Aktualitet

Mbrëmjen e kaluar një aksident fatal i ka marrë jetën drejtuesit të njësisë operative në Gardën e Republikës Martin Nika. Sot familja, miq e të afërm i japin lamtumirën e fundit major Nikës, ndërsa homazhet për të nderuar figurën e tij zhvillohen në ambientet e Gardës së Republikës.

Po kush ishte Martin Gjek Nika?
Ai lindi më 1.1.1968 në Shkodër. Ndoqi arsimin e lartë në Akademinë e Edukimit Fizik dhe Sporteve “Vojo Kushi”, në specialitetin për sportet ndeshës e kalitëse, diplomuar më 2004.
Më 15.09.1996 doli fitues i vendit të parë në peshën 91 kg në Kampionatin 22 Kombëtar të Boksit për të rritur.

Më 6.9.1998 ka fituar vendin e parë në peshën 91 kg në Kampionatin Kombëtar të Boksit për të rritur.
Kreu kursin për sigurimin e VIP-ave në Qendrën për kërkime Policore në Egjipt nga data 3.7.2007 deri më 28.7.2007.

Po ashtu kreu kursin themelor të oficerit të Shtabit prej datës 13.9.2010 deri më datë 17.12.2010.
Nga data 3.10.2016 deri më 24.11.2016 ndoqi kursin e kualifikimit të oficerëve me arsim të lartë jo policor të Gardës së Republikës, në Akademinë e Sigurisë.

Më 16.3.1990 titullohet nënoficer aktiv, merret efektiv në strukturat e Gardës së Republikës, emërohet me detyrë Komandant skuadre në Kompaninë Operative.
Më 16.5.2002 emërohet me detyrë snajper në skuadrën e përzier në Kompaninë Operative.
Më 1.2.2005 titullohet oficer aktiv, emërohet me detyrë Komandant i Grupit të përzier, në Kompaninë Operative.

Më 1.7.2006 emërohet me detyrë Komandant Grupi në Njësinë Speciale.
Më 1.9.2009 emërohet me detyrë Komandant Grupi në Njësinë e Ndërhyrjes së Shpejtë.
Më datë 1.10.2010 emërohet me detyrë Specialist për përgatitjen fizike e profesionale në Njësinë Speciale.

Më 1.7.2012 riemërohet me detyrë Specialist për përgatitjen fizike e profesionale në Njësinë Speciale.
Ndërsa aktualisht ishte drejtues i njësisë operative në Gardë me gradën e oficerit, major.

Martin Nika, ka qenë një nga efektivët e gardës i vendosur brenda oborrit të brendshëm të Kryeministrisë në protestën e 21 janarit.

Ai u përplas mbrëmjen e kaluar nga një makinë kur sapo kishte kontrolluar shërbimet e Gardës. Policia arrestoi si autorin e dyshuar të ngjarjes, një 31-vjeçar.

Nje dite me pare ne nje interviste televizive ai tha se do te bente vetegjyqesi nese nuk gjente drejtesi.

Pavllo Mihali, babai i Marvit qe mbeti i vrare me thike pas sherrit banal per një karikues telefoni në datë 31 korrik 2017 ka denoncuar në prokurorinë e Krimeve të Rënda prokurorin e çështjes Artan Lulaj, dy gjyqtarët Bedri Qorri dhe Sokol Pasho dhe oficerin e policisë gjyqësore Kliton Zharri.

Ne kallëzimin qe ka bere, Mihali akuzon se ata kanë marrë ryshfet për të liruar nga burgu 3 nga 4 të rinjtë e arrestuar për vrasjen e djalit të tij. Sipas tij, prokurori dhe gjyqtarët këmbyen gjakun e tij me shumat me para që morën. Në një pjesë të denoncimit, Pavllo Mihali shprehet se i kanë paraqitur provat prokurorit të cështjes, por sipas tyre ai u ka thënë se “Kam gabuar, dhe ju shkoni ku të doni, se unë nuk pyes njeri”.

Letra e Mihalit me denoncimin i është dërguar edhe Kryeprokurores Arta Marku, Komisionit të Pavarur të Kualifikimit dhe Ambasadës së SHBA. Në datë 11 maj u liruan nga burgu Eugen Bitraj, Kridens Alla dhe Marsel Alla, ndërsa i vetmi që po qëndron në qeli është Dejvi Bitraj, i cili sipas prokurorisë së Tiranës rezulton të jetë njeriu i vetëm që ka qëlluar me thikë në zemër Marvin Mihalin.

