Aktualitet

Javën e kaluar, në rubrikën tonë të emigracionit u ofruam sugjerime se si të përgatiteni për intervistën për vizën e emigrantit. Nëse jeni fitues i lotarisë, do t’ju kërkohet të shkoni në intervistë në konsullatën ose ambasadën amerikane në vendin ku banoni.

Këtu janë disa këshilla nëse jeni planifikuar për intervistë në Tiranë, Shqipëri. Ne u sugjerojmë së pari, të bëni çdo përpjekje për të qenë prezent në intervistën e planifikuar për ju. Nëse nuk jeni në gjendje të respektoni takimin, i shkruani konsulatës amerikane në adresën:[email protected] , sa me shpejt të jetë e mundur. Shkruani emrin tuaj të plotë, numrin e rastit( case number), datën e lindjes, arsyen e vonesës dhe sugjeroni kohën se kur jeni në dispozicion për një takim tjetër.

Mund t’u duhet një pritje e gjatë deri në takimin tjetër, prandaj u lutemi të përpiqeni të paraqiteni në datën e caktuar. Aplikantët e DV duhet të jenë të vetëdijshëm se vizat janë të kufizuara në numër dhe duhet të lëshohen deri më 30 shtator të vitit të programit.

Nuk ka asnjë garanci se viza do të jetë ende e disponueshme në datën e intervistës të riprogramuar nga ju. Para se të intervistohet, secili aplikant duhet të paguajë taksën e llotarisë. Për aplikantët e DV-2019, tarifa është $330 për person. Kjo tarifë është e pakthyeshme, nëse lëshohet viza apo jo.

Tarifa të tjera mund të aplikohen gjatë procesit, siç janë ato për ekzaminimin mjekësor ose tarifat e qeverisë vendore për të marrë kopje të vërtetuara të dokumentave. Të gjithë vizitorët në Ambasadën e SHBA duhet të ndjekin procedura të caktuara .

Çdo vizitor që refuzon t’i nënshtrohet kontrollit nga personeli i sigurisë së ambasadës së SHBA, nuk të lejohet të hyjë në ambasadë. Për të shmangur vonesën e hyrjes dhe atë të atyre që janë pas jush, ju lutemi të sillni vetëm ato që kërkohen për intervistën. Mos sillni ndonjë objekt që mund të konsiderohet të jetë armë, si thika xhepi, gërshërë, gozhdë, ose bjekte të të ngjashme.

Përfaqsuesi konsullor do t’u intervistojë ju (dhe anëtarët e familjes) dhe do të përcaktojë nëse mund të merrni një vizë emigrimi. Si pjesë e procesit të intervistimit, do të merren skanimet dixhitale të gishtërinjve. Ju, bashkëshorti juaj dhe çdo fëmijë i pamartuar i kualifikuar që emigron me ju, duhet të marrë pjesë në intervistë. Nëse bashkëshorti juaj ose fëmijët e pamartuar të kualifikuar do të emigrojnë në një datë të mëvonshme dhe do të udhëtojnë veçmas nga ju, ata nuk janë të detyruar të marrin pjesë në intervistën tuaj.

Ata do të planifikohen për një takim të veçantë intervistash. Ju nuk duhet të bëni angazhime të përhershme financiare, të tilla si shitja e shtëpisë, makinës ose pronës, duke u larguar nga puna ose duke bërë fluturime të pakthyeshme ose aranzhime udhëtimi deri sa të keni marrë vizën e emigrantit. Në fund të intervistës për vizë emigrimi në Ambasadën ose konsullatën e SHBA-së, zyrtari konsullor do t’ju informojë nëse aplikimi juaj për vizë miratohet ose refuzohet.

Nëse miratohet, do të informoheni se si dhe kur do t’ju kthehet pasaporta me vizën. Nëse mohohet, do të informoheni përse nuk jeni kualifikuar për të marrë vizën. Disa kërkesa për vizë mohohen sepse kërkojnë përpunim të mëtejshëm administrativ, gjë që kërkon kohë shtesë pas intervistës së aplikantit .

