Aktualitet

Kryetari i Partisë Demokratike, Lulzim Basha, ka mbledhur grupin parlamentar ndërsa pas grupi menjëherë ka zhvilluar takim me aleatët.

Këto mbledhje vijnë pas protestës të së shtunës dhe do të vendoset se si do të vijojë aksioni opozitar.

Paralalelisht grupin parlamentar e ka mbledhur edhe Lëvizja Socialiste për Integrim. Në fokus të kësaj mbledhje ishte diskutimi për situatën aktuale dhe qëndrimet e mëtejshme të opozitës, raporton BalkanWeb

Në mbledhjen e grupit të PD po diskutohet, nëse duhet të bojkotohet parlamenti pas mbrojtjes së  Xhafës nga Rama.

Pjesë nga debati

Noka: Ne duhet të shkëputemi nga ky parlament. Ramës ia dhamë kohen e duhur për Xhafën.

Klevis Balliu: Qytetarët na kërkojnë të mos jemi në parlament, sepse aty bëhet teatër.

Noka: Hapi i vetem që na mbetet është bojkoti.

Spahia: Shqiperia nuk mund të bëjë përpara me dy ministra të Brendshëm të lidhur me drogën. Ka ardhur koha që të marrim seriozisht nën konsiderate opsionin e bojkotit të parlamentit.

Edhe deputetë të tjerë po flasin në perkrahje te opsionit te bojkotit. Endri Hasa eshte pro bojkotit

Pas ndalimit të Albert Veliut ditën e sotme në Kosovë, “Panorama” mëson se nuk ka asnjë urdhër ndalimi për të ashtëquajturin “Dëshmitari X”.

Burime për “Panorama” pohojnë se “Në dijeninë tonë si Prokurori e Përgjithshme nuk ka. Prokuroria për Krime të Rënda po kryen hetime në procedimin penal Nr. 95/2018 regjistruar për veprën penale të “Trafikimit të narkotikëve” parashikuar nga neni 283/a i Kodit Penal. Ndaj shtetasit Albert Veliu nuk ka urdhër ndalimi apo urdhër për ekzekutimin e ndonjë vendimi të Gjykatës për Krime të Rënda.”

Gjatë paradites së sotme, mediat kosovare njoftuan se Veliu ishte ndaluar në Shtime, bashkë me të birin, ndërsa është ndaluar dhe marrë në pyetje nga policia kosovare.

Ndërkohë burime për “Panorama” bëjnë me dije se Veliu është njohur dhe më pas ndaluar nga autoritetet e policisë së Kosovës. Më pas është kontaktuar me Krimet e Rënda të Shqipërisë, nëse ka pasur ndaj tij ndonjë urdhër ndalimi apo jo.

Ndalimi mësohet se është bërë me iniciativën e policisë së Kosovës, ndërkohë që mësohet se ndaj tij nuk ka ndonjë urdhër ndalimi për kalim kufijsh.

Ish ministri i Brendshëm Saimir Tahiri ka fituar lirinë. Gjykata e Apelit të Krimeve të Rënda ka shfuqizuar masën e sigurisë “arrest me burg”.

Treshja e gjyqtarëve me kryesuese Saida Dollani dhe anëtarë Sokol Binaj e Fehmi Petku kanë shfuqizuar vendimin e Krimeve të Rënda, duke  bërë që Tahiri të triumfojë për të dytën herë pas rimarrjes së pasaportës së bllokuar.

Hetimet ndaj Tahirit do të vijonë në gjendje të lirë.

Seanca ndaj ish-ministrit Tahiri nisi rreth orës 13:10, ndërkohë kërkesa për rivlerësimin e masës ishte paraqitur një javë më parë nga avokati Haxhia.

Më herët, Avokati i Saimir Tahirit, Maks Haxhia e ka interpretuar në dy pjesë mesazhin e një dite më parë dhënë nga ambasadori amerikan Donald Lu. Sipas tij provat janë më të forta, dhe nëse gjykata gjykon në bazë të tyre, sot duhet të hiqet masa e arrestit për klientin e tij.

