Aktualitet

Mësohen identitetet e 13 shqiptarëve të arrestuar në Gjermani të cilëve iu kapën 1,8 ton kokainë me vlerë tregu mbi 400 milionë euro.

Shqiptarja.com ka siguruar mandatin e arrestit të policisë gjermane përmes të cilit u bë i mundur arrestimi këtij grupi të organizuar kriminal.

Nga hetimet e nisura në Prill 2017 policia Gjermani arriti të zbulojë rrolet e gjithsecilit në këtë trafik kokaine e cila vinte nga Ekuadori e fshehur në kuti bananesh.

E njëta skemë me atë të kokainës së kapur në kompaninë Arbri Garden të Arbër Cekajt.

Emiljan Hysenaj, Dashamir Ndoj dhe një tjetër shqiptarë me mbiemrin Dauti emri të cilit nuk dihet ende kishin rrolin parësor në këtë trafik.

Hetimet vijojnë ende edhe pas arrestimit të tyre për të kuptuar nëse Hysenaj, Ndoj dhe Dauti ishin kupola drejtuese e këtij super operacioni trafiku kokaine. Në të njëjtën kohë hetuesit gjerman i kanë shtrirë hetimet edhe në Shqipëri pasi kanë të dhëna se anëtarët e kësaj strukturë të mirë organizuar në trafikun e kokainës kanë të afërmit e tyre të përfshirë në politikë dhe aktivitete kriminale.

Nga çfarë dihet deri më tani është se droga vinte nga Ekuadori dhe mbërrinte në portet gjermane. Pasi magazinohej anëtarët e grupit shkonin nëpër magazinat e supermarkeve dhe merrnin sasitë e kokainës.

Mandati i arrestit i policisë gjermane

Policia gjermane

Zyra e investigimeve kriminale në landin e Bavarisë dy ditë më parë dha detaje të reja për një sasi rekord kokaine kapur në Hamburg gjatë dy operacioneve. N ë këtë operacion ishin përfshishirë 500 forca policore .

“Është një prej sukseseve mëspektakolare në luftën me mafian e  narkotikëve  në historinë e Republikës Federale Gjermane” kështu deklaroi Ministri i Brendshëm JoachimHerrmann. Ministri gjerman theksoi se “qëllimi është gjithashtu të zbulojmë strukturat organizative të autorëve”.

“Kutitë e bananeve përgatiteshin në Amerikën e Jugut dhe nën to fshiheshin pako të shumta kokaine. Më pas kutitë transportoheshin me anije për në Evropë dhe Gjermani nëpërmjet të ashtuquajturave mbivendosje të shtresëzuara”, tha drejtori i Investigimit Kriminal JörgBeyser.

Shqiptarët e arrestuar

1.Orneo Margjeka

2.Emiljan Hysenaj

3.Dashamir Ndoj

4.Dario Lame

5.Ervin Llusha

6.Izmir Lami

7.Dolan Kocani

8.Agim Zeka

9.Marjan Tola

10.Mevlan Beca

11.Granit Bajrami

12.Artan Mehmeti

13.Blerim Cakraj

Të huaj

1.Alberto Kochsiek

2.Anel Begovic

3.Kofi Oteng

Lulzim Basha po bën të gjitha përpjekjet për të larguar vëmendjen nga hetimi që ka filluar në SHBA dhe në Shqipëri në lidhje me lobimin e tij në SHBA me financim nga rusët dhe ish agjentët e KGB-së.

Një përzierje e tillë e rusëve në politikën shqiptare dhe për më tepër financimin e partisë kryesore të opozitës për të ardhur në pushtet, ka shqetësuar SHBA-në.

Që nëpërmjet FBI dhe organeve të tjera ligjzbatuese ka hapur një hetim të madh në lidhje me përzierjen e ish agjentëve të KGB-së dhe njerëzve afër Putin në hedhjen e lekëve nga parajsat fiskale për lobim në SHBA për të sjellë Bashën në pushtet në Shqipëri dhe për të “ngulur” flamurin rus në Tiranë.

Kështu që Lulzim Basha në përpjekjet për të larguar vëmendjen nga laku që po ngushtohet dita ditës në qafën e tij nga ana e partnerëve tanë ndërkombëtarë për lobimin me para ruse, po shfrytëzon në maksimum një video-përgjim ndaj vëllait të Ministrit të Brendshëm Fatmir Xhafaj, që gjithsesi mungesa e verifikimit të autencitetit të tij nuk sjellë garanci se do bëjë punë për të dhe opozitën.

