Aktualitet

Që kryeprokurorja Arta Marku ishte investim i SHBA-ve dhe ka gjithë mbështetjen e tyre kundër krimit nuk ka asnjë dyshim. Madje herë pas here lëshon mesazhe mjaft të qarta për politikën. Pak minuta më parë Ambasada Amerikane në Tiranë ka publikuar foton e Arta Markut dhe Drejtorit të Policisë së Shtetit Ardian Veliu gjatë takimeve që po zhvillojnë në Kroaci.

“Prokurorja e Përgjithshme Arta Marku dhe Drejtori i Policisë së Shtetit Ardian Veliu pozojnë në një foto grupi me Prokurorin e Përgjithshëm të Shteteve të Bashkuara Jeff Sessions dhe homologët e tyre nga rajoni, gjatë Seminarit mbi Krimin e Organizuar Ndërkombëtar në Zagreb, Kroaci. Seminari u organizua nga Programi i Ndihmës Tranuese për Investigimin e Krimit Ndërkombëtar (ICITAP) dhe Programi për Trajnim dhe Ndihmë Zhvillimi për Prokurorë Jashtë Vendit të Departamentit të Drejtësisë së Shteteve të Bashkuara. (Foto: Ambasada Amerikane në Zagreb)” , shkruhet në faqen e ambasadës./Pamfleti

Kolegji i Posaçëm i Apelimit njoftoi se ka regjistruar çështjen e ish-gjyqtarit të Gjykatës Kushtetuese Fatos Lulo.

Më herët Komisioni i Pavarur i Kualifikimit mori vendimin se gjyqtari nuk ka arritur të vërtetojë ligjshmërin e një pasurie prej 48 milionë lekë.
Kolegji i Posaçëm të Apelimit njofton:

“Në Kolegjin e Posaçëm të Apelimit është regjistruar çështja Nr.4/JR, datë 23.05.2018 që i përket ankimit të paraqitur nga subjekti i rivlerësimit z.Fatos Lulo për:
– prishje të vendimit Nr.12, datë 23.03.2018 të Komisionit të Pavarur të Kualifikimit dhënë ndaj subjektit zotit Lulo

– konfirmimin në detyrë të subjektit z.Lulo

Sot, në datën 24.05.2018 në Kolegjin e Posaçëm të Apelimit u hodh shorti për caktimin e trupit gjykues, kryesuesin e këtij trupi dhe relatorin e çështjes.

Trupi gjykues i caktuar me short është i përbërë si më poshtë vijon:
Kryesues: Luan Daci
Relator: Natasha Mulaj

Anëtarë: Albana Shtylla
Ardian Hajdari
Sokol Çomo

Në Itali dhe Francë ka shpërthyer debati, për planin e ndërtimit të një tuneli nëntokësor, që do të lidhë dy vendet.

Tuneli i gjatë 57 km, do të lidhë Lionin me Torinon.

Por ka debate për çmimin e tij.

Tuneli është parashikuar të kushtojë 8.5 miliardë euro, shumë kjo që konsiderohet shumë e lartë.

Në Shqipëri ndërkohë, Sali Berisha shpenzoi afërisht 1 miliard euro, për vetëm 5 km, për ndërtimin e tunelit të Kalimashit.

Ndërkohë që gjithë rruga prej 59 kilometrash tashmë me tunelin nga Rrësheni në Kalimash ka kushtuar gjithsej afërisht 1.5 miliardë euro.

Arsyet se përse tuneli kushtoi aq shumë, afër 1 miliardë euro që korrespondon me 70 përqind të gjithë shumës së rrugës nuk është e vështirë të kuptohen.

Vetëm shpenzimet për shembjen katër herë të tunelit kanë shkuar tek afër 200 milionë euro Deklarimi i fundi i shpenzimeve për vetëm një shembje pas përurimit të sforcuar ka qënë 60 milionë euro.

Një shifër të tillë dëmi për një tekë të Berishës e ka pranuar vetë firma ndërtuese e rrugës “Bectel Enka”, e cila këmbënguli se përurimi është i parakohëshëm.

Dhe atëhere askush nuk foli, ndryshe nga qytetarët e Francës dhe Italisë, që edhe pse dy nga superfuqitë e Europës, një shumë e tillë iu duket e lartë.

Imagjinoni t’ua bënte Berisha tunelin, sa do duhet të paguanin.

Vetëm për këtë krim Sali Berisha në një vend normal, me drejtësi normale dhe me shoqëri normale e ka hak burgun. Pa i shtuar krimet e tjera./Pamfleti

Deputeti socialist Erjon Braçe ka denoncuar kreun e Federatës së futbollit, Armando Duka dhe sekretarit të tij Ilir Shulku. Braçe shkruan në rrjetin e tij social se Duka dhe Shuklu po shkelin ligjin e pirjes së duhatit në ambjente të mbyllura.
Më tej ai i bën thirrje ministres që të marr masa për keta të ndëshkohen sepse nuk janë të paprekshëm.

Shkruan Erjon Braçe

KUSH MA KA ÇAKMAKUN? (Extra Time)

E nderuara Ministre!

