Aktualitet

Agjencia e Prokurimeve Publike në faqen e parë të saj numëron tendera vetem për bileta avioni. Asnjë tender për rruge, shkollë apo spital. Pas një kërkimi në faqen zyrtare, gazetari Klodian Tomorri shkruan se paratë duket se të gjitha shkojnë në ajër, pra për fluturime.

Postimi i gazetarit Klodian Tomorri në Facebook

Ku shkojne parate e popullit?

Kjo eshte faqja e pare e Agjencise se Prokurimeve sot. Nuk ka tender per asnje rruge, asnje shkolle, asnje spital. Te gjithe tenderat jane vetem per bileta avioni.

Shqiperia fluturon. Njera pjese e saj, ajo burokratikja. Shikojini si jane, rresht. Te gjithe bejleret e shtetit udhetojne jashte shtetit me parate e popullit.

Kuvendi, Ministria e Mbrojtjes, Komisioni Qendror i Zgjedhjeve, Qendra e Kultures, Drejtoria e Administrates Publike, Agjencia e Arsimit te Larte.

Aty edhe shoqeria e ujesjelles kanalizimeve Pogradec do coj kater veta jashte shtetit. Besoj edhe keta ne krye te detyres. Do mesojne se si i menaxhon tubat bota.

Ja keshtu keshtu.

Ligji i Knoll për saktësinë e medias: Çdo gjë që lexon në gazeta është absolutisht e vërtetë – përveç lajmit të rrallë, për të cilin ndodh që të kesh vetë njohuri të dorës së parë

Xhorxh Oruelli shkruante se në fillimet e jetës së tij, kishte vënë re që “asnjë ngjarje nuk pasqyrohej me korrektësi në një gazetë”. Njëqind vjet para tij, Henry David Thoreau këshillonte që, nëse lejon zërat e kotë dhe thashethemet të të hyjnë në mendje, është “vetëvrasje intelektuale dhe morale”.

Në 18 prill 1930, një prezantues lajmesh në BBC u tha dëgjuesve: “Nuk ka lajme!”, dhe vendosi disa melodi dhe këngë.

Në ditët para se lajmet të prodhoheshin – me fjalë të tjera “krijoheshin”, për t’u shitur kompanive dhe bizneseve hapësira reklamash – dëgjuesit bekoheshin rregullisht me tinguj të ëmbël.

Tani kemi një cikël lajmesh 24 orë në ditë, 7 ditë në javë – “lajme” për njerëz, ngjarje dhe zhvillime, që hyjnë në gropën thithëse të ndërgjegjes njerëzore, për t’u nxjerrë prej aty muaj, ditë, apo sekonda më vonë, nga një lajm tjetër, më i spikatur. Lajmet “e mira” janë ata që mbeten më gjatë në gropën thithëse – tragjedi, vdekje dhe fatkeqësi – ndërkohë që lajmet “e kota”, ose informacioni që ka mirësi apo vlerë, mund të përfshijë tema të tilla si natyra, vullneti i mirë apo etika.

Që të mbeten duke u vërtitur në vorbullën e lajmeve, figurat e sotme publike duhet që të jenë argëtuese; ka shumë efikasitet edhe kur janë të paparashikueshme, apo të hapura, të bëjnë sherre në publik, të bëjnë deklarata të forta, shpesh fyese, dhe të kuptohen kollaj – por edhe të keqkuptohen kollaj.

Xhorxh Oruelli shkruante se në fillimet e jetës së tij, kishte vënë re që “asnjë ngjarje nuk pasqyrohej me korrektësi në një gazetë”. Njëqind vjet para tij, Henry David Thoreau këshillonte që, nëse lejon zërat e kotë dhe thashethemet të të hyjnë në mendje, është “vetëvrasje intelektuale dhe morale”.

