Aktualitet

“Kë keni frikë, socialitë jeni ju?!” me këro thirrje i janë drejtuar protestuesit Lulzim Bashës të irriruar, pas kërkesës së depokratëve për t’u sprapsur nga ministria e Brendshme.

Protestuesit e opozitës mbajnë të rrethuar godinën e Ministrisë së Brendshme prej disa minutash, ndërsa kanë hedhur edhe flakadanë e shashka drejt hyrjes së këtij institucioni.  Nuk kanë munguar as tentativat e turmës së protestuesve, për të çarë kordonin policor, që tashmë është përforcuar me personel të forcave speciale RENEA.

Pavarësisht hedhjes së sendeve të forta dhe tentativave sporadike për të shtyrrë kordonin e policisë, duket se situata vijon të mbetet nën kontroll.

Vetë lideri i PD-së, Lulzim Basha, si dhe deputetët Ervin Salianji e Gent Strazimiri, janë angazhuar maksimalisht për të qetësuar turmën dhe për të mos lejuar agravimin e situatës./Pamfleti

https://www.facebook.com/lulzimbasha.al/videos/1893744587343380/?t=1036

Turma e protestuesve është zhvendosur përpara Ministrisë se Brendshme, ndërsa kane filluar të hedhin gure, bidona me ujë si dhe flakadante të drejtim të godinës. Nga ana tjeter, forcat speciale shihen duke fotografuar dhe filmuar protestuesit.

Me thirrje të forta, “poshtë Edi Rama, poshtë Fatmir Xhafaj”, tubuesit kanë rrethuar godinën e ministrisë së Brendshme. Në këto momente janë shtuar forcat e policisë në këtë zonë. Ndërsa nuk kanë ansnjë urdhër për të ndërhyrë.

Sakaq ministri Xhafaj ndodhet në zyrën e tij në ministri./Pamfleti

Gjykata e Lartë shumë shpejt pritet të tronditet nga Komisioni i Pavarur i Kualifikimit. Procesi i vetingut nisi me Gjykatën Kushtetuese e cila ka mbetur me dy anëtarë, pasi pjesa tjetër dështuan në testin e pasurisë.

Nga java e ardhshme do të nisë procesi për anëtarët e Gjykatës së Lartë, ku ka shumë shanse që dhe ky institucion të ketë fatin e Gjykatës Kushtetuese. Gazeta “Sot” ka bërë një kalkulim të pasurive të deklaruara nga 8 anëtarë e mbetur të kësaj gjykate plus kryetarin, gjatë 5 viteve të fundit dhe rezulton një rritje befasuese e saj.

Në bazë të deklaratave që kanë dorëzuar në Inspektoratin e Lartë të Deklarimit dhe Kontrollit të Pasurive, anëtarët e Kushtetueses rezultojnë me pasuri normale, por nga verifikimet e bëra nga KPK u zbuluan shumë pasuri të pajustifikuara.

Por nëse shihen pasuritë e anëtarëve të Gjykatës së Lartë, shumica kanë mbi 70 milionë lekë të vjetra në vit të ardhura, përveç makinave dhe apartamenteve. Gazeta ka bërë një përmbledhje të pasurisë për secilin emër nga viti 2012 deri në vitin 2016. Arsyeja është se anëtarët janë emëruar pikërisht në vitin 2012, ndërkohë që viti i fundit kur ata deklaruan pasuritë ka qenë viti 2016.

Sipas bilanceve të nxjerra, vetëm në vitin 2016 të 8 anëtarët e Gjykatës së Lartë, përjashto kryetarin Zaganjori, kanë përfituar në total 100.431.643 lekë të reja, ose rreth 1 miliard lekë të vjetra. Ndërsa nëse bëhet një bilanc i të ardhurave kur ata nisën punë në Gjykatën e Lartë, pra viti 2012, rezulton se në total të ardhurat e tyre janë 40 milionë lekë të reja, ose 400 milionë lekë të vjetra. Pra kemi një rritje me gati 60 për qind të të ardhurave të tyre për brenda 5 viteve.

Statistikat

Nëse i marrim me radhë, gjyqtari Artan Broci në vitin 2012 ka deklaruar 10 milionë lekë të ardhura në total, kryesisht nga pagat. Por në vitin 2016 pasuria e tij e deklaruar kap shifrën e 42 milionë lekëve të reja, si dhe 2 apartamente me vlerë të papërcaktuar.

Ardian Dvorani, ka deklaruar në 2012 rreth 5 milionë lekë të ardhura dhe pasuri, ndërsa në 2016 kjo shifër ka arritur në gati 10 milionë lekë. Pra kemi një rritje me 50 për qind të të ardhurave. Rritje ka pasur dhe pasuria e Edmond Islamajt.

