Aktualitet

Gazetari i njohur Arian Cani nga “Studio e Hapur” tha se pas akuzave publike te ngritura nga PD, ministri i Brendshem Fatmir Xhafaj ka dale me i forte.
A ka pergjegjesi per ate qe ka bere i vellai?

Ja si pergjigjet Cani:

“Parimisht s’ka se si të ketë përgjegjësi, ata që kanë vëllezër s’është se jetojnë me vëllezetit se në këtë pikëpamje jo vetëm Xhafaj prezumohet pa asnjë faj. Moralisht po, politikisht s’besoj se politika s’është se ka ndonjë moral.

Në një vend tjetër ministri do ikte mnenjëherë, s’ka nevojë të dalë kryeministri.

Amerikanët gjithmone kane qene dakort me nje minister te Brendshem qe ka një cen në biografi. Amerikanët historikisht këtë kanë luajtur. Xhafaj është më i fortë pas kësaj akuze se në kontekstin italian a grek, do kishte ikur vete, në konteksin shqiptar ku bëhet “muti mullar” e askush s’do me dit, unë nuk shof arsye pse duhet të iki”.

Ai ka vijuar edhe me tej duke thene se nuk e ka degjuar njeri ambasadorin amerikan Donald Lu te flase per kanabizimin e vendit.

“Keni dëgjuar të thotë ndonjë llaf për kanabizimin ambasdori amerikan? Jo. Ne jemi në një vend ku të tjerët vendosin për ne”.

Eni Vasili: A e ka pranuar ambasadori amerikan kanabizimin?

Cani: Po totalisht, ai ka folur me superlativa për Fatmir Xhafën, prandaj them ca premise do vëmë në tavolinë për analizën. Këtë situate e zgjidh vetëm ambasada amerikane.

Xhafaj ka mbrojtur të vëllanë, edhe me ligj, bravo i qoftë, deri tani ambasada amerikane s’ka asnjë kundërshtim edhe vetë Rama e ka kuptuar dhe ka filluar të bëjë ironi, kur tha se do kishte folur Donald Lu.

Nëse opozita me njerëz të tjerë që mund ti bashkohen kësaj kauze, nëse e bëjnë fabul sic bënë dekriminalizimin, se ne ate kohe nuk e besonte njeri, talleshin por e fitoi Basha atë betejë, ishte fitore e madhe e opozitës, nëse e ndjekin hap pas hapi këtë histori dhe e shohin që ka reagime nga media, zerat publike, të jesh e bindur Eni se edhe ambasadori amerikan do flase, do shkoje te takoje Ramen dhe do ti thote “ej, u bënë shumë keta, s’mund ta anashkalojmë dhe do ta marrë në telefon Xhafën, e do i thote “ne e dime qe ti s’ke faj, por hap cik krahun”.

Jemi në fillimet e një procesi, sa interes ka opozita ta bëjë këtë betejë që ta detyrojë ambasadorin amerikan ti’ thotë Xhafës hap krahun, une po te isha ne vend te Lulzim Bashes do doja te kisha nje minister te Brendshem lehtesisht te shantazhueshem”, tha Cani.

Vdes në klasë nxënësja maturante, ende mister shkaku. Një vajzë vetëm 18 vjeçe ka ndërruar jetë mëngjesin e së mërkurës në qytetin e Vlorës.

Ngjarja e rëndë ka ndodhur gjatë kohës kur Gerta Kasa, maturante në gjimnazin “Jani Minga”, ishte duke ndjekur mësimet.

18- vjeçarja ka humbur ndjenjat dhe pavarësisht dërgimit me urgjencë në Spitalin Rajonal të Vlorës, ajo nuk ka mundur të jetojë.

Mësohet se ambulanca e ka gjetur pa shenja jete gjimnazisten, ndërsa mjekët shtojnë se në momentin që ka mbërritur në spital, nuk kishin se çfarë të bënin.

Fillimisht u dyshua se vajza ka vuajtur nga epilepsia dhe kjo mund të jetë bërë shkak për vdekjen e papritur të saj.

Por, një gjë të tillë e kanë mohuar babai dhe të afërmit e Gretës.

Edhe vetë mjekët e spitalit të Vlorës konfirmojnë se vajza nuk ka vuajtur nga kjo sëmundje, duke shtuar se po ashtu krizat e kësaj sëmundjeje nuk sjellin vdekje të menjëhershme.