“Atë mesazh e ndava në dy pjesë, mesazhin e qarkullimit të opinioneve siç ndodh rëndom në Shqipëri kur ka gjithmonë çështje të tilla pikante, ose me probleme sociale politike, që të dyja palët kundërshtare, ose dhe metoda të tilla që nuk duan të jepet vendimi kundra, hapin fjalë që qarkullojnë presione ose para. Ajo që jam i interesuar si specialist i të drejtës dhe në detyrën e avokatit të zotit Tahiri është mesazhi i zotit Lu, që ishte shumë i rëndësishëm është që Gjykata duhet të gjykojë në prova dhe në ligj”, tha Maks Haxhia.

Hetimet ndaj ish ministrit të Brendshëm, nisën tetorin e shkuar, nën dyshimet se kishte lidhje me grupin e vëllezërve Habilaj, kushërinj të tij, të cilët ishin pjesë e një organizate italo-shqiptare e cila trafikonte marijuanë nga Shqipëria drejt Italisë. Hetimet u hapën menjëherë pasi autoritetet italiane goditën këtë organizatë në Catania, ndërsa në përgjimet e kryera, emri i tij përmendet disa herë në bisedat mes trafikantëve.

Prokuroria kërkoi me shpejtësi arrestimin e zotit Tahiri, por shumica e majtë, refuzoi kërkesën duke pretenduar se ajo nuk kishte paraqitur asnjë provë. Në fillim të muajit maj, zoti Tahiri dha dorëheqjen si deputet duke dorëzuar mandatin parlamentar, ndërsa deklaroi se dëshironte të hetohej e gjykohej si një qytetar i thjeshtë pa mburojë politike./Pamfleti

Gjykata e Lartë shumë shpejt pritet të tronditet nga Komisioni i Pavarur i Kualifikimit. Procesi i vetingut nisi me Gjykatën Kushtetuese e cila ka mbetur me dy anëtarë, pasi pjesa tjetër dështuan në testin e pasurisë.

Nga java e ardhshme do të nisë procesi për anëtarët e Gjykatës së Lartë, ku ka shumë shanse që dhe ky institucion të ketë fatin e Gjykatës Kushtetuese.

Më 4 qershor në sitën e vettingut do të kalojë gjyqtari i Gjykatës së Lartë, Edmond Islamaj. Trupa gjykesë që do të vendosë për të përbëhet nga Suela Zhegu, Pamela Qirko dhe Genta Tafa.
Nëse shihen pasuritë e anëtarëve të Gjykatës së Lartë, shumica kanë mbi 70 milionë lekë të vjetra në vit të ardhura, përveç makinave dhe apartamenteve.

“Sot” ka bërë një përmbledhje të pasurisë për secilin emër nga viti 2012 deri në vitin 2016. Arsyeja është se anëtarët janë emëruar pikërisht në vitin 2012, ndërkohë që viti i fundit kur ata deklaruan pasuritë ka qenë viti 2016.

ipas bilanceve të nxjerra, vetëm në vitin 2016 të 8 anëtarët e Gjykatës së Lartë, përjashto kryetarin Zaganjori, kanë përfituar në total 100.431.643 lekë të reja, ose rreth 1 miliard lekë të vjetra. Ndërsa nëse bëhet një bilanc i të ardhurave kur ata nisën punë në Gjykatën e Lartë, pra viti 2012, rezulton se në total të ardhurat e tyre janë 40 milionë lekë të reja, ose 400 milionë lekë të vjetra. Pra kemi një rritje me gati 60 për qind të të ardhurave të tyre për brenda 5 viteve.

Nëse i marrim me radhë, gjyqtari Artan Broci në vitin 2012 ka deklaruar 10 milionë lekë të ardhura në total, kryesisht nga pagat. Por në vitin 2016 pasuria e tij e deklaruar kap shifrën e 42 milionë lekëve të reja, si dhe 2 apartamente me vlerë të papërcaktuar.

Ardian Dvorani, ka deklaruar në 2012 rreth 5 milionë lekë të ardhura dhe pasuri, ndërsa në 2016 kjo shifër ka arritur në gati 10 milionë lekë.
Pra kemi një rritje me 50 për qind të të ardhurave.

Rritje ka pasur dhe pasuria e Edmond Islamajt.Në vitin 2012 ai ka deklaruar një pasuri totale prej rreth 2.5 milionë lekë, të ardhura këto nga paga e tij dhe e bashkëshortes. Në 2016 në deklaratën dorëzuar pranë ILDKP thuhet se ka pasur 64 milionë lekë të ardhura nga pagat dhe kursimet e tij dhe të bashkëshortes.

