Plazhet që janë vlerësuar me notën “dobët” janë 12 të tilla, nga 102 plazhe gjithsej. Në faqen e internetit të agjensisë europiane, është paraqitur edhe një hartë, që mund ta shihni më poshtë, nga ku gjithsesi është e vështirë të kuptohen plazhet ekzakte që janë vlerësuar me notën “dobët”.
Me ngjyrën e kuqe janë shenjuar plazhet më të ndotura të vlerësuara “dobët”, me blu janë plazhet e vlerësuara “shkëlqyeshëm” për nga cilësia e ujit, ndërsa me ngjyrën e kaltër, ato që janë vlerësuar “mirë”. Në ngjyrën e gjelbër janë plazhet e vlerësuar “mjaftueshëm”.
Raporti bazohet në analizat e 914 kampioneve të ujit. Kampionet u morën në 102 plazhe gjatë sezonit turistik të vitit të kaluar në ditë të ndryshme. Sipas raportit analizat janë bërë për bakteret “Escherichia coli” dhe “enterococcus faecalis”, që janë tregues i derdhjes së fekaleve në det.
Gjithsesi në raport thuhet se 12 plazhet që u vlerësuan me notën “dobët” janë 1 më pak se vitin 2016 dhe ka një pëmirësim të dukshëm me vitin 2015.
Ndotja e ujit nga fekalet mbetet një rrezik për pushuesit vëren raporti, pasi bëhet shkak për sëmundje të ndryshme. Shkaku kryesor i ndotjes janë shkarkimi i ujërave të zeza në det dhe derdhjet e rrëmbyeshme që sjellin lumenjtë, në veçanti pas reshjeve të shumta.
Nëse hordhitë e Saliut do të hynin të shtunën në shkallët e ministrisë së Brendshme, atje do të përplaseshin me punonjës të FBI-së që mbroheshin nga marinsat amerikanë.
Shkruan Spartak Ngjela
E patë sesi iku me vrap Basha t’i ndalonte demostruesit e tij?
Po të kishin hyrë, do të ishte shumë mirë për shqiptarët, se do ta kuptonin në fakt që Shqipëria nuk destabilizohet dot nga hordhitë orientale të korrupsionit shqiptar.
Po kjo tregon qartë edhe rëndësinë që ka për Amerikën aleanca shqiptaro-amerikane.
l.
Mos mendoni se pranimi në Bashkimin Evropian është një mëshirë për shqiptarët e varfër: anëtarësimi i Shqipërisë në BE, është domosdoshmëri e saj. Kjo është edhe një kërkesë e fortë amerikano-gjermane.
Sigurisht, që të kuptosh këtë, duhet ose të njohësh mirë historinë e Gadishullit Ilirik, ose duhet të jesh një fuqi e madhe në politikë.
Është e kuptueshme se ne shqiptarët njohim mirë historinë tonë, kurse politika amerikanë dhe ajo gjermane, si fuqi të mëdha, e dinë sot domosdoshmërinë e pranimit të Shqipërisë në BE.
Pse është i domosdoshëm anëtarësimi i Shqipërisë në BE?
Sepse tani në Ballkanin Perëndimor: në Shqipëri, në Kosovë, në Greqi, në Serbi, në Maqedoni, në Mal të Zi, jetojnë afër 12 milionë shqiptarë.
Por ka edhe dy shtete shqiptarë në Ballkanin Perëndimor – Shqipëria dhe Kosova.
Por ka edhe një shtet të tretë shqiptar që po del: Maqedonia.
Por është edhe procesi i albanizimit në Gadishullin Ilirik, sepse ortodoksët shqiptarë nëpër vendet sllavë po deklarojnë kombësinë e tyre shqiptare: kudo, në të gjitha vendet sllavë të Ballkanit Perëndimor.
ll.
Për të gjitha këto, korrupsioni kryeministror shqiptar sot është në dekadëncë të plotë. Është shumë i pafuqishëm dhe nuk ka fare aftësi që të prodhojë politikë popullore antiamerikane dhe antireformë.
Por edhe shitja e interesit kombëtar te fqinjët, sot është një pamundësi.
Për të gjitha këto, duhet të dorëzohet.