Sot, në vend të mendimtarëve dhe udhëheqësve, “dëfryesit” po mbushin hapësirat tona politike, artistike, letrare dhe intelektuale. Media është shndërruar në karnavalen e shpërqëndrimeve, duke ofruar, siç thoshte Oskar Uajlld, “detaje të sakta dhe prozaike të bëmave të njerëzve, që nuk ngjallin kurfarë interesi”. E duhen lexuar të gjitha? /Bota.al

Historia e 4-vjeçares Paige ka përlotur çdokënd që e ka lexuar. Ajo u thoshte të gjithëve se do të mbante lulet gjatë dasmës së dy prindërve të saj.
Por papritur Pagie u diagnostikua me kancer në tru dhe doktorët u thanë prindërve se vajzës i kishte mbetur shumë pak ditë jetë.

Prindërit e saj në bashkëpunim me tezen e vogëlushes arritën të organizonin një dasmë shumë të bukur në spital brenda vetëm 24 orëve.

Paige ishte një vogëlushe e shëndetshme deri para dy muajve. Më pas ajo nisi të ndiente dhimbje të tmerrshme në kokë.

Edi Rama e ka nisur mëngjesin e sotëm me publikimin e një video-projekti për qendrën e Fierit. Në profilin e tij në Facebook Rama shkruan se projekti i Programit Kombëtar të Rilindjes Urbane nis zbatimin së shpejti dhe do të transformojë qytetin.

Mesa duket rehabilitimi për lumin Gjanica në Fier vazhdon akoma, ku para disa muajsh një sasi ekplozivi iu vendos një pallati 5-katësh.

Postimi i Edi Ramës në Facebook

MIRËMËNGJES 😃 dhe me këtë projekt të Programit Kombëtar të Rilindjes Urbane, që nis zbatimin së shpejti për ta kthyer qendrën e Fierit nga një parking të ndotur në një hapësirë të re publike, si edhe lumin Gjanica nga “Lana e Dytë” e Saliut të Parë, në pjesë integrale të qendrës së re të qytetit të rilindur, ju uroj një javë të mbarë.

Kjo nuk është hera e parë që Edi Rama dhe Sali Berisha ”fërkohen” me njëri-tjetrin. Edhe në Kuvendin e  Shqipërisë që zhvillohet çdo të enjte kryeministri Rama dhe paraardhësi i tij Berisha shkëmbejnë batuta mes tyre; qoftë banale, qoftë edhe batuta pikante, saqë në shumicën e rasteve bien pre e rrjeteve sociale ku këta të fundit u bëjnë edhe foto-meme nga shprehjet e tyre të famshme.

https://www.facebook.com/edirama.al/videos/10155788355121523/?t=0

Mbajtja e portreteve të Enverit lëndon shumë njerëz e kjo është normale, un jam mirditor dhe i kam prekur nga afër krimet e atij regjimi madje edhe mbi të afërmit e mi, por kjo nuk e justifikon dhunën ndaj tyre.

Shkruan Kol Nikollaj

Dhuna ndaj të moshuarve që mbanin pankartat e Enverit ditën e dëshmorëve nga të rinjtë e PD është e papranueshme.

Veprimi i tyre nuk i bën dëm askujt e për ironi të fatit, Lulzim Basha, falë votave të komunistëve të, Hysni Milloshi, pati fatin të “fitojë” zgjedhjet për Bashkinë e Tiranës në 2011.

Nëse ka qenë këshilla e Damës LSI-së dhunimi i 80- vjeçarëve, Lulzim Basha, rrezikon të humbasë edhe atë elektorat të djathtë që ka mbetur mbështetës fanatik i Partisë Demokratike.

Kjo forcë politikë ka pasur dhe ka në gjirin e saj intelektualë që e nderojnë atë, ndërsa ato çka ndodhën në “5 maj” i vënë një damkë turpi Lulzim Bashës.

PD sot duhet të kthehet në shpresë të këtij populli dhe jo shqiptarët të detyrohen gjithmonë të zgjedhin të keqen më të vogël në çdo zgjedhje

Mbajtja e portreteve të Enverit lëndon shumë njerëz e kjo është normale, un jam mirditor dhe i kam prekur nga afër krimet e atij regjimi madje edhe mbi të afërmit e mi, por kjo nuk e justifikon dhunën ndaj tyre.

Bijtë e komunistëve prej 28 vitesh janë katapultuar herë pas here në PD e shumë prej tyre kanë edhe sot pozicione drejtuese.