I njëjti trend është dhe për gjyqtarin Artan Zeneli. Në vitin 2012 ka deklaruar 5.971.052 lekë të ardhura, ndërsa në 2016, 9.889.479 lekë pasuri. Sa i takon gjyqtarit Admir Thanza, pasuria e tij ka një trend më të ulët rritje.

Një rritje relativisht ka pasuria e gjyqtarit Tom Ndreca. Në vitin 2012 ai ka deklaruar 3.657.538 lekë pasuri, ndërsa në 2016 kjo shifër arriti në 11.164.569 lekë. Të njëjtin trend rritës ka pasur dhe pasuria e gjyqtarit Shkëlzen Selimi, ndërsa Meid Bici është gjyqtari me më pak të ardhura në Gjykatën e Lartë, por dhe ai ka trend rritës krahasuar me vitin 2014.

Pasuria e të gjithë emrave është duke u skanuar nga komisioni i vetingut dhe nga javën e ardhshme priten rezultate. Për çdo emër ka pasur verifikime në mbi 10 institucione, duke kontrolluar llogaritë bankare, të dhënat e pronësisë së objekteve apo dhe pagat e deklaruara të familjarëve. Në pamje të parë pasuria e anëtarëve të Gjykatës së Lartë është shumë e lartë, por në fund do jetë Komisioni i Pavarur i kualifikimit ai që do të japë vendimin final./Pamfleti

Një letërporosi ndërkombëtare për t’u lejuar marrjen në pyetje të 3 të paraburgosurve.

Dita vendimtare do të jetë e mërkura, pikërisht atëherë kur prokurorë nga Krimet e Rënda të Tiranës, me në krye ndoshta Besim Hajdarmatajn, do të zbresin në aeroportin “Fontanarossa” për t’iu drejtuar më pas institucionit penitenciar të Bicoccas.

Një udhëtim ky që ka për objektiv parësor atë të sigurimit të informacioneve të nevojshme mbi hetimin e nisur në anën tjetër të Adriatikut, që ka lidhje me ish-ministrin e Brendshëm, Saimir Tahiri, i vendosur nën akuzë, e më pas në arrest shtëpiak, për të fituar ditën e sotme sërish lirinë, gjithçka për shkak të kushëririt të tij Moisi Habilaj, të arrestuar dhe nën hetim në Itali.

Habilaj konsiderohet nga Prokuroria e Katanias, si dhe hetuesit e grupit policor të “Guardia di Finanza”-s, si truri i narkotrafikut dhe armëve të zjarrit nga Shqipëria drejt Italisë.

Trafik ky që ofronte dhjetëra milionë euro, të cilat do të ndaheshin në të njëjtën tryezë mes shqiptarëve dhe pjesëtarëve siçilianë të “Cosa Nostra”-s.

Hetimi italian, i mbyllur zyrtarisht dhjetorin e shkuar, do të nxjerrë në proces gjyqësor 15 persona, ndërsa seanca e parë është caktuar për më 31 maj.

Në disa përgjime, të zbuluara nga media italiane “MeridioNews”, trafikantët i referoheshin pikërisht politikanit socialist.

Një lidhje e supozuar, të cilës i bashkëngjitet edhe një automjet i përdorur nga narkotrafikantët për udhëtime dhe i regjistruar nën emrin e Tahirit, i cili gjithsesi është betuar t’ia ketë shitur një kushëriri tjetër, të po të njëjtës familje, Habilaj.

Ata që do të merren në pyetje nga prokurorët shqiptarë do të jenë edhe Maridian Sulaj dhe Nezar Seiti. Ky i fundit u ekstradua në Itali mes polemikave, pasi u kap nga policia shqiptare në Vlorë.

41-vjeçari, edhe pse pa dëshirën e tij, u bë protagonist në Shqipëri i një njoftimi, i cili rezultoi i rremë, se kishte pranuar të bashkëpunonte me prokurorët e Prokurorisë së Katanias.

Kriza qeveritare që përjetohet në Shqipëri, pas hetimit të mbiquajtur “Rosa dei venti”, duket se nuk njeh ndalesa.

Hetimi i Tahirit ka vijuar me kërkesën për arrestimin e tij, kërkesë që u refuzua nga Parlamenti. Plot 48 orë pasi kushëririt të tij, Moisi Habilaj, iu vunë prangat në Itali, ndërkohë që në arrati mbetet vëllai i tij Florian Habilaj, ish-deputeti socialist tregoi një dokument me “kokë” të titulluar nga Prokuroria e Katanias, me anë të të cilës tregonte se nuk kishte asnjë hetim në ngarkim të tij në Itali.

