Aktualitet

Donald Lu pritet të largohet në korrik nga Shqipëria. Shteti ku ai do të nisë misionin e ri do të jetë në Lindje, Kirgistan. Ditën e sotme Shtëpia e Bardhë ka dërguar emrin e Donald Lu për miratim në Senat si ambasador i SHBA në Kirgiztan. Pas propozimit emri i tij pritet të marrë miratimin e Senatit për të përfaqësuar Amerikën në ish-Republikën Sovjetike.

“Donald Lu, Kaliforni, Anëtar i Karrierës i Shërbimit të Lartë të Jashtëm, të emërohet Ambasadori i Fuqiplotë i Shteteve të Bashkuara të Amerikës në Republikën e Kirgistanit“, thuhet në njoftimin e Shtëpisë së Bardhë. Kirgistani është një vend ku ndikimi rus konsiderohet i madh, për shkak edhe të një minoritetit rus që është pjesë e këtij shteti.

Emërimi i Donald Lu në Kirgistan është një rikonfirmim në pozitën e tij si Ambasador. Paraardhësit e Donald Lu në këtë detyrë në Shqipëri, pas mbarimit të misionit janë transferuar në detyra të tjera në Departamentin e Shtetit, por jo të gjithë kanë marrë sërish emërimin ambasador në ndonjë vend tjetër. Konfirmimi si ambasador i Donald Lu, në një vend ku mbrojta e interesave amerikane është shumë e rëndësishme është shenjë vlerësimi që Shtëpia e Bardhë bën për diplomatin që ka përfaqësuar SHBA këto vite në Shqipëri.

Njoftimi i Shtëpisë së Bardhë për emërimin e Donald Lu:

“Donald Lu i Kalifornisë do të jetë Ambasadori i Jashtëzakonshëm dhe Fuqiplotë i Shteteve të Bashkuara të Amerikës në Republikën e Kirgistanit.

Ambasadori Lu, një anëtar i karrierës në Shërbimin e Jashtëm, ka shërbyer si diplomat amerikan që nga viti 1991. Aktualisht është Ambasador në Ambasadën Amerikane në Tiranë, një pozitë që ka mbajtur që nga viti 2014.

Ambasadori Lu ka shërbyer gjithashtu në Departamentin e Shtetit si Zëvendës Shef i Misionit, Ambasada Amerikane në Nju Delhi, Indi nga viti 2010 deri në vitin 2013; I ngarkuar me punë në Ambasadan e SHBA Baku, Azerbajxhan nga viti 2009 deri në vitin 2010; Zëvendës Shef i Misionit, Ambasada e SHBA Baku, Azerbajxhan nga viti 2007 deri në vitin 2009; dhe Zëvendës Shef i Misionit, Ambasada e SHBA-ve Bishkek, Republika Kirgiziane 2003-2006.

Ai shërbeu si vullnetar i Korpusit të Paqes në Sierra Leone nga 1988 në 1990. Ambasadori Lu është i njohur si një nga drejtuesit më të talentuar të Departamentit, i respektuar për analitikën e tij të forte, shkathtësi, udhëheqje, mentorim dhe aftësi motivuese, si dhe përvojë të gjerë në Azinë Qendrore.

Ai ka shërbyer në gjashtë misione amerikane jashtë shtetit, disa nga dy herë, dhe në pozita të larta udhëheqëse në Departamentin e Shtetit. Ambasadori Lu fitoi një M.A. dhe një B.A. nga Universiteti Princeton.

