjistruar ndonjëherë në botë në muajin prill.

Ai tha se ishte ndoshta temperatura më e lartë ‘ende e besueshme në Tokë nga të dhënat moderne’, duke shtuar se ndërsa është raportuar më parë se Santa Rosa, në Meksikë, kishte përjetuar 51 gradë në prill të vitit 2001, por besueshmëria e këtij rasti është e dyshimtë, transmeton oranews.

Gazeta pakistaneze Dawn njoftoi se dhjetëra banorë pësuan goditje të nxehtësisë të hënën dhe se ‘aktivitetet e biznesit u ndalën’ në Shaheed Benazirabad.

Në përgjigje, një lexues komentoi: ‘Kjo quhet një paraqitje e shkurtër e ferrit në tokë’.

Në vitin 2017, Pakistani u rendit midis dhjetë vendeve më të ndjeshme ndaj ndryshimeve klimatike, shtoi gazeta. Tre vjet më parë, një valë e nxehtë në Karaçi mori jetën e mbi 1,200 njerëzve, ndërsa më shumë se 40,000 u prekën nga goditja e nxehtësisë.

Ngjan me nje skene filmi, por jo, ka ndodhur ne te vertete.

Ne nje autostradë në Indianapolis në SHBA, një automjet që transportonte para, hapi thaset ne mes te rruges dhe parate moren dhene.

Mijera dollare fluturuan nëpër rrugë dhe pasagjeret neper makina pasi shtangen e mbeten syhapur nisen t’i mblidhnin.

Mediat e huaja shkruajne se nuk dihet ende shuma e sakte e parave. Oficerët bllokuan rrugën dhe iu futën punës për të mbledhur paratë, të paktën atë pjesë që kishte mbetur, pasi dyshohet se nje pjese e mire u mor nga qytetaret.

https://youtu.be/gjxLYDBSkgs

U promovua sërish sot paradite në Pallatin e Kulturës Vlorë libri “Kryqtari i Fundit” i autorit Virgjil Kule kushtuar Gjergj Kastrioti Skënderbeu në kuadër të Vitit Mbarëkombëtar të Skënderbeut dhe 613 vjetorit të lindjes së tij 6 maj 1405. Merrnin pjesë qytetar të Vlorës, intelektual të fushave të ndryshme, student dhe krijues. Ndodheshin edhe Kryetarja e Këshillit të Bashkisë Vlorë zonja Vojsava Shkurtaj, nënkryetari i Bashkisë zoti Shaban Mehmeti, Sekretari i Përgjithshëm i Prefekturës, Zëvendës Rektori i Universitetit “Ismail Qemali Prof. Dr. Bilaj Shkurtaj etj.

Aktivitetin e ka hapur Drejtori i Qendrës së Kulturës dhe Artit dhe Teatrit “Petro Marko” zoti Dhimitraq Furxhi, i cili shprehu kënaqësinë për prezencën në këtë aktivitet të autorit të librit zotit Virgjil Kule, i njohur mbarëkombtarisht si gazetar, folës dhe drejtues në vite i Radio Televizionit Shqiptar. Më pas ka përshëndetur të pranishmit Kryetarja e Këshillit të Bashkisë Vlorë zonja Vojsava Shkurtaj, e cila vlerësoi lartë kontributin e zotit Kule në fushën e historiografisë shqiptare me botimin e librit të tij “Kryqtari i Fundit”. Për rëndësinë e librit dhe vlerat e tij historike, ka folur drejtuesi i Bibliotekës Publike “Shevqet Musaraj” zoti Çlirim Hoxha.

Më pas zoti Virgjil Kule është ndalur posaçërisht tek përpjekjet e tij për botimin e këtij libri, shfrytëzimi i arkivave të Venetikut, Vatikanit, Stambollit etj, dokumentacioni i hulumtuar i kronologjisë së ngjarjeve që me lindjen e Gjergj Kastrioti Skënderbeut e deri me vdekjen e tij, të veçantat që sjell ky libër në historiografinë shqiptare për Skënderbeun etj. Pas disa pyetjeve nga të pranishmit, autori Virgjil Kule ka dhënë autografe për të gjithë ata që patën rastin ta blinin librin e tij, i cili ka shëtitur dhe është promovuar në shumë vende të botës ku jetojnë shqiptarët si në Europë e Amerikë dhe së shpejti edhe në Australi.