Në fakt, ajo ishte një letër me shumë ndryshime nga ato që jepen tradicionalisht nga zyrat e drejtësisë siçiliane.

Kapitulli i fundit i kësaj historie nisi më 12 maj, kur ish-ministri i Brendshëm përfundoi në arrest shtëpiak, por që iu revokua mesditën e kësaj të hëne.

Edi Rama nuk rresht së “joshuri” të gjithë kundërshtarët politikë, njerëz të hurit dhe litarit thjeshtë dhe vetëm për të mbajtur karrigen e pushtetit.

Madje i “dorovit” dhe me llokma pushteti dhe parash nga buxheti i shtetit sikurse ka ndodhur me Lulzim Bashën që i dha 13.3 milionë euro të pallatit të vjehrrit që kishte ndërtuar në mënyrë të paligjshme në Vlorë apo sponsorizimet marramendëse për Ilir Metën në prag të zgjedhjeve.

Kështu po vepron dhe me ata që i ka quajtur njerëz kundër interesave të kombit, dhe në shërbim të qarqeve ekstreme në Greqi siç është rasti i Nikollaq Neranxit.

I cili për muaj me radhë protestoi për tre katër kasolle në Himarë, duke i dhënë një “dorë” Greqisë që të bënte presion me integrimin dhe të drejtat e minoriteteve, dhe për të ndikuar sadopak në negociatat për zgjedhjen e mosmarrëveshjeve për detin, ligjin e luftës etj.

Dhe nëse me Metën, Bashën, Mediun kryeministri Edi Rama tashmë e ka relizuar qëllimin e tij, kërcejnë e këndojnë “Baftjarin” sa herë mblidhen bashkë, ende pa u tharë “djersët” nga protesta e opozitës, ia ka gjetur anën dhe Neranxit.

Paktin për të futur në “mënynë” qeveritare dhe “rrushin e thatë” të Neranxit, me krimba ose jo, me fuqi vepruese ose jo, e ka arritur pikërisht në Kalanë e Ali Pashë Tepelenës (studimet më të fundit kanë treguar se krimbat kanë vlera të mëdha ushqimore dhe kuruese dhe të servirura përmes produkteve të thata rrisin shumë aktivitetin e njeriut. Këtë ka pasur parasysh Rama).

Në mënyrën më simbolike të mundshme, pikërisht me emrin e Pashait të Janinës, Rama ka bërë dhe kompromisin me Neranxin.

Ndërkohë që ky i fundit për mungesë korrektese në sjelljen ndaj shtetit amë, dhe sidomos me mashtrimin që i bën qytetarëve me produktet e tij, minimalisht duhet të hetohet sëpaku jo të bëhet marrëveshje qeveritare me të.

Kështu, në festën e Ali Pashës në Tepelenë, të zhvilluar sot ne Panairin e Kulinarise ka qenë dhe kompania e biznesmenit Nikollaq Neranxi, i cili i është përgjigjur pozitivisht ftesës për të marrë pjesë nga kryebashkiaku socialist Tërmet Peçi.

Neranxi ka postuar në faqen e tij në Facebook fotot nga aktiviteti në Tepelenë, tepër i gëzuar për këtë afrim nga “publiçitari” i kryeministrit në këtë qytet të Jugut ku qëndroi tre ditë rresht.

Tërmet Peçi ka “vendosur paqen” mes Neranxit dhe maxhorancës, duke qënë kumbar mes shtetit dhe një biznesmeni.

Një dukje një skandal më vete ky, pasi joshet Neranxi që ka qenë kritik i ashpër ndaj Qeverisë dhe reformave te saj por dhe ndaj Kryeministrit Edi Rama aq sa e bën palë një në pakt me shtetin dhe në kurriz të shtetit.

Tashmë “Rrushi i thatë” i Neranxit do të shkojë me “vulë qeveritare” deri në skajet më të thella të vendit, madje dhe aty ku konsumoi dashurinë e përjetshme Luani i Janinës, Ali Pashë Tepelena me greken e bukur Vasiliqinë.

Edhe Rama me sa duket i ka qëndruar fort formulës së bashkëpunimit, por në anën e biznesit qeveritar dhe jo në sensin e erotizmit të Ali Pashait./Pamfleti