Ai është fitues i shtatë vlerësimeve të rëndësishme nga Departamenti i Shtetit, përfshirë edhe çmimin Rockëell Anthony Schnabel për avancimin e marrëdhënieve të Bashkimit Europian. Ambasadori Lu flet dhe lexon gjuhën shqipe, ruse, azerbajxhane, gjeorgjiane, afrikane të Afrikës Perëndimore, Hindi dhe Urdu”./Pamfleti

Bashkimi Europian dhe SHBA kanë dhënë sinjale se shumë shpejt do të nisë reprezalja në politikë dhe drejtësinë shqiptare. Dje është vendosur largimi i ambasadorëve Donald Lu dhe Romana Vlahutin, ndërsa në Tiranë do të vijnë ekspertë në fushën e drejtësisë, të cilët do të zyrtarizojnë ngritjen e SPAK dhe do të nisin arrestimet në nivele të larta. SHBA ende nuk ka nxjerrë një emër për pasardhësin e Lu, ndërkohë që në Bruksel përflitet se ambasador i ri i BE do të jetë Luigi Soreca.

Ai është me nënshtetësi italiane dhe punon prej vitesh në rangje të larta në Bruksel. Soreca ka qenë i angazhuar me Shqipërinë gjatë procesit të liberalizimit të vizave, moment ku e ka ndihmuar vendin tonë shumë. Por interesant është fakti se italiani Luigi Soreca ndryshe njihet si eksperti antikorrupsion. Njeriu që do të marrë pas pak ditësh detyrën e ambasadori të ri të Bashkimit Evropian në Tiranë është njohës i mirë i çështjeve të sigurisë, i legjislacionit në luftën kundër terrorizmit, krimit të organizuar, korrupsionit dhe krimeve të tjera të rënda, dhe ka punuar me EUROPOL dhe CEPOL.

Ai emërohet si ambasador në Shqipëri në një moment shumë delikat për zbatimin e reformës në drejtësi. Edhe pse miratimi i saj u krye me konsensus të plotë, organet e reja të drejtësisë, Këshilli i Lartë i Prokurorisë, Këshilli i Lartë Gjyqësor, Struktura e Posaçme Antikorrupsion dhe Byroja Kombëtare e Hetimit nuk janë ngritur ende. Shpeshherë është deklaruar se ngritja e tyre do të kryhet së shpejti, por deri më tani nuk është parë asnjë rezultat.

Siç duket, Bashkimi Evropian do të sjellë në Shqipëri ekspertin antikorrupsion me qëllim ngritjen e organeve të reja dhe për të goditur korrupsionin. Pra me ardhjen e tij, pritet që organet e reja të ngrihen dhe reforma në drejtësi të futet në një fazë të vrullshme. Në këtë mënyrë, rriten edhe pritshmëritë për reprezalje në politikë dhe në drejtësi, ku pritet që shqiptarët “të prekin” edhe arrestimet “VIP”. Me pak fjalë, ardhja e ekspertit italian pikërisht në këtë moment, jep sinjalet e Bashkimi Evropian po përgatitet për goditje të korrupsionit dhe krimit të organizuar në nivele të larta.

Të dhëna për Luigi Soreca

Në jetëshkrimin e Luigi Soreca të publikuar në faqen zyrtare të Bashkimit Evropian zbulohen edhe disa detaje të tjera rreth punës së tij. Aty thuhet se ai është Drejtor për Sigurinë në DG HOME, e cila kontribuon për të ofruar një nivel të lartë sigurie për qytetarët evropianë. Kjo drejtori është përgjegjëse edhe për zhvillimin e politikave anti-drogë. Ai ka qenë përgjegjës për menaxhimin e Qasjes Globale ndaj Migrimit dhe Lëvizshmërisë si dhe për të tjera aspekte ndërkombëtare të migracionit.

Lu drejt Kirgistanit

Ambasadori i Shteteve të Bashkuara të Amerikës, Donald Lu dhe ambasadorja e Bashkimit Evropian, Romana Vlahutin do të mbahen mend gjatë nga shqiptarët sepse kanë patur një rol shumë të fortë gjatë miratimit të reformës në drejtësi me konsensus të plotë, pavarësisht klimës së ngatërruar politike në atë kohë. Ndërkohë, ditën e djeshme është bërë publik edhe vendi se ku do të vijojë detyrën e tij diplomatike Donald Lu. Senati Amerikan ka caktuar që Lu të dërgohet me mision në Kirgistan, por akoma nuk dihet se kush do ta zëvendësojë amerikanin në vendin tonë. “Donald Lu, Kaliforni, një anëtar i karrierës në Shërbimin e Lartë të Jashtëm, do të jetë ambasador i jashtëzakonshëm dhe i plotfuqishëm i Shteteve të Bashkuara të Amerikës në Republikën e Kirgistanit”, thuhet në njoftimin e Senatit Amerikan./SOT