A i njeh keta dy boset?

Po i identifikoj se nuk dua tu marr kohe;
Jane Armando Duka-ky djathtas, ish presidenti Federates Shqiptare te Futbollit por qe e mban ende kete post, Ilir Shulku-ky majtas, sekretari i ketij ne detyre.

Po pijne duhan ne nje ambjent publik, te mbyllur!
Shiheni pak, nuk jane as nga keto cigaret e holla por nga keto rrotullat e medha qe ju zene gjithe gojen e ndotin gati nje sallon te tere me tym te rende!
E nderuar Ministre!

Une di qe eshte ende ne fuqi ligji “Per mbrojtjen e  shendetit nga produktet e Duhanit”, Ligj me ndalesat e posacme per kete lloj zyrtaresh e jo vetem, shume me gjere se kaq!
Perse nuk zbatohet ligji per kete e nderuar Ministre?
Si ka mundesi qe ky, ka fituar nje status paprekshmerie ne raport me ligjin e qe i ka dhene te drejten ta shkel kurdo e sido?

As qe e coj ne mendje qe ky dhe, institucioni qe ka drejtuar e ben sikur e drejton, te jete shembull e model ne betejen e shendetshme kunder duhanit. Por refuzoj te pranoj qe ky te rrembeje nje imunitet ndaj ligjit!

Duhet te zbatohet ligji per kete, e nderuar Ministre!
E di, kete pune nuk e ben dot zyrtare me zyrtare, nje inspektoriat i kufizuar ne burime njerezore e logjistike.

Ashtu sic e di fare mire se ligji ngarkon edhe institucione e tjera per te zbatuar kete ligj.
Por, tu them te drejten, jam shume i bindur se askush tjeter vec jush, nuk i afrohet ti tregoje ligjin ketij tipi.

Beheni ju!
Beheni te paguaj sic ligji thote! Pra bejeni nje here e vetme kete qe te kuptoj se duhet te zbatoj ligjin, qe nuk eshte mbi ligjin, qe nuk e refuzon dot ligjin!

VO: shpresoj shume qe ky, te mos e kete ndezur rrotullen qe mban ne goje me cakmakun tim!!

Euro është në “rënie të lirë” dhe lajmi më i keq është për ata që mund të kenë euro për të kthyer në lekë ditën e sotme, pasi Euro këmbehet vetëm me 126.50 Lekë, ndërsa në blerje kap vlerën 127.4 Lekë.

Ky është një rekord i Euros që thyen atë të shkurtit 2009.

Sipas Scan në rënie shfaqet edhe paundi britanik, i cili ka zbritur në nivelin e 144 lekëve. Tregjet duket se po ecin në errësirë sa i takon kësaj valute, prej mungesës së të dhënave mbi politikën monetare të Bankës së Anglisë. Ndërkohë, fryma e skepticizmit sa vjen e shtohet me përparimin pa progres të negociatave për daljen nga Bashkimi Europian.

Ndërkohë, në rritje ditën e sotme është shfaqur dollari amerikan, i cili ka rifituar disa prej humbjeve të ditës së djeshme. Dollari këmbehet sot për 107.6 lekë në shitje dhe 108.5 lekë në blerje. Momenti pozitiv i valutës së SHBA ndjek ecurinë e tij ndaj shportës së valutave kryesore në tregje.

Sa i takon valutave të tjera, dollari australian dhe ai kanadez kanë rënë përkatësisht në 81 lekë dhe 83.4 lekë, ndërsa franga zvicerane ka fituar plot 1 pikë ndaj lekut krahasuar me ditën e djeshme, duke arritur në kuotën e 108.5 lekëve.

Sakaq monedha e cila po “shembet” është lira turke, e cila është zhvlerësuar ndjeshëm duke zbritur në nivelin e 22.4 lekëve, ndërkohë që javën e kaluar ishte në vlerat 24.37 lekë.

Ajo që ka paralajmëruar “Pamfleti” disa ditë më parë se Prokurorja e Përgjithshme Arta Marku do të marrë sitiatën në dorë në Shqipëri, me mbështetjen amerikane dhe të BE tashmë po realizohet hap pas hapi.

Pas një vizite të suksesshme të Kryeprokurores në Francë, takimeve të rëndësishme në këtë vend i cili është shumë i rezervuar, sidomos në marrëdhëniet me Shqipërinë, radha i ka ardhur konferencës dhe takimeve në Kroaci.

Arta Marku duket se i ka bindur organet ligjzbatuese të një vendi skeptik si Franca, se e ka seriozisht arrestimin e “Peshqve të mëdhenj” në Shqipëri dhe me mbështetjen e SHBA dhe vendeve anëtare të BE.
Dhe një garanci të tillë me sa duket Prokurorja e Përgjithshme e Shqipërisë e ka dhënë në mënyrë të qartë dhe të vendosur dhe në Zagreb.

