Aktualitet

Plot 613 kg kokainë kokainë u sekuestruan më 27 shkurt në Shqipëri. Kjo ishte sasia më e madhe e kokainës e kapur ndonjëherë në vendit tonë. Ngarkesa vinte nga Kolumbia dhe do të transportohej drejt Italisë.

Droga ishte fshehur në një kontenier me banane e cila ndodhej në kalatën e gjashtë të portit që prej datës 21 shkurt 2018. Operacioni për sekuestrimin e drogës u bë pas një hetimi në rrugë operative mbi trafikimin e lëndëve narkotike. Ndërsa informacionet kishin ardhur edhe nga Gjermania.

Milionat në lojë dhe pas milionave natyrisht bandat e krimit u tronditën. Vetë ambasadori Donald Lu komentoi këtë operacion dhe e konsideroi pronarin e kontenierit Arbër Çekaj si “peshkun e madh”. Megjithatë burime për Pamfleti bëjnë me dije se djaloshi që manipulonte kokainën është E.Dezdari. Babai dhe xhaxhai o tij janë vrarë , por edhe pse zyrtarisht janë vrasje pa autor gjurmët çojnë te Fatmir Haklaj.

E. Dezdari njihet si mik i Olsi Ramës. Llalla, Hajdarmataj përmes një sekserit të tyre (biles tutor) eksponenent i krimit të organizuar, (Myftar Lumeshi) kohë më parë në këmbim të një shume marramendëse i kanë fshirë kërkimin ndërkombëtar këtij supertrafikanti të kokainës, që fshihet në Gjermani. Çështja “Kokaina” duket se do të çojë drejt qelive, kupolën e zyrtarëve të inkriminuar./Pamfleti

Çmimi i naftës në tregun e brendshëm është shtrenjtuar me 5 lekë për litër ditët e fundit. Në pikat e tregtimit të Kastratit, operatorit më të madh në vend, një litër naftë shitet me 177 lekë për litër dhe një litër benzinë me 178 lekë, nga përkatesisht 172 dhe 173 lekë që tregtoheshin më parë. Në pikat e Eida Petroleum, i dyti më i madh, nafta dhe benzina tregtohen përkatësisht me 176 dhe 177 lekë për litër, ndërsa në pikat e Gega Oil me 175 lekë.

Operatorët e tregut pohojnë se arsyeja e këtij shtrenjtimi lidhet me rritjen e çmimit të naftës në tregjet ndërkombëtare, ku një fuçi arriti tre ditë më parë në 77 dollarë, niveli më i lartë që nga viti 2014. Kjo pasi presidenti amerikan Donald Trump njoftoi se po tërhiqej nga marrëveshja bërthamore me Iranin dhe se do të vendoste sanksione ndaj këtij vendi.

Rënia e dollarit në tregun vendas, ku aktualisht këmbehet me 106 lekë, nga rreth 129 lekë që arriti më se një vit më parë, shkruan revista Monitor. Ka amortizuar deri diku shtrenjtimin e naftës në vend, por operatorët pohuan se rritja në bursa ishte më e lartë se përfitimet që vinin nga dollari i ulët.

Parashikimet nuk janë shumë optimiste. Një rikthim në nivelet e 100 dollarëve për fuçi mund të jetë në lojë, kanë thënë analistët e Bankës së Amerikës, pasi një rënie e prodhimit të Venezuelës dhe reduktimi i eksporteve të Iranit si rrjedhojë e sanksioneve të reja të Iranit përkon me uljen e ofertës së udhëhequr nga OPEC dhe Rusia, shkruan Financial Times.

“Në rast se nuk arrihet një marrëveshje e re me Iranin përgjatë gjashtë muajve të ardhshëm, ose nëse Rusiaa/OPEC e shtrijnë reduktimin e prodhimit edhe në 2019, tregjet globale të naftës mund të shtrëngohen më tej,” thanë analistët e Bankës së Amerikës. Banka rriti parashikimin për treguesin referencë global të naftës bruto, Brent, për vitin 2018 dhe 2019 në 70 dhe 75 dollarë për fuçi përkatësisht, por tha që ekzistonte gjithashtu rreziku që të shkojë në 100 dollarë për fuçi vitin e ardhshëm.