Lulzim Basha bllokon foltoren e parlamentit dhe ngre zërin në kupë të qiellit kundër të korruptuarve (!) Por më përpara duhet të përgjigjet nëse e ndjen si korrupsion grabitjen e 230 milionë eurove nga Rruga e Kombit? Ose të dalë e ta mohojë, se ato para nuk kanë ekzistuar kurrë në buxhet dhe ka qenë një sajesë mediatike. Sikur të gjithë të tjerët të ishin të pastër, mjafton një lider me precedent për ta dekurajuar kauzën.
Shkruan: Luan Kurti

Protestat në çdo kohë e shëndoshin demokracinë. Sepse kërkojnë korrigjimin e shenjestrës së qeverisjeve, për të mos e lënë të delirojë dhe të bjerë në batak. Por edhe në përmbushje të pritshmërive, për të cilat është votuar. Por në rastin konkret kemi një disproporcion midis nevojës për protestë (publikut) dhe nevojtarëve (opozitës).

Të parët kanë gjithë të drejtën e zotit të ngrenë zërin për nivelin e ulët të jetesës, për taksim të drejtë, mbrojtjen sociale, përmirësimin e cilësisë dhe gamës së shërbimeve, etj. Qeverisja më e mirë nuk mund t’i shpëtojë kësaj dhe reflektimi i këtij trendi verifikohet në votime.

Por nevojtarët opozitarë nuk e kanë hallin aq tek keqqeverisja dhe recitali me kanabizim, me korrupsion, me kriminalitet ka vetëm një diskurs: frikën nga Vetingu, shpëtimin e privilegjeve dhe rikthimin me gjasë në karriget e pushtetit. Le të biem dakord në një moment se gjithçka thonë vlen, por a vlejnë ata për të qeverisur, për të mbyllur vrimat e pafundme të thesit të ekonomisë dhe për të na krijuar shpresë?!

Na lanë gjë në situatë të lumtur kur ishin në pushtet dhe vetvetiu ramë në koma, në kolaps?! Kanë kërkuar falje serioze për gjithçka të mbrapshtë që bënë dhe kanë alternativa?! A nuk janë po të njëjtët politikanë të djeshëm funksionarë të rëndësishëm në ekzekutiv, që janë përfolur për jo pak dosje, të njëjtët deputetë, protagonistë prej 28 vitesh?!

Lulzim Basha bllokon foltoren e parlamentit dhe ngre zërin në kupë të qiellit kundër të korruptuarve (!) Por më përpara duhet të përgjigjet nëse e ndjen si korrupsion grabitjen e 230 milionë eurove nga Rruga e Kombit? Ose të dalë e ta mohojë, se ato para nuk kanë ekzistuar kurrë në buxhet dhe ka qenë një sajesë mediatike. Sikur të gjithë të tjerët të ishin të pastër, mjafton një lider me precedent për ta dekurajuar kauzën.

Ai është strumbullari i nevojtarëve permanent për benefite pushteti, tellalli që pa asnjë moralitet i bën thirrje miletit “ta mbajë vesh”. Ai as një garë të hajrit nuk arriti të realizojë brenda partisë së tij dhe zotohet për zgjedhje të ndershme me standarde. Mjafton të kujtosh kohën kur ishte kryetar bashkie dhe të parafytyrosh se sa i suksesshëm do jetë si kryeministër. Binte në sy që deputetët që ka nën hyqëm, kishin dalë nëpër Tiranë të mobilizonin njerëzit për protestë.

