Aktualitet

Ekzaminimi i audio përgjimit të realizuar në të cilin supozohet se është regjistruar një bisedë mes Albert Veliut dhe Agron Xhafajt, i dërguar nga autoritetet shqiptare në Itali, do të ekzaminohet në Institutin e Policisë Shkencore në Romës.
Laboratorët dhe ekspertët kriminalistë në këto Institut vlerësohen si nga më të përparuarit.

Ai vlerësohet nga ekspertët kriminalistë si një nga më të mirët për ekzaminimin e regjistrimeve audio dhe video.

Pajisjet e instaluara në këtë laborator vlerësohen për nga rëndësia dhe saktësia të barabartë me pajisjet e FBI-së amerikane.

Edhe ekspertët në këtë laborator cilësohen nga më të specializuarit për regjistrimet audio.

Për këtë shkak mësohet se edhe ministria italiane e Drejtësisë ka vendosur që ekzaminimin shkencor të audio përgjimit të supozuar mes Albert Veliut dhe Agron Xhafajt ta kryejë në këtë laborator.

Edhe përgjigjet pritet të mos vonojnë nga autoritet italiane për hedhur më tepër dritë mbi audio përgjimin ku pretendohet se është regjistruar vëllai i ministrit të Brendshëm.

Banorët e një lagjeje në Golikë të Pogradecit kanë dalë kundër një firme që po ndërton rrugën Qukës – Qafë Plloçë. Ata pretendojnë që firma po kryen shpërthime me tritol dhe kjo u ka dëmtuar rëndë shtëpitë.

Tavane të çarë dhe gurë që kanë rënë në mes të shtëpive.  Xhamat e dritareve të thyera dhe banorë të frikësuar.

Ne po rrinim këtu brenda dhe dolëm përjashta, kur dolëm përjashta dëgjuam një krismë, se nga nga binin se nga shkonin, fëmijët përjashta”.

Më shumë se dhjetë familje të lagjes Brezovicë në Golikë të Pogradecit po përjetojnë orë të vështira.

“Cupa gjumë në krevat ata  gurë përsipër.

Të shtunën ata kanë dëgjuar një shpërthim të fuqishëm dinamiti. Për këtë akuzojnë firmën që po ndërton rrugën Qukës – Qafë Plloçë.

“Të gjithë u lumturuam për ndërtimin e  rrugës, se shpëton zona, po jo kështu të vritemi”

Në fushë shikohen ende kallëpe eksplozivi të paplasura. Banorët dolën në protestë dhe kërkojnë ndihmë. Ata thonë se janë të rrezikuar.

“Nuk mendoja për shtëpinë, por mendoja  vetëm për fëmijët”.

“Nuk po llogaris dëmet në shtëpi, shqyr shpëtuam”.

“Sot do të ishte ditë zie, Zoti është i madh që shpëtuam”.

Kryetari i Njësisë Administrative Proptisht Gëzim Alla thotë se policia është vënë në dijeni dhe po bëhen hetimet.

“Ka ndodhur shpërthim masiv janë shpërndarë në ajër copa gurësh, dhe më e këqja është se nuk është lajmëruar asnjë nga banorët e kësaj lagjeje”. /abcnews.al

Të gjithë ata qytetarë që kanë mbushur moshën për të dalë në pension, kanë mundësi të përfitojnë një masë më të lartë pensioni deri në 6%, nëse vijojnë të paguajnë kontributet. Kështu, nëse një person ka dalë në pension e i është caktuar që në bazë të viteve të punës me sigurime të marrë një pagesë pensioni prej 18 mijë lekësh të reja në muaj, atëherë mund të marrë shtesën me 6% nëse vijon të paguajë kontributet për 12 muaj të tjerë.

Sipas llogaritjeve, pas një viti, masa e pensionit do të rritet edhe me 1800 lekë më shumë. “I siguruari, i cili ka plotësuar kushtet për pension pleqërie, merr shtesë në masën 0,5 për qind të pensionit për çdo muaj që shtyn datën e daljes në pension dhe vazhdon të paguajë kontribute”, – theksohet në ligjin “Për Sigurimet Shoqërore”. Më tej në këtë të fundit bëhet me dije se nëse përfituesi i pensionit të pleqërisë, që ndërpret pensionin, vazhdon të punojë dhe paguan kontribute, merr shtesë mbi pension në masën 0,5 për qind për çdo muaj ndërprerjeje. Kjo shtesë, sipas ligjit, llogaritet mbi atë masë pensioni që rezulton pas rritjeve dhe indeksimit që ka pësuar pensioni gjatë kohës së ndërprerjes.