Nëse miratohet, viza juaj do të vendoset në një faqe të pasaportës tuaj. Ju lutemi të rishikoni menjëherë informacionin e printuar për të siguruar që nuk ka gabime. Nëse ka ndonjë gabim drejtshkrimor, kontaktoni menjëherë ambasadën ose konsullatën. Ju gjithashtu do të merrni një pako të mbyllur që përmban dokumentat që ju duhet të paraqitni tek Dogana dhe Mbrojtja Kufitare e SHBA (CBP) në aeroport ose në një nga hyrjet, pas mbërritjes tuaj në Shtetet e Bashkuara.

Ju nuk duhet të hapni paketën e mbyllur. Ju duhet të mbërrini dhe të aplikoni për pranim në Shtetet e Bashkuara jo më vonë se data e skadimit të vizës të shtypur në pasaporte . Viza zakonisht është e vlefshme deri në gjashtë muaj nga data e lëshimit, veç nëse ekzaminimi juaj mjekësor skadon më shpejt, gjë që mund të bëjë që viza juaj të jetë e vlefshme për më pak se gjashtë muaj.

Pagesa e emigrantëve – Ju duhet t’i paguani tarifën e emigrantit Shërbimit të Emigracionit në SHBA pasi të keni marrë vizën e emigrantit dhe para se të udhëtoni në Shtetet e Bashkuara. Emigracioni nuk do t’u lëshojë kartën e rezident të përhershëm (Formularin I-551 ose green card derisa të keni bërë pagesën e saktë (fee)

Viza nuk garanton hyrjen në Shtetet e Bashkuara. Departamenti i Sigurisë Kombëtare, zyrtarët e SHBA-së dhe zyrtarët e Mbrojtjes së Kufirit (BKP) kanë autoritetin për të dhënë ose mohuar pranimin(admission) në këtë shtet. Nëse aprovoheni, ju do të hyni si rezident i përhershëm i ligjshëm, dhe do t’u lejohet të punoni dhe jetoni përgjithmonë në Shtetet e Bashkuara.

Nëse ndryshoni adresën tuaj, është e rëndësishme të njoftoni USCIS duke plotësuar formularin AR-11 online ose me postë./Illyria

Shqiptarët e arrestuar katër ditë më parë për falsifikimin e vizave të ndryshme, për të udhëtuar më pas në drejtim të SHBA dhe vendeve të tjera,ishin kthyer në zyra konsullore, për shumë persona që ishin të gatshëm të paguanin dhe të largoheshin nga Shqipëria nëpërmjet dokumentave falso. Letrën cilësore që e përdornin për të falsifikuar dokumentet e blinin në Greqi.

”Zyrat konsullore” të këtij grupi vepronin jo vetëm në Shqipëri por edhe në Greqi, ndërkohë në Shqipëri të implikuar kanë qënë dhe dy efektivë të policisë së Shtetit, të cilët bënin të mundur daljen e klandestinëve në pikat kufitare.

Por jo vetëm kaq pasi gjatë përgjimeve të kryera, efektivja e policisë Entela Çela, është kapur dhe duke kryer korrupsion pasi nga përgjimet rezulton se ajo u fshinte nga sistemi, gjobat që policia rrugore u vendoste qytetarëve për shkelje administrative në rrugë.

Nga veprimet e kryera rezulton se të arrestuarit vllezërit Ilir dhe Alfred Myrtaj, djali i këtij të fundit Marjo Myrtaj, Albert Xhelili, Gentjan Stojku, Florjan Hysenaj, Entela Cela, Keldi Behsi, Arben Kadiu, Ismail Alushani, Ylli Gokaj, Aleksandër Leka, Shkëlqim Mema dhe Qazim Hysko, në bashkëpunim me njëri-tjetrin, gjenin persona të ndryshëm të cilat kanë interes për të udhëtuar në shtete të ndryshme, ku klientët nuk janë vetëm shtetas shqiptarë por edhe të huaj.

Pasi i paisin me dokumenta identifikimi të falsifikuara, kundrejt një përfitimi monetar, i nisin në mënyrë të paligjshme drejt SHBA-së, Kanadasë, Mbretërisë së Bashkuar etj, në linjat e udhëtimit me mjete të ndryshme dhe me linja ajrore. Nisja e personave me dokumenta të falsifikuara bëhej nga Shqipëria në Malin e Zi, Italia, Greqia, Franca dhe Norvegjia.