Sot shqipëria është një vend i rëndësisë së veçantë për politikën globale antiterrorizëm, ka gjithashtu rëndësi të interesit të parë për Shtetet e Bashkuara në lidhje me politikën e ardhëshme, por edhe për politikën gjermane, sepse politika e Perëndimit të lartë, amerikano-gjermane, është e zhgënjyer ndaj vendeve sllavë dhe Greqisë në Ballkanin Perëndimor. Por ka edhe një interes të madh ekonomik.
Në të vërtetë sllavët dhe grekët janë vënde që kanë mbijetuar në histori, në dy shekuj, me luftën kundër shqiptarëve: me represionin kundër gjuhës shqipe, me genocidin antishqiptar dhe me pushtimin e territoreve shqiptare.
Jashtë pushtimeve të territoreve shqiptare Serbia, Greqia, Mali i Zi, dhe Maqedonia nuk do të ishin dot shtete të mëvetësishëm.
Ja, pikërisht ky fakt i vërtetë historik e ka kthyer politikën e lartë perëndimore dhe sidomos atë amerikane, drejt ngritjes së shqiptarëve, dhe Shqipërisë e Kosovës në Ballkanin Perëndimor.
Por ky është edhe shkaku i natyrshëm që Shqipëria shumë shpejt do të jetë anëtare me të drejta të plota në Bshkimin Europian, dhe prandaj, çelja e negociatave në këtë qershor, është diçka ë sigurt.
Kurse duhet theksuar se, pikërisht për këtë, korrupsioni shtetëror shqiptar është i humbur, dhe, sa më pak rezistencë të bëjë, aq më mirë do të jetë për të.
Pas protestës së të shtunës Forumi Rinor i Partisë Demokratike ka protestuar sërish ditën e sotme para zyrës së ministrit të Brendshëm Fatmir Xhafaj.
Ata kanëvendosur një gomone me pako qe simbolizon drogën, kanë vendosur pranga në duar dhe kanë hedhur peshq dhe letra higjenike drejt godinës së ministrisë.
Pjesë e protestës së të rinjve të FRPD-së kanë qenë edhe Florjon Mima dhe Fatbardh Kadilli.
Monedha e përbashkët ka shënuar sërish një rekord të ri të ulët në tregun vendas. Sipas kursit zyrtar të Bankës së Shqipërisë një euro u këmbye sot me 126.49 lekë, rreth 0.23 pikë më pak se një ditë më parë. Euro e nisi ditën e djeshme duke rikuperuar pikë përkundrejt lekut vendas, pas një jave ku humbi më shumë se 0.53 pikë.
Sipas ekspertëve të kursit të këmbimit aktualisht po ndikojnë efektet sezonale. Ata argumentojnë se sezoni turistik ka nisur më shpejt. Duke u bazuar në ecurinë shumë vjeçare të kursit të këmbimit sipas aktorëve kryesorë të tregut, nëse euro do t’i nënshtrohet trendëve të viteve të mëparshme, dy do të jenë periudhat e dobëta për të.
Me përfundimin e muajit të Ramazanit, sipas ekspertëve pritet që të rriten flukset e turistëve nga Kosova dhe për rrjedhojë do të rritet më tej oferta në valutë. Ndërsa periudha e dytë parashikohet gushti, i cili është muaji ku shtohen flukset e emigrantëve që kthehen në atdhe për pushime dhe sjellin dhe remitanca për të afërmit e tyre.
Ekspertët vazhdojnë t’i qëndrojnë mendimit se shkak për rënien e valutës janë prurjet nga aktivitete jo të ligjshme dhe shtojnë se zhvillimet në kursin e këmbimit janë jashtë konceptit ekonomik (jo të ndikuar nga faktorë të matshëm).
Aktorët kryesorë të tregut thanë për Monitor se për shkak të rënies së vazhdueshme të euros, individët që kanë kursime në valutë kanë nisur që të këmbejnë në monedhën vendase për shkak të frikës së rënies së mëtejshme.
Dollari amerikan shënoi rritje rekord në tregun vendas. Një dollar u këmbye me 109.6 lekë, rreth 1.17 lekë më shumë se një ditë më parë, duke rikuperuar pikë nga zhvlerësimi që pati në muajt e parë të 2018-s. Ekspertët e e këmbimit valutor argumentojnë se monedha e gjelbër do të jetë nën ndikimin e zhvillimeve ndërkombëtare shkruan Monitor.