Procedura, lehtësirat
Ndërkaq, Instituti i Sigurimeve Shoqërore thekson se në funksion të lehtësimit të procedurave, qytetarët do e kenë më të thjeshtë për tërheqjen e kërkesave dokumentare, për aplikim për shërbimet e ofruara nga sigurimet shoqërore. “Sqarojmë se mbështetur në VKM nr. 495, datë 13.09.2017 ‘Për miratimin e rregullave të përfitimit të shërbimeve publike elektronike’,

Agjencitë Lokale të Sigurimeve Shoqërore, për të gjitha shërbimet që ofrojnë dhe pranojnë dokumentacion nga qytetarët nuk do të kërkojnë prej tyre depozitimin e dokumenteve të mëposhtme: të gjitha llojet e certifikatave që gjenerohen nga sistemi i gjendjes civile, dëshmi penaliteti, dokumente të cilat gjenerohen nga strukturat e sigurimeve shoqërore”, – nënvizon ISSH. Kjo e fundit bën me dije se në çdo rast, punonjësit, të cilët do të aksesojnë të dhënat mund ta realizojnë këtë vetëm pasi të jenë pajisur me autorizim me shkrim nga ana e aplikuesit për këtë qëllim.

Përpunimi i të dhënave të përfituara nëpërmjet aksesit të drejtpërdrejtë kryhet në përputhje me legjislacionin në fuqi për mbrojtjen e të dhënave personale. Dokumentacioni do të gjenerohet nga portali ‘e-Albania.al’ dhe nga ndërveprimi i bazës së të dhënave të sigurimeve shoqërore me institucionet e tjera shtetërore. “Gjithashtu, theksojmë se për sa u përket dokumenteve apo vërtetimeve për përdorim jashtë vendit, deri në një moment të dytë, kërkesa për këto dokumente do të vazhdojë të kryhet nëpërmjet Postës Shqiptare sha, drejtuar Institutit të Sigurimeve Shoqërore”, thotë Instituti i Sigurimeve Shoqërore.

Pak ditë pas intervistës me deklarata dhe akuza te forta ndaj prokurorit te çështjes, së babait të Marvit, Pavllo Mihalit, me angazhimin e kryeprokurores Arta Marku, u plotësua kërkesa e tij për ndryshimin e prokurorit te çështjes qe kishte në hetim vrasesit e te birit.

Ndërkohë “Panorama” mëson se prokurori i ri Gjergj Tako riformuloi akuzën “për vrasje ne bashkëpunim” dhe jo “moskallezim krimi”.

Sakaq, Gjykata e Tiranes sot ka ndryshuar akuzat per tre personat që u arrestuan e me pas u lane te lire, ne gjyqin per vrasjen e te riut Marvi Mihali, per nje karikues telefoni.

Ne një prononcim per mediat, i ati i Marvit, Pavllo Mihali ka deklaruar: “Presim të vendoset drejtësia plotësisht”.

Marvi Mihali u vra më thikë në korrik të vitit 2017, edhe pse konflikti i lindur nuk kishte lidhje fare me të.

Më 11 maj, Gjykata e Tiranës la te lire tre prej te akuzuarve qe ishin arrestuar pas krimit, konkretisht, te Eugen Bitrajt, Kridens Alla dhe Marsel Alla.

Lirimi i tre prej të akuzuarve solli edhe reagimin e ashpër të nënës së Marvi Mihalit nëpërmjet rrjeteve sociale. Nderkohe qe i ati, shpertheu ne akuza te fora ndaj prokurorit, per lirimin e vrasesve te te birit, duke bere edhe nje padi.

Ish-ministri i Brendshëm Saimir Tahiri fiton lirinë. Tahiri do të gjykohet në gjendje të lirë në lidhje me hetimin e nisur ndaj tij për trafik të drogës në bashkëpunim me banda kriminale.

Vendimi u mor sot nga Gjykata e Apelit, e cila shfuqizoi dy vendime të gjykatave, për arrest me burg dhe masën që Tahiri kishte së fundi deri ditën e sotme, atë të arrestit shtëpiak.

