Aktualitet

Kjo zonë është ideale për rritjen e kësaj bime që prodhon fitime të mëdha. Kohët e fundit, aronia është bërë jashtëzakonisht popullore dhe më e kërkuar, dhe sipas ekspertëve, rajoni ynë është ideal për kultivimin e saj.
Është ushqim i shkëlqyeshëm sepse përmban një sasi të vogël të kalorive dhe një nivel të lartë të vitaminave dhe mineraleve. Dhe përveç kësaj, ajo është e pasur me antioksidantë, e cila ka një shtrirje më të madhe sesa në boronicë, mjedër dhe rrush pa butë të zi.

Bima e Aronias arrijnë lartësinë e tyre të plotë në vitin e tetë, duke i dhënë 10 kilogram në rrënjë.

Një kilogram aroni nga klasa e parë paguhet deri në 1 euro. Sipas disa llogaritjeve, për prodhim në një hektar mund të arrijë fitim deri në 12 mijë euro.

Prodhuesit thonë se është mjaft e lehtë për tu rritur dhe kujdesur për këtë bimë dhe është e mundur që në oborrin e shtëpisë tuaj. E gjithë kjo është e nevojshme është që të ketë një hapësirë të vogël të lirë për rritje.

Nuk është e komplikuar për rritje, dhe vetëm një dru mund të nxjerrë më shumë se 17 kilogram fruta.

Ngjan shumë me atë të një burse në vend renditja e pasaportave më të fuqishme në botë. Është Gjermania që dominon si pasaporta më e kërkuar në botë dhe më fuqishme, por më pas krejt papritur shfaqet pasaporta e Japonisë në krye të listës. Fokusi qëndron zakonisht tek pasaportat që kryesojnë listën, interes ngjallin edhe lëvizjet në këtë renditje në mes dhe në fund të saj.

Renditja bazohet nga numri i vendeve në të cilat një pasaport mund të hyjë pa përdorur vizën, ose në rastet kur me atë pasaportë mund të sigurosh një vizë në hyrje të pikës kufitare të shtetit në të cilën ke zgjedhur ta vizitosh.

Po Shqipëria e sata është renditur në vitin 2018? A ka pasur përmirësime? Sipas Indexit, në vitin 2008, Shqipëria renditej e 155-ta ndërkohë që brenda harkut kohor të 10 viteve, renditet aktualisht e 67-ta në botë. Kjo lidhet me marrjen e statusit të vendit kandidat për në BE, si dhe me përfshirjen në bllokun e vendeve të Shengenit që prej vitit 2010, e cila mundëson udhëtimin pa viza.

Ndërsa Kina për shembull është renditur në vitin 2008 e 75-ta sipas Henley Passsport Index, renditja e përvitshme e bërë nga qytetarët sipas sondazhit të organizuar nga kompania Henley and Partners. Kina është ngjitur këtë vit në vendin e 44.

Mund të themi që ngritja e Kinës është mbresëlënëse, sërish ajo është e pakrahasueshme me ngjitjen e befasishme që kanë pësuar pasaportat e vendeve të vogla europiane.

Sipas Henley Passsport Index ngritje ka pësuar edhe Bosnje Hercegovina, e cila nga vendi i 143 në vitin 2008 është ngjitur në vendin e 86-të pikërisht për shkak të rrugëtimit që vendi ballkanik ka bërë drejt Bashkimit Europian.

Nga ana tjetër, Sierra Leone është vendi që ka humbur që ka pësuar rënie. Në fakt, në vitin 2008, vendi afrikan ishte në vendin e 90-të, ndërsa aktualisht është në vendin e 132-të.

Kjo rënie vjen për shkak të epidemisë së Ebolës që goditi Sierra Leone në 2014. Epidemia, e cila preku edhe Guinenë dhe Liberinë, duke iu marë jetën.

Prokurorja në Prokurorinë e Përgjithshme, Anila Leka, do të paraqitet ditën e hënë, në datën 4 qershor, para Komisionit të Pavarur të Kualifikimit, organit të bazë të Vetingut, për t’u njohur me rezultatet e hetimit të thelluar për ligjshmërinë e pasurisë, kontaktet e mundshme më botën e krimit dhe aftësitë profesionale.

