Aktualitet

Në daç vdekje, në daç gjallë, unë dua çunin”. Ky është apeli i nënës së 30-vjeçarit Fation Fejzillari, i cili rezulton i zhdukur prej 7 ditësh. I riu nga Peqini është parë për herë të fundit pasditen e 29 Prillit në qytetin e Laçit. Aty kishte shkuar me shokun e tij Aleksandër Fadili për të shitur perde dhe çarçafë. Dy miqtë, pasi ishin ndarë me njëri-tjetrin, nuk u takuan më pas pune.

E ëma e 30-vjeçarit, zonja Fatime Fejzillari tregon momentet e parë kur mësoi se djali i saj është zhdukur.

“Ka ardhur haberi në orën 09:00 të mëngjesit, më ka prurë xhaja i Aleksandrit. Edhe më telefonoi. Ku është Fatjoni? Është në Shkodër-Lezhë i thashë. Mirë tha dhe e mbylli telefonin. Mori pas dy minutave dhe më tha merre nusen tënde në telefon se mos ka shkuar Fatjoni në Tiranë, mos ka pasur gocën pa qejf dhe ka ikur, se Aleksandri është vetëm në Laç se nuk gjendet Fatjoni. Mora nusen në telefon. Nuk ka ardhur tha. Nusen e kam këtu në Valias. Nuk kishte shkuar çuni atje. Lekë nuk kam pasur, kam marrë borxh te komshinjtë, jam nisur urgjentisht.
Mora taksi, ika direkt në Laç. Kontaktova me shefin, më tha mos u mërzit se ne jemi në kërkim. Kemi pritur deri në orën 16:00, kam marrë të shtatë çunat që ishin me mua dhe kemi kërkuar gjithë gërmadhat e uzinës së Laçit, nuk e gjetëm. Deri në orën 23:00 kemi bërë kërkim.

I rashë telefonat, kanë shkuar 13 zile. Mbaroi telefoni në orën 09:00 të mëngjesit të 30 Prillit. Ka shkuar burri në Tiranë, është takuar me drejtorin Ardi Veliu. Ai i kishte marrë gjithë të dhënat”, shprehet e ëma.
Ajo dyshon që djalin e saj ta kenë rrëmbyer, pasi me vete kishte 2 milionë e 600 mijë Lekë të vjetra. Apeli i saj i drejtohet shtetit, të cilit i kërkon ndihmë për të gjetur djalin.

“Unë dyshoj se çunin ma kanë marrë. Unë kërkoj djalin, daç vdekje në daç gjallë unë dua çunin. I lutem shumë qeverisë, unë desha çunin në shtëpi. Çuni nuk ka patur asnjë sherr. Unë dyshoj ma kanë marrë çunin në Laç. O ma kanë futur në pus, o ma kanë groposur në dhe. Unë vetëm çunin desha në shtëpi. Çuni kur mori kredinë kishte 1.7 milionë për të kthyer te banka, mori makinën 1.7 milionë lekë, të tjerat i mori mall”.

Aleksandër Fadili, shoku i Fationit, ishte personi i parë që ngriti alarmin e zhdukjes së 30-vjeçarit. Dy të rinjtë kanë qenë bashkë në Laç për të shitur perde dhe çarçafë. Ai thotë se gjysma e shumës së parave prej 2.6 milionë Lekë që kishte Fatjoni me vete, i përkisnin atij. Në orën 6 të pasdites, tregon Aleksandri, ndaluan në Laç dhe aty u ndanë për të shitur secili mallin e vet.

Pas pune do të takoheshin sërish bashkë tek makina e tyre për t’u kthyer drejt Peqinit. Por, 30-vjeçari Fejzillari nuk u shfaq. Fatjoni i telefonoi disa herë, sikurse thotë dhe ai, por pavarësisht se zilja binte, askush nuk përgjigjej. Ai thotë kërkoi për shokun gjatë gjithë natës dhe në mëngjes bëri denoncim në polici.

Aleksandër Fadili: “Jemi kthyer nga Shkodra në Lezhë më datë 29 Prill për të shitur. Nga Lezha kemi ardhur në drejtim të Milotit. Kemi shitur në Milot, nga Miloti kemi ardhur në drejtim të Laçit. Në Laç tek fusha e sportit, e kam zbritur Fatjonin, ka marrë çantën dhe ka dalë për të shitur në orën 18:00. Doli për të shitur pastaj nuk u kthye më. Unë po prisja tek shkolla e Laçit në qendër, aty e kishim lënë takimin edhe nuk u kthye më. Nga ora 18:00 deri në orën 20:00 s’kemi pasur fare kontakte. Kam kërkuar gjithë natën për Fatjonin, në asnjë vend nuk e gjeta. Binte telefoni, s’ma hapte fare.