Njëherësh dje, kreu i PD paraqiti një trafikant droge  me pamje filmike, teksa ‘rrëfehet’ se si kishte provokuar vëllain e Fatmir Xhafajt për trafik droge për ti “provuar burrërinë”, si ishte dënuar me burg dhe që kishte dhe vështirësi ekonomike.

Basha ka qënë i ‘qetë’ në “shijimin” e këtij spektakli në selinë e PD, pa e ditur se ‘dëshmitari X’ ishte ndaluar nga policia teksa po dilte jashtë vendit nga Rinasi me paratë e opozitës, dhe ndoshta është rrëfyer paq, në gjendje esëll në Prokurori.

Ndërkohë që sot është i lirë, duke pirë te lokalet e SHQUP me juristin e PD. Do zoti që për dëshmi të rreme të ketë nga Basha një avokat falas.

Gjithsesi më shqetësues se sa një kriminel ordiner  që i paska rrëfyer gjithçka kreut të PD por që është përdorur faktikisht nga Basha për lojën politike, është shqetësimi ndërkombëtar se Basha po përdoret nga Rusia, për një fushatë destabilizmi në Shqipëri.

Duke paralajmëruar se kreu i PD për këtë akuzë do të kalojë vetëm përmes drejtësisë, ndoshta dhe përmes burgut.

Kështu, gazeta më prestigjioze britanike “Indepedent’, kishte dje një shkrim të detajuar, nga një ish- ministër britanik për çështjet europiane, i cili kërkon hetim ndërkombëtar për Lulzim Bashën, si njeri për të cilin Rusia ka paguar gati 1 milionë dollarë përmes një kompanie off-shore dhe që synon destabilizimin e vendit për interesa ruse.

Ish ministri britanik shpjegon hapat që Lulzim Basha ka ndërmarrë, duke kundërshtuar reformën në drejtësi, duke kundërshtuar komisioneren e BE Federika Mogherini dhe duke e fyer atë, duke kundërshtuar hapjen e negociatave dhe vendosmërinë e Shqipërisë për të qenë pjesë e BE dhe jo zonë influence e Rusisë.

Pra akuzat që Bashës po i vijnë nga Perëndimi janë shumë më të rëndësishme për të kuptuar lojërat e tij të pista dhe maskarallëqet këtu brenda në Shqipëri.

Guximi për të përdorur  ordinerë në skema filmash “thrillër”, janë pjesa më domede e paaftësisë së tij proverbiale si lider politik dhe i pafuqisë së tij për të sjellë opozitën në pushtet.

Lulzim Basha është një politikan që nuk ka lëvizur as gishtin për një kauzë politike por është marrë vetëm me kauza spontane, më shumë të filluara nga të tjerët.

Të vetmen “kauzë” që njeh është paraja, dhe mënyrat e lehta për të përfituar pushtet dhe para.

Pasi tërë jetën e ka marrë qyl, duke filluar nga postet ministrore ku u bëri ‘naftën’ të gjithave, te Transportet vodhi 250 milionë euro të Rrugës së Kombit, tek Ministria e Jashtme shiti Detin tek Greqia, Ministër i Brendshëm vrau katër protestues paqësorë të opozitës përballë kryeministrisë.

Dhe në përpjekje për të ardhur qyl në pushtet, mori 1 milionë dollarë nga rusët për të lobuar në SHBA, duke rrezikuar të nai lërë lërë rusët në derë.

Por s’vihet në pushtet duke dalë vetëm në foto me Presidentin Donald Trump dhe as me terë presidentët e botës.

Ndërkohë që dhe tani kërkon që me video-përgjim jo vetëm të shpëtojë nga burgu, por dhe të vijë në pushtet. Një logjikë naive që nuk e hanë jo vetëm SHBA dhe BE që e duan në burg për financimin rus të lobimit të tij në Amerikë, por as qytetarët e thjeshtë që nuk hanë video-përgjim, por duan një alternativë të besueshme të PD e opozitës që të japin votën për ta sjellë në pushtet.

Dhe përpara se të kërkojë me këmbëngulje që Fatmir Xhafaj të dorëzojë vëllain para drejtësisë për akuzat, Lulzim Basha vetë, duhet tani t’i dorëzohet drejtësisë për akuzat që po i vijnë nga SHBA dhe Perëndimi, si “kukull” i paguar me para ruse në Shqipëri.

Njëherësh të tregojë se nga kanë dalë paratë ose të shfajsojë veten ose të përfundojë në burg dhe të çlirojë dhe opozitën shqiptare nga një hajdut-bllokues për të pretenduar që të vijë në pushtet ndonjëherë.

Pasi bashkë me Monikën, Basha përbën dhe dyshen më të urryer të liderëve të opozitës në Shqipëri që pretendon pushtet, më të urryerit që nga viti 1920.