Trupa gjykuese që po kalon në skanerin e trefishtë prokuroren Anila Leka përbëhet nga Firdes Shuli, Roland Ilia dhe Suela Zhegu. Shqiptarja.com zbardh ekskluzivisht pasurinë e plotë të prokurores Leka që nga viti 2004, pasuri e cila është verifikuar nga Inspektoriati i Lartë i Deklarimit dhe Kontrollit të Pasurive, njerëzit e Vetingut dhe përfaqësuesit e Operacionit Ndërkombëtar të Monitorimit.

Sa i takon pasurive të paluajtshme, prokurorja Leka ka në pronësi vetëm dy apartamente. Ajo deklaron blerjen e një apartamenti banimi 2+1, në vitin 2004, me sipërfaqe 85 m2, me vlerë 35 mijë dollarë. Si burim deklaron shitjen e një banese si dhe kursime. Prokurorja deklaron gjithashtu edhe blerjen e një parlamenti në vitin 2014, me sipërfaqe 76 m2 dhe me vlerë 3 000 000 lekë.

Si burime të ardhurash, Anila Leka deklaron vetëm pagën vjetore si prokurore në Prokurorinë e Përgjithshme si dhe të ardhura nga bonot e thesarit. Prokurorja ka kursyer çdo vit nga paga e saj nga 700 000 lekë deri në 900 000 lekë, çka e justifikon blerjen e këtyre pasurive. Gjithsesi, fjalën e fundit për ligjshmërinë e pasurisë si dhe për fatin e saj në sistemin e drejtësisë do ta thonë organet e Vetingut.

Nga procesi i deritanishëm veprimit të ligjit të Vetingut, shumica e grave prokurore dhe gjyqtare janë konfirmuar në detyrë, ndërsa asnjë burrat gjyqtarë apo prokurorë nuk kanë mundur dot të kalojnë sfidën e Vetingut, për të shërbyer në drejtësinë e re. Të gjithë burrat janë ndëshkuar për shkak të mosjustifikimit të pasurisë.

Dritan Prençi

Një ditë më pas, pra në datën 5 qershor, para Komisionit të Pavarur të Kualifikimit do të dalë Dritan Prençi, prokuror në Prokurorinë pranë Gjykatës së Shkallës së Parë për Krimet e Rënda Tiranë. Trupa gjykuese që do të njohë Prençin me rezultatet e verifikimit të trefishtë përbëhet nga Genta Tafa (Bungo), Pamela Qirko dhe Suela Zhegu. Sa i takon pasurisë, Dritan Prençi deklaron vetëm një apartament banimi me sipërfaqe 78 m2, me vlerë 31 204 euro, blerë në vitin 2008, me kredi bankare, ndërsa ka marrë certifikatën e pronësisë në vitin 2011.

Sa i takon të ardhurave, Dritan Prençi deklaron 1 383 540 lekë pagën dhe shpërblime si dhe 408 000 lekë të ardhura të bashkëshortes nga paga si Infermiere pranë QSUT. Dritan Prençi, që nga viti 2003, deklaron një pasuri modeste dhe normale në raport me të ardhurat e deklaruara. Prençi është pjesë e hetuesve të dosjes së ish-ministrit të Brendshëm Saimir Tahiri. Gjithashtu, Prençi është prokuror dhe në dosjen e vrasjes së gjyqtares Fildes Hafizi.

Pasuria e prokurores Anila Leka

Viti 2004

Apartament banimi 2+1, me sipërfaqe 85 m2, me vlerë 35 mijë dollarë. Burimi: Shitja e një banese dhe kursime.

Gjendje cash, 8 mijë dollarë.

Diferencë e mbetur nga likuidimi i banesës, 8 mijë dollarë.

Paga dhe shpërblime, 1 545 600 lekë.

Viti 2005

Gjendje cash krijuar nga kursimet e pagës, 900 000 lekë.

Paga dhe shpërblime nga funksioni i prokurores në Prokurorinë e Përgjithshme, 1 638 315 lekë.

Viti 2006

Gjendje cash krijuar nga kursimet e pagës, 400 000 lekë.

Depozitë 2 mijë dollarë.

Likuidim total të apartamentit 2+1.