Ka rënë telefoni deri në orën 09:00 të mëngjesit. Pastaj ju drejtova policinë në orën 08:00. I kanë rënë dy policë telefonit, atij i binte zilja dhe nuk e ka hapur fare. Aty pastaj bëmë denoncimin. Ka pasur me vete 2.6 milionë që i kishim të fituara nga furnizimi. 1.3 milionë kanë qenë të miat, të tjerat kanë qenë të atij. Kam frikë se mos e ka marrë ndonjëri peng për Lekët se ka pasur me vete. Nuk i njoftova gjatë natës se kisha frikë mos kishte hyrë në bixhoz dhe do kthehej. Pastaj nuk u kthye në mëngjes dhe iu drejtova policisë”.

Kurse i ati i Fation Fejzillarit sqaron se djali i tij kishte marrë një kredi bankare prej 5 milionë Lekësh të vjetra përpara se të nisej me Aleksandrin për të shitur mallin.

“Para se të ikte për të shitur andej, mori një kredi bankare. Më tha, baba unë po marr një kredi bankare prej 5 milionësh Lekë të vjetra. Do marr makinë tha, do marr mall dhe do iki të punojmë të shesim. Mori furnizimin në Tiranë dhe në Elbasan në datë 26 Prill. Nga aty kanë shkuar në Peqin me qep mallin. Ne e kemi marrë vesh të nesërmen më datë 30. Ishte gruaja përjashtë. I thashë moj grua çfarë ke pse je mërzitur. Unë isha në pazar.

Jam mërzitur tha se më kanë marrë në telefon që Fatjoni nuk gjendet. Nga ana aty, mori gruaja para borxh shkuam direkt në Laç. Atje në Laç kapëm djalin, Sandrin. Si është puna? Fatjonin tha e kam kërkuar gjithë natën, në mëngjes e kam denoncuar”.

Ende sot e kësaj dite nuk ka asnjë shenjë të Fationit. Policia e Kurbinit e ka regjistruar procedimin penal më 30 Prill, sikurse tha edhe shoku i 30-vjeçarit, dhe kërkimet po vazhdojnë ende.

“Më datë 30.04.2018, shtetasi A.F., vjeç 30, banues në Peqin, kallëzon se më datë 29.04.2018, në hyrje të qytetit të Laçit, ka qenë duke shitur rroba së bashku me shokun e tij F.F., vjeç 30, banues në Peqin, ku ka humbur kontaktet dhe nuk e di vendndodhjen e tij. Punohet për gjetjen e tij. Materialet u referuan në Prokurorinë pranë Gjykatës së Shkallës Parë Kurbin, për vlerësim”, thuhet në njoftimin e policisë.
Familja e Fation Fajzillarit kërkon ndihmën e policisë dhe të qytetarëve, që të njoftojnë nëse kanë dijeni apo nëse kanë parë djalin e saj. /tvklan/

Ambasadori Amerikan në Tiranë, Donald Lu ishte i ftuar special mbrëmjen e sotme në “Portokalli”.

Mesazhi i parë i përcjellë prej tij si ambasador i Shteteve të Bashkuara të Amerikës në Tiranë ishte shqip, e po aq “shqip e troç” ka folur përgjatë gjithë detyrës së ushtruar në Shqipëri.

Nuk iki pa vënë drejtësi në tregun e madh të shoqërisë shqiptare”, thënë Donald Lu.

Mes batutave edhe të aktorëve të “Portokallisë”, Donald Lu e tha sërish troç. Ai iu drejtua aktorëve, që ishin në rolin e liderëve politik në vend, duke u thënë: “Gjithmonë shisni gjërat e gabuara për njerëzit”.

Ndërkohë, publiku thërriste: “Peshkun e Madh”.

“Na doli mjekra duke pritur, o burrë!”, iu drejtua Ambasadori Lu “Edi Ramës”.

Kryeministri Edi Rama ka gjetur pak kohë t’i përgjigjet edhe komenteve të qytetarëve, që shprehin shpesh herë pyetje, shqetësime apo edhe kritika. Një prej tyre i thotë kryeministrit se nuk e sheh realitetin tek ato që thotë por kryeministri i këshillon të heqë syzet e errëta. Një tjetër i kërkon kryeministrit të mos mashtrojnë shumë, ndërsa ai ia kthen me një batutë.

