Izet Haxhia, ish truproja i Sali Berishës, do të ekstradohet nesër nga Turqia. Sipas lapsi.al oficerët e policisë shqiptare ndodhen tashmë në Turqi për të marrë Haxhinë, i cili akuzohet për vrasjen e Azem Hajdarit.
Disa ditë më parë Izet Haxhia u vetëdorëzua në policinë turke, me qëllim që të niste procedura e ekstradimit të tij drejt Shqipërisë. Ai do dalë nesër para gjykatës në Ankara.
Lajmin e vetëdorëzimit ai e njoftoi përmes faqes në Facebook. Izet Haxhia u arrestua në vitin 2006 në Turqi, por drejtësia turke nuk ishte shprehur ende për ekstradimin e tij, ndonëse pala shqiptare kishte bërë kerkesa të vazhdueshme në kohën kur në pushtet ishte Sali Berisha.
Për 12 vjet me radhë gjykata turke kishte urdhëruar thjesht që ai të mos largohej jashtë vendit, ndërsa në shkurt të këtij viti befas u mor vendimi që ai të ekstradohet. Izet Haxhia është dënuar nga gjykata shqiptare me 25 vite burg për vrasjen e Azem Hajdarit, akuzë të cilën ai nuk e ka pranuar kurrë. Ekstradimi i tij në Shqipëri mund të çojë në hapjen e dosjes ‘Hajdari’.
Haxhija ka akuzuar se ka qënë Sali Berisha ai që ka vrarë Azem Hajdarin.
Ish-kryetarja e Gjykatës së Lartë, Shpresa Beçaj do të jetë sërish në sistemin e drejtësisë.
Këshilli i Lartë i Drejtësisë vendosi sot, që Beçaj, pas katër vitesh të rikthehet në Gjykatën e Apelit.
Beçaj futet në derën e Gjykatës së Apelit, pasi ka fituar dy vendime gjyqësore.
Kjo e fundit ishte larguar pasi i përfundoi mandati dhe kishte bërë kërkesë për rikthimin e saj si gjyqtare në Gjykatën e Apelit.
Më herët, në vitin 2013, KLD e kishte refuzuar kërkesën e Beçajt, duke mos e emëruar.
Emri i Beçajt është i lakuar në kohën që kanë qenë në krye të Gjykatës së Lartë, për “mbrojtje” të kreut të LSI-së në atë kohë, që sot është President Ilir Meta.
Historia e ka zanafillën tek video-përgjimi i “bllokut të zi” apo “7 përqindëshit”, që ndryshe njihet si rasti “Meta-Prifti”.
Pas publikimit të videos Meta-Prifti, Prokuroria e Tiranës nisi hetimet për korrupsion pasiv e aktiv dhe shpërdorim detyre si dhe u sekuestrua kaseta me pamjet filmike dhe pas shumë sorollatjesh, gjoja ekspertiza, çështja përfundoi në Gjykatën e Lartë, e cila në atë kohë drejtohej nga Shpresa Beçaj.
Ndërkaq, në të njëjtin video-përgjim, që u shfaq në janarin e vitit 2011, u lakua mediatikisht dhe emri i vajzës së kryetares së Gjykatës së Lartë, Silvi Beçaj.
Në video-përgjim, ish-zëvendëskryeministri i thoshte ish-ministrit Dritan Prifti ,se nuk do të kishte asnjë problem me Gjykatën e Lartë në lidhje me një çështje, pasi ai kishte emëruar vajzën e Beçajt si diplomate.
Dhe që në këtë pikë nisën paralajmërimet qoftë nga mediat apo edhe nga qarqet politike se kryetarja e Gjykatës së Lartë Shpresa Beçaj do të amnistonte nga hetimet, kryetarin e atëhershëm të LSI –së, Ilir Meta.
Dhe në fakt, kështu ndodhi, duke qenë në krye të Gjykatës së Lartë i dha pafajësinë ish-kreut të LSI-së lidhur me videon e famshme me Meta-Prifti.
Të paktën këto dyshime ngritën mediat në atë kohë kur po shqyrtohej çështja.
Në vitin 2012, ndërsa çështja kishte përfunduar në Gjykatën e Lartë, mediat njëzëri raportonin se më në fund u arrit qëllimi për të shpëtuar të pandehurin Ilir Meta nga drejtësia, nëpërmjet asgjësimit të provave.
