Kreu i Policisë së Shtetit, Ardi Veliu, vizitoi në Spitalin e Traumës efektivët e lënduar gjatë protestës së organizuar nga opozita këtë të shtunë.

“Treguan maturi, gjakftohtësi në përballimin e tubimit”, u shpreh Ardi Veliu.

Sakaq i pyetur për të lënduarit, Veliu tha se policia do shqyrtojë pamjet filmike nga protesta për të parë nëse ka shkelje nga policia apo protestuesit. “Do jenë pamjet filmike që do saktësojnë nëse ka gabuar Policia e Shtetit apo qytetarët”.

Lulzim Basha ishte i super mbrojtur sot teksa lëvizte në Bulevardin Dëshmorët e Kombit gjatë protestës së opozitës. Gjatë gjithë kohës ai është shoqëruar nga shumë badigardë, të cilët ruanin perimetrin e liderit demokrat duke mos lejuar askënd që të t’i afrohet.

Në foton e shkrepur nga fotografja e BIRN Ivrana Derbishi, duken të paktën gjashtë prej badigardëve të Bashës, ndërsa pjesa tjetër janë në një perimetër më të gjerë, shkruan Albeu.com.

Prej kohësh, në krye të trupës së tij të sigurisë është Florenc Hoxha, ish-kryepolici i shumë përfolur i Bashkisë së Tiranës, kur ajo drejtohej nga Lulzim Basha. Nuk dihet nëse lideri demokrat ka perceptuar ndonjë rrezik, megjithatë duket qartë se masat e marra prej tij janë përtej normales./Pamfleti

Nga protesta e opozitës mesditën e sotme përveç kryeredaktorit të ‘RD’ mbetën të lënduar edhe tre protestues të tjerë dhe gjashtë efektivë policie. Report Tv sjell pamjet nga Spitali i Traumës në Tiranë ku efektivët morën ndihmën e parë dhe po ekzaminohen.

Mes gjashtë efektivëve që janë të lënduar është edhe Shefi i Njësisë Operacionale Lorenc Shehu. Policët nuk kanë pranuar që të prononcohen, ndërsa drejtori Gjovalin Bushi në një prononcim për Report Tv është shprehur se po ekzaminohen.

Janë duke u ekzaminuar katër efektivë policie, shprehet Bushi.

Policët kanë lëndime në kurriz, këmbë dhe pjesët e tjera të trupit nga shtyrja e protestuesve në momentet e tensionimit të situatës me simpatizantët e PD dhe LSI. Në spitalin e Traumës ishte i pranishëm edhe Lulzim Basha, që vizitoi kryeredaktorin e ‘RD’ por nuk u ndal për te policët që u lënduan pikërisht nga shtyrja e protestuesve të opozitës.

Kryeministri Rama ka reaguar per here te pare pas protestes se opozites, e cila fillimisht para zyres se tij e mandej te Ministria e Brendshme, kerkoi largimin e Xhafajt dhe qeverise se Rames.

Kryeministri ka falenderuar gjithe demokratet, qe sipas tij, edhe pse nuk duan ta shohin me sy qeverine, e refuzuan thirrjen e Bashes dhe opozites per ne proteste.

Postimi i Ramës

Faleminderit të gjithë atyre demokratëve, të cilët nuk duan ta shohin me sy qeverinë, po e refuzuan ftesën për të marrë pjesë në babaleprotestën sa qesharake, aq edhe të pabesë ndaj çdo shqiptari e shqiptareje, që nuk pranon të dëmtojë Shqipërinë për babalepartinë

Vetëm pak minuta më parë ka përfunduar protesta e opozitës e thirrur nga opozita e bashkuar PD-LSI. Kojo protestë nisi rreth orës 11:10 dhe zgjati fiks 2 orë.

I vetmi që foli në protestë ishte Lulzim Basha dhe me të mbaruar fjalën e tij ai iu bëri thirrje protestuesve që të drejtoheshin drejt Ministrisë së Brendshme, aty ku ata u konfrontuan fizikisht edhe me efektivët e policisë.

Por pas largimit të protestuesve, këto janë pamjet që la sot protesta e opozitës.

Protesta  ishte lajmëruar ditë më parë nga opozita, ku këta të fundit kërkojnë largimin e Fatmir Xhafajt nga posti i ministrit të Brendshëm. /Pamfleti

Fermerët e qershisë në Dibër ankohen për mungesë të tregut të shitjes të prodhimeve të tyre.

Këtë vit prodhimi i qershisë ka qenë në maksimum, ndryshe nga viti i kaluar ku u dëmtuar për shkak të ngricës dhe breshërit.

Por fermerët nuk po arrijnë të shesin prodhimet e tyre.

Ata fajësojnë shtetin që sipas tyre nuk iu ka krijuar kushte për treg, e ndërsa çmimi i shitjes për kilogram nuk mbulon shpenzimet./Pamfleti

Të gjendur në këto kushte, disa nga fermerët kanë nisur prerjen e pemëve të qershisë.

Ditën e sotme në protestën e organizuar nga Partia Demokratike u tha nga kjo forcë politike se kryedaktori i gazetës RD, Bledi Kasmi u qëllua nga policia në krye të detyrës.

Por në videon e publikuar më poshtë rrëzohet pretendimi i PD-së, pasi Kasmi është goditur me gurë në kokë nga protestuesit në momentin që po sulmonet ata. Në këtë video ai shfaqet si një ‘’huligan’’ dhe jo si gazetar.

Opozita protestoi ditën e sotme në shesh; në fillim para Kryeministrisë ku mbajti një fjalim kreu i Partisë Demokratike, Lulzim Basha dhe më pas protestuesit iu drejtuan ministrisë së Brendshme ku tentuan të çanin gardhin e policisë dhe të futeshin brenda godinës, por pa ja arritur qëllimit./Pamfleti