REPLIKAT
Komentues 1: Respekt për çfarë keni bërë. Por mos harroni fjalën e Gertës në parlament për fshatrat që kanë nevojë për rrugën dhe drita…Urime prsh nga Greqia
Edi Rama: Unë nuk harroj asgjë dhe nuk pres të m’i kujtoje njeri detyrat e mia, por as ti Afrim mos harro që Shqipëria që duam bëhet me punë, sakrifica e durim të madh, sepse gropat e panumërta e të trashëguara në çerekshekulli nëpër fshatra, nuk janë llaf goje

Komentues 2: Përse ma jep ndihmën ekonomike kur ma merr prapë.
Edi Rama: Nuk e kuptoj çfarë do të thuash me këtë Gjergji, po di që ndihma ekonomike u shkon sot vetëm atyre që janë më shumë në nevojë dhe u hiqet atyre që pasi u ofrohet punë e refuzojnë.

Komentues 3: Si je mor burrë i fortë u bamë merak sot ku humbe
Edi Rama: Mos u baj merak se këtu jam nuk humb jo

Komentues 4: Nuk shohim realitetin me ato që thoni.
Edi Rama: Po provo t’i heqësh syzet e errëta se mbase e sheh realitetin pak më mirë

Komentues 5: Vetëm mos mashtroni shumë ok
Edi Rama: Për çfarë mashtrimesh e ke fjalën Elton se je edhe juventin e nuk ka lezet të flasësh si ata të kategorisë së tretë

Kryeministri Edi Rama ka shkëmbyer një sërë replikash me qytetarët në rrjetin social Facebook.
Teksa ka ndarë një video ku flet për punët e javës në ERTV, Rama është ndalur edhe tek disa komentues të cilët e kanë pyetur lidhur me problemet që i shqetësojnë.Më poshtë po përcjellim replikat e plota mes shefit të qeverisë dhe ndjekësve në rrjet.

Qytetari 1: Respekt për c.far keni bere. Por mos harroni fjalën e gertes në parlament për fshatrat që kanë nevojë për rrugën dhe drita.. urime prsh nga greqia

Rama: Une nuk harroj asgje dhe nuk pres te m’i kujtoje njeri detyrat e mia, por as ti Afrim mos harro qe Shqiperia qe duam behet me pune, sakrifika e durim te madh, sepse gropat e panumerta e te trasheguara ne cerekshekulli neper fshatra, nuk jane llaf goje

Qytetari 2: Perse ma jep ndimen ekonomike kur ma mer prap.

Rama: Nuk e kuptoj cfare do te thuash me kete Gjergji, po di qe ndihma ekonomike u shkon sot vetem atyre qe jane me shume ne nevoje dhe u hiqet atyre qe pasi u ofrohet pune e refuzojne

Qytetari 3: Si je mor burre i forte u bame merak sot ku humbe

Rama: Mos u baj merak se ketu jam nuk humb jo

Qytetari 4: Nuk shohim realitetin me ato qe thoni

Rama: Po provo t’i heqesh syzet e erreta se mbase e sheh realitetin pak me mire

Qytetari 5: Vetem mos mashtroni shume ok

Rama: Per cfare mashtrimesh e ke fjalen Elton se je edhe juventin e nuk ka lezet te flasesh si ata te kategorise se trete

Qytetari 6 : Jam Natasha lloko nga korca kam Aplikuar dhe nuk me paisin me certefikate pronesie ju lutem bisedoje me z Erisa Spiropali se me ka mbetur ne mes ceshtja e pershendet per punen qe beri Bravo Z Kryeminister per kete qeverisje qe po beni dhe per kete lodhje qe po beni per te bere Shtet Te Lumte

Rama: Shqiperiaqeduam.al eshte adresa ku mund ta zgjidhesh problemin tend.

Ka nisur në Velipojë Turi i Llogaridhënies “Puna për Shqiperinë që duam”.

Ministri për Evropën dhe Punët e Jashtme Ditmir Bushati dhe Ministrit i Turizmit dhe Mjedisit Blendi Klosi dhe deputët e qarkut u ndalen në Njësinë Administrative Velipojë në një bashkëbisedim me banorët e zonës lidhur me problematikat dhe shqetësimet e tyre.

Bushati u ndal fillimisht tek investimi për rrugën e Velipojës e cila pritet të japë një impakt të menjëhershëm në zhvillimin e turizmit në këtë zonë. Bushati u ndal gjithashtu tek rekomandimi i KE-së për Shqiperinë si konfirmim për reformat e ndërmarra nga qeveria por edhe tek puna për reformën e drejtësisë.
Sipas Bushatit kush nuk i përgjigjet qytetarëve do të largohet.
Sakaq ministri Klosi u ndal tek vendimi i marrë nga qeveria shqiptare për te ndaluar derdhjen e ujrave të zeza në det me qëllim plazhe sa më të pastra dhe me standarte. Klosi theksoi se reduktimi i TVSH për hotelerinë është një tjetër masë e qeverisë për të nxitur investimet.