Të ardhura nga paga 1 591 230 lekë.

Viti 2007

Gjendja cash, 7 mijë dollarë.

Të ardhura nga paga 1 642 375 lekë.

Viti 2008

Gjendja cash shtuar nga kursimet, 700 000 lekë.

Mbyllur depozita me interesat, 2 128 USD.

Paga vjetore, 1 816 319 lekë.

Viti 2009

Gjendja cash krijuar nga kursimet, 700 000 lekë.

Paga vjetore, 1 905 536 lekë.

Viti 2010

Gjendja cash krijuar nga kursimet, 820 000 lekë.

Nga kursimet cash të deklaruara më parë, investuar në bono thesari, 2 000 000 lekë.

Paga vjetore, 2 016 128 lekë.

Të ardhura nga bonot e thesarit, 146 787 lekë.

Viti 2011

Gjendja cash krijuar nga kursimet, 970 000 lekë.

Nga kursimet cash të deklaruara më parë, investuar në bono thesari, 2 000 000 lekë.

Paga vjetore, 1 979 345 lekë.

Të ardhura nga bonot e thesarit, 142 415 lekë.

Viti 2012
Gjendja cash krijuar nga kursimet, 960 000 lekë.

Nga kursimet cash të deklaruara më parë, investuar në bono thesari, 2 000 000 lekë.

Paga vjetore, 1 795 172 lekë.

Të ardhura nga bonot e thesarit, 136 443 lekë.

Viti 2013

Gjendja cash krijuar nga kursimet, 850 000 lekë.

Nga kursimet cash të deklaruara më parë, investuar në bono thesari, 2 000 000 lekë.

Paga vjetore, 1 705 997 lekë.

Të ardhura nga bonot e thesarit, 86 624 lekë.

Viti 2014

Gjendja cash krijuar nga kursimet, 720 000 lekë.

Nga kursimet cash të deklaruara më parë, investuar në bono thesari, 2 000 000 lekë.

Blerë apartament me sipërfaqe 76 m2, me vlerë 3 000 000 lekë.

Paga vjetore si prokurore pranë Prokurorisë së Përgjithshme, 1 616 928 lekë.

Të ardhura nga bonot e thesarit, 51 360 lekë.

Viti 2015

Gjendja cash krijuar nga kursimet, 660 000 lekë.

Gjendje në llogarinë rrjedhëse të pagës, 24 326 lekë.

Nga kursimet cash të deklaruara më parë, investuar në bono thesari, 2 000 000 lekë.

Paga vjetore si prokurore pranë Prokurorisë së Përgjithshme, 1 587 561 lekë.

Të ardhura nga bonot e thesarit, 53 414 lekë.

Viti 2016

Pakësuar gjendja cash në shumën 1 860 000 lekë, kaluar pjesërisht në bono thesari.

Shtuar gjendja cash, 7 mijë USD, me burim nga të ardhurat.

Bono thesari 1 500 000 lekë.

Gjendje në llogarinë rrjedhëse të pagës, 139 446 lekë.

Paga vjetore si prokurore pranë Prokurorisë së Përgjithshme, 1 587 432 lekë.

Të ardhura nga bonot e thesarit, 25 208 lekë.

Të mendosh Kosova është një mrekulli turistike jo thjesht për trashëgiminë e pasur historike por edhe atë natyrore. Por, nëse do t’ia thuash dikujt atraksionet e Kosovës do të shikojnë si të çuditshëm prej paditurisë së thellë.

Shkruan Ben Andoni

Nëse do të pyesësh autoritetet shqiptare: Pse nuk ka një fushatë turistike në Shqipëri për Kosovën, përgjigja mund të merret me mënd. Shqipëria dhe Kosova bashkëpunojnë ngushtë. Burokratët do të shpalosin një mal me shkresa duke të thënë se Ministrat respektivë shkëmbejnë mendime dhe aksione turistike, kurse Ministrat e Brendshëm punojnë për mbarëvajtjen, teksa në sezon do shfaqen bashkërisht në kontrollin e patrullimeve të pikave kufitare.

Në të vërtetë zyrtarisht është kështu, burokratët e dy qeverive flasin të gjithë kohën dhe të përplasin matrica zhvillimi turistike, që do t’ia kishin zili edhe vendet më të përparuara në këtë fushë.

