Aktualitet

Dy vëllezër që prej pesë vitesh janë ngujuar në shtëpi për shkak të bullizmit, kanë dalë për herë të parë prej saj për të rrëfyer në programin “Dua të të bëj të lumtur” dramën e tyre.

Për shkak të flokëve të gjata, Kevi dhe Klajdi, binjakët që ishin protagonistë të historisë së parë në “Dua të të bëj të lumtur” ishin ofenduar dhe nuk kishin pasur kurrë shokë të tjerë.

I gjithë ky presion i shkaktuar nga shoqëria i kishte detyruar vëllezërit që të mbylleshin brenda në shtëpi për 5 vjet duke humbur kështu edhe mundësinë për t’u shkolluar.
Mamaja e tyre, Elizabeta i ishte drejtuar programit “Dua të të bëj të lumtur” për t’i thënë që nuk janë vetëm dhe se ajo do të kujdeset për ta gjithmonë me aq sa ka mundësi. “Mami ju ka rritur me shumë mundime dhe sakrifica. Pasi humbëm babin para 1 viti unë mora shumë angazhime për ju dhe do të kujdesem me aq sa mundem”.

Gjatë bisdës që u zhvillua ndërmjet Arbana Osmanit dhe vëllezërve u zbulua se ata kishin gjysmë dekade që nuk e kalonin pragun e derës. Kladji dhe Kevi u shprehën se nuk kishin asnjë shok apo shoqe dhe se ata gjithmonë i kishin ofenduar dhe përbuzur për shkak të flokëve të gjata.

Surpriza e rezervuar për Klajdin dhe Kevin ishin dy kampionët e boksit, vëllezërit Keta, të cilët erdhën në studio për t’i dhënë mbështetje djemve. Ata iu drejtuan vëllezërve me këto fjalë: “Ne kemi fluruar nga Gjermania vetëm për të ardhur në këtë program dhe ajo se çfarë duam t’i themi djemve është se duhet të tregohen të fortë. Ju duhet të keni më shumë besim në vetvete dhe duhet t’i thoni të tjerëve që të ndalojnë. Sporti është një mënyrë për të shkarkuar të gjithë energjinë negative dhe për të fituar besimin në vetvete”.

Programi “Dua të të bëj të lumtur” i dha mundësinë për t’u punësuar në Tiranë dy djemve përmes programeve të punësimit që ka Ministria e Financave.

Në disa qendra jetojnë vajza, të cilat i kanë shpëtuar skllavërisë si punonjëse seksi. Njëra nga ato tregon sesi në moshën 14-vjeçare ra pre e trafikimit të qenieve njerëzore.
Ajo tregon se një burrë rreth të 40-tave e mashtroi atë duke i premtuar një jetë më të mirë në Itali, por qëllimet e tij ishin të errëta.

Të miturën, ai e detyronte të kryente marrëdhëni seksuale kundrejt pagesës.
“Më premtonte shumë gjëra. Do shkoja në Itali, do të punoja, do bëhesha dikush në jetë.
Por pasi shkova atje më shfrytëzoi si prostitutë”, tregon viktima e trafikimit.
Po çfarë ndodhte nëse ajo refuzonte?
“Më kyçte në dhomë. Unë thosha që nuk dua, por ai më detyronte, më rrihte. Po se bërë këtë, më thoshte, do të vras”.

E mitura na tregon se si shpëtoi nga tutori i saj:
“Më pas bëmë plan me shku në Belgjikë. Aty mua më kapi policia.
Në fillim jo. Më pas, thash stop. Nuk do të kem më frikë do t’i tregojë të gjitha”.
Kanë kaluar 4 vjet nga historia e saj e trishtë, fatmirësisht sot ajo është riintegruar dhe punon si ndihmëse kuzhiniere.

“Unë jam në punë. Jam ndihmëse kuzhiniere. Ishte pak e vështirë që unë ta harroja atë histori, por ja që e harrova dhe tashmë jam e lumtur”, përfundon ajo.
“Riintegrimi është shumë i vështirë pasi ka shumë gjasa që pas ndalimit të trafikimit, gjasat që t’i rikthehen sërish të njëjtës jetë janë gjithmonë më të larta. Ndaj ekzistojnë edhe qendrat rehabilituese”, thotë psikologia Aurela Agalliu.

Shumë herë i rikthehen rrugës së mundimeve sepse ndjehen të përjashtuara nga familja e tyre dhe nga shoqëria dhe kjo e bën të pafundë luftën kundër këtij fenomeni.(TCH)

Gjykata e Krimeve të Rënda ka dhënë masën arrest shtëpie për ish- ministrin e Brendshëm Saimir Tahiri. Ambasada amerika ka reaguar me faqen e saj zyrtare në Facebook, ajo shkruan se kjo çështjë do të vendoset në mënyrë të drejtë nga drejtësia.

Postimi i plotë:

Ambasada e Shteteve të Bashkuara mirëpret përparimin e bërë nga Shqipëria në luftën e saj kundër krimit të organizuar dhe korrupsionit.

Vendimi i gjykatës për të vendosur Saimir Tahirin në arrest shtëpie është një shenjë se kjo çështje e rëndësishme korrupsioni do të vendoset në mënyrë të drejtë dhe transparente në gjykata. Arrestimi i Met Kananit në Turqi dhe 14 anëtarëve të bandës së tij kriminale në Shqipëri është shenjë e seriozitetit të policisë dhe prokurorëve për të vënë në shënjestër krimin e organizuar. Së fundi, arrestimi i trafikantit të dyshuar të kokainës Arbër Çekaj në Gjermani dhe kërkesa për ekstradimin e tij në Shqipëri është shenjë se pandëshkueshmëria ka marrë fund për bosët e krimit në këtë vend.

Përgëzojmë punën e vështirë dhe me kurajë të Policisë së Shtetit, Prokurorëve të Krimeve te Rënda dhe Gjyqtarëve të Krimeve të Rënda.

Përtej çështjes së ditës, siç ishte vendimi i Gjykatës për Krimet e Rënda për ish-ministrin e Brendshëm Saimir Tahirin, i cili u la në ‘arrest shtëpie’, Ambasada Amerikane në Tiranë i ka kushtuar rëndësi një tjetër çështje të rëndësishme, siç është konkurrimi i këngëtarit Eugent Bushpepa sot në finalen e Eurovizionit.

Përmes një statusi në ‘Facebook’ ambasada i uron fat këngëtarin, ndërsa thekson se të gjithë do të bëjnë tifo për të.

“I urojmë fat këngëtarit ️ Eugent Bushpepa në finale e sotme të Eurovisionit! Ne mezi e presim interpretimin e tij fantastik dhe po bëjmë tifo për të!”, shkruhet në mesazhin e Ambasadës.

Saimir Tahiri ka qenë në pritje të prokurorëve të Krimeve të Rënda të cilët do t’i komunikonin atij vendimin e dhënë nga Gjykata që e la atë në “arrest me burg”.

Tahiri i ka pritur prokurorët në një kafene poshtë pallatit të tij. Ish- ministry I Brendshëm shoqërohej nga avokati mbrojtës, Maks Haxhia.

Pasi kanë mbërritur prokurorët e Krimeve të Rënda, Dritan Prençi, Gent Osmani, Elisabeta Imeraj dhe Besim Hajdarmataj, Tahiri i është komunikuar masa e sigurisë “arrest shtëpie”. Ai ka lënë ambientet e kafenesë dhe është ngjitur në banesë te “Kodra e Diellit” në kryeqytet.