Pafajësinë e Metës, u shkruajt se e kishte marrë përsipër kryetarja e Gjykatës së Lartë Shpresa Beçaj, në këmbim të sigurimit të karrierës së vajzës së saj si diplomate.
Mirëpo nga ana tjetër, Kryetarja e Gjykatës së Lartë Shpresa Beçaj, që në kohën e publikimit të video-përgjimit, reagoi, duke thënë se distancohet prerazi dhe në mënyrë kategorike nga përfshirja në këtë çështje.
Në njoftimin e shpërndarë për mediat citohej, se kryetarja e Gjykatës së Lartë nuk ka asnjë kompetencë për të ndërhyrë apo ushtruar presion për zgjidhje të favorizuara të çështjeve të caktuara gjyqësore nga kolegjet e Gjykatës së Lartë të cilat gjykojnë me trupa gjyqësore të përbërë nga 5 gjyqtarë.
“Lidhur me çështjen e diskutuar në video-përgjim konstatohet se nga verifikimi i bërë në administratën e Gjykatës së Lartë rezulton se dosja gjyqësore është regjistruar pranë kësaj gjykate dhe pret radhën për t’u gjykuar si shumë çështje të tjera”, thuhej në njoftimin për media.
Më tej Beçaj ishte ndalur dhe tek emërimi i vajzës së saj në Ambasadën e Vjenës duke deklaruar, se ky emërim është bërë në bazë të kritereve profesionale dhe jo të ndonjë marrëveshjeje.
Por vënia e vajzës së saj, Silvi Beçaj në kye të listës së LSI –së, për Kukësin, në zgjedhjet e fundit parlamentare, rizgjoi sërish dyshimet e pazareve të Beçajt me Ilir Metën.A do të jetë sërish në krah të Ilir Metës, i cili tashmë është President? Kjo mbetet për t’u parë, pasi edhe Shpresa Beçaj, duhet të kalojë në sitën e Vettingut, ku do të vendoset më tej për të ardhmen e saj profesionale.
Ish-kryetarja e Gjykatës së Lartë, e cila prej katër vitesh ka qenë jashtë sistemit të drejtësisë, në aspektin pasuror, rezulton se në vitin 2012, ka përfituar nga paga dy milionë lekë, ndërkohë që kishte ende pa shlyer edhe 3.9 milionë lekë nga një kredi për shtëpi që ka marrë në vitin 2005./ CNA.al
Ka shumë njerëz që pyesin se cila është lidhja e Fahri Balliut me Lulzim Bashën.
Çfarë e lidh një ish-spiun dhe batakçi me kryetarin e PD-së që është shumë larg nga mosha, por jo nga mentaliteti me Fahriun.
Pas shumë e shumë pyetjesh, investigimesh dhe përpunim informacioni zbuluam atë që është më e pabesueshmja, pra thuajse i kemi shkuar në fund zbulimit të sekretit që ka të bëjë me lidhjen Balliu-Basha, që fillon me Faron te zyra e Lulit dhe përfundon tek çuni deputet, pjesë e grupit parlamentar të PD-së.
Ka edhe të tjera influenca Fahriu, vendos edhe kryetar degësh, i bën dhe mbrojtje publike. Gjithmonë për të treguar se është “babai” i paepur i Lulzimit, jo vetëm i Klevisit.
Midis shumë gjërave, ajo që i lidh dhe është e pabesueshmja, është “dashuria” për kunatin apo kunaten.
Shembulli është i thjeshtë, Fahriu e ka mbështetur Blegina Agollin, kunatën e tij që kur e ka pasur kryeredaktore në gazetën “55”, më pas në ministrinë e Kulturës dhe në ministrinë e Drejtësisë.
Fahriu ka një “dashuri” të pamasë për kunatën e tij dhe një vlerësim maksimal. E ka mbështetur çdo ditë në rrugën për të ardhmen dhe karrierën në biznese private apo në shtet.
Përballë “dashurisë” së Fahriut për kunatën, qëndron “dashuria” e Lulit për kunatin. Ai e ka bërë atë biznesmen. I qëndron nga pas hap pas hapi, sa Luli-kunatit, aq edhe kunati-Lulit. Ashtu si dhe Fahriu, kunati ka ndikim të madh te Luli dhe gjithmonë e ka mbështetur aksionin e tij politik. Kunati të bën deputet apo ministër. Ndaj tij ka pasur akuza të forta nga elementë dhe eksponentë brenda PD-së.