Operatorët e tregut të brendshëm pohojnë se nëse këto parashikime materializohen dhe nëse vazhdon situata me Iranin deri në embargo të plotë, nafta në tregun e brendshëm do të shkojë brenda tre muajve të paktën në 195-200 lekë për litër.

Niveli më i lartë rekord i arritur i naftës vendase ishte në vitin 2012, me 190-200 lekë për liitër, kur ari i zi në bursat ndërkombëtare u tregtua mesatarisht me 112 USD/fuçi, nivelet më të larta historike. Por, në atë kohë taksa e qarkullimit në Shqipëri ishte 17 lekë për litër, ndërsa aktualisht është 27 lekë për litër.

Shqipëria renditet ndër 20 vendet me çmimet më të shtrenjta të karburanteve në botë, sipas të dhënave të Global Petrol Price, të përditësuara në 7 maj. Ndërsa renditet e pesta më e shtrenjtë në botë përsa i përket çmimit të karburanteve në krahasim me të ardhurat për frymë, pas Moldavisë, Indisë, Jordanisë dhe Marokut. Të dhënat janë bazuar në informacionin mbi çmimin e benzinës që jepet nga Global Price Petrol dhe të ardhurat për frymë sipas metodës së fuqisë blerëse, të Bankës Botërore.

Ambasadori amerikan Donald Lu nuk ndalet me deklarata të forta për ato që quhen peshqit e mëdhej.

“Pandëshkueshmëria ka marrë fund për bosët e krimit në këtë vend”, ky ishte apeli i ripërsëritur i ambasadorit amerikan Donald Lu pas zhvillimeve të fundit në vendin tonë.

“Ambasada e Shteteve të Bashkuara mirëpret përparimin e bërë nga Shqipëria në luftën e saj kundër krimit të organizuar dhe korrupsionit.

Vendimi i gjykatës për të vendosur Saimir Tahirin në arrest shtëpie është një shenjë se kjo çështje e rëndësishme korrupsioni do të vendoset në mënyrë të drejtë dhe transparente në gjykata. Arrestimi i Met Kananit në Turqi dhe 14 anëtarëve të bandës së tij kriminale në Shqipëri është shenjë e seriozitetit të policisë dhe prokurorëve për të vënë në shënjestër krimin e organizuar. Së fundi, arrestimi i trafikantit të dyshuar të kokainës Arbër Çekaj në Gjermani dhe kërkesa për ekstradimin e tij në Shqipëri është shenjë se pandëshkueshmëria ka marrë fund për bosët e krimit në këtë vend.

Përgëzojmë punën e vështirë dhe me kurajë të Policisë së Shtetit, Prokurorëve të Krimeve te Rënda dhe Gjyqtarëve të Krimeve të Rënda” , thuhej në deklaratën e shpërndarë në faqen e ambsadës ditën e shtunë.

Zgjatja e mandatit si ambasador dhe këmbëngulja e tij mbeten e vetmja shpresë për tronditjen e kastës së inkriminuar shqiptare.

Pak ditë me parë Prokurorja e Përgjithëshme Arta Marku firmosi largimin e Drejtuesit të Prokurorise se Krimeve të Renda Hajdarmataj. Përfolja dhe realitet,i që Hajdarmataj ishte një asqer i Shkëlzen Berishës, i cili dhe e kishte promovuar për 5 vite te Llalla në detyrat më të rëndësishme tek Llalla nuk kanë qene asesi areyet që Marku e zëvendësoi.