Vetëm se vjet INSTAT-i krahas lajmit pozitiv se Shqipëria u vizitua nga 5.1 milion turistë, gati 8.1 % më shumë sesa një vit më parë, na solli edhe një konstatim aspak të këndshëm: Numri i shtetasve nga Kosova po bjerret vazhdimisht. Turistët kosovarë përbënin 45% të shumës së përgjithshme të vizitorëve që erdhën në Shqipëri në 2016 dhe zbritën në 34% një vit më pas (2017), një bjerrje e frikshme, që sot është verifikuar prej mungesave të frikshme.

Shqiptarët e Shqipërisë janë shumë selektiv kur flitet për biznesin e tyre turistik dhe është “afër mendsh” që do t’u shërbejnë më shumë atyre që vinë nga shtetet e tjera. Dhe, kjo bëri që çmimet e aplikuara për kosovarët nuk janë aspak fair, abuzimet me çmimet hoteliere për ta ishin të vazhdueshme, infrastruktura la shumë për të dëshiruar, kurse kulmi arriti me një lloj diskriminimi për autobuzat e tyre, ku autoritetet lokale të Durrësit ua hidhnin fajin operatorëve kosovarë dhe këta këtyre të fundit, pa gjetur dot zgjidhje. Në këtë vazhdë, nuk fle aspak Mali i Zi dhe Maqedonia që po mundohen ta kanalizojnë drejt vendeve të tyre këtë masë kosovarësh, e cila po i largohet vendit tonë.

Po Shqipëria në Kosovë? Për këtë duhet t’i drejtohemi autoriteteve të statistikës në Kosovë. E vërtetë është kjo se në Shqipëri interesi për Kosovën turistike është shumë i vogël. Falë tureve që kanë bërë disa shoqëri turistike është e vërtetë se shqiptarët e kanë parë pjesërisht Kosovën, por në masë ajo trajtohet si një vend i huaj. Shumë shqiptarë mund të flasin për Greqinë e Italinë shumë më mirë dhe me më shumë kopetencë sesa për Kosovën.

Një arsye tjetër është se në Curricula-t shkollore shqiptare atraksionet e Kosovës mungojnë, ashtu si ofertat që bëhen nga Shqipëria janë shumë të kufizuara për Kosovën. Nuk ka asnjë lloj politike në Shqipëri dhe ndjeshmërie që shqiptarët teksa lënë 974 milion Euro (llogaritja për 9 mujorin e vitit 2017) të mendojnë të derdhin në Kosovë një masë, për ta ndihur Kosovën në rrugën e vështirë të të bërit shtet.

Kjo e fundit nga shqiptarët e Shqipërisë trajtohet si një vend i afërt, por që nuk ia vlen kushedi se çfarë. Një frymë jo e mirë që vjen nga konfuzioni i autoriteteve dhe zbret poshtë në politikat e subjekteve të turizmit e më shumë akoma.

Të mendosh Kosova është një mrekulli turistike jo thjesht për trashëgiminë e pasur historike por edhe atë natyrore. Por, nëse do t’ia thuash dikujt atraksionet e Kosovës do të shikojnë si të çuditshëm prej paditurisë së thellë.

Ka një masë të madhe shqiptarësh që se kanë parë fare Luginën e Rugovës, strukturën e tretë të Bjeshkëve të Nemuna, të njohura ndryshe si Alpet Shqiptare; Ujëvarat e bukura të Mirushës, me një bukuri mahnitëse; Brezovicën në jug të Kosovës; hamame, kisha e xhamia të rralla ngado vendit.

Të mos harrojmë Manastirin ortodoks serb, i cili ndodhet në komunën e Deçanit, fare afër kufirit tonë, i cili gjendet në listën e trashëgimisë kulturore dhe historike botërore, një kryevepër arkitektonike e rrethuar me serenitet natyror të rrallë; Patriarkanën e Pejës; xhaminë e Prishtinës e shumë të tjera. Po Ulpianën; Gazimestanin, kalatë në Artanë e Harilaq e kështu me radhë?! Sa shumë janë realisht.