Personat që ikën në Amerikë

Në funksion të këtij hetimi prokuroria në bashkëpunim me policinë kanë dokumentuar disa episode ku personat e mësipërm kanë falsifikuar dokumenta të udhëtimit dhe kanë ndihmuar për kalim të paligjshëm të kufirit të disa personave, ndër të cilët janë Vera Mehmetaj, Limos Selimi dhe Rezalba Hotaj, të cilët kanë udhëtuar nga Shqipëria për në SHBA dhe Kanada, duke përdorur pasaporta dhe viza të falsifikuara.

Anëtarët e këtij grupi kriminal për këtë aktivitet të paligjshëm mernin në këmbim nga personat e trafikuar shuma të konsiderueshme të vlerave monetare që varionte në 20 mijë euro për person. Gjithashtu nga hetimi penal i kësaj çështje në bashkëpunim me organet e tjera ligjzbatuese janë marrë të dhëna për faktin se pjesëtarë të tjërë të këtij grupi kriminal e kryenin këtë aktivitet të paligjshëm dhe në shtetin Grek. Madje autoritet policore Greke kanë arritur të bëjnë arrestimin e 16 personave si anëtarë të këtij grupi kriminal, si dhe janë sekuestruar gjashtë laboratorë prodhimi dokumentash të falsifikuara.

Dy policët e shtetit

Gjithashtu gjatë hetimit të procedimit penal është dokumentar fakti se shtetësja Entela Cali, me detyrë punonjëse policie, në bashkëpunim me shtetasin Arjan Uka me detyrë punonjës policie si dhe Albert Xhelili, e shtetas të tjerë,kryenin veprime korruptive  gjatë detyrës, në këmbim të shumave monetare si dhe kanë ndihmuar pjesëtarët e këtij grupi kriminal e persona të tjerë për kryerjen e aktivitetit kriminal, duke shfrytëzuar të dhënat që ata dispononin për shkak të detyrës që ata kishin si punonjës policie.

Mosha e personit si numri i këpucës

Nga përgjimet e kryera prej 2016-s, deri në shkurt-mars 2018, rezulton se ky grup kriminal kujdesej që porositë për karta identiteti të vendeve të BE-s, patenta dhe Pasaporta që i porosisnin të interesuarit dhe fotot e tyre të dërgoheshin online me Viber dhe Whatsapp pasi konsiderohishin si të papërgjueshme.

Në pamundësi grupi përdorte linja autobusësh, ndërsa mosha e personave etiketohej si numri i këpucës. Më 22 nëntor 2017 Gentjan Stojku, një nga ndërmjetësit e këtij grupi shqiptaro-grek rezulton se është telefonuar nga një shtetas që i komunikon se “duhet të mi dërgosh porositë në ëhatsapp ose Viber, që të shikoj te ato që don se me 99 % i ke si kena folë…”.

Në bisedën e parë të përgjuar dhe renditur si provë nga akuza Gentjan Stojku dhe Alfred Myrtaj janë kapur mat duke përgatitur me lehtësi dokumente italiane sikur shqitparët që i blenin ishin me origjinë nga Leçe dhe Milano në itali. Alfred Myrtaj pyet Gentian Stojkun për falsifikimin e një leje qëndrimi në Itali. Në këtë bisedë dy komunikuesit flasin për qytetin që do të shënojnë si vendndodhje të personit që ka porositur dokumentet e falsifikuara.

Biseda mes Gentjan Stojkut dhe Alfred Myrtajt

A.M: deshma me tëp yet për një gjo, e fredi jam alo

G.S: Po ça bone po të dëgjoj

A.M: Ee, këto Leçe janë të gjitha?

G.S: Po

A.M: Me i fjalë, çdo kush atje i merr apo?

G.S: Jo, po kto janë të asaj, pastaj ka edhe Milano ka po komuna ku ka qenë me i fjalë, që kanë dale ato. Kane qenë në at komunë, në at komunë. Ky grup falsifikonte mjete identifikimi jo vetëm për shqiptarët por edhe për të huajt, përfshi dhe marokenët, ku në një rast janë përgjuar duke përgatitur një “permesso di sogiorno” për një markoken. Në bisedën e përgjuar më 7 Janar 2017 hetuesit kanë zbardhur dhe skemën se si Stojku me nurmin shqiptar që përfundon me 776 i shpjegon Alfred Myrtaj tek numri grek që përfundon me 878 se si duhet të bëjë kujdes pasi të dhënat janë në frëngjisht dhe marokenit duhet ti përgatisnin një “sonxhorno” nga ato të thejshtat me qese.

