Aktualitet

Kontrolli i Lartë i Shtetit vijon të ketë si shqetësim ndjekjen e kallëzimeve penale nga prokuroria.
Gjatë raportimit në Komisionin e Ekonomisë kreu i këtij institucioni u shpreh se janë në proçes gjyqësor me prokurorinë për pushimin e 21 çështjeve.

Ndërkohë kreu i Komisionit të Ekonomisë i kërkoi KLSH që të auditojë shpenzimet e bëra për ndërtimin e Rrugës së Kombit, auditim qe do te risjelle rihapjen e dosjes se shpenzimeve dhe abuzimeve te kesaj rruge prej 230 milione euro, te mbyllur me procedure nga ish ministri i Transporteve Lulzim Basha..
Erjon Braçe theksoi se auditi i KLSH ka nxjerr në pah një sërë shkeljesh gjatë privatizimit të hotel Dajtit.
Prokuroria nuk ndjek kallëzimet e bëra në prokurori për shkelje dhe dëme ekonomike nga Kontrolli i Lartë i shtetit.

Leskaj: Janë 21 procese gjyqësore penale në të cilat kemi kundërshtuar vendimin e prokurorisë për pushimin e çështjes. Jemi në procese gjyqësore në të cilat jemi palë e tretë.

Por pavarësisht këtij shqetësimi, Kuvendi i Shqipërisë vijon ti kërkojë KLSH-së auditime të reja.
Me një kërkesë të ngjashme, këtë herë për Rrugën e Kombit, është përballur këtë të mërkurë në Komisionin e Ekonomisë kreu i KLSH-së, i cili nuk e ka komentuar kërkesën por nisur nga detyrimi ligjor që ka duhet të nisë nga puna për të zbardhur shpenzimet për ndërtim por edhe fondet për mirëmbajtjen.

Braçe: Të fillojmë të kuptojmë sa para kemi paguar, çfarë vepre kemi ndërtuar, çfarë i kemi lënë mangut dhe sa para të tjera duhet të paguajmë si qytetarë të këtij vendi për të përfunduar një vepër dhe për ta mirëmbajtur atë në kohë.

Ky lloj sensibiliteti vjen në një kohë kur është rihapur sërish debati për tarifën e qarkullimit në Rrugën e Kombit në përfundim të afatit 60 ditor që kreu i qeverisë kishte vënë në ditën kur protestat e dhunshme shkatërruan të gjithë investimin e bërë. Në lidhje me investimin në këtë rrugë ka qenë nën hetim ish-Ministri i Transporteve në atë kohë, Lulzim Basha, sot kryetar i PD-së.

Edhe pse të dhënat janë konfidenciale, kreu i Komisionit të Ekonomisë tha shkelje të mëdha ligjore janë bërë edhe në procesin e privatizimit të Hotel Dajtit dhe kjo është bërë gjatë qeverisjes së djathtë.
Braçe: Privatizimi i Hotel Dajtit është një nga çështjet e nxehta, ende të pazbardhura, për fat të keq të prokurorisë së Republikës të pahetuara.

Askujt nuk na shkonte në mendje se ishtë cënuar ligji për Bankën e Shqipërisë apo parimet e politikës monetare.

KLSH ka konstatuar një dëm financiar në buxhetin e shtetit prej 11.5 miliardë lekësh, ku peshën më të madhe e kanë lojrat e fatit.

Operatori i Sistemit të Shpërndarjes së Energjisë Elektrike (OSHEE) këtë sezon veror ka rritur intensitetin e monitorimit dhe po mban nën kontroll sistemin energjetik për mbarëvajtjen e sezonit turistik.

OSHEE njofton se, prej disa ditësh, brigadat e Tensionit të Lartë, në rajonin jugperëndimor, kanë shkuar në ndihmë të kolegëve të Vlorës, në kuadër të marrjes së masave për mirëfunksionimin e rrjetit në shërbim të abonentëve dhe turistëve.