Mjekët dyshojnë se 18-vjeçarja mund të ketë pësuar atak kardiak, gjë e cila ka rezultuar fatale për jetën e saj.

Por kjo mbetet ende në kuadër të dyshimeve, pasi do të jetë ekspertiza mjeko-ligjore, ajo që do të nxjerrë shkakun e vërtetë të vdekjes së gjimnazistes.

Familjarët e saj kanë kundërshtuar kryerjen e autopsisë, duke fajësuar mjekët për humbjen e jetës së Gertës.

Ka qenë babai i 18-vjeçares, që ka lëshuar akuza jo vetëm për mjekët, por dhe për drejtuesit e shkollës që, sipas tij, nuk i kanë dhënë ndihmë të shpejtë vajzës.

I irrituar për humbjen e vajzës dhe vonesën e ambulancës, babai i saj ka kërkuar shpjegime nga mjekët për shkakun e vdekjes.

Vetë mjekët kanë refuzuar të japin një përcaktim të prerë, duke i bërë të ditur se do të jetë ekspertiza mjeko-ligjore që do t’i japë përgjigje pyetjes së tij.

I ati shprehet se kishte folur me vajzën në mëngjes dhe se nuk i kishte shfaqur asnjë shqetësim.

Gerta Kasa, ishte vajzë e vetme, e rritur nga gjyshërit, pasi nëna e saj kishte ndërruar jetë vite më parë.

Sipas gjyshes, ajo nuk kishte shfaqur asnjë shenjë të problemeve shëndetësore dhe se gjithçka u ka ardhur papritur.

Mësohet se 18-vjeçarja ka përshkuar një distancë të largët në këmbë për të shkuar në shkollë, gjë të cilën e bënte dhe çdo ditë.

Trupi i vajzës është në morgun e spitalit ku do të kryhen ekzaminimet e nevojshme për të përcaktuar edhe shkakun e vdekjes.

Pritet që së shpejti, komisionet e parlamentit grek të miratojnë disa ndryshime në ligjin për emigracionin e nënshtetësinë, çka do të sjellë një sërë lehtësirash për emigrantët shqiptarë që punojnë e jetojnë në Greqi.

Projektligji i ri që tashmë është marrë në shqyrtim nga pala helene, synon që aplikimi për nënshtetësi greke të kryhet në momentin që shtetasi shqiptar të ketë mbi 10 vite qëndrim në Greqi, me çfarëdolloj leje qëndrimi.

Në një intervistë për “Gazetën Shqiptare”, Fatos Malaj, ndërmjetës kulturor pranë Drejtorisë të Emigracionit, njëkohësisht drejtues i organizatës Përkrahje-Arogji, tregon se firmosjen e marrëveshjes bilaterale me Greqinë, në mënyrë që të njihen periudhat kontributive nga të dyja shtetet, e shikon si diçka shumë të vështirë, për shkak të krizës ekonomike që po kalon shteti helen.

Më tej Malaj bën me dije se është propozuar që të gjithë individët që kanë mbushur moshën 65 vjeç, të mos kalojnë më në komision për të marrë nënshtetësinë greke.

Çfarë u diskutua në konferencën “Diskutim i hapur për çështjet e emigracionit dhe nënshtetësisë në Greqi”?

Takimi ishte një diskutim-panel mbi ndryshimet që priten në ligjin për emigracionin dhe nënshtetësinë, ndryshime që do të prekin emigrantët shqiptarë që jetojnë në Greqi e do të krijojnë lehtësira për ta. Ky takim ishte shumë frytdhënës pasi u diskutua mbi shumë ndryshime nga të cilat do të përfitojnë shqiptarët. Në këtë konferencë ishin të pranishëm Miltiadhis Klapas, sekretar i përgjithshëm i Ministrisë së Emigracionit; Llambros Baltsiotis, sekretar i posaçëm për nënshtetësinë në Ministrinë e Punëve të Brendshme; Ilias Hronopulos, drejtor i drejtorisë së shtetasve të huaj dhe emigracionit në Athinë; Dhimitris Siamatras, drejtor i drejtorisë së gjendjes civile në administratën e decentralizuar të Atikës etj.

Cilat janë disa prej lehtësirave që do të kenë emigrantët pas miratimit të projektligjit nga parlamenti helen?