Pak ditë më parë u ndryshua prokurori i cështjes dhe dosjen e mori në dorë Gjergji Tako, i cili kërkoi ndryshimin e masës së sigurisë për 3 të rinjtë e liruar.
Ai kërkoi që të rikthen në burg, ndërsa pritet vendimi i gjyqtares Shefkie Demiraj. Mbrëmjen e djeshme i ati i të riut që u vra u shpreh se nëse nuk do të vendoset drejtësia për djalin e tij, ai do të bëjë vetëgjyqësi.

Marrëveshja për Bashkëpunimin ndërmjet Shqipërisë dhe Eurojust-it si dhe forcimi i mëtejshëm i bashkëpunimit ishte ne qender te takimit qe ministrja e Drejtësisë, Etilda Gjonaj pati me Presidentin e EUROJUST, Ladislav Hamran.

Miratimi i kësaj marrëveshje nga Këshilli i Ministrave në një kohë të shkurtër u vlerësua shprehje e vullnetit dhe angazhim maksimal për të luftuar krimin e organizuar transnacional nëpërmjet bashkërendimit të hetimit dhe ndjekjes penale.

Marrëveshja me EUROJUST ka si qëllim përmirësimin e bashkëpunimit gjyqësor, si dhe lehtësimin e bashkërendimit të hetimeve dhe ndjekjeve penale, që shtrihen në territorin e Republikës së Shqipërisë, dhe një ose më shumë shteteve anëtare të Bashkimit Evropian.

Presidenti i EUROJUST vlerësoi maksimalisht vullnetin e Qeverisë Shqiptare për bashkërendimin e hetimeve dhe të ndjekjes penale me vendet anëtare të Bashkimit Evropian siç edhe u tregua nëpërmjet miratimit një kohë të shpejtë në parim të kësaj marrëveshje.

Më tej ai u shpreh që intensifikimi i kontakteve dypalëshe do të sjellë zhvillimin e mëtejshëm të marrëdhënieve ndërmjet EUROJUST dhe Shqipërisë.

Presidenti, deklaroi që reformat që ka ndërmarrë Shqipëria, veçanërisht reforma në sistemin e drejtësisë, siç edhe është vlerësuar nga Komisioni i Bashkimit Evropian, është shpresëdhënëse.

Presidenti u shpreh i gatshëm për të mbështetur përpjekjet e Shqipërisë për të zhvilluar marrëdhëniet juridiksionale me jashtë. Gjithashtu, ai përmendi edhe lehtësirat që i krijohen hetimeve gjyqësore Shqiptare nëpërmjet anëtarësimit në EUROJUST.

Në përfundim, Presidenti shprehu mbështetjen maksimale për forcuar bashkëpunimin me Shqipërinë si dhe u angazhua personalisht për të transmetuar në shtetet anëtare dhe veçanërisht në Holandë zhvillimet që kishte arritur Shqipëria në këtë fushë.

Ministrja e Drejtësisë, Gjonaj, e cila në këtë takim ishte e shoqëruar edhe nga Drejtori i Marrëdhënieve Juridiksionale me Jashtë në Prokurorinë e Përgjithshme, Arqile Koce, deklaroi se për Ministrinë e Drejtësisë bashkëpunimi gjyqësor është shumë i rëndësishëm për shkak se lejon hetime efektive në një kohë të shkurtër.

“Ministria e Drejtësisë është e gatshme për të bashkëpunuar jo vetëm me EUROJUST, por me çdo autoritet tjetër gjyqësor me qëllim që të tregojmë rezultate konkrete në luftën kundër krimit të organizuar dhe parandalimit të pastrimit të parave”, tha Ministrja Gjonaj.

Në përfundim të takimit, të dy palët ranë dakord për miratimin e një plani me masa për zbatimin sa më parë të marrëveshjes së bashkëpunimit dhe veçanërisht në forcimin e bashkëpunimit gjatë periudhës tranzitore deri në hyrjen në fuqi të marrëveshjes.

Ditën e sotme u zyrtarizua lajmi se ambasadori amerikan në Tiranë do të largohet nga Shqipëria, pasi do të marrë detyrën e re në një shtet tjtër, në Kirgistan.

Por fatin e tij duket se do ta ketë edhe ambasadorja e Bashkimit Europian, Romana Vlahutin. Flokëkuqes ashtu si kolegu i saj, Lu i përfundon mandati.