Të bindnin hallexhinjtë se janë gjendur fajtorët e varfërisë dhe kur të vijnë ata në pushtet do ta bëjnë Shqipërinë “bahçe me lule”. Ky lloj ligjërimi i ka kaluar kufijtë e farsës, është shndërruar në tragjikomedi. Protagonistët të nxjerrin mallin e personazheve donkishotesk të Servantesit që kanë udhëtuar në kohë.

Ju duket çudi që njerëzit nuk ju shkojnë mbrapa, sepse nuk duan të kuptojnë se koha e tyre ka perënduar dhe janë jashtë mode Do duhej një opozitë e re, me integritet, rithemelim mbi bazën e ca vlerave dhe parimeve perëndimore që do krijonte premisat për qarkullimin e elitave.

Evropa qoftë për arsye gjeostrategjike është shprehur në mazhorancë për Çeljen e Negociatave, por këta e kundërshtojnë me zell, sepse ndihen të motivuar, të mbrojtur jashtë terrenit të zbatimit të ligjit dhe përgjegjësive. Dhe kjo sinkronizohet me thënien: I zoti e jep, tellalli se pranon!

Ditën e sotme Partia Demokratike dhe Lëvizja Socialiste për Integrim do të organizojnë në orën 11:00 një protestë në Bulevardin ‘’Dëshmorët e Kombit’’.

Automjetet e para janë nisur nga Shkodra dhe mbajnë të vendosura disa mesazhe ku shkruhen; ‘’Na prit pasha’’, ‘’Kush është pashai’’, ‘’Po vijmë pasha’’.

Opozita e ka thirrur këtë protestë me synimin për të larguar ministrin e Brendshëm, Fatmir Xhafaj, pasi vëllai i tij, Agroni është i përfshirë në trafikun e drogës. Këtë gjë PD-ja e bëri të ditur nëpërmjet një video-përgjimi pak ditë më parë.

Arrestimi i ish Prokurorit të Përgjithshëm Adriatik Llalla në Bremen të Gjermanisë ka tronditur politikën shqiptare dhe më gjërë.

Duke qënë për katër vite me radhë në krye të Inspektoratit të Deklarimit të Pasurive të zyrtarëve dhe pesë vite në krye të Prokurorisë shqiptare, Llalla ka në dorë të gjitha dosjet e mëdha të politikës, krimit dhe të abuzimit me pushtetin.

Kërkesa për marrjen e statusit të të penduarit të drejtësisë në Gjermani nga ana e Llallës është pranuar, ndërkohë që këtë lajm e ka dhënë “Pamfleti” disa ditë më parë.

Njëherësh ish Kryeprokurori është dhe i penduar i drejtësisë amerikane e cila ka informacionin e bollshëm për korrupsionin, pastrimin e parave, nxjerrjen e parave në rrugë tokësore jashtë vendit dhe mbi të gjitha mbrojtjen e plitikanëve të korruptuar dhe të lidhur me krimin nga ana e Llallës.

Në këto kushte, Adriatik Llalla pasi është arrestuar për të gjitha këto akuza në Bremen të Gjermanisë, ka kërkuar që në këmbim të mbrojtjes së familjes dhe moskthimit të tij në Shqipëri, nënvizon se është i sëmurë me epilepsi, do të rrëfehet për gjithçka. Dhe ka çfarë të rrëfejë.

Adriatik Llalla ka në dorë dosjen e pasurisë së Sali Berishës dhe familjarëve të tij, pasi nuk ka deklaruar verifikimin saj asnjëherë në raportin përfundimtar.

Por nga ana tjetër kjo nuk e ka penguar Llallën që të mbajë dokumentacionin e plotë mbi këtë verifikim pasurie të Sali Berishës, dokumente të cilat janë në dorën e drejtësisë gjermane.

Njëherësh të njejtën gjë Llalla sa ishte në krye të Inspektoratit të pasurisë ka bërë dhe me verifikimin e pasurisë së Ilir Metës dhe Monika Kryemadhit. Por dhe të ministrave, ish ministrave dhe zyrtarëve të lartë e deputetëve të të gjitha forcave politike.