E para është çështja “Kokaina” në të cilën Llalla, Hajdarmataj përmes një sekserit të tyre(biles tutor) eksponenent i krimit të organizuar, kohë më parë në këmbim të një shumw marramendëse i kane fshirë kërkimin ndërkombetar supertrafikantit ndërkombetar të kokaines E.Dezdari,  i cili në krye te hetimit do të evidentohet si pronari i vërtetë i ngarkeses se 613 kg.kokaine në Shqiperi dhe ortak i ngarkesës qe u kap ne Spanjë.

Implikimi i A.Çekajt është i vërtete, por ai tashmë do dëshmojë se ishte më pak se sekondar në kete trafik. Autoritetet dhe agjensite inteligjente partnerë kanë vërtetuar dhe relatuar te znj.Marku se Hajdarmata,  jo vetem nuk do hetonte Adriatik Llallën, por dhe kishte shitur dosjen Tahiri. Ështe fakt qe ai edhe prokurorë te caktuar të hetojnë ish ministrin e Brendshëm i kishte privuar totalisht të kishin akses në dosje.

Pa folur këtu edhe rastin se Besim Hajdarmataj ka një hetim të detajuar nga SHKB ku thuhet se në këmbim të mitmarrjes ka bashkëpunuar në rastin e ish-drejtorit të Policise Gjirokaster, Arjanit Arapi. Ndoshta në dukje të parendesishme, por Hajdarmataj ka mashtruar në deklarimin e pasurisë ku dihet botërisht që në vitin 2017 ai bleu një shtepi tek zona Astir, që i kalonte 113 m.ndërsa deklaron se është i pastrehë.

Po ashtu vëllai i Hajdarmataj rezulton si i ndaluar dhe i dënuar për trafikim droge e deri me sot ish kryezyrtari i Prokurorisë, jo vetëm e fsheh por e inkuadron në radhet e Policisë së shtetit. Në këto kushte Arta Marku ndoshta dhe në kushtet e tagrit te munguar ligjor u obligua ta largojë nga vendi me i nxehtë,  ku priten të lëshohen arreste te bujshme zyrtarësh e politikanësh të korruptuar e inkriminuar./Pamfleti

Sot para Gjykatës së Krimeve të Rënda, 13 të arrestuarit e bandës së Met Kananit.

13 të arrestuarit e bandës së Met Kananit, bosit të trafikut ndërkombëtar të drogës dalin sot në 14:30 para Gjykatës së Krimeve të Rënda.

Në kuadër të operacionit ‘Forca e Ligjit’, falë bashkëpunimit ndërkombëtar me disa agjenci ligjzbatuese vendase dhe të huaja është goditur një grup i strukturuar kriminal që operonte në disa shtete për trafikimin e drogave.

Drejtoria Hetimore Qendrore në Departamentin e Policisë Kriminale në bashkëpunim me Prokurorinë për Krime të Rënda, Drejtorinë e Forcës së Posaçme Operacionale dhe Drejtoritë Vendore të Policisë në Tiranë, Elbasan, Fier, Vlorë, Lezhë, Korçë dhe Shkodër, finalizuan me sukses operacioni ndërkombëtar policor të koduar ‘Preçizioni’.

Në fund të veprimeve policore, u ekzekutua vendimi Nr.96, i datës 11 maj 2018 të Gjykatës së Shkallës së Parë për Krimet e Rënda, e cila kishte caktuar masën e sigurisë personale “Arrest me burg”, për 18 shtetas:

1. M.K., 56 vjeç, banues në Fier (aktualisht në burg në Turqi).

2. R.D., 26 vjeç (aktualisht në burg në Turqi).

3. R.S., 46 vjeç (aktualisht në burg në Turqi).

4. B.Ll., 32 vjeç, banues në Vlorë (aktualisht në burg në Turqi).

5. M.M., 47 vjeç, banues në Pogradec (aktualisht në burg në Maqedoni).

6. A.Sh, 44 vjeç, banues në Gjirokastër.

7. A.Gj., 47 vjeç, banues në Rrëshen.

8. I.H., 43 vjeç, banues në Fier.

9. O.I., 40 vjeç, banues në Gjirokastër.

10. A.U., 26 vjeç, banues në Tiranë.

11. K.U., 25 vjeç, banues në Tiranë.

12. F.Xh., 43 vjeç, banues në Korçë.

13. G.J., 33 vjeç, banues në Tiranë.

14. L.Ç., 44 vjeç, banues në Prrenjas, Librazhd.

15. K.A., 23 vjeç, banues në Tiranë.

16. N.M., 53 vjeç, banues në Shkodër.

17. A.B., 57 vjeç, banues në Prrenjas, Librazhd.

18. B.H., 58 vjeç, banues në Fier.

Gjithashtu u shpall në kërkim shtetasi S.R., banues në Librazhd.

Arrestimi i këtyre personave, u bë pasi Prokuroria pranë Gjykatës së Shkallës së Parë për Krime të Rënda Tiranë, në bazë të materialeve të referuara nga Drejtoria e Përgjithshme e Policisë së Shtetit, në Shkurt të vitit 2017, ka regjistruar procedimin penal lidhur me veprat penale të ‘’Trafikimit të narkotikëve’’ kryer në bashkëpunim dhe ‘’Grup i strukturuar kriminal’’.

Këta persona vepronin si grup i strukturuar kriminal, për trafikimin e lëndëve narkotike. Veprimtarinë kriminale e ushtronin në Shqipëri dhe në vende të tjera, kryesisht ato të Bashkimit Europian.

Dyshimet ishin se ky grup kriminal vepronte në linjat e trafikimit të heroinës, Turqi – Greqi – vendet e BE-së, si dhe Turqi – Maqedoni – Shqipëri – vendet e BE-së.

Një tjetër aktivitet kriminal, i zbuluar nga hetimet ishte trafikimi i kokainës nga vendet e Amerikës Latine përmes vendeve të Ballkanit në Shqipëri dhe vendet e BE-së.

Në kuadër të veprimeve hetimore, me autorizim të Prokurorisë për Krime të Rënda, është shkëmbyer informacion me autoritetet policore të Greqisë, Turqisë, Maqedonisë, Italisë me ndërmjetësimin e DEA-s, SELEC dhe oficerëve të kontaktit të vendeve respektive ku janë realizuar me sukses një sërë operacionesh policore dhe konkretisht:

Nga kryerja e aktivitetit kriminal të këtij grupi dhe si rezultat i shkëmbimit të informacionit në kohë reale me autoritetet e Hetimit Penal në Rajonin e Atikës në Greqi, më datë 4 prill 2017, është bërë arrestimi i shtetasve shqiptarë;

-E.B., 32 vjeç

-A.G., 56 vjeç

-D.L., 31 vjeç

-L.B., 51 vjeçe

Këtyre shtetasve u janë sekuestruar:

– 32.4 kg lëndë narkotike e llojit Cannabis Sativa,

– 27.8 gram lëndë narkotike e llojit ‚‘‘Kokainë‘‘

– 5.845 euro.

– Në datë 21 korrik 2017, në Fier, janë sekuestruar 70 kg lëndë narkotike janë arrestuar 5 shtetas.

– Në datë 18 dhjetor 2017 në Vlorë, është bërë arrestimi në flagrancë i shtetasit: R.A., ku iu sekuestruan 77 kg lëndë narkotike e llojit Cannabis Sativa.

– Në datë 26 janar 2018, si rezultat i shkëmbimit të informacionit me autoritete policore greke u bë sekuestrimi i sasisë prej 1,6 ton kanabis në Greqi, ku u arrestuan 13 shtetas, nga të cilët 9 shtetas shqiptarë dhe 4 shtetas grekë.