Alfred Myrtaj: Ça është ajo?

Gentjan Stojku: Po ai është qyteti e shteti është Makrok

A.M: Eeeee

G.S: Kurse ai është qyteti

A.M: Po kaq gjata e kanë ato….

G.S: Farni pra Farni, futu shikoje po qe se ke internet, se mos ma ngatërron se e ka shkruejt frengjisht ai.

A.M: E di e di se është emër ai pra NOM është.

G.S: Është mbimeri, shiko Prenom është NEME. Kurse Ifrani Ddame është qyteti, shteti është Marok.

A.M: E marr vesh e marr, nga ato “sonxhornot”?

G.S: Jo nga ato të shtrenjtat, nga ato të thjeshtat, nga ato të tjerat që janë me qese.

A.M: Dmth nga ato të thjeshtat

Skema e trafikimit

Një tjetër provë e akuzës për falsifikimet e vizave është porosia e një vajzë nga shkodra ku Florjan Hyseni bisedon e takohet me ndërmjetësin Albet Xhelili duke rënë dakort se të dhënat do ja nis me autobuz dhe ai duhet të bëj pasaportën me emrin e shtetases italiane C.Ambrogia por me foton e shkodranes. Florjani i dërgon sms Xhelilit “Ky është nr tel shoferit 067……, autobus blu me targa AA… në orën, 12:40 e ke aty sa ti marrësh më difto.

Pasi merr zarfin Alberti i përgjimit me sms: Ok.

24 orë nga marrja e zarfit me të dhënat e vajzës nga shkodra dhe konfirmimin që Hyseni kishte marrë paratë, komunikon sërish me Albert Xhelilin njohur si “berti” duke i konfirmuar se porosia duhet përfunduar. “Nigjo Florin përfunoje. Ee në rregull? Po përfunoje. E mirë mirë. Nigjo, komplet njashtu sit a kam dhënë unë. Nurmin e këpucës mos ma luaj”.

Laboratori i falsifikimit

Pasi merr pasaportën Florjan Hyseni ja dërgon vajzës nga Shkodra e cila më 16 Mars 2018 lë Shqipërinë duke udhëtuar për në Amerikë por është ndalur në një aeroport ndërkombëtar pasi është pikasur dokumenti fals. Të ndaluar nga autoritetet policore rezultojnë dhe shtetasit L.S dhe R.H të pajisur me dokumetne false nga ky grup.

Ata janë bllokuar në Xhamajka duke udhëtuar me “AirCanada” për në Toronto. Në këtë grup janë përgjuar dy efektivët e policisë Arjan Uku, Entela Çali të cilët duke bashkëpunuar me Albert Xhelilin kthejnë patentat e sekuestruara nga policia rrugore për shkelje si dhe fshinë nga sistemi e-gjoba, gjobat e vendosura për shoferë kundrejt pagesave korruptive./Shqiptarja.com

U mbajt dhe premtimi nga kryetari i Bashkise Himar z.Goro dhe deputeti i zones z.Vullnet Sinaj me rastin e fillimit te sezonit te vaditjes.

Sollen pompen qe do ti sherbej per vaditje komunitetit te Bolenes.

I pershendetim dhe i falenderojme per realizimin e ketij premtimi!

Prindërit e tyre janë vrarë në protesta anti-korrupsion kundër bllokut të tij dhe në biznese kriminale familjare shtetarësh “Humunisti” Ilir Meta “harroi” të ftonte në takim, 10 jetimët e “kokë-palarëve” të 21 janarit, të Gërdecit dhe Kromit të Bulqizës

Shkruan: Memo Aliaj

Presidenti Ilir Meta, në kuadër të “20 Majit-Ditës së Jetëimëve”, organizoi një takim “dhimbjeje” me fëmijët dhe të rinjtë jetimë. Presidenti ynë, që fëmijët e tij i ka nisur për shkollim e jetesë në Londër, u kujtoi fëmijëve dhe të rinjëve jetimë, se Shqipëria është vend i NATO-s dhe i këshilloi ata, të qëndrojnë, të rriten, shkollohen e jetojnë në Shqipëri, mbasi janë të gjithë kushtet dhe se ëndrrat e tyre, do t’i shohin të realizueshme pikërisht në këtë mjedis”!