Në fakt kunati i Lulit, përtej mbështetjes që i jep këtij të fundit, ndryshon shumë nga Fahriu dhe mbështetja që ai i jep kunatës. Por, këto lidhje të forta shpirtërore kanë bërë që më në fund të zbulohet se vetëm lidhja me kunatin apo kunatën mund të bëjë një afrim me Lulzim Bashën dhe Fahriun, kaq të fortë dhe kaq të pazgjidhshme, përjetësisht!/ CNA.al
“Jemi duke u përballur me një fluks në rritje të turistëve dhe për të adresuar nevojën e akomodimit, është hartuar paketa e lehtësirave për hotelet me 4 dhe 5 yje, e cila ka rritur ndjeshëm interesimin e emrave të njohur të hotelerisë botërore për të investuar në Shqipëri”, deklaroi Hajrullah Çeku, zv.ministri i Turizmit dhe Mjedisit
Gjatë llogaridhënies publike përpara qytetarëve të Lezhës, ai tha se në kuadër të projektit të “100 fshatrave”, kemi nisur procesin e certifikimit të njësive të agroturizmit bashkë me paketën e lehtësirave fiskale dhe skemën kombëtare të mbështetjes përmes granteve të bashkë investimit.
Aktualisht tha ai, jemi duke shqyrtuar aplikimet për certifikim dhe Shqipërisë shumë shpejt do t’i shtohen dhjetëra njësi të reja agroturizmi në të gjithë territorin e vendit. Më tej, Çeku tha se për t’ju përgjigjur në mënyrë më të mirë kërkesave të turistëve, është zhvilluar programi “1 mijë të rinj dhe të reja të punësuar gjatë sezonit të verës”, një nismë që synon punësimin e të rinjve, pastrimin e vendit dhe informimin e turistëve mbi aktivitetet rekreative që zhvillohen në të gjithë territorin e vendit tonë.
Ai tha se kalendari turistik 2018, i cili përmbledh të gjitha aktivitetet dhe ngjarjet artistike të kulinarisë, sportive dhe rekreative e veçanërisht festat tipike lokale që zhvillohen nga janari në dhjetor, nga veriu në jug të Shqipërisë. Zv.ministri tha se janë certifikuar 50 udhërrëfyes të rinj turistikë që do të jenë të angazhuar për të pritur dhe informuar turistët e huaj gjatë qëndrimit të tyre në vendin tonë.
Duke u ndalur në bashkëpunimin me partnerët ndërkombëtarë, Çeku tha se kemi zhvilluar një numër programesh të reja si, brendimi i produktit të kulinarisë, që synon të shndërrojë produktet bujqësore dhe gatimet tradicionale tona në ambasadorin më të fuqishëm të turizmit dhe zhvillimin e portaleve dhe kanaleve të reja të promovimit të Shqipërisë turistike nëpër gjithë botën.
“Për kundër të gjitha këtyre zhvillimeve, ne jemi shumë të vetëdijshëm për rëndësinë që ka mjedisi dhe në ndikimin që ka mjedisi në forcimin e perceptimit të çdo turisti gjatë qëndrimit në Shqipëri. Ka qenë programi ynë i madh mjedisor me synim një Shqipëri turistike të pastër dhe të gjelbër, që ka mobilizuar dhjetëra e mijëra në betejën kundër papastërtisë, e veçanërisht kundër burimeve të ndotjes. Programi ynë ka qenë operacioni më i madh i pastrimit dhe gjelbërimit në Shqipëri dhe deri tani ka pastruar tonelata mbetje dhe synon 20 milionë pemë të reja deri në vitin 2020”, deklaroi Hajrullah Çeku, zv.ministri i Turizmit dhe Mjedisit/ata
“Nga një vend me një aeroport me tarifa të larta, brenda këtij mandati qeverisës, Shqipëria do të ketë 3 aeroporte ndërkombëtare”.
Në kuadër të turit të llogaridhënies publike në Lezhë, Kryeministri Edi Rama deklaroi se do të fillojë ndërtimi i aeroportit ndërkombëtar të Vlorës, një aeroport i të gjitha standardeve, duke përfshirë edhe tranzitin.