Sikur Shqipëria t’i bashkonte ofertat me Kosovën, atëherë do të përfitonte edhe vendi i vogël, që nuk ka më nevojë për fjalë, por edhe kontribut real nga të gjithë shqiptarët. Kosova prej pas luftës e ka bërë detyrën patriotike duke derdhur paratë e pushimit në drejtim të Shqipërisë, po ne shqiptarët? Pothuaj fare.

Ndaj ndodh, që për fat të keq, një pjesë e madhe e shqiptarëve të Shqipërisë e shikojnë Kosovën shumë më larg sesa e shikojnë serbët me veneracionin e tyre për Metohinë…

Prokuroria e Krimeve të Rënda në Tiranë, që prej një viti ka  nisur hetimet në lidhje me grupinn e Met Kanannit, apo siç njihet ndryshe “baroni i drogës”.

Kanani dhe bashkëpunëtorë të tij në Shqipëri dhe në rajon dyshohet të kenë trafikuar disa ngarkesa të mëdha kanabisi drejt vendeve të Lindjes, por edhe heroinë drejt vendeve të Bashkimit Europian.

Më 12 maj 2018,  u vunë në pranga 19 persona, 14 në Shqipëri dhe 5 jashtë saj,  pas një  operacioni të gjërë antidrogë të nisur nga Krimet e Rënda.

Gjatë një viti që kanë zgjatur hetimet për grupin e Met Kananit, janë identifikuar të paktën 10 persona që kanë punuar për të, duke trafikuar sasi të ndryshme kanabisi dhe heroine.

CNA.al ka siguruar dosjen hetimore, ku konstatohet se pas vënies në përgjim  të një sërë numrash telefonik celularë, është zbuluar rrjeti i trafikantëve, skema e trafikimit të lëndëve narkotike dhe zonat ku ishin përqëndruar.

Në dosje jepen detaje se si “baroni i drogës”, Met Kanani e kalonte lëndën narkotike ngë Shqipëria në vendet e Bashkimit Evropian, nëpërmjet grupit të tij që kishte këtu.

Nga Shqipëria për në Maqedoni, droga kalonte me mushka, përmes kufirit të gjelbër, ndërsa në Maqedoni dhe konkrteisht në Strugë do të përdoreshin kamionë, për të vijuar transportin në Evropë.

Dosja hetimore

Me  datë 27.02.2018 në shtetin e Maqedonisë u bë kapja në flagrancë e shtetasit Mentor Muçka, ku në makinën e tij në cilësinë e provës materiale iu sekuestrua 85 kg.lëndë narkotike kanabis sativa.

Si rezultat i pergjimeve telefonike rezulton se i hetuari Arvanit Ulndreaj me numër telefoni 0685156203 që në datë 25.02.2018 sëbashku me të hetuarin tjetër Landi me numër telefoni 0694336858  kanë shkuar në shtetin e Maqedonisë dhe sëbashku kanë organizuar punën për kalimin e lëndës narkotike nga Shqipëria drejt Maqedonisë nga ku i hetuari Arvanit Ulndreaj ka mbajtur kontakte dhe me të hetuarit apo persona të tjerë të cilët janë “Sadiku” (i hetuari Andrea Balla) me numër telefoni 0695484568, Saimir me numër telefoni 0697222020 dhe 0697505070 dhe Ladi me numër telefoni 0692197027 dhe bashkë me ta kanë bërë të mundur kalimin e lëndës narkotike me anë të transportit me kafshë në terren të vështirë.

Me qëllim identifikimin e personave të përfshirë në trafikimin e lëndëve narkotike Shqipëri-Maqedoni,  nga Sektori per Hetimin e Narkotikëve trasmetua në kohë reale informacioni sipas të cilit rezulton se kamioni i markës “Iveco”, model Magirus me targa AA501LA dhe ADR036. ngjyrë të bardhë me drejtues mjeti shtetasin Mentor Muçka ka marrë përsipër të transportojë një sasi lënde narkotike nga Maqedonia me destinacion vendet e BE -së.

Lëndën narkotike ky shtetas do e merrte me kamion me datë 26.02.2018 në parkingun e “Bar Ambienti’, i cili ndodhet në dalje të Strugës.