Nga ana tjetër Adriatik Llalla ka të gjitha detajet, provat dhe faktet e dosjeve të mëdha në ngarkim të Sali Berishës e familjes së tij përfshirë djalin Shkelzen Berisha dhe vajzën Argita Berisha Malltezi me gjithë dhëndërrin Jamarbër.

Ish kryeprokurori Adriatik Llalla ka dhe dosjet e rënda të krimit, abuzimit dhe maskarallëqeve të Ilir Metës dhe bashkëshortes Monikë, përmes të cilave kanë rrjepur këtë popoull dhe kanë krijuar pasuri marramendëse, të shpërndarë në të katër anët e globit.

Më konkretisht Llalla pritet që të rrëfejë në organet ligjzbatuese gjermane dhe amerikane, do të jenë prezentë dhe ato shqiptare, të gjithë urdhërat me telefon, por dhe në biseda “kokë më kokë” që rezultojnë se i ka regjistruar.

Janë urdhëra dhe porosi që i kanë ardhur nga “mentorët” e tij Berisha dhe Meta, por dhe që kanë komunikuar gjatë gjithë kohës përmes Shkelzen Berishës apo dhe përmes njerëzve të krimit.

Pavarësisht se i ka mbyllur dosjen e “Gërdecit”, “21 janarit”, Rrugës së Kombit, aferës së ryshfetit “700 mijë euro” të koncensioneve dhe përgjimit së bërë nga ish ministri i LSI Dritan Prifti, zhdukjes së ish këshilltarit të ministrit, Eduard Belegu, Adriatik Llalla me statusin e të poenduarit të drejtësisë do të dorëzojë të gjitha provat që kanë ardhur por që nuk janë futur në punë, duke “djegur” përfundimisht Sali Berishën dhe Ilir Metën. Shtuar këtu dhe Bashën.

Bëhet fjalë dhe për dy ekspertizat e ndërmarra nga ana e FBI për 21 janarin dhe përgjimin ndaj Metës, të cilat dhe ato do të përfshihen në këto dosje të mëdha.

Mësohet se Adriatik Llalla përgjatë gjithë këtyre muajve ka kaluar në mënyrë tokësore dokumente pafund në drejtim të Bremenit të Gjermanisë dhe pritet që të dorëzojë te drejtësia gjermane dhe ajo amerikane dhe dosjen e aferës së “CEZ” dhe “DIA”, por dhe të gjitha provat që disponon për trafikun e 80 kilogramëve kokainë me Kolumbinë vite më parë dhe përse kishte “mbyllur” njërin sy kur ish kreu i Krimeve të rënda Besim Hajdarmataj vetëm e kishte lajmëruar se  do ta mbyllte hetimin, duke thënë se kishte urdhër nga lart.

Në prokurori më i larti ka qënë Adriatik Llalla, çka nënkupton se ish kryeprokurori do të flaë për urdhërin e Berishës dhe Metës që të mbyllin dosjen e Arbër Kuliçit-Çekajt disa vite më parë.

Njëherësh Llalla pritet të rrëfehet para drejtësisë gjermane dhe asaj amerikane dhe për abuzimet e ministrave, ish ministrave dhe të mazhorancës së majtë.

Për këtë arësye arrestimi i Adriatik Llallës në Bremen të Gjermanisë ka tronditur politikën shqiptare dhe kokat e politikës të lidhur me krimin, ku në krye janë Sali Berisha me familjen e tij politike dhe biologjike dhe Ilir Meta po me familjen e tij politike dhe biologjike.

Aq tronditje e madhe është arrestimi i ish kryeprokurorit Llalla në Gjermani nga autoritet ligjzbatuese gjermane, sa nuk ka mundur ta mbajë përbrenda as Shkelzen Berisha, djali i ish kryeministrit Sali Berisha.

I cili përmes portalit të tij ka sulmuar “Pamfletin”, pa i përmendur emrin, ku në emër të Adriatik Llallës ka tentuar të përgënjeshtrojë lajmin e dhënë nga portali ynë.

