Aktualitet

Një ngjarje e rëndë u shënua mesditën e sotme në Gjirin e Lalëzit në Durrës, ku një 22-vjrçar humbi jetën.

Sipas burimeve për JOQ.al, 22-vjeçari me iniciale E.S, kishte hyrë në det me shokët e tij për t’u larë dhe një gropë thithëse me forcë të madhe tërheqëse e mori për poshtë.

Dëshmitarët nga vendngjarja shtojnë ekskluzivisht për redaksinë tonë se miqtë e viktimës e kishin tërhequr lart, por ai kishte nisur të nxirrte shkumë nga goja dhe më pas e kishin lëshuar.

I riu me origjinë nga Peshkopia dhe banim në Tiranë, u nxor i pajetë në breg nga dallgët dhe u mbulua me peshqir deri në momentin që ambulanca e një spitali privat mbërriti në vendngjarje.

Miqtë e tij kishin lajmëruar policinë dhe ambulancën shtetërore, por sipas burimeve, në telefon i kishin thënë “se sezoni nuk ishte hapur ende”.

Dëshmitari rrëfen ekskluzivisht për JOQ:

Pershendetje JOQ, per djalin qe u mbyt ne Lalz, ndenji gjysem ore ne rere. Ishte me shokët e tij dhe ata thane qe ishin futur ne det per tu lare dhe shoku u tërhoq ne uje, thelle ne nje grope te madhe qe e tërhoqi. E kishin ngritur lart, por ishte tepër vone se kishte nisur te nxirte shkume nga goja, shokët u tmerruan dhe me pas e kishin lëshuar.
Keta shokët sa dolën lajmëruan policinë, po u vonuan. Ne breg e nxorën dallgët djalin e mbytur dhe e mbuluan me peshqir.
Moren ambulancën shtetrore dhe i thane qe svime dot se ska fillu sezoni, pastaj morën privatin dhe erdhën.
E moren me qese te shkretin, ishte cun i ri nga Peshkopia, ishte skene e tmerrshme.

Një e re në Tiranë ka bërë një denoncim, pasi sipas saj në rrugën e Elbasanit, në një bankomatë ajo ka tërhequr lekë, por njëra prej kartëmonedha i ka rezultuar e falsifikuar.

“Më datë 01.06.2018, shtetësia S.M., vjeçe 20, banuese në Tiranë, kallëzon se në rrugën e “Elbasanit”, nga bankomati i një banke, i ka dalë një kartëmonedhë e dyshuar e falsifikuar.

Materialet u referuan në Prokurorinë pranë Gjykatës së Shkallës së Parë Tiranë. Neni 183 i Kodit Penal”, njofton policia për ngjarjen.

Çmimi i bukës do të rritet me 30% në rast se furrat e bukës që tregtojnë edhe prodhime të pastiçerisë dhe byrektores, përjashtohen 100% nga subvencioni i energjisë elektrike, shkruan BW. Paralajmërimi vjen nga disa prodhues te bukës, të cilët e quajnë të padrejtë vendimin e Operatorit te Shpërndarjes së Energjisë Elektrike që subjektet e tyre të përfshihen në kontratat e biznesit normal me një çmim energjie 14 lekë për kilovat orë, vetëm se në furrat e tyre gjenden pajisje frigoriferike.

“Me rritjen e energjisë elektrike ne do të rrisim çmimin e bukës, 30% e pakta. Çmimi do të rritet për të gjitha prodhimet e brumit”, shprehet një nga tregtarët e bukës.

“Në qoftë se sot një bukë e shes 80 lekë-800g, do të shkojë 110-120 lekë. Nuk ka zgjidhje tjetër, ose mbyllim furrat dhe kaq”, shprehet një tjetër prodhues.

Dashamir Shehaj, tregtar i bukës prej 7 vitesh, është përjashtuar nga subvencionimi i energjisë elektrike prej muajit prill. Shehaj shprehet se ky dyfishim i tarifës nga 7.6 në 14 lekë për kilovat orë e rrit shumë koston e prodhimit të bukës.

“Në prill fatura me erdhi me rritje çmimi, me 14 lekë ndërkohë që përgjatë 7 viteve e kam paguar me 7.6 lekë. Kostoja shtesë është 230 mijë lekë (të vjetra). Është një kosto shumë e lartë për t’u paguar prej meje për 2 frigoriferë që kam tek furra. Ata rrisin energjinë elektrike, ne do të rrisim çmimin e bukës”, thotë Shehaj.

Pas disa takimeve që zhvilloi me drejtuesit e Operatorit të Shpërndarjes së Energjisë Elektrike për këtë situatë, Kreu i shoqatës së Prodhuesve të Bukës, Gëzim Peshkëpia bën të ditur se në to nuk është arritur në një zgjidhje konkrete. Pas dështimit në këto takime prodhuesit e bukës i kanë nisur një shkresë ministrit të Energjetikës, Damian Gjiknuri për një zgjidhje institucionale. Shoqata e prodhuesve të bukës propozon që furrat me bazë frigoriferike te paguajnë vetëm 10% te energjisë së shpenzuar me çmimin 14 lekë/kv orë.