Se si jetojnë fëmijët dhe të rinjtë jetimë në Shqipëri, Presidenti e di shumë mirë këtë gjë, mbasi ka qënë kryeministër, disa herë zv/kryeministër e ministër, por për t’ia freskuar trurin e mbpirë nga nepsi për pasuri, po i kujtojmë disa fakte. – Afro 80% e familjeve me fëmijë jetimë, jetojnë në varfëria ekstreme. – Afro 70% e familjeve me 1 prind të humbur, nuk kanë asnjë në punë. – Afro 60% e familjeve me fëmijë jetim janë pa strehim dhe jetojnë në kasolle, baraka e konvikte ndërtesash gërmadhë e të qelbura, shumica e të cilave nuk asnjë pikë ujë, ndërkohë që shtetarët, mes tyre edhe familja presidenciale kanë dhjetra banesa e vila luksoze për çdo stinë!

– Se sa dhhimje, dashuri e kujdes, tregohet për punësimin e familjarëve dhe kujdestarëve të fëmijëve jetimë, edhe kjo tashmë dihet, pasi partitë politike mes tyre edhe LSI, punësojnë me “kuç e me maç” vetëm familjarët, fiset, katundarët e tyre dhe ata që blejnë vendet e punës me lekë! – Se sa mbështertje u jepet fëmijëve e të rinjë për shkollim kjo tashmë dihet, mbasi 40% e fëmijëve dhe të rinjve jetimë nuk shkojnë dot në shkolla e as në universitete, për shkak të varfërisë dhe tarifiave dhe kostove të larta të shkollimit.

Në kronikat dhe fotot, që publikoi Zyra e Shtypit e Presidentit dhe mediat pranë tij, u pa që presidenti shfaqej i përqafuar fortë me jetimet, sillej me shumë dashuri, me shumë emocione njerëzore. Por zyra që organzoi këtë takim “human” të presidentit Meta me fëmijët dhe të rinjtë jetimë, kishte “harruar” të ftonte në takim edhe 10 jetimët e “kokë-palarëve” 21 janarit 2011, prindërit e të cilëve u vranë nga Garda, në protestën kundër bllokut të korrupsionit të Ilir Metës, nga të cilët disa janë ende fëmijë e disa janë të rinj!

Nuk u ftuan në këtë takim, as jetimët e Gërdecit, prindërit e të cilëve u vranë në biznesin kriminal të familjes mafioze të aletatit të tij qeverisës e partiak, Sali Berisha. Nuk u ftuan as fëmijët jetim të Bulqizës, prindërit e të cilëve po vriten çdo javë në biznes-krimin e komanduar edhe nga familjarë të deputetëve të LSI dhe oligarkët e lidhur me bosët e shtetit e politikës, të licencur në mënyrë mafioze prej Ilir Metës kur ishte kryeministër e ministër ekonomie dhe të mbajtur në aktivitet nga AKBN (Agjencia Kombëtare e Burimeve Natyrore) e cila prej 8 vitesh ka qënë “tepsi pushteti” e LSI. Pr të paë se deri në çfarë mungese dhimsurie, taljeje e paturpësie ishte përpara jetimëve, qëndrimi presidentit baba i tre fëmijëve që kanë si trashëgimi pasuri të shumta e të çdo lloji, po citojmë një pjesë nga fjala e tij: Ilir Meta: “

Unë jam pranë jush për çdo aktivitet, për çdo mbështetje, për çdo promovim, për çdo ndërgjegjësim me çdo institucion shtetëror apo vendor, për gjithçka që ju të keni nevojë. Më konsideroni edhe mua pjesë e familjes suaj, që është një familje më e madhe dhe më e fortë se familjet e zakonshme”. (Gjykoni vetë sinqeritetin dhe realitetin e fjalëve, të një shtetari, i cili fëmjëve të tij u ka siguruar jetë e pasuri përrllaore, ndërsa jetimëve barkë-pangopur, u reciton citate me premtime… boshe)!