Kështu Prokurorja e Përgjithshme e Shqipërisë Arta Marku po merr pjesë në një takim të rëndësishëm rajonal në kryeqendrën e Kroacisë, Zagreb. Në takim merr pjesë Prokurori i Përgjithshëm i Shteteve të Bashkuara të Amerikës, Jeff Sessions, Prokurorët e Përgjithshëm si dhe Drejtorët e Policive të gjashtë vendeve të Ballkanit Perëndimor. Takimi rajonal zhvillohet në Akademinë e Policisë në Zagreb në datat 23-25 maj 2018 për luftën kundër krimit të organizuar ndërkombëtar.

Zgjedhja e Kroacisë si një vend simbol në luftën kundër krimit dhe arrestimit të drejtuesve më të lartë të shtetit për korrupsion, duke filluar me ish kryeministrin Sanader, është një shenjë e qartë se kjo është dhe “receta kroate” dhe për Shqipërinë për arrestimin e “Peshqve të mëdhenj” sa më shpejt të jetë e mundur.

Prania e Kryeprokurorit amerikan dhe zgjedhja e goditjes së krimit të organizuar dhe zyrtarëve të lartë të lidhur me krimin në Shqipëri dhe në rajon, përkimi dhe me situatën në të cilën ndodhej Kroacia para hapjes së negociatave për në BE kur u arrestua kryeministri i atëhershëm Sanader, tregon qartë se dhe në Shqipëri po përgatitet sërish një situatë e tillë goditjeje ndaj krimit.

Shqipëria është në prag të hapjes së negociatave me BE dhe vetëm goditja e “peshqve të mëdhenj” ka mbetur si një nga elementët bazë për të hapur këto negociata, por dhe për të bindur euroskeptikët se Shqipëria e ka seriozisht luftën kundër krimit dhe pandëshkueshmërisë së zyrtarëve të lartë.

Me sa duket “kokat” e para që do të bien janë ato të ish kryeministrit Sali Berisha dhe e ish kryeministrit dhe Presidentit aktual Ilir Meta. Shoqëruar dhe me arrestime në radhët e ish ministrave dhe ministrave të të gjithë palëve politike, që kanë abuzuar dhe kanë qënë të lidhur me krimin në Shqipëri.

Në këtë situatë, Arta Marku me sa duket po përgatitet për goditje të fortë deri në momentin kur të ngrihet SPAK. Pas kësaj, sikurse ka paralajmëruar dhe “Pamfleti” Kryeprokurorja pritet të marrë në dorë drejtimin e një qeverie antimafia dhe antikrim, të përbërë nga teknicienë dhe të mbështetur fort që në krye të herës nga SHBA dhe BE. Kjo qeveri antikrim do të zhbëjë këtë politikë që nuk ka lënë maskarallëk pa bërë në kurriz të shqiptarëve për 28 vite me radhë dhe që nuk largohet ndryshe nga skena./Pamfleti

Opozita është duke u përpjekur që të organizojë një protestë të madhe në 26 maj për t’i treguar shqiptarëve dhe ndërkombëtarëve se sa të mërzitur janë qytetarët me qeverinë e Edi Ramës, e cila deri më tani ka dy ministra të lidhur me trafikun e drogës.

Në deklaratat e tij për protestën, Lulzim Basha ka qenë mjaft i kujdesshëm që të theksojë faktin se bëhet fjalë për një protestë të paqtë duke nxitur edhe deputetët e tjerë që të ruajnë qetësinë dhe të mbledhin sa më shumë pjesëmarrës.

Në këtë linjë ishte edhe deklarata e deputetit demokrat Oerd Bylykbashi, i cili tha dje se do të dilte me familjen e tij në protestë.

Lulzim Basha është përsoni më pak i interesuar që protesta e 26 majit të jetë e dhunshme në një periudhë kur qeveria Rama ka hyrë në një proces konsumimi të shpejt për shkak të arrogancës, raporteve me krimin, rritjes së kostos së jetesës, punësimit të militantëve dhe mbi të gjitha, humbjen e shpresës së qytetarëve.

Basha e di këtë dhe di gjithashtu interesin e ndërkombëtarëve që Shqipëria të jetë stabël në një rajon ku rreziku i destabilitetit është i madh edhe për shkak të presionit rus.

Por, dikush tjetër nuk është i interesuar për protesta paqësore dhe ai e ka bërë të qartë këtë edhe në daljet e tij publike.

Sali Berisha flet për revoltë popullore dhe jo protestë duke dhënë sinjalet se organizimi i së shtunës të mos jetë paqësor.

Ironikisht protesta e së shtunës përkon me 26 majin 1996, datën e zezë të demokracisë shqiptare ku për herë të parë u aplikua dhe legjitimua vjedhja e votës.

Ndryshe nga Basha, Berisha është më agresiv ndaj maxhorancës dhe zhvillimeve të fundit. Burgosja e Gruevskit ishte precedenti më i fundit se si ish-liderët futën në burg pasi kanë rënë nga pushtet për shkak të abuzimeve të bëra në periudhën kur ishin “mbi kalë”.

Predecenti i Gruevskit duket i rrezikshëm, prandaj edhe Berishës i duhet një acarim i situatës deri në atë pikë sa opozita të djegë mandatet duke ftuar ndërkombëtarët që t’a zgjidhin më pas çorbën e gatuar në Tiranë. /albeu.com/