“Një ueb sapo ka publikuar një lajm të fundit me burimet e tij, që pretendon se Adriatik Llalla është arrestuar në Gjermani sot.

Ndërkohë që ish-kryeprokurori Llalla me datë 19 maj ka udhëtuar drejt Shqipërisë së bashku me dy femijët e tij të cilët studiojnë në Gjermani.

Ish-kryeprokurori në këto momente konfirmon se nuk është në Gjermani, jo e jo i arrestuar”, shkruan portali i Zenit.

Sikur Llalla të ishte në Shqipëri dhe të mos ishte arrestuar, tani do të kishte përfunduar intervistën e tretë në tre televizonet e lajmeve në Shqipëri, për të treguar se është jashtë burgut.

Apo dhe nëse është në Gjermani por jashtë burgut, një telefonate në lidhje direkte do ta kishte bërë me një studio lajmesh, sepse është hall burgu.

Por Adriatik Llalla tashmë është arrestuar dhe ndodhet në duart e organeve ligjzbatuese gjermane dhe amerikane, dhe po trajtohet si i penduar i drejtësisë.

Arrestimi i Adriatik Llallës është fillimi i “katharsisit” të vërtetë të politikës shqiptare dhe rithemelimit të kësaj politike, pas nxjerrjes nga skena të “dinosaurëve të politikës”, të partive të vjetra dhe të reja politike që vetëm e kanë mashtruar këtë popull.

Njëherësh me investimin e drejtëpërdrejtë të partnerëve tanë ndërkombëtarë, SHBA dhe BE pritet të pastrohet politika dhe drejtësia nga njerëzit e krimit, shërbimi i vetëm ndaj të cilëve do të jetë krijimi i kushteve normale në burgun e sigurisë së lartë.

Adriatik Llalla, ish kryeprokurori shqiptar i “penduari” në duart e amerikanëve dhe gjermanëve është një minë me “sahat” për të gjithë të korruptuarit e kupolës politike në Shqipëri, por dhe një shpresë për qytetarët shqiptarë që më në fund po besojnë se do të bëhet drejtësi në këtë vend./Pamfleti

Prokuroria shqiptare ka vendosur para disa ditësh dërgimin jashtë vendit të video-përgjimit të pretenduar të PD dhe “Babales” me Agron Xhafajn, vëllain e Ministrit të Brendshëm Fatmir Xhafaj.

Lajmi u bë publik ditën e djeshme, teksa zyrtarisht organi i akuzës njoftonte se është dërguar për ekspertim materiali i videopërgjimit në laboratorë ndërkombëtarë jashtë vendit. Në shqyrtim do të merret kaseta dhe kamerat e sigurisë së lokaleve ku pretendojnë Basha, deputetët dhe zyrtarët e PD, Salianji, Alibeaj, Bardhi dhe gazetari i PD Olldashi se është realizuar video-përgjimi dhe kanë qëndruar ata që kanë marrë kasetën nga “Babalja”.

Të gjitha këto materiale të video-përgjimit të vëllait të ministrit të Brendshëm dhe kamerat e sigurisë së lokaleve përreth vendit ku pretendohet se është realizuar ky “aksion” janë dërguar në laboratorët modernë në SHBA.

Burimet nga organi i akuzës saktësojnë se është FBI amerikane ajo që ka marrë në dorë ekspertizën për këtë video-përgjim dhe shpresohet që të realizohet shumë shpejt. Mësohet se do të dërgohet pikërisht në laboratorin ku është bërë ekspertiza e armës së ish komandatit të Gardës Ndrea Prendi, që qëlloi dhe vrau njërin nga katër demonstruesit që u vranë nga Garda e Republikës më 21 janar 2011.

