Aktualitet

Monedha e përbashkët ka nisur rënien e pandalshme në tregun e brendshëm. Sipas kursit zyrtar të Bankës së Shqipërisë, një euro u këmbye sot me 125.42 lekë, duke shënuar një rënie prej 0.5 lekësh në krahasim me ditën e mëparshme.

Kjo është e 11-a ditë radhazi me rënie, duke humbur vetëm në këtë periudhë 1.89 lekë. Ndërsa në krahasim me fillimin e vitit, kur euro e nisi me 133 lekë në 1 janar, për t’u ngjitur në nivelin më të lartë të vitit në 133.99 lekë në fund të janarit, monedha e përbashkët ka humbur 7.88 lekë, ose 6 për qind, duke shënuar nënçmimin më të madh vjetor të dekadës së fundit.

Krahas arsyeve më afatgjatë që kanë rritur ofertën si ekonomia informale, apo dhe konvertimi i kapitalit të bankave, aktorët e tregut valutor pohojnë se euro po ndikohet nga turizmi, i cili këtë vit ka filluar më herët.

Charterat me turistë janë bërë të përditshëm dhe sipas të dhënave të Ministrisë së Turizmit këtë vit pritet që numri i tyre të arrijë në rreth 300. Ndërsa hotelet kanë raportuar që nga qershori deri në tetor ata janë pothuajse 100% të rezervuar me turistë nga Europa, si polakë, çekë, ukrainas dhe risi e këtij viti janë dhe nordikët.

Ekspertët e tregut pohojnë se zhvlerësimi i vazhdueshmë i euros ka krijuar dhe një efekt psikologjik tek të gjithë ata që kanë valutë, të cilët po nxitojnë që ta këmbejnë në lekë, pasi kanë frikë se mos euro zhvlerësohet më tej.

Të paktën deri në gusht, si rrjedhojë e efekteve sezonale, ekspertët nuk presin që monedha e përbashkët të forcohet.

Në kahun tjetër, qarkullimi i monedhës vendase mbetet i ulët. Sipas të dhënave zyrtare të Bankës së Shqipërisë, në fund të muajit prill, paraja gjithsej në qarkullim ishte 1.23 trilionë lekë, me një rënie prej 36 miliardë lekësh (270 milionë euro) në krahasim me dhjetorin 2017 (në katër muajt e parë të 2017-s ndryshimi ishte -17 miliardë lekë.

Me siguri të gjithëve  ju ka ndodhur të prisni vonesat e avionëve me minuta ose në raste të tjera edhe me orë të tëra.

Në këto raste politikat që ndjekin në Shqipëri janë të veçanta për kompensimin e pasagjerëve.

Por së fundmi këto politika do të ndryshojnë sipas Kodit të Ri Ajror dhe ky kompensim mund të arrijë deri në 5 mijë euro për pasagjer.

Qeveria ka miratuar këtë kod i cili bën përgjegjës transportuesin për dëmtimet e shkaktuara nga vonesat në transportin ajror të pasagjerëve.

Por ka një përjashtim nga kompensimi, pasi transportuesi nuk paguan për dëmet që shkaktohen nga vonesa, në rast se punonjësit dhe agjentët e tij marrin gjithë masat e mundshme për të shmangur dëmtimin, por megjithatë nuk ia kanë dalë ta shmangin.

Ndërsa në rast dëmi, të shkaktuar nga vonesa në transportimin e një personi, përgjegjësia e transportuesit për çdo pasagjer kufizohet deri në 4 150 SDR që llogaritet pak më shumë se 5000 euro (SDR është monedha e FMN e rënë dakord për t’u përdorur në Konventën e Montrealit), shkruan Monitor. Ky kufizim nuk respektohet në rast se provohet që dëmtimi shkaktohet nga neglizhenca e transportuesit, punonjësit ose agjentëve të tij, e bërë me qëllim për të shkaktuar dëm” thuhet në nenin 143.

Sa i përket bagazheve ka një nen të veçantë që përcaktons e si bëhet kompensimi në rast se ato dëmtohen. Kjo shumë mund të arrijë deri në 1200 euro.

Detajet përcaktohen në këto 7 pika të nenit:

“Transportuesi është përgjegjës për dëmet e shkaktuara në rast shkatërrimi, humbjeje ose dëmtimi të bagazheve të dorëzuara (checked baggage), kur këto veprime ndodhin në bordin e avionit apo gjatë periudhës në të cilën bagazhi i dorëzuar është në përgjegjësinë e transportuesit. Transportuesi nuk është përgjegjës kur dëmtimi rrjedh nga një defekt i trashëguar, cilësi ose cen i bagazhit.

1. Transportuesi është përgjegjës për dëmin e shkaktuar, në rast vonese të bagazhit të dorëzuar, përveçse kur vërteton se ai, punonjësit dhe agjentët e tij morën të gjitha masat e mundshme për të shmangur dëmtimin ose kur marrja e masave të tilla ishte e pamundur.

3.Në rast humbjeje, shkatërrimi ose dëmtimi të bagazhit të dorës (hand baggage), përfshirë edhe sendet vetjake, transportuesi është përgjegjës nëse vërtetohet që ai, punonjësit dhe agjentët janë fajtorë për veprimet e kryera. Në rast vonese të bagazhit të dorës zbatohet, sipas rastit, pika 2 e këtij neni.

