Aktualitet

Kryeministri Rama nis mandatin e tij të tretë. Emrat e ministrave tashmë janë zgjedhur. Edhe programi është hartuar dhe përmban objektiva. Por cilat ishin disa premtime të pambajtura të qeverisë ‘Rama 2’?

Rama premtoi uljen e tatimit mbi të ardhurat personale për fashën e lartë të pagave, pra të personave me rrogë mbi 150 mijë lek në muaj nga 23 në 18 për qind. Premtimi nuk u mbajt dhe rishikimi i gjithë skemës së tatimit progresive është premtuar tashmë për në mandatin e tretë. Përveç kësaj, në vitin e fundit të mandatit të dytë barra e taksave dhe burokracive u shtua me detyrimin ndaj të dypunësuarve për t’u vetëdeklaruar.

Një premtim i mbajtur ishte ai për të lehtësuar barrën tatuese të shtresës më të lartë të shoqërisë, pra personave që janë aksionerë në kompani të mëdha, që në momentin kur tërheqin fitimet (dividentin) tashmë paguajnë vetëm 6 për qind, nga 15 për qind që ishte kjo taksë para këtij ndryshimi.

“Rama 2” premtoi gjithashtu ndihmë për familjet e reja për bleren e shtëpisë së parë, duke njohur si shpenzime të zbritshme interesat e kredive të marra për strehim. As ky premtim nuk u mbajt. Skema e vetme për strehimin e kësaj kategoria është ajo përmes kredive të buta që ofrohen nga Bashkia e Tiranës.

Te kategoria e premtimit të pambajtur mund të përfshihet edhe ai për uljen e borxhit në 60 për qind të PBB-së. Borxhi aktualisht është mbi 80 për qind dhe jo vetëm nuk u ul, por u rrit, ndikuar nga tërmeti dhe nga pandemia, dy goditjet që devijuan prioritetet e qeverisjes.

Gjithsesi, në buxhetin për këtë vit, ministria e Financave parashikon që borxhin të fillojë brenda këtij viti kurbën rënëse, të paktën me 2 për qind brenda këtij viti dhe rënien poshtë 75 për qind në fund të vitit të ardhshëm.

Ish kryeministri Sali Berisha paralajmëron se nga nesër do të nisë cikli i “Foltores për një Parti Demokratike më të bashkuar, më të fortë dhe më të hapur”.
Berisha në postimin e tij shkruan se takimet me domokratët nisin nesër në Tiranë, dhe më pas do të vazhdojnë në të gjithë vendin.
“Njoftim! Te dashur miq, Diten e enjte me dt 16 shtator ora 18:00 nisim ciklin e “Foltores per nje Parti Demokratike me te bashkuar, me te forte dhe me te hapur”
Foltorja do te jete nje bashkebisedim me demokratë dhe demokrate qe nis ne Tirane dhe do udhetoj ne mbare vendin. Jeni te mirepritur!” shkruan Berisha.
Takimet vijnë pas përjashtimit të Sali Berishës nga grupi parlametar i PD, nga kreu i saj Lulzim Basha. Nesër Berisha do të mbledhe firmat për të kërkuar referendum në lidhje me vendimin e Bashës.
Kujtojmë që pas përjashtimit nga PD, Berisha paralajmëroi se do të nis lëvizjet për të bërë referenduam për të rrëzuar vendimin, duke thënë se do i kthej sovranitetin partisë.