Ndërsa ka përfunduar sistemimi i rrjetit të tensionit të mesëm (TM) në aksin Radhimë-Llogara-Himarë, puna vijon në linjat e tjera.
Në Rajonin e Tepelenës, drejtoria e Tensionit të Lartë, rajoni Jugperëndim është duke punuar për mirëmbajtjen e NST Tepelenë, duke siguruar furnizim normal me energji të zonave: qyteti Tepelenë, Bënçë, Legdush, Fermë, Beçisht, Dragot, Luath, Mezhgoran, Luzat, Uji i Ftohtë, Lekël-fshat dhe Hormovë./atsh

Kryeministri Edi Rama foli sot per portalin “Shqiperiaqeduam.a”, te cilen e quajti “një mekanizëm bashkëveprimi mes qeverisë dhe njerëzve të zakonshëm për të kapërcyer pengesat administrative në zgjidhjen e halleve individuale e të problemeve të komunitetit, si edhe luftuar kështu së bashku, vonesat e pajustifikuara dhe kulturën e vjetër të rryshfetit në zyrat e shërbimeve për qytetarët”.

Por ne videon e transmetimit live ne FB, kjo ka ndezur shume komente dhe nje pjese te madhe te tyre, kritika dhe medyshje Rama u ka kthyer pergjigje, si me poshte:

Ka ngjarë me një diversion të ulët, ajo çfarë Blendi Fevziu sajoi si skenë një natë më parë në Opinion, ku i diktoi indirekt kryeministrin Rama, në një lloj sjelljeje të pafajshme në dukje, që të lexonte Biblën te ato që ishin versete mbi bamirësinë.

Deri te ky moment, ka qenë e dukshme një mospasje ekuilbri, edhe për hir të bashkëjetesës fetare, ku në panel ishte i ftuar një prift, i nderuari Akil Pano, por jo një hoxhë. Për më tepër, z. Pano kishte marrë dhe Biblën me vete, për të kumtuar prej aty ato urdhëresa mbi bamirësinë.

Ndërkohë, duhej të ishte një klerik musliman, jo domosdoshmërisht me Kuran në dorë, edhe nga fakti se të parët që janë njohur për akte të larta bamirësie ndër vite, kanë qenë pikërisht figurat muslimane, ku mjafton Zyber Hallulli, themelues i Stehës Vorfnore. Por kulmi ishte në momentin kur Ramës i diktohet që të lexojë Biblën, marrë nga z. Pano në studio.

Dhe kryeministri, siç e ka për dhunti, i bishtnon lojës së Fevziut, por dhe pafajësisë së klerikut të krishterë në ftesën për ta lexuar librin e tij referues, me batutën: “jam në muajin e Ramazanit dhe nuk e lexoj Biblën”.

Ishte kjo, me gjasë, dhe një lloj mesazhi i Ramës ndaj Fevziut, për mosrespektim të kriterit të ekulibrave fetarë, në një emision të tillë ku diskutohej mbi bamirësinë. /tesheshi.com/

Një administratë që do të shërbejë me zero vonesa dhe me zero ryshfet është një nga synimet e funksionimit të platformës së bashkëqeverisjes shqiperiaqeduam.al.

Në një aktivitet të organizuar në Sallën e Hartave në kryeministri, Kryeministri Edi Rama u shpreh se, “kjo është një rrugë ku jo vetëm zgjidhim probleme, por edhe rrisim vetëdijen e punonjësve të administratës për fuqinë e çdo njeriu të zakonshëm”.

“Çdo person kur shfaqet në një zyrë apo sportel, mund të duket si tradicionalisht i pambrojtur dhe në pamundësi për t’u imponuar për të drejtën që i takon me ligj, por me këtë platformë çdokush, i çfarëdo kategorie sociale dhe nga çdo pozicion gjeografik, kthehet në një njeri që ka të gjithë fuqinë e vetë të qeverisjes me aksesin e drejtpëdrejtë në qeveri”, tha Rama.

Çdo qytetar, tha Rama, “ka një mik të drejtpërdrejt, qeverinë, që zgjidh problemin dhe vendos në pozitë përballë ligjit këdo në administratë që është bërë shkak për vonesën, zvarritjen dhe mostrajtimin në kohë e mënyrë ligjore, të hallit”.

Qëllimi i platformës është i dyfishtë, theksoi Kryeministri, duke shtuar se “nga njëra anë synohet të zgjidhim problemet, por edhe të identifikojmë të gjithë ata që janë bartës të zakoneve të këqija të administratës dhe shkelin të drejtat e qytetarëve për dembelizëm, indiferentizëm, apo akoma më keq, për arsye korruptive./ATSH