Po ashtu, Rama tha se “do të vihet në funksionim edhe aeroporti i Kukësit, me çmime të ulëta”. Kjo sipas tij, “… do të bëjë që tarifat e larta të aeroportit të Rinasit, që janë problem shumë i madh i trashëguar, të ulen për shkak të konkurencës që do të krijohet”.
“Do të vëmë në funksion edhe Aeroportin e Kukësit me çmime më të ulta. Kështu do të bëjmë të mundur që tarifat e Rinasit, një problem I trashëguar të ulën, për shkak të konkurrencës. Nga një vend me një Aeroport me tarifa të larta që sjellin edhe çmime biletash, që janë absolutisht të larta, do të kemi një vend brenda këtij mandati, me tre Aeroporte”, – tha ai.
“Këto janë reale, jo si ata që edhe në Lezhë premtuan aeroport dhe në fakt edhe një aeroport që kishim e kthyen në më të shtrenjtin e Europës për shkak të koncesioneve të tyre”, – tha Rama./ATSH
KLD ka rrëzuar kërkesën e ministres së Drejtësisë, Etilda Gjonaj, për shkarkimin e tre gjyqtarëve, Petraq Curri i Durrësit, Ergys Selmani i Fierit dhe Ken Dhima i Administratives së Vlorës.
KLD nuk ka pranuar të shkarkojë tre gjyqtarët, ndërsa për gjyqtarin e Administratives Shkodër, Ahmet Jangulli, KLD do të vendosë në mbledhjen e ardhshme. Gjithashtu, KLD ka pranuar dorëheqjen e dy gjyqtareve, asaj të Durrësit, Merita Xhani, dhe të Tiranës, Brunilda Kasmi.
Kush janë gjyqtarët që kërkohej masë shkarkimi nga MD?
Petraq Curri është gjyqtari i Durrësit që sipas ministrisë së drejtësisë shkeli ligjin në një proces ekstradimi, por nga hetimet e KLD ka rezultuar se ky vendim nuk është dhënë nga Curri, por nga një tjetër gjyqtar.
Një tjetër gjyqtar për të cilin kërkohej shkarkimi është gjyqtari i Fierit, Ergys Selmani, i cili ishte gjyqtari që vonoi zbardhjen e urdhrit të mbrojtjes të shtetases Liljana Ruka që u vra më pas nga bashkëshorti i saj.
Shkarkim kërkohej edhe për gjyqtarin administrativ të Shkodrës, Ahmet Jangulli, për të cilin KLD do të vendosë në mbledhjen e radhës, si dhe administrativ të Vlorës, Ken Dhima.
Në Gjirin e Vlorës u zhvillua Stërvitja “Vlora SAREX 18”. Strukturat pjesëmarrëse në këtë stërvitje ishin Forca Ajrore, Forca Detare, Qendra Ndërinstitucionale Operacionale Detare (QNOD), Qendra Kombëtare e Kërkim Shpëtimit (QKKSH), si dhe të gjitha strukturat bashkëvepruese në stërvitje.04 maj 2018: Në këtë stërvitje morën pjesë shefi i Shtabit të Përgjithshëm gjeneral brigade Bardhyl Kollçaku, zëvendësshefi i Shtabit të Përgjithshëm gjeneral brigade Manushaqe Shehu, komandanti i Forcës Ajrore gjeneral brigade Vladimir Avdiaj , komandantë të forcave dhe drejtorë të drejtorive në SHP.
Qëllimi i stërvitjes ishte rritja e aftësive operacionale të strukturave përgjegjëse për shërbimin SAR (Search And Rescue) në procesin e planëzimit, bashkëpunimit, koordinimit dhe zhvillimit e operacioneve të kërkim – shpëtimit në det.
Për realizimin e kësaj stërvitje, Forca Ajrore mori pjesë me një helikopter “Cougar” për operacionet e kërkim – shpëtimit dhe një helikopter EC 145 për shpëtimin e të mbijetuarve dhe transportimin e tyre në breg. Gjithashtu në mbështetje të operacionit për shpëtimin e jetës së personave në nevojë dhe evakuimin e tyre drejt ambienteve spitalore rajonale Forca Detare mori pjesë me anijen ”Iliria”/”Lissus”, Repartin e Zhytjes si dhe Qendrën Shëndetësore Pashaliman .
