Aktualitet

Versioni i gazetarit Jetmir Olldashi hedh poshtë si të rremë versionin e “Dëshmitarit X”, Albert Veliu, i njohur si ‘Babalja’, për audiopërgjimin e kthyer në kauzë nga Partia Demokratike, e cila pretendon se implikon vëllain e ministrit të Brendshëm në trafik droge.

Edhe pse gazetari Olldashi dhe ‘Babalja’ pretendojnë se kanë mundësuar së bashku përgjimin, ata japin versione krejtësisht të ndryshme si për përgjimin, objektin e përgjimit, arsyet, rrethanat si dhe për kontaktin me Partinë Demokratike.

Si Olldashi, ashtu edhe ‘Babalja’, në rrëfimet e tyre thonë disa gënjeshtra, të cilat duke u ballafaquar me njëra-tjetrën, prodhojnë një pikëpyetje të madhe mbi kauzën e Partisë Demokratike për çështjen e vëllezërve ‘Xhafaj’.

Nuk dihet se cili gënjen më shumë dhe cili më pak, por pas rrëfimit të gazetarit, shtohen më tej dyshimet e arsyeshme për një inskenim. Po cilat janë përplasjet më të rëndësishme të dy rrëfimeve dhe kush janë pikat e errëta të gazetarit Jetmir Olldashi?

Kontradiktat mes rrëfimit të Olldashi dhe Albert Veliut

1- Gazetari Olldashi u shpreh dje se ishte ai që i kishte dhënë pajisjet përgjuese Albert Veliut, në mënyrë që ky i fundit të përgjonte Agron Xhafën, vëllain e ministrit të Brendshëm. Nga ana tjetër, Veliu thotë se nuk e ka përgjuar ai Agron Xhafajn, por e kanë përgjuar të tjerë. Nëse ‘Babalja’ nuk e ka përgjuar sipas direktivave të Olldashit, kur tjetër mund ta këtë kryer përgjimin?

2- Kontradikta e dytë ka të bëjë me raportin me PD. Në rrëfimin e tij, “Babalja” thotë se ishte ai që ia kishte dorëzuar përgjimin PD-së, ndërkohë që Olldashi pohoi të kundërtën, pra se në fakt ishte ai vetë që ia kishte dorëzuar materialin partisë kryesore të opozitës si dhe kishte kërkuar mbrojtje prej saj. Cili ia ka dërguar materialin PD dhe cila është arsyeja e vërtetë?

3- Ndërkohë që gazetari Jetmir Olldashi thotë se ka pajisur Albert Veliun me pajisje përgjimi në çdo takim që ka zhvilluar me Agron Xhafajn, Albert Veliu thotë se ishte befasuar kur kishte parë publikimin e audiopërgjimit, me pretendimin se nuk ishte në dijeni të përgjimit.

4- Jetmir Olldashi thotë se Albert Veliu shkoi tek lokali i Agron Xhafajt dhe nuk e gjeti aty. Sipas tij, ata kanë lënë një tjetër takim, por për takimin e dytë, Jetmir Olldashi nuk di asgjë. Si ka mundësi që gazetari Olldashi nuk shkoi pas burimit, për të parë dhe fotografuar takimin mes Albert Veliut dhe Agron Xhafajt, meqenëse ky investigim ishte kaq i rëndësishëm?

5- Olldashi pohoi gjithashtu se këtë përgjim e kishte kryer në kuadër të një investigimi gazetaresk, por ai nuk e kishte publikuar investigimin në fjalë, edhe pse vetë punonte në një televizion informativ dhe gjithashtu drejton një portal informativ lajmesh, çka ngre disa dyshime, se për kë e kishte kryer në të vërtetë gazetari përgjimin.

6- Si Olldashi, ashtu edhe Albert Veliu, thonë se përgjimi është bërë 4 muaj më parë. Pse Olldashi priti 4 muaj për publikimin e materialit?

7- Gazetari Olldashi thotë se ka materiale të tjera, që do t’i publikojë në një emision tjetër televiziv. Natyrshëm lind pyetja pse edhe audiopërgjimin e parë nuk e publikoi në emisionin e dytë televiziv apo në portalin e lajmeve, por ia dha PD?