Për sa i përket çështjes së nënshtetësisë, brezi i parë që përfshin të gjithë individët që nuk e kanë mbaruar shkollën në Greqi, deri më tani nuk mundej të aplikonin për nënshtetësi me çfarëdolloj leje qëndrimi, por kishin të drejtë të aplikonin vetëm personat që dispononin lejen europiane. Ndërsa tani, mjafton që të kenë vetëm 12 vite të njohura ligjërisht në Greqi e lejen e qëndrimit në mënyrë që të aplikojnë për nënshtetësi. Pas shqyrtimit ne shpresojmë që të arrihet që nënshtetësia të jepet me dy vite më pak qëndrim të ligjshëm në shtetin helen, pra vetëm 10 vjet. Gjithashtu, në projektligjin që kemi dërguar në parlament, përveç pikave të sipërpërmendura, kemi kërkuar që të gjithë individët që kanë mbushur moshën 65 vjeç, të mos kalojnë më në komision për të marrë nënshtetësinë.

Po personat që përfundojnë arsimin e lartë në Greqi, a kanë të drejtë të aplikojnë për nënshtetësi?
Për brezin e dytë, pra për fëmijët shqiptarë, ka një nen në kushtetutën greke që parashikon që të gjithë ata që kanë dhënë provimet e maturës e pasi përfundojnë dhe arsimin e lartë, iu lind e drejta për të aplikuar për nënshtetësi greke. Por vlen të theksoj se kjo vlente vetëm për ata që përfundonin arsimin e lartë në një institucion shtetëror. Ndërsa tani me ndryshimet e propozimet e reja, kërkojmë që të lejohen të aplikojnë për nënshtetësi edhe personat që përfundojnë arsimin në institucione të larta private.

A mendoni se do të nënshkruhet marrëveshja bilaterale mes Greqisë dhe Shqipërisë, pra të njihen periudhat e kontributeve nga të dyja shtetet?
Firmosjen e marrëveshjes bilaterale me Greqinë, në mënyrë që të njihen periudhat kontributive nga të dyja shtetet, unë e shikoj si diçka shumë të vështirë. Të dyja palët janë në diskutime, por e shoh të vështirë pasi në momentin që nënshkruhet një marrëveshje e tillë do të kalojë “blackout” gjithë ana ekonomike e Greqisë, duke qenë se vazhdon të jetë në krizë ekonomike.

Aktualisht, cilat janë kriteret që duhet të plotësojë individi për të marrë pension nga Greqia?
Për të përfituar pension nga shteti grek, emigrantët shqiptarë duhet të plotësojnë minimumi 4500 ditë pune të rregullta, me kontribute, pra mbi 12 vjet. Të interesuarit duhet të dorëzojnë vërtetimin apo librezën e sigurimeve shoqërore si dokument për të aplikuar si dhe të kenë mbushur moshën mbi 65 vjeç (ata që kanë kryer punë me vështirësi) apo mbi 67 vjeç (punët normale). Pensionin e përfitojnë si emigrantët që vazhdojnë të jetojnë në Greqi, si ata që riatdhesohen në Shqipëri.

A do të ketë ndonjë lehtësim për sa i përket vërtetimeve të shumta që duhet të dorëzojnë emigrantët shqiptarë për lejet e qëndrimit?
Të gjithë ata që qëndrojnë në Greqi për arsye të veçanta, e që deklarojnë që kanë 7 vite qëndrim në këtë shtet, deri më tani duhet të dorëzonin çdo vit vërtetime. Tani me projektligjin e propozuar, pritet të ndryshojë dhe mjafton vetëm që të vërtetojë që jeton në Greqi, pa pasur nevoja të paraqesë një sërë vërtetimesh.

Si do të veprohet me fëmijët shqiptarë të lindur në Greqi, që u janë shfaqur probleme me emrat?
Të gjithë fëmijët që kanë lindur në Greqi e u janë shfaqur probleme me emrat, deri më tani duhet të hapnin një proces gjyqësor për t’i dhënë zgjidhje situatës. Ndërsa tani, pas propozimeve, pritet që kjo të marrë zgjidhje vetëm me një urdhëresë nga kryetari i bashkisë së zonës.

Kur pritet që të bëhen këto ndryshime në ligjin për emigracionin dhe nënshtetësinë?

Projektligji është dërguar për shqyrtim në komisionet e parlamentit grek dhe pritet që të miratohen e të hyjnë në fuqi.