Perëndimorët: Rusia ka kthyer sytë nga Shqipëria, financimi rus i PD promovon destabilitet në rajon

Në një shkrim të dedikuar zhvillimeve të fundit në Ballkanin Perëndimor, e përditshmja prestigjioze “The Indipendent” paralajmëron se tashmë Rusia ka kthyer sytë nga Shqipëria, me synim që ta shndërrojë këtë të fundit në një bazë nga ku të përhapë destabilitet në të gjithë rajonin tonë.

Ndërkohë që në artikull shkruhet në mënyrë eksplicite se Rusia financon PD dhe liderin e saj Basha për të ardhur në pushtet, por dhe për të destabilizuar rajonin dhe shtrirë ndikimin rus.

Një kërkesë kyçe nga Brukseli është që Shqipëria të pastrojë sistemin gjyqësor, duke zëvendësuar gjykatësit e akuzuar për korrupsion gjatë drejtimit të gjatë të së djathtës me Partinë Demokratike, lideri i përhershëm i së cilës, Sali Berisha, i cili drejtoi Shqipërinë postkomuniste drejt një vorbulle të tmerrshme financiare, kur lejoi lulëzimin e skemave piramidale që i kushtuan qindra mijëra shqiptarëve investimet e një jete të tërë.

Koka e politikës së huaj të BE-së, Federica Mogherini u përball me fyerjet e pasuesit të Berishës, Lulzim Basha, kur ajo nguli këmbë të zëvendësonte gjykatësit e dyshimtë që kishin punuar në baza miqësie me politikanët e Partisë Demokratike.

Basha e akuzoi se fliste “gjepura” sepse guxoi të insistonte për kërkesën e BE-së që të pastrohej drejtësia.

Përkundrazi, ai lideri i PD shkoi në Amerikë të kërkontë mbështetje nga administrata e Trumpit. 875,000 dollarë iu paguan një lobisti amerikan që ta nxirrte Bashën në foto me Presidentin Trump në një event bamirësie.

Pyetja është, kush pagoi 875,000 dollarë?

Hetimet nga “Mother Jones”, “BIRN” (“Balkan Investigative Reporting Netëork”), dhe “Herald” në Glasgou, të gjitha tregojnë nga paratë e oligarkëve pro-Putin janë kanalizuar përmes një kompanie guackë në Edinburg dhënë një firme lobimi me seli në Uashington.

Pothuajse brenda natës iu dha gati një milionë dollarë Partisë Demokratike Shqiptare, të përdorura për afrimin e kësaj të fundit me administratën e Trump, me shpresën që votuesit shqiptarë pro-amerikanë të mbështesnin partinë që ishte më afër me Trumpin.

Nëse Partia Demokratike do e kishte mundur socialistët në pushtet nën Edi Ramën do të kishte pasur një përballje të plotë me Brukselin dhe shpresat shqiptare për BE-në do ishin copëtuar.

Kjo i përshtatet përpjekjeve ruse për ta mbajtur Ballkanin Perëndimor sa më të paqëndrueshëm të jetë e mundur dhe të parandalojë që BE-ja ta normalizojë rajonin.

Sot, drejtuesit e BE-së po takohen me drejtues të Ballkanit Perëndimor në Bullgari. Brukseli do të shmangë ofrimin e ndonjë date anëtarësimi deri sa vendet e Ballkanit Perëndimor të promovojnë “ndërlidhje”, një fjalë e re europiane për “rritje”.

Ka shumë faktorë që luajnë rol, përfshirë mosmarrëveshjet mes Athinës dhe Shkupit lidhur me emrin e Maqedonisë, që mund ta frenojnë anëtarësimin në BE për gjashtë vendet e Ballkanit Perëndimor.

Por, për Rusinë, të mbajë këtë cep të Europës sa më të paqëndrueshëm të jetë e mundur është tashmë pjesë e Europapolitik-ës së saj”, shkruan ”The Indipendent”./Pamfleti

Albert Veliu, dy ditë më parë në mesnatë ka dashur të largohet nga Shqipëria duke udhëtuar në drejtim të Kosovës. Kjo me sa duket ka qënë dhe qëllimi i Partisë Demokratike, e cila ka krijuar dhe një skenar për të shmangur vëzhgimin policor që Policia e Shtetit, po i bën këtij dëshmitari. Madje dhe gjatë ditës së djeshme, katër agjentë të “GOS”, gjatë kohës kur qëndronte Veliu brenda në Prokurori ai monitorohej prej tyre.