Lënda narkotike do të dërgohej Shqipëria nëpërmjet kufirit të gjelbër me mushka dhe me pas do të çohej me kamion nga i hetuari Klinsi Aliaj dhe Florand Xhabej.

Transportin në brendësi të territorit të Maqedonisë e kishin marrë përsipër ta organizonin shtetasit që thërriten Arvanit, Ladi dhe “Sadiku”, Aranit Balla.

Ndërsa në rolin e ndihmësit ishte Orges Islami, i cili kishte lidhje shoqërore me Klinsi Aliaj, Alfred Shabanin dhe Arvanit Ulndreaj.

Nge autoritetet e antidrogës në Maqedoni është kërkuar që kamioni dhe e gjithë situata të mbahet nën kontroll  me qëllim identifikimin e rolin e gjithësecilit, si dhe kapjen e sekuestrimin e lëndës narkotike.

Me datë 26.02.2018, rreth orës 07:04. i hetuari Florand Xhabej ka dalë nga Maqedonia nëpërmjet pikës së kalimit kufitar Qafë Thanë me mjetin me targa AA 187MT.

Edhe shtetasit Klinsi Aliaj dhe Arvanit Ulndreaj  kanë dalë nga Maqedonia nëpërmjet të njëjtës pikë të kalimit kufitar, rreth orës 17:38 me mjetin me targë AA773011.

Me datë 25.01.2018 i hetuari Arvanit me numrin e telefonit 0685156203 ka  komunikuar me një sms, me të dyshuarin Sadik (i hetuari Alfred Shabani), i cili përdor numrin e telefonit 0695484568 dhe sëbashku rreth orës 13:05 janë takuar tek lokali pranë karburant “Gega” në Tiranë.

Pas takimit me Arvanitin shtetasi i cili thërritet Sadik sëbashku me një shtetas tjetër kanë shkuar në Maqedoni dhe pas kthimit nga Maqedonia në orën 19:46, kanë komunikuar në telefon me njëri- tjetrin.

Sadiku i thotë “se ishim në në Strugë, po s’na mbaroi punë”.

I hetuari Arvanit thotë se, “po mua më tha se mbas orës 7 le të vijë”.

Stetasi i cili thërritet Sadik (i hetuari Alfred Shabani) i thotë se, “folëm në telefon dhe më tha që kam mysafirë”. Ndërkohë që e lënë të takohen të nesërmen me njëri tjetrin.

I hetuari Orges Islami sëbashku me të hetuarin Klinsi Aliaj dyshohen se dispononin pikërisht sasinë e lëndës narkotike që u trafikua.

Kjo sasi lënde narkotike ishte e vendosur në një banesë e cila dyshohet se është në përdorim të shtetases Valbona Shabani, motra e e të hetuarit Alfred Shabani.

Md datë 24.01.2018. në orën 12:03 i hetuari Arvanit me numrin e telefonit 0685156203 ka komunikuar me shtetasin i cili thërritet “Bilo” i cili përdor numrin e telefonit 0698678486.  Shtetasi i cili thërritet “Bilo” e pyet se, “kemi ndonjë gjë” dhe i hetuari Arvanit i tha se “ ..prit gomar të dali bari.. po pres… kur të dalë them.. ti çfarë, bën të mori gjë Prenga”

Bilo i thotë: “Akoma nuk më ka kthyer përgjigje, se është këto dy ditë poshtë, hajde shiko mos bëjmë ndonjj gjë shpejt e shpejt”.

Sipas Prokurorisë, e cila u referohet përgjimeve, ndërsa po bëhej gati transportimi i  drogës Shqipëri-Mqedoni, në skenë del Met Kanani i cili ka biseduar në gjuhën angleze, me një shtetas të panjohur ende për organin e akuzës.

Duke përdorur përgjigjmet si prova, prokuroria ka urdhëruar arrestimin e personave që kanë kishin planifikuar të transportnin drogën Shqipëri-Maqedoni.

Ministri i brendshëm, nga e djathta ekstreme, këmbëngul se do ta mbajë premtimin elektoral për të dëbuar rreth 500,000 emigrantë nga Italia. Ministri i Brendshëm italian, Mateo Salvini, nga e djathta ekstreme italiane, ka deklaruar se një nga përparësitë kryesore të partisë së re populiste do të jetë “dërgimi në shtëpi” i emigrantëve, duke sinjalizuar se do të mbaj një premtim elektoral për të dëbuar qindra mijëra emigrantë të paligjshëm.