“Dua të falënderoj Kryetarin e Dhomës së Tregtisë shqiptaro-turke, mikun, sepse puna na ka bërë miq, dhe bashkëvuajtësin, sepse ndajmë së bashku dhimbjen e shkaktuar nga shiatiku. Po ndryshe nga unë, ai ka mundësinë të bëjë not përditë ndërsa unë jam i detyruar të notoj çdo ditë në politikën shqiptare. Prandaj dhe ai është më në formë se unë”, është shprehur me humor Edi Rama gjatë fjalës së tij në Asamblenë e Përgjithshme e Dhomës së Tregtisë dhe Industrisë Shqiptaro – Turke.

Gjatë fjalës së tij Rama u shpreh se “ne jemi dy vende me histori që na lidh dhe me ambicie të madhe për të ardhmen që na bashkon. Falë kësaj dhome mund të japim më mirë bashkëpunim mes dy vendeve. Përpara se të them dy fjalë për këtë bashkëpunim dua të kujtoj se pas errësirës së izolimit komunist, Shqipëria ka pasur në krah Turqinë, me një kontribut të vazhdueshëm me ndihmë dhe asistencë teknike. Nga infrastruktura, tek shëndetësia”.

” Erdogan është investuar personalisht për të mbështetur një program të rëndësishëm për parandalimin e përmbytjeve duke na vendosur në dispozicion një ekip të gjerë ekspertësh të tyre dhe drejtues të vendit të tij.

Ndërtimi i aeroportit të ri të Vlorës dhe linja jonë ajrore do të rrisnin ekonominë dhe punësimin. Aeroporti i Vlorës do të jetë një stiuml i rëndësishëm për rritjen e ekonomisë, punësimit, ndërsa linja e re ajrore kombëtare do të jetë më në fund një mundësi e re dhe e shumëpritur nga shqiptarët.

Falë këtyre dy ndërhyrjeve strategjike do të kemi rritje të fluksit të pasagjerëve që udhëtojnë, por edhe ulje të çmimeve për shqiptarët, do të ndihen të çliruar nga laku i çmimeve të larta të udhëtimit. Ende ju ndesheni me vështirësi të llojeve të ndryshme, në aspektin e burokracisë, por së bashku do i kapërcejmë, falë edhe mbështetjes së na jep ministrja për Sipërmarrjen”, u shpreh Rama gjatë fjalës së tij.

Frika nga “Izeti” u ka futur 3- fazorshin gjithë kastës së kompromentuar të PD sotme, duke u mbrojtur me “deklarata denoncuese” apo duke shpikur dhe gërrmuar brez pas brezi, deri tek kushërinjtë e shtatë, lidhjet e ndonjë qeveritari, dhe duke harruar misionin e tyre, opozitën reale.
Shkruan Artur Ajazi

Në selinë “blu” të Partisë Demokratike, prej 2-3 javësh është prishur qetësia e dikurshme, është krijuar një gjendje tensioni, amullie, përçatjesh, dhe lloj-lloj situatash të tjera. Përballë dhe pas saj, qëndrojnë “si një trup i vetëm” leninistët e asaj partie, të vjetrit dhe të rinjtë që kopjojnë të vjetrit, qëndrojnë përkujtuesit e përhershëm të luftës klasore, ata që kanë vuajtur dhe ata që kanë bërë të tjerët të vuajnë, qëndrojnë milionerët e vjetër dhe ata që ëndërrojnë të bëhen milionerë, qëndrojnë dosjexhinjtë dhe ish-spiunët.

Kudo në korridore dhe zyra, lëvizin ata që Lulzimi u ka besuar partinë, vijën e saj, kryesinë e saj, kuvendin e saj, janë ata që kryetari i ka kapur “kokën” me derë dhe po i përdor në salla dhe foltore. Frika nga “Izeti” në PD e Lulzimit po gërshetohet shëmtuar me nisjen e propogandës leniniste të luftës klasore, nga ata gjoja kanë “vuajtur” nga diktatura dhe që e mbajnë akoma gjallë si teori drejtimi.