Aktualisht euro është dobësuar në tregjet ndërkombëtare për shkak të fitores së partive të ekstremit të majtë në Itali. Ndërsa dollari ka reflektuar besim tek investitorët pas zhvillimeve pozitive për të arritur një marrëveshje midis SHBA dhe Koresë për armët bërthamore.
Në vitin 2017 në Shqipëri u kryen 199 vetëvrasje, sipas të dhënave që janë publikuar nga INSTAT, me një rënie prej 11.5% (26 persona më pak) në krahasim me vitin e mëparshëm. Ndonëse ky është niveli më i ulët që nga viti 2012, kur raportohen të dhënat, sërish vetëvrasjet mbeten mbi tre herë më të lrta sesa vrasjet (që në vitin 2017 ishin 63).
Por cilat janë grupmoshat që vrasin më shumë veten dhe qytetet ku shënohet numri më i lartë i vetëvrasjeve në raport me popullsinë?
“Monitor” ka përpunuar të dhënat e INSTAT, nga të cilat rezulton se në vitin 2017 ka pasur rënie të vetëvrasjeve tek moshat e mitura (10-19 vjeç), por është shënuar një rritje e ndjeshme për të rinjtë e moshës 20-29 vjeç. Në këtë grupmoshë u kryen gjithsej 34 vetëvrasje, me një rritje prej 41% (ose 10 të rinj më shumë që kanë preferuar të ikin para kohe nga kjo botë) në krahasim me vitin e mëparshëm.
Psikologët pohojnë se studimet e fundit nxjerrin moshën 14-25 vjeç si më të prekur nga ky fenomen. Të tjera studime e kanë çuar deri në moshën 29-vjeçare. Është edhe mosha e rritur e vonë e prekur, por arsyet se pse e marrin këtë akt i diferencojnë.
“Adoleshentët, duke jetuar në periudhën e zhvillimit shpërthyes të individit dhe formimit të personalitetit, janë lehtësisht të ndikueshëm nga faktorët socio-ekonomikë. Konkretisht, edhe në Shqipëri, ideja e adoleshentëve për të konkurruar për status: veshje, teknologji, para, makina luksoze, udhëtime etj., i vë ata nën një trysni që shpesh i çon në vetëvrasje. Edhe rrjetet sociale janë një faktor negativ në këtë mes, pasi u ofron mundësi ekspozimi të gjerë, nga ku një pjesë nuk mundet të arrijë të ketë të njëjtat. Ne si ekspertë e quajmë si dukuri “të pasurit të gjithçkaje”. Por jo të gjithë arrijnë t’i kenë dhe frustrohen. Presioni social shpesh bëhet i fortë dhe mund të ndikojë në marrjen e vendimit të vetëvrasjes”, ka pohuar më herët për Monitor, Prof. Asoc. Dr. Arjana Muçaj, anëtare e Këshillit të Psikologëve.
Në të kundërt, një tendencë dominuese në vitin 2017 ka qenë dëshira më e ulët për t’i dhënë fund jetës tek moshat pak më të pjekura, nga 30-44 vjeç, ku vetëvrasjet kanë rënë me 50% (28 më pak), duke ndikuar në uljen e tendencës së përgjithshme.
Një rritje e fortë e veëtvrasjeve, pothuajse dyfishim ka ndodhur te grupmosha 50-54 vjeç, në 31 raste, ku varfëria mbetet arsyeja kryesore e kësaj zgjedhjeje.
Në total, grupmosha 49-60 vjeç dominon, me 52% të totalit të vetëvrasjeve.
Meshkujt më të dobët, Lezha, qarku me më shumë vetëvrasje
Meshkujt janë ata që dorëzohen më shpejt përpara vështirësive të jetës, me 68% të vetëvrasjeve në total. Rekordi është në Elbasan ku 12 meshkuj vranë vetën në 2017-n dhe vetëm një femër.