Por me sa duket PD, për të tërhequr dëshmitarin nga mbulimi i policisë, dy ditë më parë ka vënë në zbatim një plan. Mëson se dikush ka telefonuar një shoqëri që ka aktivitet të transportit taxi në Tiranë, duke i kërkuar se duhet të sillnin 6 taksi në selinë e Partisë Demokratike. Pas kësaj, të gjashta automjetet kanë dalë njëra pas tjetrës nga selia e PD dhe pasi kanë shkuar deri në kryqëzimin tek bulevardi “Dëshmorët e Kombit”, aty kanë marrë drejtime të ndryshme.

Por vetëm njëra nga taksitë ka shkuar në banesën ku qëndronte dëshmitari Albert Veliu, i cili ka hipur në taksi dhe më pas është larguar, duke dalë nga Tirana dhe u drejtuar në veri. Por agjentët e policisë nuk e kanë “ngrënë” këtë reng të përdorur nga PD, pasi shumë shpejt kanë rënë në gjurmët e taksisë ku ndodhej dëshmitari Albert Veliu.

Ky i fundit, është qëndruar në zonën e Milotit, pasi kanë qëndruar në një restorant për të ngrënë bukë. Policia ka dyshuar në mesnatë se pikërisht në këtë ndalesë, dëshmitari mund të merej nga persona të tjerë dhe ti humbte nga mbulimi, dhe për pasojë kanë vendosur të ndërhyjnë dhe ti kërkojnë Albert Veliut që të shkojë me ta në polici, për verifikim. Pas shoqërimit të tij, Veliu dhe PD humbën shansin për ta larguar dëshmitarin jashtë shtetit./Shqiptarja.com

Albert Veliu ose siç njihet tashmë publikisht si “Dëshmitari X” i PD, ka qëndruar për rreth 5 orë në ambjentet e Prokurorisë së Krimeve të Rënda, ku ka dhënë shpjegime. Veliu është shoqëruar në ambjentet e prokurorisë rreth orës 11:00 nga avokatët e PD Artan Murizi dhe Ivi Kaso, të cilët kanë asistuar në fillimin e marjes në pyetje dhe më pas janë larguar.

Veliu ka shpjeguar me detaje dhe në mënyrë kronologjike, ku e gjithë dëshmia e tij është mbështetur në hakmarjen e tij personale dhe hatërmbetjet që ka me Agron Xhafaj, vllai e ministrit të Brendshëm Fatmir Xhafaj.

Dëshmitari i Partisë Demokratike, i ka pohuar prokurorit Përparim Kulluri se vëllai i ministrit të Brendshëm Fatmir Xhafaj është i përfshirë në trafik droge, dhe se këtë e bën duke u favorizuar nga drejtuesit e policisë së Vlorës.

Prokurorët e kanë pyetur nëse kishte prova dhe ku i mbështeste këto denoncime kundër Agron Xhafaj, por Veliu ka shtuar se provën e vetme e kishte vetëm atë përgjim të bërë në lokalin e Geron apo Agron Xhafaj, por dhe ka shtuar se Agroni qëndron shpesh me drejtues të policisë së Vlorës.

Blerja e drogës e fshehja e saj

Nga ana tjetër prokurori Përparim Kulluri dhe oficeri Bledar Flaga që kanë marrë në pyetje, Veliun, kanë kërkuar të mësojnë se ku e kishte fshehur lëndën narkotike prej 20 kg drogë dhe ku e kishte blerë atë. Por Albert Veliu, ka shtuar se hashashin e kishte blerë në një person, duke i treguar vetëm nofkën dhe jo emrin e plotë, ndërkohë që pasi e kishte marë, drogën e kishte hedhur, duke e treguar dhe vendin, por prokuroria nuk pranon të japë detaje ekzakte.

Çështja penale ka filluar dy ditë më parë, dhe është rregjistruar për akuzën e “Trafikimit të narkotikëve”, por pa asnjë emër konkret. Fillimisht për këtë çështje shorti zgjodhi prokuroren Pranvera Pustina, por kjo e fundit ka dhënë dorëheqjen dhe se më pas çështja i ka kaluar prokurorit Përparim Kulluri.

Ky i fundit së bashku me zv/drejtuesin e kësaj prokurorie Gentian Osmani, tashmë kanë marrë në dorë këtë çështje ku pritet që në ditët në vijim të kërkojnë kryerjen e veprimeve shtesë. Mësohet gjithashtu se Veliu është pyetur nga prokurorët nëse ka nevojë për mbrojtje apo jo, por ai ka refuzuar duke pohuar se nuk ka frikë nga askush.

Pas përfundimit të dëshmisë, Veliu është shoqëruar në dalje nëpërmjet tunelit të këtij institucioni, nga avokati Artan Murrizi, të cilët janë larguar së bashku. Ndërkohë nga momenti futjes në prokurori e deri kur është larguar, poshtë prokurorisë kanë qëndruar katër agjentë të Grupit të Operacioneve Speciale, të cilët prej më shumë se 48 orë monitorojnë lëvizjet e dëshmitarit të Partisë Demokratike.