Nga ata që në emër të “vuajtjeve” nga diktatura, çfarë nuk bënë përgjatë qeverisjes së PD nga 1992 deri 1997, por edhe nga 2005 deri 2013. Nga ata që nuk lanë tender dhe pronë të ish-pronarëve legjitimë pa grabitur dhe tjetërsuar, në mal, fushë, bregdet, lumenj dhe liqene, nga ata që nuk lanë pronar firmash ndërtimi pa mashtruar dhe pa u marrë atyre perqindjen, nga ata që sot u kujtojnë çdo ministri apo politikani familjarët, duke harruar zullumet e veta.

Frika nga “Izeti” u ka futur 3- fazorshin gjithë kastës së kompromentuar të PD sotme, duke u mbrojtur me “deklarata denoncuese” apo duke shpikur dhe gërrmuar brez pas brezi, deri tek kushërinjtë e shtatë, lidhjet e ndonjë qeveritari, dhe duke harruar misionin e tyre, opozitën reale. Edhe seanca e fundit në Parlament, tregoi se PD ka mbetur peng i mentaliteti leninist, duke marrë në mbrojtje prokurorë të përfolur apo gjyqtarë të akuzuar dhe të lidhur me afera korruptive.

Lufta e klasave ka qenë dhe mbetet platforma politike dhe propaganda më e ethshme e kësaj PD, pavarsisht se jemi në 2018, dhe se kryetari saj Lulzim Basha pretendon dhe nuk harron të deklarojë se “do ta bëj europiane partinë sipas modelit gjerman apo anglez”.

Si mund të besosh europianizimin e PD së Lulzim Bashës, tek dëgjon ish-ministrat e qeverisjes tij të dalin dhe lexojnë deklarata naive, dhe pa asnjë logjikë politike, duke gërrmuar në fisin dhe farefisin e ministrave dhe politikanëve të mazhorancës, duke harruar farefisin e tyre dhe misionin e opozitarit ?

Si mund të besosh reformimin e një partie “demokratike” kur ajo nuk ka kryer asnjëherë në gjithë historinë e saj 30 vjeçare, vetëpastrimin (catharsis) nga ish-sigurimsat, ish-komunistët, ish-pushtetarët e djeshëm, të cilët janë flamurtarët e sotëm të luftës së klasave, me tipare leniniste? Jo kjo PD nuk e ka moralin të kërkojë drejtësi, barazi dhe liri, kur brënda saj këto nocione, kanë qenë dhe janë të ndaluara apo të pazbatuara.

Frika nga “Izeti” u kishte humbur kontrollin shumicës së deputetëve të PD edhe në seancën e fundit në Parlament, dhe kjo shihej tek përpjekjet e tyre për të dalë në rreshtin e parë të “protestës” para kamerave, duke tentuar të bindin kryetarin se “ ja na ke besnikë deri në fund”. Por ajo çfarë dihet, çfarë nuk befason i më shqiptarët, dhe çfarë parashikohet për një parti si PD që thotë nga mëngjesi deri në darkë se “është e djathtë”, natyrisht është qëndrimi i saj politik konstant, që lidhet me mungesën e opozitarizmit.

Frika nga “Izeti” dhe ringjallja e luftës së klasave, janë sot si të vetmet teori dhe praktikë të kësaj partie, e cila ka vendosur të mos bëjë opozitën në Parlament, por të krijojë kaos dhe zhurmë me karrige, dhe ta braktisë pastaj atë pas fishkëllimit të “shefit” , të bllokojë ndonjë rrugë apo rrugicë dhe pastaj të lexojë dyshe ndonjë deklaratë për shtyp, që ngjet më tepër me hartimet e dikurshme me temë “Armiku i Klasës”

Paraditja mbetet me kthjellime e vranësira kalimtare në pjesën më të madhe të vendit, vranësira më të shpeshta lokalizohen në zonat lindore

Pas mesditës, vranësirat bëhen të dendura në territor duke sjellë shira të përkohshëm në Ultësirën Perëndimore, por shira më të dendur në zonat malore, ndërsa jugperëndimi vijon pa shira.

Sipas MeteoAlb, temperaturat e ajrit mbeten konstante gjatë mëngjesit, por rritje të lehtë sjell mesdita kur maksimumi ngjitet mbi 27°C.

Era do të fryjë e lehtë deri mesatare, me shpejtësi 25 km/h nga drejtimi veriperëndimor por në det vijon dallgëzim i ulët.

Parashikimi i Meteoalb

Tabloja AFATMESME: shirat vijojnë gjatë 15-ditëshit të parë të muaji por mbeten prezent deri në fund të tij kryesisht në zonat Qendrore dhe Juglindore.