Kështu, pas dy javëve në arrest shtëpie, ish-ministri Tahiri do të jetë i lirë.

Avokati Maks Haxhia në një prononcim për mediat, pas seancës të mbajtur për mbi dy orë pa praninë e gazetarëve tha se “përfundimisht zoti Tahiri është pa masë”

“Prokuroria mbështeti qëndrimin e prokurorisë së shkallës së parë

Ishte një fitore sepse ka një praktikë të zgjeruar të gjykatës, që përcakton rastet dhe kriteret kur merret një masë sigurie”, tha avokati.

Maks Haxhia: Vendimi përfundimtar i gjykatës ishte shfuqizimi i vendimit nr 97 datë 12 maj 2018 dhe vendimit 101 datë 15.5.2018 ku u vendos masa e arrestit të shtëpisë dhe momentalisht Tahiri është pa masë sigurie.
Pyetje: Kush ishte qëndrimi i Prokurorisë në këtë rast?
Maks Haxhia: Prokuroria mbështeti qëndrimin e Shkallës së Parë.
Pyetje: Fitoni dy herë përballë një vendimi të gjykatës së shkallës së parë për krime të rënda, keni zhbllokuar pasaportën dhe keni hequr masën e sigurisë, keni një koment pse është bërë kjo?
Maks Haxhia:  Pavarësisht se kjo është një reklamë, unë nuk kam më moshë për reklamë. Unë nuk do ta quaja fitore, për mua ishte një fitore për konsolidimin e praktikës lidhur me masat e sigurisë sepse ka një praktikë të zgjeruar të Gjykatës Europiane të të Drejtave të Njeriut dhe Kolegjit të Bashkuar të Gjykatës së Lartë që përcakton qartë, krieteret e përgjithshme dhe të posaçme kur merret një masë sigurie.
Pyetje: Si e bazoi prokuroria kërkesën e saj për arrest me burg ndaj Saimir Tahirit?
Maks Haxhia:  Unë e thashë edhe herën e kaluar, Gjykata e Shkallës së Parë mori një vendim të ndërmjetëm, bazuar në kërkesën e Prokurorisë që kërkonte arrest me burg mbi po të njëjtat materiale që kanë qenë prezente gjatë gjithë kohës në hetim.
Pyetje: Prokuroria ka bërë rekurs për çështjen e pasaportës së Tahirit…
Maks Haxhia:   Ajo çështje është akoma në Gjykatën e Lartës, është procesi disi më i veçantë sepse është seanca seleksionuese nëse ka rrethana për të kaluar në gjyq apo jo. Deri tani mesa e kemi ndjekur nuk ka asnjë veprim lidhur me seancën seleksionuese.
Nëse do të ketë këto prova që flitet deri tani janë paraprise të një vendimi lidhur me pafajësinë e zotit Tahiri.
Ne bëjmë vetëm kundërshtimin e këtyre provave, në referencë me vendimin e gjykatës së Apelit të datës 26 dhjetorit që e shfuqizonte ndalimin e daljes së zotit Tahiri jashtë shtetit, sollëm praktikën e Gjykatës së Lartë, praktikën e Gjykatës së të Drejtave të Njeriut, gjithashtu i bëmë me dije gjykatës së këto prova nuk janë të reja dhe nuk kanë sjellë asnjë fakt.

Letërporositë nga Greqia dhe Italia
Maks Haxhia:Të dy letërporositë janë konfirmim i veprimeve të fiksuara në proces, nuk kemi ndonjë të re, kanë të bëjnë me lëvizjet e zotit Tahiri dhe familjes së tij për të kaluar pushimet. Një letër tjetër ka të bëjë me pronarin e shitësit të hugobos të kostumit i cili pasi ui njoh me portretin e zotit Tahiri konfirmoi që nuk e njifte dhe duke parë regjistrin e shitjeve  nuk figuronte që në datat që flitet të ishte shitur kostum. Edhe shitësi i bizhuterive pasi u paraqit fotografia konfirmoi që nuk e njifte Tahirin. Konfirmoi një shitje që është bërë në masën 5 mijë euro, por jo vetëm dy byzylyk, por disa bizhuteri.

Tahiri në pritje të ekzekutimit të vendimit
Maks Haxhia: Zoti Tahiri është duke pritur urdhërin e ekzekutimit sepse çdo vendim i jepet prokurorit dhe ai i nxjerr urdhërin e ekzekutimit për ta liruar.