Kallëzimi i Xhafajt vjen tek Krimet e Rënda

Lidhur me këtë çështje në prokurorinë e Tiranës është rregjistruar një tjetër procedim penal, pasi Agron Xhafaj, vëllai i ministrit të Brendshëm ka depozituar kallëzim penal, për “denoncim të remë”. Agron Xhafaj pretendon se zëri në audion e publikuar në PD, nuk është i tij, dhe se në asnjë moment nuk është ai personi që ka zhvilluar bisedën e pasqyruar nga Partia Demokratike.

Por burime pranë prokurorisë së Krimeve të Rënda thonë se shumë shpejt ky procedim penal që ka filluar në Tiranë, do i bashkohet dosjes së hapur tashmë nga Prokuroria e Krimeve të Rënda.

Provat

Prokurorët e kanë pyetur nëse kishte prova dhe ku i mbështeste këto denoncime kundër Agron Xhafaj, por Veliu ka shtuar se provën e vetme e kishte vetëm atë përgjim të bërë në lokalin e Geron apo Agron Xhafaj.

Bashkimi

Burime pranë prokurorisë së Krimeve të Rënda thonë se shumë shpejt ky procedim penal që ka filluar në Tiranë, do i bashkohet dosjes së hapur tashmë nga Prokuroria e Krimeve të Rënda.

Blerja e drogës

Nga Veliu, kanë kërkuar të mësojnë se ku e kishte fshehur lëndën narkotike prej 20 kg drogë dhe ku e kishte blerë atë.Por Albert Veliu, ka shtuar se hashashin i kishte blerë në një person, duke i treguar vetëm nofkën dhe jo emrin e plotë./Shqiptarja.com

Pas debatit dhe acarimit që pati me gazetarët në komunikimin mbi Samitin e Bashkimit Europian dhe Ballkanit Perëndimor, kryeministri Edi Rama, ka zgjedhur që të replikojë edhe në rrjetet sociale.

Ka qenë një nga komentuesit, që duket se ka ngacmuar shefin e Qeverisë dhe ka marrë edhe përgjigje prej tji.

Në koment, qytetarja I përmend Ramës kokat e mëdha dhe të inkriminuarit. Por ja si i përgjigjet kryeministri:

Komentuesja: Mu duk sikur Europa tha qe po nuk u kapen kokat e medhaja te futen brenda, nuk ka negociata. Po cfar keni ndermend te beni per te futur brenda te inkriminuarit qe keni ne gjirin tuaj? Po njeri esht me nenshtetesi hollandeze, tjetra shet 6 apartamente se ka hallin e vetingut. Mjer populli mjer ne! Se ju i siguruat nja 5 breza.

Rama: Nuk e di ku e degjove Europen ta thote kete, po me siguri te ka rene ne dore perkthimi i gabuar😀 Sa per brezat e siguruar te keshilloj te flasesh per gjera qe i di, jo per ato qe t’i kane thene gabim dhe se cfare kemi ndermend te bejme me te inkriminuarit qe ke parasysh, flet Reforma ne Drejtesi e Vetingu me qarte se cdo fjale e imja. Sepse pa pastruar drejtesine nuk ka dot ndeshkime per ata qe i kane shpetuar drejtesise per gjithe keto vite!

Ka pushtuar mediat kosovare ditën e sotme statusi rrënqethës i një djali maturant që para se të shkonte në mbrëmje, i veshur me kostum ka shkuar tek varri i nënës së tij të ndjerë.

Ai quhet Bujar Cani dhe i ka përlotur të gjithë me fjalët që shkruan për nënën e tij.

“Nënë para se te shkoja ne mbramje erdha te ti sepse ti ishe personi qe me veshe, me mbathe dhe me nise per ne shkolle, me mesoje si te shkruaj, me mesove si te lexoj, si te respektoj, por ja fati qe ti nuk ishe ne kohen me te duhur te me percillje edhe mbramjen e fundit shkollor me nje buzeqeshje nene me nje veshje e pergatitur nga nena me nje kemishe te hekurosur nga nena, me zerin tend te bukur: suksese djali im.

Nuk kisha fuqi qe te nisesha per ne mbramjen shkollor por erdha prane teje dhe te falenderova nga e gjithe zemra dhe premtova qe nuk do vuaj hatri yt qe te mos e coj mundin tend poshte dhe te familjes qe me sollet deri ne vitin e fundit shkollor pa asnje problem. Faleminderit baba, vella, motra qe me keni ndihmuar shume. Nene gjithmone ne zemrat tona”, shkruan maturanti.