Sendet e sekuestruara gjatë operacionit nga autoritetet greke janë:

– 1.586 ton e 700 gram kanabis;

– 2 gomone model YAMAHA HP me fuqi motorike 3×350 dhe 4×350;

– 1 mjet tip “Toyota Avensis” me targë IMX-9454;

– 7710 EURO;

– 1 pistoletë model “Valther PPK-L”, kalibër 7,65 mm;

– 1 pistoletë model “Pietro Berreta Garbone V.T, kalibër 7,65 mm;

– 1 pistoletë bosh model “POHM”, kalibër 9 mm P.A.K;

– 1 pistoletë ajër model “Walther”;

– 61 fishekë kalibër 7,65,32 mm;

– 37 fishekë bosh kalibër 9 mm;

– Telefona celularë.

– Në datë 23 shkurt 2018, në qytetin e Kavajës është bërë kapja në flagrancë e shtetasit H. Gj., të cilit iu sekuestrua në cilësinë e provës materiale një pistoletë me silenciator dhe me dorezë plastike të zezë, një qese plastike e bardhë me fishekë.

– Në datë 27 shkurt 2018, si rezultat i shkëmbimit të informacionit me autoritete policore maqedonase, në shtetin e Maqedonisë u bë kapja në flagrancë e shtetasit M.M., në makinën e tij në cilësinë e provës materiale iu sekuestrua 85 kg lëndë narkotike e llojit Cannabis Sativa,.

Gjithashtu, autoritetet maqedonase sekuestruan:

– Mjetin tip “Iveco Magirus”,

– 3 telefona.

Në datë 19 mars 2018, si rezultat i shkëmbimit të informacionit me autoritete policore në shtetin e Turqisë, u bë kapja në flagrancë e 11 shtetasve shqiptarë, nga ku u sekuestrua 1.1 tonë Cannabis Sativa.

Nga autoritetet policore turke në kuadër të këtij operacioni u arrestuan 4 shtetas shqiptarë edhe 7 shtetas turq, mes tyre edhe kreu u grupit kriminal shtetasi M.K.

Këtij grupi të strukturuar kriminal, pas shkëmbimit të informacionit në kohë reale midis autoriteteve policore shqiptare me ato turke, gjatë vitit 2017 në 2 operacione të ndryshme në Turqi, u janë sekuestruar edhe 2.1 tonë lëndë narkotike e llojit Cannabis Sativa dhe janë arrestuar 7 shtetas turq dhe 4 shqiptarë, si dhe 2 shqiptarë të shpallur në kërkim.

Në Itali u janë sekuestruar 2.1 tonë lëndë narkotike e llojit Cannabis Sativa.

Këtij grupi më datë 20 prill 2018, nga kontrolli i ushtruar në dy automjete iu gjetën dhe sekuestruan në cilësinë e provës materiale 421 kg e 450 gr lëndë narkotike e dyshuar e llojit Marijuanë dhe është arrestuar një shtetas si dhe është shpallur në kërkim një shtetas tjetër.

Gjate ekzekutimit të vendimit të gjykatës për arrestimin e personave të mësipërm, nga kontrollet e ushtruara janë sekuestruar në cilësinë e provës materiale:

– Në banesën e shtetasit T.S., i cili u arrestua në flagrancë u gjet dhe u sekuestrua në cilësinë e provës materiale 851 kg lëndë narkotike Cannabis Sativa.

Ky hetim proaktiv prej muajsh është ndjekur nga Njësia e Hetimit të Narkotikëve dhe Trafiqeve në Drejtorinë Hetimore Qendrore në Departamentin e Policisë Kriminale nën drejtimin e Prokurorisë për Krime të Rënda Tiranë.

Vazhdon puna për identifikimin e personave të tjerë të implikuar në këtë aktivitet Kriminal.

Policia e Shtetit në bashkëpunim me Prokurorinë dhe agjenci të tjera po vijon punën intensive në kuadër të operacionit “Forca e Ligjit” për realizimin e plotë të objektivit për shkatërrimin e të gjitha grupeve të skeduara kriminale dhe sekuestrimin e aseteve të tyre financiare.