Vlahutin në fakt i mbaron mandati pas disa muajsh, por portalet pranë Berishës dhe Bashës e kanë nxjerrë lajmin në një ditë me atë të Donald Lu, për të krijuar idenë se ata nuk po largohen se po iu mbaron mandati, por si ndëshkim për qendrimet që kanë mbajtur në Shqipëri.

Të dy këta ambasadorë u kthyen në personazhet kryesorë të politikës shqiptare, për shkak të imponimit të tyre për reformën në drejtësi, që pritet të ndëshkojë politikanët e niveleve të larta në vendin tonë.

Në portale ndërkohë, ka nisur të qarkullojë dhe emri që pritet të zëvendësojë Vlahutin.

Ai është Luigi Soreca.

Kush është italiani

Soreca është Drejtor për Sigurinë në DG HOME.

Drejtoria e tij kontribuon në objektivin e Unionit për të ofruar një nivel të lartë sigurie për qytetarët evropianë dhe rrjedhimisht në fushën e drejtësisë, lirisë dhe sigurisë.

Ai dhe ekipi i tij kanë për detyrë implementimin e axhendës Evropane për Sigurinë, të përcaktimit dhe zhvillimit të aktiviteteve nga praktikat më të mira në legjislacion, luftën kundër terrorizmit, krimit të organizuar, korrupsionit dhe krimeve të tjera të rënda, promovon bashkëpunimin në zbatimin e ligjit në nivel evropian, edhe me ndihmën e EUROPOL e CEPOL.

Drejtoria është përgjegjëse edhe për zhvillimin e politikave anti-drogë, edhe me ndihmën e EMCDDA.

Falë përvojës në Çështjet Ndërkombëtare dhe Partneritetit të Lëvizjes, Luigi Soreca negocioi dhe përfundoi Partneritetin e Lëvizjes me Marokun e Tunizinë më 2012-2013 dhe ka qenë në krye të koordinimit të Dialogut për Liberalizimin e Vizave me vendet e Ballkanit Perëndimor, brenda kuadrit të Partneritet Lindor dhe me Federatën Ruse.

Ai ishte përgjegjës për menaxhimin dhe implementimin e Përqasjes Globale për Migracionin dhe Lëvizjen (GAMM) si dhe për aspekte të tjerë ndërkombëtarë të migracionit.

Zoti Soreca ka dhënë leksione ligji në Universitetin L.U.I.S.S në Romë dhe ka punuar për Ministrinë e Brendshme të Itaisë për gjashtë vjet para se të bashkohej me Komisionin më 1998. Ai flet rrjedhshëm italisht, frëngjisht, anglisht e spanjisht.

Deputetja demokrate Jorida Tabaku, në prag të protestës së të shtunës, ka nisur takimin derë më derë me qytetarët e Tiranës.

Tabaku i ka ftuar qytetarët që të bashkohen me protestën e opozitës.

Me anë të një postimi në rrjetet sociale, Tabaku shkruan se është njohur me gjendjen e tyre të vështirë sa i përket aspektit ekonomik.

Deputetja demokratë ka vënë alarmin për bizneset që kanë ulur qepenët, për shkak të trefishimit të taksës së lartë dhe jo vetëm.

“Sot u takova me bizneset dhe qytetarët që banojnë në zemër të Tiranës. I ftova të bashkoheshin me protestën e opozitës dhe ishin ata që më treguan se përse do te vinin neser në protestë”, ka shkruar Tabaku në rrjetet sociale.

Postimi i plotë

Sot u takova me bizneset dhe qytetarët që banojnë në zemër të Tiranës. I ftova të bashkoheshin me protestën e opozitës dhe ishin ata që më treguan se përse do te vinin neser në protestë.

Të gjendur përballë trefishimit të taksës së pronës, rritjes së taksave, futjes së biznesit të tyre në zinxhirin e TVSH u aka bërë më të vështirë biznesin. Tatimorët rë cilët trokasin përditë në dyert e tyre dhe kërkojnë rryshfetin janë një taksë ekstra e qeverisë.

Biznese që mbyllen, familje që nxjerrin më pak të ardhura dhe shpenzojnë më shumë. Kjo ishte gjendja që përshkruan vetë bizneset ndërsa o ftoja të bashkoheshin me ne ditën e nesërme. Ndërkohë që qytetarët apo klientët e pakët ankoheshin se kishin gjithnjë e me pak të ardhura. Rrogat e ulëta, papunësia e madhe është ajo që po vret ekonominë e gjithsecilit prej nesh.