Sali Berisha ka sulmuar ashpër disa gazetarë të njohur në portalin e të birit, në një shkrim pa autor. Shkrimi, sipas Nikoll Lesit, një prej të akuzuarve, është bërë pikërisht nga Berisha.

““Koha Jonë” ndër vitet 2003-2005 ishte në ballë të kritikave ndaj pushtetit të korruptuar dhe kriminal të Fatos Nanos. Bile puna shkoi deri aty sa kryeministri Nano në vitin 2004 të kërkonte imunitetin tim dhe arrestimin si botues, ndonëse asokohe isha edhe deputet?

Apo jo i nderuar artikullshkrues i katit të 14-të të Kullës së madhe përballë TVSH-së”, shkruan Lesi, që i është përgjigjur Berishës. Ky i fundit është mërzitur veçanërisht me Lesin, pasi sipas tij, është zëri zyrtar i Ilir Metës. Por Berisha thotë se Meta nuk ka të njëjtin qendrim si Lesi në këtë çështje.

Shkrimi i plotë i Berishës:
Kurrë më parë, as në rastin e skandalit Tahiri, nuk ka ndodhur një mobilizim i tillë i paprecedentë i gazetarëve dhe medieve pranë kryeministrit Rama, për të mbrojtur në pamje të parë, një nga ministrat e tij, Fatmir Xhafajn.

Por më e “çuditshmja” është se edhe zëra që kanë krijuar perceptimin si kritik të kryeministrit, i janë bashkuar këtij koalicioni.
Emra të njohur që pretendojnë se flasin në emër të publikun, vrapojnë studio më studio e derdhin shkrime pafund nëpër portale, për të ngritur alibi nga më absurdet; të gjithë të përçartur dhe në ekstazë duke tejkaluar pa pikë turpi jo vetëm kufijtë e logjikës, profesionalizmit, por edhe të etikës.
Lufta, për të shpëtuar skemën

Fatmir Xhafaj është një politikan i vjetër, tani edhe një nga kokrrat e fundit të Partisë Socialiste i inkuadruar brenda Rilindjes. Në karrierën e tij të gjatë ai njihet si një politikan, apo edhe kur ka shërbyer e vazhdon si ministër në qeveri, që ndryshe nga shumica e kolegëve të vet, ka zgjedhur që të rrijë larg gazetarëve. Marrëdhëniet e tij me analistët dhe mediat në përgjithësi të çdo krahu kanë qenë të largëta, madje edhe të ftohta. Ndryshe nga të tjerë Xhafaj nuk është shquar kurrë si investitor, në qarqet opinionbërëse.

Por ja papritur që prej pak javësh, veçanërisht pas daljes mbi ujë të së vërtetës së vëllait të tij, Agron Geron Xhafaj, na del që Fatmiri paska një grup të gatshëm gazetarësh dhe analistësh të përbetuar që ta mbrojnë si kamikazë, përtej logjikës së argumenteve, madje po të kenë pistoleta nëpër studio, të gatshëm që ti nxjerrin për të qëlluar mbi këdo që mendon ndryshe.

Në fakt e vërteta nuk është, se ata mbrojnë ministrin e Brendshëm, as vëllanë e tij dhe madje as Edi Ramën. Në lojë këtë herë është e gjithë skema kriminale, e mafies së drogës. Zinxhiri që u hollua me rastin Tahiri dhe një grup drejtorësh policie është katandisur, deri në këputje përfundimtare.
Gazetar, apo avokatë të drogës?!

Egërsia dhe epizmi që shfaq kjo skuadrilje gazetarësh, për të mbrojtur vëllezërit Xhafaj tregon se investimi financiar është i madh. Disa nga më tipikët që po mbrojnë këtë skemë nëpërmjet një retorike absurdë, e madje me argumente idiote në funksion të alibive që i hedhin publikut, janë Mustafa Nano dhe Shpëtim Nazarko.

I pari ka një javë që ka braktisur gjithçka dhe i është përkushtuar me mish e shpirt, mbrojtjes së vëllezërve Xhafaj. Mbrëmë në emisionin “Opinion” i lemerisi të gjithë, duke përfshirë edhe Fevziun kur doli nga shinat dhe ju vërsul një djaloshi me integritet dhe profesionist në fushën e tij siç e njohin të gjithë, Gazmend Bardhin; me një fjalor rrugaçëror e shantazhues, që me shumë gjasa edhe Agron Geroni po të ishte personalisht në studio, nuk do të guxonte ta përdorte.