Kaosi politik që ka mbështjellë Italinë javët e fundit, e vjen nga dyshimet e krijuara për qeverinë e re, e cila u zyrtarizua të Premten dhe që po drejtohet nga një kryeministër krejtësisht i panjohur, Giuseppe Conte. Pyetja kryesore është nëse kjo qeveri do të ndjekë një politikë të ashpër për sa i përket detyrimeve fiskale në Bruksel.

Por ngritja në fuqi e Salvinit,  nga ish-drejtues i një emisioni radiofonik, tashmë në postin më të rëndësishëm qeveritar brenda Italisë, që ka nën kontroll sigurinë e vendit, të drejtat e njeriut, emigrimin, azilin dhe zgjedhjet, mund të sjellë një ndryshim dramatik.

Disa orë pasi presidenti italian, Sergio Mattarella, dekretoi qeverinë e re, Salvini tha se Italia do të mbante një qëndrim më të ashpër.

“Italia do të hapë dyert për njerëzit e mirë, dhe do të kthejë ata që kanë ardhur në Itali për të bërë trazira. Një nga përparësitë kryesore do të jetë kthimi i tyre në shtëpi”, tha ai.

Salvini, i cili drejton Lega Nord, të djathtën ekstreme nacionaliste, e cila ka qenë në favor të ndarjes së Italisë, ka premtuar të dëbojë rreth 500,000 emigrantë që jetojnë në Itali në mënyrë të paligjshme.

Ndonëse kjo retorikë ka ngjallur shqetësime mes ekspertëve të emigrimit dhe grupeve humanitare, deri tani është parë si axhendë aspak realiste, sepse Italia nuk i ka pasur burimet e mjaftueshme apo edhe fleksibilitetin ligjor për të realizuar dëbime në masë.

Ekspertët e emigrimit, të kontaktuar nga Guardian, janë gjithsesi të alarmuar nga emërimi i Salvinit. Ata druajnë se të drejtat e azilkërkuesve, emigrantëve dhe refugjatëve, do të humbasin në mënyrë dramatike në një vend ku po hasin që tani vështirësi për t’u akomoduar e për t’u integruar me komunitetet vendase.

Calogero Santoro është drejtuesi i Girasoli, një organizatë jo-fitimprurëse që reklamon integrimin e emigrantëve dhe refugjatëve në komunitetet lokale të Sicilisë. Ai thotë: “Gjatë fushatës së fundit zgjedhore janë përhapur lajme të rreme për emigrantët në të gjithë Italinë. Shqetësimi im është për të ardhmen e azil-kërkuesve, njerëzve që e meritojnë statusin e refugjatit. Ç’do të ndodhë me ata nën drejtimin e Salvinit?”

Santoro shtoi: “Kjo është ajo që më tremb. Marrëveshja e qeverisë së mëparshme me Tripolin po e bën jetën e këtyre njerëzve gjithnjë e më të vështirë në Libi. Tani Salvini mund t’ua bëjë jetën të pamundur edhe në Itali.”

Santoro i referohet një marrëveshjeje midis Italisë dhe Libisë, nëpërmjet të cilës Italianët trajnojnë rojat bregdetare të Libisë, të cilët kanë ndaluar varka me emigrantë dhe kanë kthyer në kampet e Libisë njerëz që po përpiqeshin të udhëtonin në Europë. Marrëveshja është dënuar nga mbështetësit e të drejtave të njeriut. Ka pasur shumë raport që kanë përshkruar kushtet çnjerëzore, përdhunimet dhe abuzime të tjera fizike që ndodhin atje.

Ekspertët e emigrimit janë gjithashtu të shqetësuar për faktin që Salvini mund të ulë fondet për qendrat e pritjes, të cilat janë kritikuar që tani nga grupet për të drejtat e njeriut për sa i përket kushteve. Kjo do ta bënte jetën e emigrantëve në Itali edhe më të vështirë.