Nga banorët u ngriten shqetësime përsa i takon proçesit të legalizimit, sherbimit të hipotekave dhe problematika lidhur me punësimet në arsim për të cilat drejtorët përkatës shpjeguan masat e marra.

Një lajm të hidhur ka ndarë me publikun, shkrimtarja Flutura Açka, pasi ajo në një postim në Facebook, tregoi se djali i saj 18-vjeçar ishte ndarë nga jeta. Pas këtij lajmi deputetja Grida Duma, në një reagim të saj ka shprehur ngushëllimin e saj në për këtë tragjedi dhe shkruan me fjalë prekëse.

Postimi i plotë

“ ..Nuk kam frikë nga vdekja, jeta mund të më tmerrojë… “

Kjo shprehje m’u fanit në mendje kur lexova lajmin e humbjes së djalit të vetëm të Flutura Açkës.
A mundet njeriu të gjejë fjalët e duhura të ngushëllojë në të tilla humbje! Asnjë fjalë, asnjë simbol nuk ngushëllon dot; por pa fjalën, krejt në heshtje humbëtira të zhyt në errësirë deri në mbytje.
Flutura kish shkruar për humbjen e të birit me një madhështi jo vetëm prej nëne të madhe, por prej njeriu të madh.

Madhështia në rreshtat e saj ishte mungesa e plotë e çdo elementi prej shkrimtareje.
Të zgjedhësh të ndahesh nga shpirti i shkrimtares, të ndahesh në dy, në momentet kur shpirti është copëtuar në qindra, është vendim i një force të përbindshme njerëzore.

Dhe ajo zgjodhi ashtu, e na përcolli madhështinë humane, madhështinë e dhimbshme të faktit të ftohtë të humbjes së më të shtrenjtës qenie në jetë.
Faktit më të ngurtë, të ngrirë akullt, të jetës njerëzore.

Ish shkruar sot për të tjerë shkrimtarë e poetë që kanë vuajtur humbje të tilla, që mbi ta rëndon një peshë prometeu dhe vetë prova e mbinjerëzishme për t’i treguar njerëzimit madhështinë në dhimbje.
Më erdhi ndër mend Zija Çela, një ndër bisedat më të vyera me të, për humbjen e të birit. “….Vdekja s’më tremb aspak, jeta shumë, jeta mund të të tmerrojë. Kur do duhet të jetosh me pahir pasi ke humbur vetë jetën….. “kështu mërmëriti krejt pa pritur ndërsa flisnim për ide të tjera.

Uli paksa kokën e me sytë që shihnin në një botë tjetër e vijoi:

“…. E vetmja gjë që mund t’i them miqve është jetojini të gjitha sa më shumë, jetojini fëmijët, jetojini të shtrenjtët tuaj sa më shumë, se duket se vetëm kjo i mbron dhe ata të mos humbin, …jetojini.”

Tre prej kompanive më të mëdha të prodhimit të makinave do të prodhojnë pjesë të tyre të jashtme në Shqipëri. Bëhet fjalë për një fabrikë në Librazhd që do të prodhojë për “Mercedez-Benz”, “Ford” dhe “Fiat”.

Lajmin e bën të ditur kreu i grupit parlamentar të PS Taulant Balla. Përmes një postimi në facebook ai thotë se “ndoshta nuk do ta besoni, por është e vërtetë që pjesë me veshje lëkure si timoni, leva e marsheve apo leva e frenave të dorës të një makine Mercedez Benz, Ford apo FIAT që mund të blini pas disa kohësh, është prodhuar në Shqipëri, në një fabrikë të vogël në Librazhd”.

Postimi i plotë i Ballës

Kompanitë e prodhimit të makinave Mercedez-Benz, Ford dhe FIAT tashmë prodhojnë pjesë interiore të tyre në një fabrikë në Librazhd.

Ndoshta nuk do ta besoni, por është e vërtetë që pjesë me veshje lëkure si timoni, leva e marsheve apo leva e frenave të dorës të një makine Mercedez Benz, Ford apo FIAT që mund të blini pas disa kohësh, është prodhuar në Shqipëri, në një fabrikë të vogël në Librazhd.

Gjithashtu kompani të prodhimit të barkave detare si Castoldi apo kompani të prodhimit të traktorëve bujqësorë tashmë prodhojnë timonët e drejtimit të tyre në Librazhd.

Është vetëm fillimi dhe janë punësuar dhjetra vajza dhe djem të rinj. Në muajt në vijim kompania SV MEGA, kontraktori shqiptar, synon ndërtimin në Librazhd të një fabrike më të madhe me standardet e emrave për të cilët punon, duke garantuar në të ardhmen një numër më të madh të punësuarish. PUNË PËR SHQIPËRINË QË DUAM/njekomb