Mos të flasim për Lëvizjen e Skraparllinjve të Inatosur që i drejton Dama Kryemadhi, që nuk kursejnë goditjet me çizme në parlament e jo me dhunën ndaj të moshuarve, pasi për ta tepsia dhe partia janë të shenjta. PD të zgjedhë mes skrapit te LSI-së ose demokratëve.

Qeveria, përfaqësia e banorëve të qarkut të Kukësit dhe kompania Albanian Highway Concession janë në negociata për rishikimin e kontratës së koncesionit të Rrugës së Kombit, me synimin uljen e tarifave për banorët. Burimet pranë grupit negociator konfirmuan se, çdo ulje tarife do që do të dakordësohet në favor të banorëve do të përballohet nga buxheti i shtetit.

Burimet nga koncencionari pohojnë se, kompania ka përllogaritur kostot e mirëmbajtjes dhe investimeve me tarifat aktuale, ndaj çdo ndryshim me ulje do të kompensohet nga qeveria. Kjo zgjidhje është një praktikë normale përbotshme.

“Nëse qeveria vendos të mbrojë një grup të caktuar nga tarifat që rrjedhin nga kontratat e veta duhet të përballojë humbjet që rrjedhin nga fondet e buxhetit, nuk ka pse një biznes privat të marrë përsipër këtë rol. Kjo është praktikë e përbotshme” thanë burimet nga kompania koncensionare.

Ekspertët nga Ministria e Transportit pohuan se negociatat me grupet e interesit janë në proces dhe ende nuk ka rezultate finale, por ato lanë të kuptohet se kostot nga ulja e çmimit për banorët e qarkut të Kukësit do të kompensohen nga arka e përbashkët e taksapaguesve shqiptare.

Në fund të muajit mars kur kompania nisi të aplikojë tarifat e koncesionit 5 euro për veturat dhe 22 euro për kamionët banorët e Kukësit duke kundërshtuar tarifat e larta dogjën sportelet e pagesës duke i nxjerrë ato jashtë funksionit.

Sakaq, Kryeministri i vendit Edi Rama është shprehur se, “nuk do ta fillojmë sistemin e pagesës pa dhënë ndihmën më të mirë të mundshme për banorët e zonës. Është një punë e vështirë të parashikohet gjithçka përpara, pa pasur shifrat e 6 mujorit të parë, por ne ia detyrojmë këtë të gjithë njerëzve të asaj zone dhe duke bërë më të mirën e mundshme do të arrijmë të lehtësojmë barrën e tyre dhe ta bëjmë të funksionojë sistem” .

Në kontratën e koncensionit lidhja më të dhënat e trafikut nuk është publikuar. Sipas studimit të IFC –së që dha konsulencë për koncesionin, gjatë periudhës marsit 2014-mars 2015 lëvizën rreth 5000 automjete në ditë. Supozohet se me hyrjen në fuqi të koncesionit lëvizja e automjeteve do të bjerë dhe qeveria do të financojë koncesionarin nga taksat e tjera të shqiptarëve të cilat shkojnë në minimalisht 5 milionë euro ne vit dhe maksimumi deri në 13 milionë euro.

Por nëse trafiku do të jetë mbi kufirin e supozuar nga IFC 5000 automjete në ditë, kontrata parashikon që fitimet e koncesionarit të ndahen përgjysmë me qeverinë. Burimet pranë kompanisë koncensionare pohojnë se subvensioni shtesë nga qeveria për banorët e Kukësit do të bëhet në kollonën e trafikut të munguar.(monitor)

Shkrimtarja e njohur Flutura Açka mëngjesin e sotëm ndau me miqtë e saj në rrjetet sociale lajmin e rëndë dhe të trishtë, të ndarjes nga jeta në një moshë fare të re të djalit të saj të vetëm, pas një sëmundje të rrallë që e kishte prekur kohët e fundit.

Por reagimet për humbjen e jetës së Jerin van den Brink kanë qenë të shumta. Ish ambasadori Mal Berisha, në një koment në rrjetet sociale, teksa shpreh ngushëllimet për ngjarjen e rëndë, rendit disa poetë shqiptarë të cilët humbën femijët e tyre, si De Rada, Podrimja e Zhiti.

Postimi i plotë i ish-ambasadorit Mal Berisha