Pikërisht ekspertiza e FBI nxori në pah faktin se ishte qëlluar nga kjo armë demonstruesi, ndërkohë që ishte ndërhyrë dhe ndërruar tyta dhe pjesët e armës. Njëherësh në këtë laborator është dërguar dhe përgjimi që ish ministri i LSI Dritan Prifti i bëri ish zv. kryeministrit dhe ish kreut të LSI të asaj kohe, aktualisht President i Republikës Ilir Meta.

Në atë përgjim, shihej me zë dhe figurë Ilir Meta që deklaronte marrjen e një ryshfeti prej 700 mijë eurosh për një koncension, ndërkohë që blloku i punësimeve dhe deklarata rozë për vajzën e Shpresa Beçajt u bënë virale.

Të dyja këto ekspertiza të FBI për video-përgjimet e 21 janarit dhe “Metës” nuk u morën parasysh nga Berisha dhe gjykata e drejtuar prej tij, duke sjellë ekspertët e PD dhe LSI, që bënë ekspertizë për shefat e tyre dhe fati i gjykimit dihet tashmë.

Pikërisht në SHBA dhe në këto laboratorë është dërguar nga FBI dhe video-përgjimi i pretenduar nga PD për një bisedë mes “Babales” dhe Agron Xhafajt, vëllait të ministrit të Brendshëm Fatmir Xhafaj për të bërë trafik droge me Italinë.

Shpresojmë që këto ekspertiza të FBI në laboratorët më modernë të SHBA të mos kenë fatin e dy ekspertizave të realizuar kohë më parë për ngjarjet në Shqipëri. Për të shuar të gjithë pretendimet e mundshme të palëve, mësohet se gati është dhe ekspertiza në Gjermani, por gjithnjë nëse ka konteste.

Pritet që së shpejti të zbardhet e vërteta dhe autenciteti i këtij video-përgjimi, të cilin kryeministri Edi Rama e cilëson të sajuar, ndërsa kreu i opozitës Lulzim Basha e cilëson autentik./Pamfleti

Ashtu sikurse pritej, autorët e grabitjes së Prokurorisë së Durrësit kanë lidhje me emrat e zyrtarëvë të lartë të cilët kanë emrat e tyre në dosjet e prokurorëve, zyrat e të cilëve u vodhën.

Besnik Bushi, një nga personat e arrestuar këtë të premte nga policia e Durrësit, si i dyshuar për bastisjen e Prokurorisë së qytetit bregdetar, është djali i dajës së Sulejman Ibrahimit, ish-Kryekomunari i Ishmit, i cili ka qenë nën hetim për peëvetesim te 3586 metra toke. Personi që shihni në foton më poshtë është Sulejman Ibrahimi, ishKryetar i Komunës Ishëm), lindur dhe banues në Durrës, i cil u arrestua në shkurt të vitit 2018 bashke me 3 ish zyrtare te tjere i dyshuar për veprën penale kryer veprën penale “Shpërdorimi i detyrës” e kryer në bashkëpunim dhe “Korrupsioni pasiv i personave që ushtrojnë funksione publike” parashikuar 248, 248 – 25 dhe 259 -25 të Kodit Penal.

“Për sigurinë në Det, në ujërat e Brendshme në Thellësi të territorit dhe gjatë ushtrimit të Sporteve Ujore”. (katër raste, ku njëri prej tyre është shtetasi G.R, nipi tij). Ka dhënë toke në pronësi me Akt Marrje të Tokës në Pronësi, në kundërshtim me ligjin, në shumë raste: Shtetasi B.B, djali i dajës së Ibrahimit, në datë 26.01.2015 me Akt Marrje të Tokës në Pronësi, ka fituar një sipërfaqe prej 3586 m2, e cila është të provuar se është fituar me dokumente të falsifikuar (vendosur sekuestro preventive). Shtetasi Fadil Hoxha më datë 10.06.2015, me Akt Marrje të Tokës në Pronësi ka fituar me sipërfaqe toke me sip 5200 m2, e cila është provuar se është fituar me dokumente të falsifikuar (vendosur sekuestro preventive)”,- u shpreh asokohe organi i akuzës për Sulejmanin./Pamfleti