Kërkesat e tyre
1. Furrat që nuk kanë bazë frigoriferike për tregtim të vazhdojnë të paguajnë energjinë me 7.6 leke që është vendimi i ERES.

1. Furrat që kanë bazë frigoriferike të domosdoshme për tregtimin e prodhimeve të veta, të paguhet në raportin 90% me 7.6 lekë energjia elektrike dhe 10% të paguhet me 14 lekë, për pjesën që OSSHE pretendon se nuk është prodhim buke.

2. Në këtë propozim prodhuesit duhet të heqin frigoriferët që nuk janë të prodhimit të brumërave siç janë frigoriferët e bulmetrave, pijeve etj.

Kreu i shoqatës së Prodhuesve të Bukës shprehet se edhe furrave të reja që po hapen nuk iu jepet subvencioni, për shkak se kanë në përdorim 2 apo 3 frigoriferë.

Hetimet për privatizimin e OSHEE-së nga kompania çeke CEZ janë shtrirë në Kosovë por edhe në Francë.

Detajet e reja nga hetimi, siç mëson News 24 lidhen me një letërporosi të dërguar pranë Prokurorisë së Kosovës nga prokuroria shqiptare.

Prokuroria jonë kërkon të marrë në pyetje dëshmitarin Nuel Kalaj dhe për këtë i kërkon informacione mbi vendndodhjen autoriteteve kosovare.

Mësohet  se Prokuroria e Kosovës ka kthyer përgjigje, duke saktësuar se po identifikojnë për adresën e personit në fjalë.

Po ashtu mësohet se në lidhje me këtë çështje është dërguar një tjetër porosi në Francë.

Mëngjesin e 24 majit dy persona bastisën zyrat brenda prokurorisë e Durrësit, Ditën e  sotme vëllai i Besnik Bushit, Dilaveri në një intervistë në News 24 konfirmoi atë që tha vëllai në sallën e gjyqit. Ai pretendon se Besniku është i pafajshëm dhe nuk ka lidhje me ngjarjen.

“Natën e bastisjes së prokurorisë unë im vëlla e dy persona të tjerë kemi qenë në bregdetin e Kavajës duke gjuajtur peshk. Merrni kamerat e sigurisë së hotel “Gjermanisë” verifikojeni e mos mbani njerëz të pafajshëm në burg. Me drejtësi ai del vetë nga burgu. Të bëhet drejtësia mbi këtë çështje”- shton më tej Dilaver Bushi.

Familjen e ka pa bukë dhe pa drita se nuk kanë lekë të paguajnë as dritat. Besniku nuk e di cjanë kompjuterët e serverat fare. Një palë pinca për dritat ka mbajtur gjithë jetën në dorë. Në shtëpinë me qera është pa drita. Ka që nga Janari që nuk paguante dot qiranë se nuk kishte gjetur punë. Dy vajzat në shkollë, nuk ka familja për të ngrënë nënvizoi i vëllai. Familjarët kërkojnë drejtësi.

Më tej thuhet se siguria e Prokurorisë u thye nga tre persona identitetet e të cilëve janë; Besnik Bushi 54-vjeç, Artur Isa 49-vjeç nga Sukthi dhe Nias Lena roja që kishte 5 ditë që kishte filluar punë. Dy të parët akuzohen për vjedhjen memories elektronike të Prokurorisë, dhe bastisjen e zyrës së prokurorit Afrim Shehu dhe të një oficeri të policisë gjyqësore.

Në masën e sigurisë prokuroria si provë të vetme nxori 13 gjurmë gishtash të gjetura në sahatin e dritave dhe në derën e prokurorit Afrim Shehu. Motivi nuk është gjetur për asnjë prej të arrestuarve, po gjurme te një gishti unaze dhe një gishti te madh te secilit prej tyre janë gjetur.

Deputetët shqiptarë janë shumë unikë, premtimet e tyre ja kalojnë dhe qiellgërvishtësve. Në fakt, ata e dinë mjaft mirë se nuk do t’i mbajnë, po ashtu dhe dëgjuesit që janë të detyruar të reagojnë dhe të duartrokasin, kanë frikë për bukën e gojës.

Rasti më unik është ai i deputetit të Shkumbinit, Alfred Peza. Në fushatën parazgjedhore, ai shpalosi projektet e tij për ekipin e futbollit të Shkumbinit. Skuadra do të rikthehej në maje, do të kishte binjakëzim me Lazion dhe do të kishte kanalin zyrtar. Peza fliste dhe në krahun tjetër Kryeministri Edi Rama dhe deputeti Bashkim Fino qeshin me të madhe.

Sot, Shkumbini ka rënë nga Kategoria e Parë, vitin tjetër do të luajë në Kategorinë e Dytë. Klubi është i mbytur me borxhe dhe deputeti Peza është zhdukur. Sa bukur, erdha, pashë, mora votat dhe u largova…

https://youtu.be/pBN__knpQTE