1. Në rastet e pikave 1, 2 dhe 3, të këtij neni, përgjegjësia e transportuesit për shkatërrimin, humbjen, dëmtimin ose vonesën kufizohet në 1 000 (një mijë) SDR për çdo pasagjer. Ky kufizim nuk respektohet nëse, në kohën kur bagazhi i dorëzuar është marrë nga transportuesi, pasagjeri bën një deklaratë të veçantë interesi për dorëzimin në destinacion dhe, sipas rastit, paguan një shumë shtesë. Në këtë rast, transportuesi paguan shumën e deklaruar, përveç rastit kur ai provon se shuma e deklaruar është më e madhe se interesi aktual i pasagjerit në dorëzimin në destinacion.

2. Pika 4 e këtij neni nuk respektohet në rast se dëmtimet janë të qëllimshme ose shkaktohen nga neglizhenca e transportuesit, punonjësve ose agjentëve të tij.

3. Në rast dëmtimi, pritësi i bagazheve ankohet tek transportuesi në çastin e zbulimit të dëmtimit, por jo më vonë se 7 (shtatë) ditë nga data e marrjes, në rastin e bagazhit të dorëzuar. Në rast dëmtimi, për arsye vonese, ankimi bëhet jo më vonë se 21 (njëzet e një) ditë nga data kur ai ka marrë bagazhin në dorëzim. Ankesa bëhet me shkrim. Nëse ankesa nuk bëhet brenda afateve, transportuesi nuk mban përgjegjësi. Nëse pasagjeri e pranon bagazhin e dorëzuar pa ndonjë rezervë, prezumohet se bagazhi është marrë pa dëmtime.

4. Në rast se bagazhi i dorëzuar ka humbur, kërkesa, sipas pikës 1, të këtij neni, bëhet vetëm nëse transportuesi pranon humbjen ose me kalimin e periudhës 21 (njëzet e një)-ditore nga data kur bagazhi duhej të kishte arritur” thuhet në nenin 144 të Kodit Ajror të miratuar në mbledhjen e qeverisë.”

Ministrja e nis ditën me një ecje ndërgjegjësuese pranë liqenit artificial: Zgjidhni Shëndetin, JO duhanit

“Duhani të thyen zemrën” – Zgjidh Shëndetin, JO Duhanit”. Me këtë moto, në Ditën Botërore Kundër Duhanit, Ministrja e Shëndetësisë dhe Mbrojtjes Sociale Ogerta Manastirliu e nisi ditën me një ecje ndërgjegjësuese pranë liqenit artificial të Tiranës.

“Sot është një ditë për t’u ndërgjegjësuar për rreziqet shëndetësore që lidhen me përdorimin e duhanit. Dhe këto rreziqe nuk janë të pakta. Duke filluar nga sëmundjet kardiovaskulare –që janë dhe tema e këtij viti- që kanë ndër shkaktarët kryesore duhanpirjen. Ndaj jemi këtu me miqtë tanë për të përcjellë mesazhin: Të zgjedhim shëndetin, jo duhanin. Sepse, sic është edhe moto e këtij viti: Duhani thyen zemrën”, tha Manastirliu.

Në këtë iniciativë u bashkuan edhe personazhe të njohur të artit dhe ekranit, për t’I thonë JO Duhanit dhe për të bërë një jetë sa më të shëndetshme.

Duhanpirësit janë rreth 4 herë më shumë të predispozuar për tu prekur nga sëmundjet kardiovaskulare – të cilat edhe në Shqipëri, si në të gjithë Botën, janë shkaku nr 1 i vdekjeve.

Ish-deputeti na prezanton familjen më 1 qershor: Me sytë nga Perëndia, mbase më bekon edhe me 3 fëmijë të tjerë

Sot me rastin e 1 Qershorit, festës së fëmijëve, ish-deputeti i LSI njëherazi Kryetari i Komisionit të Sigurisë Kombëtare në LSI, Flamur Çelaj na ka prezantuar me familjen e tij, bashkëshorten dhe tre fëmijët.

Por duket se dëshira e Çelajt është të ketë edhe tre fëmijë të tjerë, dhe këtë nuk heziton ta thotë hapur për të gjithë miqtë e ndjekësit e tij.

“1 Qershor , Sytë drejtuar nga perëndia, mbase më bekon edhe me 3 fëmijë të tjerë?!
Gëzuar festën e fëmijve”, shkruan ish-deputeti.

Një shqiptar, i cili prej vitesh jeton në Cleveland të SHBA-së ka hedhur në gjyq doganën se i kanë shkelur të drejtat e tij kushtetuese. Rustem Kazazi po udhëtonte drejt Shqipërisë me 58 mijë dollarë në çantë. Sipas 64-vjeçarit autoritetet doganore i kanë marrë paratë pa asnjë arsye, por thekson faktin se nëse dyshohet si trafikant apo si spastrues parash shteti duhet ta padisë.

Historia e tij në Amerikë ka bërë shumë bujë ku janë publikuar edhe mjaft artikuj për të. Në shkrimin e së përditshmes ‘’Washington Post’’ thuhet se agjentë doganorë kanë sekuestruar paratë nëpërmjet një procesi të njohur si konfiskimi i pasurive civile, një teknikë e zbatimit të ligjit që lejon autoritetet të marrin para në dorë dhe prona nga njerëz që nuk janë dënuar kurrë apo madje as janë akuzuar për një krim.

Po ashtu në këtë artikull theksohet fakti se 64-vjeçari Rustem Kazazi ka qenë oficer policie në Shqipëri dhe se ka ardhur në SHBA me lotarinë Amerikane. Ai thotë se paratë janë kursime të 10 viteve dhe se nuk i shte dërguar nëpër banka për shkak të kriminalitetit në Shqipëri dhe tarifave të larta të institucioneve financiare.

Ai dëshironte që në Shqipëri të kthehej për pushime dhe të rregullonte një pronë familjare, si edhe të blinte një banesë pushimi./Pamfleti