Temperaturat e ajrit mbeten relativisht të larta gjatë gjysmës së parë të muajit Maj por pas dt. 15 maj, mot kryesisht më i freskët.

Së paku 220 efektivë të Policisë së Shtetit kanë refuzuar të plotësojnë formularin e vetëdeklarimit, të procesit të Vettingut. Burime zyrtare nga Ministria e Brendshme thanë se kanë dorëzuar formularin mbi 98 për qind e 11 mijë policëve brenda datës 7 Maj, që ishte afati i fundit. 220 efektivë nuk i dorëzuan formularët ose kërkuan dorëheqjen.

Deri disa ditë përpara mbylljes së procesit, nga Garda e Republikës ishin rreth 20 persona që kishin kërkuar largimin nga radhët e këtij institucioni. Nuk ka të dhëna se sa efektivë kanë dorëzuar formularët e vetëdeklarimit nga Shërbimi i Çështjeve të Brendshme.

Por numri i efektivëve që mund të lënë radhët blu, pritet të rritet pasi të nisë verifikimi nga Komisioni i Jashtëm i Vlerësimit. Komisioni me 15 anëtarë do të kontrollojë 300 efektivët me grada të larta policore. Më tej do të verifikohen gradat e mesme, që arrijnë në rreth 2500. Efektivët e rolit bazë që janë rreth 8 mijë do të verifikohen të fundit.

Në formularët e vetëdeklarimit, efektivëve iu duhej të deklaronin nëse kanë qenë bashkëpunëtorë apo anëtarë të ish-Sigurimit të Shtetit, përdorues të lëndëve narkotike dhe nëse kanë patur takime me persona të përfishirë në aktivitete kriminale. Vlerësimi në polici pati në fokus të tij tre elementë të rëndësishëm; pasurinë e ligjshme, figurën e pastër të policit dhe aftësitë profesionale. Ligji parashikon si mundësi për t’u rikthyer në radhët e policisë edhe ata punonjës që janë larguar më herët nga strukturat, por më parë duhet të kalojnë Vettingun./Tv Klan

Gabuan ose të tmerruar ishin të detyruar të gabojnë Lulzim Basha dhe Monika, jo vetëm duke anatemuar, por dhe shantazhuar Kryeprokuroren Arta Marku, për shkak të largimit nga detyra të Besim Hajdarmajt.

Si do reagojë ky çift politik kur pas këtij ndryshimi në drejtim të Prokurorise së Krimeve të Rënda të perfundojë në qeli Sajmir Tahiri?! Por halli nuk është dashuria për Besimin, por halli është te Llalla nyja gordjane e ketij lëmshi korruptiv në organin e akuzës.

Mjafton që lexuesit të marrin vesh sesi u “qeras” Hadarmataj me këtë post për të kuptuar kuizin dhe kulisat që luhen. Hajdarmataj u emërua si Drejtues Prokurorie në Laç, por një telefonatë në 1.30 pas mesnate nga Shkëlzen Berisha dhe një takim urgjent në restorantin e preferuar të Llallës 35 metra poshtë shtëpisë së Sali Berishës bëri që vendimi i Llallës të ndërrohej dhe Hadarmataj të gdhihej Kryeprokuror i Krimeve të Rënda!

Arta Marku e heshtur dhe matur po aq sa e hekurt i qëndron pozicionit dhe profesionit dhe nuk flet….por ajo ka ne dorë dosjen e SHKB te MPB, e cila fakton implikimin e Hadarmatajt me drejtuesin e larte të Policisë Arjanit Arapi, person i shpallur në kërkim për implikim në trafikun e lëndeve narkotike. Sa me sipër ka filmime.

Por arsyeja e irritimit të krerëve të opozitës shkon me larg pasi megjithese i larguar Llalla kishte skeletizuar Këshillin e ardhshëm të emërimeve i cili do fillonte nga Rovena e të perfundonte te Ramadan Troci…Tani skema ka dështuar.Dhe deshtimi i kësaj skeme kriminale ka një dyshe që eshte Arta Marku-Donald Lu! Tronditja ka filluar. Donika Prela jo për hir të miqesise por të besimit sot është në atë pozicion…se Arta Marku ka një miqësi tjetër me te shenjte: Miqësinë e egzigjencën me drejtësinë./Pamfleti