Nazarko nga ana tjetër, herë si zhurmues e herë si shejtan-budalla, përpiqet që ta nxjerr Xhafajn si supremen, në duart e të cilit ka ngelur fati i Shqipërisë dhe integrimi i vendit, prandaj mund ti falet çdo gjë; edhe vëllai trafikant aktiv droge.

Ka edhe të tjerë të këtij lloji, të cilët e kanë të shkruar në ballë “zhaken me para”, për të bërë avokatin e mafies së drogës, por nuk ja vlen të merresh me ata, sepse e bëjnë vetë shumë mirë punën e vetëdemaskimit.

Interesant në këtë front është rasti, i Nikoll Lesit. Ditët e fundit, edhe duke u investuar personalisht me editoriale të nënshkruar me pseudonimin mediatik të preferuar, “Spiten Prulli”, në gazetën e tij “Koha Jonë” po bëhet një avokaturë teje e fortë ndaj Fatmir Xhafajt dhe detyrimisht edhe ndaj të vëllait; sepse në fakt ai dhe veprimtaria e tij kriminale është thelbi i çështjes. Themi interesant, sepse në të njëjtën faqe ku mbrohet me tituj bombastik Xhafaj, gjen me shumicë lajme të eksponentëve zyrtarë të LSI si Petrit Vasili e Ylli Manjani, të cilët mendojnë të kundërtën.

Nga ana tjetër prej kohësh media e Lesit mban si kryelajm, çdo veprimtari të punës së presidentit, sa që të krijohet përshtypja se është zëri zyrtar i Ilir Metës.
Nuk ka ndonjë gjë të keqe në këtë pluralitet, por perceptimi “naiv” i publikut duket sikur po përpunohet drejt përfundimit, që përderisa Nikoll Lesi po mbron fort Fatmir Xhafajn dhe vëllanë e tij, kjo është edhe linja e Metës.

E vërteta është, se nëse kthehemi pas në kohë, Ilir Meta me Xhafajn kanë qenë në përplasje të hapura, veçanërisht për çështjen e projektit fillestar të Reformës në Drejtësi ( U detyruan ta rishikojnë pas Venecias dhe “kërcënimit” të kreut të LSI, për largim nga kooalicioni), në të cilën sot po del se ka ndërhyrë e falsifikuar nenin. për ekstardimin në favor të të vëllait të dënuar në Itali.

Por Lesi gjithmonë ka qenë “kokë më vete” dhe ky investim ndaj Xhafajt, mund të mos ketë lidhje fare me afeksionin e tij ndaj presidentit, por vetëm me konspiracionin që shpalos ai në shkrimet e tija; me pak fjalë Rama&Basha në koordinm, po “ja fusin” Fatmir Xhafajt!

Ndër zërat që i është bashkuar në mënyrën e tij, avokatisë “me të gjitha mjetet” të skandalit Xhafaj është edhe Andi Bushati. Duke vazhduar përpjekjen e tij titanike për të ruajtur integritetin dhe veçanërisht “paanësinë”, (jam kundër Ramës, por Saliu dhe këta të opozitës e kanë fajin!) në portalin e tij, “Lapsi.al”, në gjithë këtë histori çështja shtrohet; a është i besueshëm dëshmitari Albert Veliu!

Pra sipas Bushatit, meqenëse një ish skafist dhe trafikant droge i pa shkollë, nuk e artikulon dot qartë dhe “pa kontradikta” rolin aktiv si koka e trafikut të drogës në Vlorë e më tej të Agron Geron Xhafajt, i ndihmuar nga shefat e policisë, atëherë as Fatmiri dhe as ai vetë nuk mund të akuzohen ende!

Edhe Ben Blushi me çelësat e Top Chanel në dorë, që kur doli si flutur nga zyra me flutura e Edi Ramës, nuk kujdeset më edhe aq shumë, që të mbajë maskën e kundërshtarit pa kompromis. Edhe ky si ai partizani që ishte maskuar si partizan, që gjermanët ta merrnin për gjerman dhe të mos e ngacmonin, të vërtetën e skandalit Xhafaj “e zbulon” me sondazhe, sepse dokumentet dhe dëshmia e Babulit, nuk quhen!

Gjella, që i bashkon në një kazan
Filli, gjella, argumenti që i përbashkon të gjithë këta e të tjerë dhe mbi të cilin mbështesin alibinë e avokatisë është; se Fatmir Xhafaj na qenka ministri i Brendshëm më i suksesshëm i të gjitha kohërave dhe e ka apo se ka vëllanë trafikant droge, na duhet që të vazhdojë punën e nisur.