8- Olldashi thotë se duke patur parasysh se flitej për vëllanë e Ministrit të Brendshëm në detyrë, vlerësoi se siguria fizike e burimit të tij dhe e atij vetë ishte në rrezik. Ku u bë i vetëdijshëm Olldashi për rrezikun? A nuk e dinte edhe më parë se flitej për vëllanë e Ministrit të Brendshëm?

9- Meqë i është rrezikuar jeta, sa kohë priti nga periudha e realizimit të regjistrimit, për të kërkuar mbrojtje politike nga PD?

10- Olldashi pranon një tjetër fakt të rëndë pasi ai tregon se ka marrë pjesë drejtpërdrejtë bashkë me Albert Veliun në një blerje prej 20 kg marijuanë që Veliu duhej ta trafikonte në Itali nëpërmjet Agron Xhafajt. Gazetari nuk shpjegon se kush ia shiti drogën dhe ku përfundoi ajo. Blerja e 20 kg marijuanës që në tregun e trafikut vlen mbi 20 mijë euro e pranoi publikisht edhe Albert Veliu i cili tha se lekët i kishte marrë borxh.

Momenti kur Veliu tha se nuk e ka bërë ai përgjimin/ Intervista:

-Në këtë aventurën tënde që thua se e provove e bëre, ke bërë filmime të tjera?

–Veliu: Filmime të tjera unë s’kam bërë, filmime të tjera. Filmimet i ka bërë vetë Agroni, nuk i kam bërë unë dhe aty janë.

-Si i ka bërë?

Veliu: Po ku di gjë unë si i ka bërë, me dashje, pa dashje, i di Agroni, jo unë.

-Po ti thua që Agroni ka përgjuar veten?

Veliu: Po normale, ku di unë ça i është vënë Agronit dhe akuzon Andonin në anën tjetër. Ato të gjitha janë gjëra që janë fakte reale, si zëri që ne kemi folur. Gjithmonë e ha një fukara, nuk e ha një i pasur.

-Po ti vetë kur e kujtove bisedën, kur pe këto video përgjimet e kujtove bisedën?

Veliu: Po normale. Kur unë e pash te djali, te lokali të gjitha këto foljet që u bënë, doli. Të gjitha thëniet që ne kemi bërë, thashë çne këto përgjime ne?!

-Domethënë, ti mendon që Agronin e kanë përgjuar të tjerët?

–Veliu</: Normale unë s’kam lidhje.

-Nuk e ke përgjuar ti?

–Veliu: Secili ka mbrojtjen e tij ore. Ai tijën, unë timen, po nga ka ardhur kjo, e gjen Agroni, këto përgjime. Këto janë gjërat që po të them unë./Shqiptarja.com

“Anëtarësimi i Serbisë në Bashkimin Evropian nuk është i mundur pa normalizimin e marrëdhënieve me Kosovën. Megjithatë, kjo nuk është e vetmja sfidë që përballet Serbia. Të paktën po aq e rëndësishme është tema e reformave në sundimin e ligjit”, tha kryetari i Komisionit për Çështje Evropiane të Bundestagut gjerman, Gunther Krichbaum.

Sipas tij Kosova është “problem i të gjitha problemeve”, kur bëhet fjalë për integrimin evropian të Serbisë dhe se kjo është pengesa më e madhe për anëtarësimin në Bashkimin Evropian

Por, Krichbaum thotë: “Ka ende shumë për t’u bërë edhe në aspektin e pavarësisë së gjyqësorit, lirisë së medias dhe luftën kundër korrupsionit dhe krimit të organizuar. Deri më tani, për shembull, nuk ishte bërë ndonjë gjykim mbi korrupsionin në nivel të lartë”, ka thënë ai në një intervistë.

Serbia është, tha ai, në rrugë të mirë drejt BE, megjithëse tha, “negociatat mund të zgjasin për disa vite të tjera”.