Në vitin 2012 ai ka deklaruar një pasuri totale prej rreth 2.5 milionë lekë, të ardhura këto nga paga e tij dhe e bashkëshortes. Në 2016 në deklaratën dorëzuar pranë ILDKP thuhet se ka pasur 64 milionë lekë të ardhura nga pagat dhe kursimet e tij dhe të bashkëshortes. I njëjti trend është dhe për gjyqtarin Artan Zeneli. Në vitin 2012 ka deklaruar 5.971.052 lekë të ardhura, ndërsa në 2016, 9.889.479 lekë pasuri. Sa i takon gjyqtarit Admir Thanza, pasuria e tij ka një trend më të ulët rritje.

Një rritje relativisht ka pasuria e gjyqtarit Tom Ndreca. Në vitin 2012 ai ka deklaruar 3.657.538 lekë pasuri, ndërsa në 2016 kjo shifër arriti në 11.164.569 lekë. Të njëjtin trend rritës ka pasur dhe pasuria e gjyqtarit Shkëlzen Selimi, ndërsa Meid Bici është gjyqtari me më pak të ardhura në Gjykatën e Lartë, por dhe ai ka trend rritës krahasuar me vitin 2014.

Vetingu

Pasuria e të gjithë emrave është duke u skanuar nga komisioni i vetingut dhe nga javën e ardhshme priten rezultate. Për çdo emër ka pasur verifikime në mbi 10 institucione, duke kontrolluar llogaritë bankare, të dhënat e pronësisë së objekteve apo dhe pagat e deklaruara të familjarëve. Në pamje të parë pasuria e anëtarëve të Gjykatës së Lartë është shumë e lartë, por në fund do jetë Komisioni i Pavarur i kualifikimit ai që do të japë vendimin final.

Sipas ligjit, KPK dhe ILDKP kanë të drejtë të bëjnë kontrolle fizike pranë pronave, në Hipotekë, etj. Pra çdo pasuri e gjyqtarëve do verifikohet. Nëse dikush rezulton se e ka fshehur, atëherë ai largohet nga sistemi.

“Inspektori i Përgjithshëm i ILDKPKI, për qëllimet e rivlerësimit, mund të kërkojë nëpërmjet Drejtorisë së Përgjithshme të Parandalimit të Pastrimit të Parave ose Ministrisë së Drejtësisë dokumentet për pasuritë në pronësi të subjekteve të rivlerësimit dhe personave të lidhur me ta, dokumentet që përdoren jashtë shtetit nga subjektet e rivlerësimit dhe personat e lidhur me ta, ose të dhënat financiare mbi çdo transaksion financiar brenda ose jashtë vendit në përputhje”, thuhet në ligj./Pamfleti

Efektivët të cilët kanë krijuar perimetrin e sigurisë përreth Kryeministrisë kanë marrë porosi që të shmangin çdo përplasje me mbështetësit e opozitës.

Oficerëve u është dhënë porosi që të mos reagojnë ndaj provokimeve të protestuesve.

Përreth Kryeministrisë janë dislokuar rreth 1500 forca policie përfshirë RENEA-n, FNSH-në dhe Shqiponjat.

Ndërsa në tarracat e Kryeministrisë dhe Kryesisë së Kuvendit janë vendosur snajperë.

Pas daljes nga selia e LSI duke u drejtuar per ne bulevard ku do t’u bashkohet protestuesve te opozites, Monika Kryemadhi është shprehur edhe një herë se “largim i Edi Ramës do të zgjidhë të gjitha problematikat”.

Në një prononcim të shkurtër para mediave Kryemadhi u shpreh: Sot më shumë se kurrë të gjithë kërkojnë ikjen e Ramës dhe grupin e tij që kanë bllokuar hapjen e negociatave. Edhe kushtet e vështira, ne jemi të gatshëm t’i marrim përsipër, që t’u hapim shqiptarëve rrugën negociatave.

Largimi i Edi Ramës largon çdo problematikë e do tu japë shpresë shqiptareve. Mendoj se është shumë e qartë për Shqipërinë dhe për të gjithë shqiptarët dhe Ramën në progres Raportin, janë 37 faqe që ka vetëm 7 kusht, që i përmbledh në një që duhet të ikë Edi Rama. Krimi dhe korrupsioni e kushtëzojnë hapjen e negociatave. Të gjithë kërkojnë largimin e Ramës. T’u japin një shans shqiptarëve që në datë 7 qershor Europa t’i thotë ‘Po’ Shqipërisë. Për këtë gjë shqiptarët kanë nevojë sot.

Kjo është një ditë me diell, por e zymtë për shqiptarët. Largimi i Ramës dhe Xhafës është paktë. Faktet për Xhafajn janë të qarta, por kjo nuk është çështja kryesore, është një pikë në oqeanin e llumit dhe zullumit që ka instaluar Rama.

Largimi i Ramës do u japë shpresë shqiptarëve. Sfida e Xhafajt për Bashës? Unë nuk jam eksperte e kësaj gjeje, por video është e qartë, përsa i përket zërit e kanë Xhafajn dhe personin që kanë përgjimin dhe ta bëjnë ekspertizën në praninë e Bashës dhe Xhafajt./Pamfleti