Në fakt kjo aureolë që i është krijuar Xhafajt, duke e krahasuar më së shumti me kohën e Tahirit është krejtësisht e gënjeshtërt. Nga të dhënat zyrtare, të të ashtuquajturit operacioni “Forca e Ligjit” tek i cilin mbahen me të madhe, 80% e të arrestuarve janë liruar nga prokuroria dhe gjykata, për mungesë provash. Deri tani në fakt kemi të bëjmë vetëm me një shoë, të ngjashëm me atë kundër lojërave të fatit, “Fundi i Marrëzisë”, i cili në përfundim vetëm sistemoi monopolet e Rilindjes në këtë fushë dhe e shndërroi Agron Xhafaj në një biznesmen, “edhe më të suksesshëm”.

Gjatë epokës Xhafaj, në fakt kemi vetëm dy ngjarje të rëndësishme në luftën kundër krimit të organizuar. Operacionin pas të cilit u shkatërrua një grup i strukturuar që dërgonte në SHBA dhe Kanada klandestinë me të gjitha mënyrat dhe rrugët dhe kapja e 613 kilogramë kokainë, në Manzë. Të parin e kreu FBI nga fillimi në fund, kurse policët e Xhafajt ishin të detyruar që të ekzekutonin arrestimet.

Çështja e kokainës është, edhe më skandaloze. Pronari i bananeve ku ishte fshehur malli, ja mbathi nga pika kufitare nën hundën e policisë dhe përveç dy punëtorëve të firmës, askush nuk është arrestuar as sot e kësaj dite. Edhe Arbër Çekajn e prangosën gjermanët, kurse hetimi nga pala jonë është bllokuar krejtësisht.

E njëjta analizë vlen edhe për organizatën e Met Kananit, i cili edhe pse bazën e kishte këtu në Shqipëri dhe madje dihej shumë mirë se me çfarë “biznesi” merrej edhe nga kolegë në PS të Xhafajt, goditjen e morri nga shërbimet sekrete dhe policia turke.

Fatmir Xhafaj sa herë del në media, numëron familje e organizata mafioze nëpër qytete të ndryshme të Shqipërisë, por deri më sot askënd nuk ka goditur, edhe pse se cilët janë e dinë edhe kalamajtë e lagjeve, ku jetojnë e vazhdojnë biznesin.

Xhafaj mburret gjithashtu dhe ka krijuar perceptimin në publik, nëpërmjet këtyre analistëve të mësipërm, sikur shkallmoi skemën e Saimir Tahirit. Nëse do të ishte kështu, goditja e parë që duhej bërë pas asaj që ndodhi me kanabisimin e vendit, duhej të ndodhte në Vlorë, kryeqytetin real të këtij operacioni kriminal, të paprecedentë në botë, që nga kultivimi dhe deri te transporti i organizuar të mijëra tonelatave drogë drejt Europës.

Me Xhafajn ministër, “u zhduk” drejtori i policisë së Vlorës Jaeld Çelaj dhe shefa të tjerë, bashkëpunëtorë të trafikantëve të drogës të cilët vazhdojnë të jenë të lirë.

Ky ministër-rambo që na qenka i pazëvendësueshëm sipas Nanos, Nazarkos, Lesit etj, pranon që teorikisht se bashkë të vëllanë janë subjekt i Ligjit të Antimafies, por praktikisht, nuk janë!!
Ky burrë me “integritet” sipas këtyre “superanalistëve”, në vitin 2002 Xhafaj i dha dorëheqjen Majkos si ministër, vetëm sepse i vëllai akuzohej për trafik droge, kurse sot që ai është i dënuar me vendim të formës së prerë dhe ka dëshmi se e vazhdon veprimtarinë kriminale, nuk paska asnjë arsye (të paktën morale e politike), për të bëjë sot të njëjtën gjë, pavarësisht e pranon apo jo Edi Rama.

As këtë dhe asnjë gjë nga ato që rreshtuam më sipër, nuk bën dot Fatmir Xhafaj. Sepse këtu nuk është më në lojë emri dhe karrigia e tij, as e Ramës; por fati i mafies shqiptare të drogës (të të gjitha llojeve) këtu e jashtë vendit.

Prandaj shpura e mësipërme mediatike me ndërgjegje apo jo, me pagesë apo për arsye të tjera, nuk është duke bërë avokatinë e Fatmir Xhafajt, as thjesht të Ramës por të vetë mafies shqiptare të drogës!
Një leksion se si bëhet gazetari e pa kapur, jua dha “profesorëve” sot ajo gazetarja e re me vetëm një pyetje, që e bëri Edi Ramën të mbetet pa zë dhe figurë dhe t`ja mbath me vrap:
Nuk paska Partia Socialiste njerëz, që nuk ka vëlla apo kushëri të lidhur me drogës që të drejtojë Ministrinë e Brendshme?!Pamfleti.com/