Kur u pyetën se cila zgjidhje në dialogun ndërmjet Beogradit dhe Prishtinës, Krichbaum tha se kuadri negociues për bisedimet e BE-së përcaktohet qartë se “marrëdhëniet mes Serbisë dhe Kosovës duhet të normalizohet plotësisht para anëtarësimit në BE”.

“Është e vetmja mënyrë që të dy vendet mund të realizojnë perspektivën e tyre evropiane. Historikisht, BE-ja është mbi të gjitha një projekt i paqes. Prandaj, ne nuk duam të importojmë konflikte të pazgjidhura dypalëshe”.

I pyetur nëse ‘normalizimi’ nënkuptonte njohjen e pavarësisë dhe nëse ndarja e Kosovës ishte e pranueshme për Berlinin , Krichbaum tha:

“Normalizim, normalizim nuk do të thotë pak”, tha ai, duke shtuar se Gjermania do të mbështes të dyja vendet.

Ai vuri në dukje se marrëdhëniet “në mes Serbisë dhe Kosovës janë duke u përmirësuar në masë të madhe”, por thotë negociatat duhet të vazhdojnë pasi “është larg nga ajo që quhet fqinjësi e mirë”.

Ai tha gjithashtu se BE-ja është partneri i vetëm në Ballkanin Perëndimor që marr parasysh stabilitetin rajonal dhe prosperitetin e njerëzve në këtë rajon./BalkanWeb

Studiuesit e Universitetit Indiana, të cilët kanë në fokus mediat sociale, kanë përditësuar dy programe që luajnë një rol të rëndëishëm në luftën kundër dezinformimit online.

“Hoaxy” dhe “Botometer” janë lançuar nga Fondi Knight për keqinformimin.  Një tjetër mjet është krijuar për t’i bërë njerëzit “konsumatorë” të zgjuar të lajmeve.

Ndryshimet që u janë bërë “Hoaxy” dhe “Botometer” kanë për qëllim t’i bëjnë ato më të përdorshme nga gazetarët dhe lexuesit e nivelit mesatar.

“Hoaxy” është një motor kërkimi që u tragon përdoruesve se si lajme nga burime pak të besueshme shpërndahen në Tuiter. “Botometer” është një aplikacion që u jep përdoruesve një renditje në bazë të pëlqimeve që ka llogaria.

Funksionet e reja i japin mundësi përdoruesit të mësojë se cilat lajme janë trend në Tuiter, përfshirë këto edhe ato pak të besueshme. Po ashtu, ato tregojnë se sa prej atyre që po I shpërndajnë këto lajme mund të jenë “të dyshimtë”.

Fuksionet e reja u prezantuan në Simpoziumin Ndërkombëtar të Gazetarisë Online në Teksas nga Giovani Luca Ciampaglia, një studiues në IU Netëork Science Institute./TemA TV

Historiani Arben Llalla theksoi për INA se propozimi i emrit në gjuhën shqipe “Republika Ilindenase e Maqedonisë”, nuk shpreh karakterin shumëetnikë të Maqedonisë, por tregon shtetin unitar.

Sipas tij, “Ilindeni” (Dita Ilisë) është një emër i hidhur për popullsinë shqiptare, pasi në vitin 1903 kryengritësit maqedonas nën këtë emër masakruan shqiptarët myslimanë dhe ortodoksë.

“Mendoj se ky emër është shumë i rrezikshëm duke patur parasysh ngjarjet historike në lidhje me kryengritjen e Ilindenit të 1903 që kishte si synim kufirin e saj deri në Selanik dhe në Korçë. Emri Ilindeni ka një kujtesë të hidhur tek popullsia shqiptare pasi kryengritësit e Ilindenit masakruan shqiptarët mysliman dhe ortodoksë. Ishte pikërisht kryengritja e Ilindenit të 1903 që grekët dhe serbët të kryenin masakra edhe mbi popullsinë shqiptare të Maqedonisë Gjeografike”.

Sipas tij, emri Ilindenase është më afër historisë bullgare dhe shpreh irredentizmit e tyre ndaj fqinjëve grek, serb dhe shqiptar. “Mendoj se nuk do gjejë përkrahje emri i propozuar Republika Ilindenase e Maqedonisë”, theksoi historiani dhe publicist Llalla.