“Frika ime është se mos qendrat e pritjes së emigrantëve në Itali kthehen në ‘xhungla’ të ngjashme me të Kalesë, në Francë, që u bëjnë emigrantët të padukshëm për publikun”, tha Fulvio Vassallo, ekspert për ligjet e azilit, nga Universiteti i Palermos.

Salcini ka sugjeruar gjithashtu t’i kthejë qendrat e recepsionit në qendra ndalimi, dhe të ndryshojë destinacionin e shumë fondeve për të kryer dëbime në masë. Me rregullat e tanishme, çdo emigrant që dëbohet me avion duhet të shoqërohet nga dy agjentë italianë, gjë që kushton rreth 3000 Euro. Një studim i fundit nga L’Espresso thotë se plani i Salvinit për të dëbuar 500,000 emigrantë do të kushtonte 1.5 miliardë euro.

Pierre Vimont, një diplomat francez që punon me grupin e ekspertëve “Carnegie Europe”, tha se qeveria Italiane mund të shkelë ligjet ndërkombëtare të refugjatëve dhe ligjet e BE-së, nëse vazhdon me premtimin për të dëbuar me qindra mijëra emigrantë, duke rrezikuar të shkelë edhe konventën e Gjenevës.

“Nëse qeveria e re italiane thotë ‘nuk dua t’ia di, nuk pranoj refugjatë’, ata mund të shkelin konventën ndërkombëtare”, tha ai, duke iu referuar parimit të “non refoulement”, që nuk i lejon shtetet të dërgojnë refugjatë në zona ku mund të jenë të rrezikuar.

Vimont, i cili ka drejtuar negociatat midis Afrikës dhe BE-së, për krijimin e fondeve që do të ulnin numrin e emigrantëve, tha se i duket qesharake që kjo qeveri mendon se i ka përgjigjet për probleme që i kanë shpëtuar qeverive të tjera europiane për 20 vite.

“Problemi me qëndrimin populist është se i kanë bindur zgjedhësit e tyre se këto gjëra mund të zgjidhen sa hap e mbyll sytë. Kjo s’ka ndodhur kurrë, sidomos me emigrimin”, shtoi Vimont.

Sandro Gozi, ish Ministri Italian për Europën, tha se BE i kishte dhënë municion partive populiste kundër emigrimit duke mos e ndihmuar Italinë që t’i bëjë ballë numrit të madh të emigrantëve.  “Europa mundej dhe duhej të kishte bërë më shumë”, thotë Gozi për the Guardian në një intervistë të kryer kohët e fundit. “Axhenda e populsitëve është ndihmuar nga fakti që italianët janë ndier të braktisur”.

BE ka shpenzuar më shumë se dy vite për të përmirësuar ligjet e kërkesave për azil, të quajtur  ndryshe si “Rregullorja e Dublinit”. Ka ndasi të mëdha për zhvend0osjen e refugjatëve nga një shtet i BE-së te një tjetër. Shtetet e Europës Qendrore dhe Europës Lindore, të drejtuara nga Polonia dhe Hungaria, thonë që nuk do të pranojnë kurrë kuota pranimi për emigrantët. Disa shtete të jugut, si Italia dhe Greqia, thonë se janë lënë vetëm që të përballen me gjithë valën e emigrantëve, shkruan “Top Channel”.

Kjo çështje do të trajtohet në Qershor, pasi presidenti i Këshillit Europian, Donald Tusk, kërkoi të vendoset një marrëveshje ose të braktisen fare kuotat e pranimit me detyrim.

“Vonesat me zbatimin e zhvendosjes së emigrantëve kanë qenë politikisht shkatërruese”, thotë Gozi. “Jo sepse zhvendosja do të kishte zgjidhur krizën e emigrimit, por sepse tregoi se grupi i Vishegradit nuk pranon të paguajë ndonjë çmim.”

Bullgaria, e cila është duke menaxhuar negociatat, po përpiqet t’i shtyjë vendet drejt një kompromisi, por shtetet mesdhetare nuk janë të kënaqura për kuotat me detyrim. “Po bëjmë hapa pas për sa i përket solidaritetit dhe përgjegjshmërisë”, tha një diplomat i BE-së.

The Guardian, Stephanie Kirchgaessner nga Roma, Lorenzo Tondo nga Palermo, Jennifer Rankin nga Brukseli