Mafia e drogës, e abuzimit me pronat e patundshme dhe e të gjitha maskarallëqeve tjera në Shqipëri është vënë në alarm pas thellimit të hetimeve për dosjet e rënda të cilat presin të shkojnë në gjykatë dhe të ‘përkthehen’ në vite burgu për abuzuesit.

Dhe jo pa qëllim prokuroria e Durrësit ka rënë pre e grabitjes gjatë natës së pardjeshme, ku dyshohet se janë marrë disa dosje korrupsioni nga zyra e një prokurori e një oficeri të policisë gjyqësore.

Organi i Akuzës së Durrësit është grabitur për herë të dytë brenda muajit maj, ndërsa është një ndër organet më të rëndësishme të drejtësisë, teksa ka iniciuar një sërë dosjesh të bujshme.

Prokuroria e Durrës ka hetuar dosjen e ish-kryeprokurorit Adriatik Llalla, e cila vetëm pak kohë më parë është transferuar te Krimet e Rënda, ndërkohë që një pjesë e provave ende nuk janë transferuar në Tiranë dhe gjenden në Prokurorinë e Durrësit.  Madje dhe posta atje shkon.

Një tjetër dosje e rëndësishme e hetuar nga Prokuroria e Rrethit Gjyqësor Durrës është edhe ajo e çiftit Gina-Gashi, çiftit të “artë” të prokurorëve të kohës së Adriatik Llallës.

Prokurorët Dritan Gina dhe Rovena Gashi, kjo e fundit krahu i djathtë i ish kryeprokurorit Adriatik Llalla dhe praktikisht njeriu më i fuqishëm në organin e akuzës për pesë vite me radhë, kanë qenë subjekt hetimi në këtë institucion, deri pak ditë më parë, kur dosjet e tyre kaluan në Prokurorinë e Fierit.

Dhe këtu kanë prova dhe fakte të patransferuara ende nga Durrësi në Fier.

Gjithashtu, Prokuroria e Durrësit ka në dorë një tjetër dosje mjaft me rëndësi, siç është ajo e abuzimit me pronat dhe plazhet publike në Ishëm, ku u arrestuan dhe katër ish-zyrtarë të shtetit, mes të cilëve dhe ish-kryetari i Komunës Ishëm.

Dosja e 613 kg kokainë të kapura në Maminas, e cila ditët e fundit është kthyer në vëmendjen e politikës, po hetohet nga Prokuroria e Durrësit.

Vetëm pak ditë më parë, kryeministri Edi Rama bëri një deklaratë të fortë, teksa u shpreh se zyrtarët më të lartë të PD kanë lidhje me 613 kg kokainë.

Këto dhe shumë dosje të tjera të bujshme kanë kaluar apo po kalojnë në duart e prokurorëve të Prokurorisë së Durrësit, të cilët po tentojnë të hedhin dritë mbi dosjet e trafikut të drogës së rëndë kokainë me Kolumbinë, abuzimeve e korrupsionit, ku të përfshirë janë zyrtarë të lartë të shtetit.

Pikërisht këta zyrtarë të lartë, e cilësuar ndryshe dhe “mafia me kollaro” është shumë e interesuar për zhdukjen e këtyre provave dhe fakteve në ngarkim të tyre.

Agron Kuliçi ish badigardi i Berishës njëherësh dhe ish zv.drejtor i Policisë së shtetit dhe me lidhje të forta në polici dhe në rrjetet e trafikut të drogës, në emër dhe të shefave të tij dyshohet se është më interesuari për zhdukjen e këtyre dokumenteve.

Pasi dhe deklarata e pamatur e Edi Ramës se pas 613 kilogramë kokainë kolumbiane të kapur në Durrës qëndrojnë zyrtarë të lartë të PD e ka trazuar situatën dhe aktivizuar krimin.

Njëherësh dhe Adriatik Llalla që ka njerëzit e tij të rëndësishëm tek posta e Prokurorisë, është i interesuar për të zhdukur prova nga Prokuroria e Durrësit. Pa përjashtuar dhe pushtetarët aktualë, për të cilët do të flasim në ditët në vijim, si mafia e pronave përfshirë dhe Spitallën.

Ndaj mafia e politikës dhe e shtetit është aktivizuar për të zhdukur provat dhe bastis herë pas herë prokurorinë kryesore, atë të Durrësit./Pamfleti