Stërvitja u zhvillua në bazën e një skenari, ku një mjet ajror 5-6 persona në bord gjatë realizimit të detyrës si ambulancë ajror e ka pësuar defekt në motor. Kërkohet ndihma e institucioneve shtetërore për gjetjen e të humburve dhe dhënien e ndihmës për shpëtimin e personelit nga mbytja.
Në përfundim të stërvitjes shefi i Shtabit të Përgjithshëm gjeneral brigade Bardhyl Kollçaku theksoi se “… stërvitje të tilla testojnë kapacitetet e Forcave të Armatosura, gatishmërinë dhe profesionalizmin e tyre.
Unë sot pashë veprime për t’u lavdëruar edhe pse e dimë se sa e vështirë është për t’u realizuar këto lloj operacionesh sidomos kur kemi të bëjmë me bashkëveprimin e disa strukturave si ajri, toka e deti në kushte të vështira atmosferike, por dhe aktorëve të tjerë jashtë Forcave të Armatosura siç mund të jenë Policia e Shtetit e partnerë të tjerë të huaj.
Këto stërvitje duhet të shërbejnë për t’u ardhur në ndihmë situatave të vërteta në rast fatkeqësive natyrore dhe emergjencave civile”.
I ashpër ishte reagimi i kryeministrit Edi Rama me gjyqtarët ditën e sotme. Në kuadër të fushatës për llogaridhënien publike të ndërmarrë nga shumica socialiste, kryeministri Edi Rama dhe disa ministra të qeverisë folën sot përpara qytetarëve të Lezhës.
Lidhur me procesin e vetingut, Rama tha se ky proces do kohë, por sipas tij prokurorët dhe gjyqtarët e përjashtuar deri tani nga sistemi, kanë ngelur rrugëve dhe po i luten Zotit që të mos thërriten që të japi llogari.
“Nëse këto reformat të nisura nga kjo qeveri 4 vite më parë, do të ishin nisur 24 vite më parë, Shqipëria do të ishte një tjetër vend sot. Në Lezhë ka një çështje të hapur për pronat, ku janë edhe gjykatës dhe prokurorë, të cilët kanë marrë pjesë në ato krime. Gjithçka është bërë në bashkëpunim me gjykatësit. Sikur reforma në drejtësi të ishte bërë 20 e disa vite më parë, do të ishin në tjetër nivele. Procesi i vettingut është vetëm fillimi. Është një proces për të pastruar sistemin, por më pas sistemi i pastruar do të merret me të gjithë, nga më i gjati te më i shkurtri. Njerëzit thonë se kemi 20 vite që presim, por të ndërtosh shtet nuk do të thotë që të bësh një ndërtim pa leje”, tha Rama.
Rama tha se gjyqtarët e korruptuar janë kriminelë.
Po pse Rama sot sulmoi sërish gjyqtarët?
Paraditen e sotme, Ilir Meta riktheu në detyrë ish-kryetaren e Gjykatës së Lartë Shpresa Beçajn. Shpresa Beçaj është kryetarja e Gjykatës së Lartë e cila i shpëtoi bythen Ilir Metës. Pasi kur ishte në detyrë Beçaj në kohën që në këtë gjykatë kaloi procesi i shumëpërfolur i videos Meta-Prifti, kreu i LSI u shpall i pafajshëm me një votim unanim 5-0 të gjyqtarëve Ardian Dvorani, Majlinda Andrea, Guxim Zenelaj, Ardiana Fullani dhe Gani Dizdari.
Dhe duke u rikthyer tek video Meta-Prifti, gjatë bashkëbisedimit kreu i LSI-së do të deklaronte se nëse çështja gjyqësore e nisur nga kompania “Vllezërit Tola” Sh.p.k do arrinte të shkonte në Gjykatën e Lartë, atëherë ai vetë do ndërhynte tek Shpresa Becaj. Meta tregon se me kryetaren e Gjykatës së Lartë i ka marëdhëniet shumë të mira, për shkak se dhe i kishte punësuar vajzën në zyrën diplomatike në Vjenë. Por në këtë video-përgjim del dhe fjalori banal i Ilir Metës karshi vajzës së Shpresa Beçajt, Selevi Beçaj.