Rrethi që ka më shumë vetëvrasje në vlerë absolute është Tirana, me 37 persona që e kanë ndërprerë jetën përpara kohe (65% ishin meshkuj). Por, nëse i llogarisim sipas numrit të banorëve, kryeqyteti shqiptar rezulton i fundit, me 4.3 vetëvrasje për 100 mijë banorë.
Qarku më problematik është Lezha, me 13.2 vetëvrasje për 100 mijë banorë, i ndjekur nga Korça (11.2), Berati (9.9), Durrësi (9.1).
Qarku ku kryhen më pak vetëvrasje në fakt është ai më i varfëri, Kukësi, me 2.5 vetëvrasje për 100 mijë banorë.
Në total, në Shqipëri në vitin 2017 u regjistruan 6.2 vetëvrasje për 100 mijë banorë. Ky është një ndër nivelet më të ulëta në rajon, pas Greqisë me 5.4, sipas të dhënave të Organizatës Botërore të Shëndetësisë, që i referohen vitit 2015. Në rajon kryeson Serbia me 19.5 vetëvrasje për 100 mijë banorë, e ndjekur nga Mali i Zi (12.4), Maqedonia (9.9), Bosnja (7.1). Italia e ka këtë tregues 8.7, ndërsa mesatarja globale është 10.7.
Shqiptarja u vra nga burri në Itali rrëqeth me dedikimin vëllai i shqiptares së masakruar nga burri.
Vëllai i së ndjerës, i cili përmes një postimi në rrjetin social “Facebook” ka përlotur. Në ato pak rreshta që ka shkruar kuptohet qartë dhimbja e madhe në familjen Tereziu, sidomos te dy djemtë e Elcës.
Ja dedikimi i plotë:
“Më thuaj moj zemër ç’të bëj unë tani, më iku motra më la dy fëmijë. Më iku motra të takojë babanë, më la dy fëmijët me kokën mënjanë më thuaj moj zemër kë të mbaj më parë, Marion apo Danielin.
Ngelën duke qarë, jashtë bie shi. Ç’do bësh ti moj nënë, shiun s’ke për ta parë, ngelem duke qarë! Nuk duroj dot moj nënë kur tavolinën shtruar e shikoj të dua këtu afër të të përqafoj. Fjalët e fëmijëve të ishe ti dëgjoje, të prekin thellë në zemër, veten do shkatërroje…
Nuk mund t’i shkruaj të gjitha këto që thonë e pa harruar do mbetesh në zemrën tonë. Oh sa doja të shkruaja, por nuk duroj dot moj motër, më vjen të pëllcas… Fli e qetë moj motër, kurrë nuk do të harrojë fëmijët e tu, unë do t’i mbroj!
I shkruajta këto fjalë pa ndaluar, kështu do jem unë me ta, gjithmonë të bashkuar! I pa harruar qoftë kujtimi yt”.
Partia Socialiste do t’i përgjigjet dhëmb për dhëmb çdo sulmi dhe akuze të opozitës kundrejt mazhorancës qeverisëse. Ditën e djeshme është mbledhur grupi parlamentar socialist nën drejtimin e kryetarit të grupit, Taulant Balla, i cili u ka dhënë një sërë porosish deputetëve të PS, në emër të kryeministrit Edi Rama.
Gazeta “Sot” ka mësuar disa detaje nga mbledhja, edhe pse ajo u zhvillua në “fshehtësi” të plotë. Sipas informacioneve, kreu i grupit ka urdhëruar të gjithë ligjvënësit socialistë që të mos qëndrojnë indiferent ndaj çdo akuze të opozitës kundrejt qeverisë dhe deputetëve të PS, duke iu përgjigjur në kohë.
Po ashtu, mësohet se Balla ka porositur deputetët që të jenë vigjilentë ndaj çdo sulmi të Partisë Demokratike dhe Lëvizjes Socialiste për Integrim, ku iu ka kërkuar që të denoncojnë çdo eksponentë të këtyre partive nëse kanë shkelur ligjin.
Ndërkohë, gazeta mësoi se kreu i grupit parlamentar gjatë fjalës së tij, ka kërkuar nga deputetët që të mos mungojnë në komisionet parlamentare dhe në seancën e së enjtes në Kuvend. Madje, mësohet se ai ka kërkuar që mungesën e çdo kujt, duhet ta justifikojnë, pasi në të kundërt do merren masa disiplinore. Një tjetër porosi që Balla ka adresuar ndaj deputetëve në emër të kryeministrit Edi Rama ka të bëjë me integrimin.
Mësohet se ai ka urdhëruar të gjithë ligjvënësit që deri në dhënien e vendimit nga ana e vendeve të Bashkimit Europian, kushdo duhet të lobojë fuqishëm për Shqipërinë, në çdo takim që mund të kenë me deputetët apo zyrtarë të BE-së. Sa i takon protestës së opozitës, mësohet se Balla e ka ironizuar atë, duke thënë se populli braktisi Bashën, sepse e do gjithmonë në minorancë.
Albert Veliu, që ndryshe njihet si “Dëshmitari X”, është ndaluar të dielën nga Policia e Kosovës. Ai u ndalua në afërsi të Prishtinës bashkë me të birin dhe sipas burimeve nga Policia vendëse, dyshohet për kalim të paligjshëm kufiri.
Albert Veliu, për të cilin Prokuroria e Krimeve të Rënda vijon hetimet, u bë i njohur nga audio-përgjimi i pretenduar me Agron Xhafajn, vëllain e ministrit të Brendshëm. Policia e Shtetit tha dje se ende nuk ka ndonjë informacion zyrtar nga Policia e Kosovës, megjithatë nga të dhënat paraprake dyshohet të ketë kaluar ilegalisht kufirin.
Fillimisht lajmi u bë i ditur nga mediat kosovare dhe më pas u konfirmua edhe nga Policia e Kosovës, por pa dhënë detaje mbi arsyet e ndalimit. Veliu dhe djali i tij mësohet se janë ndaluar ditën e diel dhe dyshohet se kanë kaluar në territorin e Kosovës nga kufiri i gjelbër. Kjo, pasi nga verifikimet e kryera në sistemin e Policisë Kufitare, nuk ka rezultuar që ai të jetë regjistruar në momentin e kalimit.
“Mund t’ju konfirmojmë se Policia e Kosovës bazuar në autorizimet ligjore, më datë 27.05.2018, ka ndaluar dy shtetas të Republikës së Shqipërisë. Të ndaluarit janë trajtuar sipas procedurave ligjore”, tha zyrtarisht dje Policia e Kosovës, pa saktësuar arsyet e ndalimit apo veprat penale, për të cilat ata akuzohen.
Ndërsa Prokuroria e Përgjithshme tha dje se për Albert Veliun nuk ka asnjë urdhër ndalimi dhe as urdhër për ekzekutimin e ndonjë vendimi Gjykate. Ndërsa konfirmoi se Prokuroria e Krimeve të Rënda po vijon hetimet për “trafikim narkotikësh”.
Dyshohet se “Dëshmitari X” mund të ketë pasur qëllim kërkimin e azilit në vendet e Bashkimit Europian. Megjithatë, burime jozyrtare thanë dje se pas ndalimit ai tashmë ka kërkuar azil në Kosovë, me pretendimin se i rrezikohet jeta pas publikimit të audio-përgjimit.
Pas publikimit të videos dhe dëshmisë së dhënë për vëllain e ministrit të Brendshëm, Fatmir Xhafaj, Albert Veliu u pyet disa orë në Prokurorinë e Krimeve të Rënda. Në pyetje u morën edhe 3 zyrtarë të Partisë Demokratike, ndërkohë që Prokuroria është në pritje të rezultateve të një laboratori jashtë vendit, ku audio-përgjimi është dërguar për ekspertizë. Ditën kur Partia Demokratike transmetoi video-dëshminë e Albert Veliut, ai tentoi të largohej me taksi në drejtim të Kosovës.
Por në hyrje të Kukësit, në një lokal ai është ndaluar nga Forcat Operacionale, të cilat e kthyen në Tiranë, pasi do të merrej në pyetje nga hetuesit. Javën e shkuar prokurorët e Krimeve të Rënda për më shumë se 5 morë e morën në pyetje Albert Veliun për llogari të hetimeve nisur për Prokuroria pranë Gjykatës së Shkallës së Parë për Krime të Rënda, për veprën penale të “Trafikimit të narkotikëve” dhe “Kallëzimit të rremë”, shkruan Panorama.
