Aktualitet

Gjykata e faktit Vlore ka dhene sot masen e sigurise per tre personat e arrestuar pas vrasjes se 29 vjecarit Vasil dervishaj diten e hene ne mbremje ne qytetin e Vlores.

Nekid Arapi, arrest ne shtepi me mbikeqyrje elektronike, Amarildo Grembi arrest ne burg dhe A.Caushi arrest ne burg.

Nekid Arapi dhe Amarildo Grembi jane perballur me akuzat per mos kallezim krimi dhhe largimi i autoreve nga vendi i ngjarjes, ndersa A.Caushi per vepren penale te bashkpunimit ne vrasje dhe armembajtje pa leje.

Masa e sigurise arrest shtepie me mbikeqyrje elektronike per Nekid Arapi eshte dhene pasi, sipas hetimeve, ky i fundit i ka shoqeruar autoret nje pjese rruge me makinen e tij, ndersa nuk ka qene ne vendin e ngjarjes ne momentin e vrasjes se 29 vjecarit Dervishaj.

Per dy shtetasit e tjere qe jane lene ne burg, prokuroria ka kerkuar kete mase duke ju referuar hetimeve pasi Amarildo Grembi (Muka) ka qene ne vendin e ngjarjes, ndersa ka shoqeruar autoret por nuk ka kallezuar per krimin.

Ne kerkim mbetet shtetasi me iniciale E.A,31 vjec, ndersa ne burg eshte lene A.Caushi i dyshuar sipas policise se bashku me 31 vjecarin si autore te vrasjes se Vasil Dervishaj.

Shtetasit e arrestuar pak dite me pare nuk kane bere deklarata ne seancen gjyqesore per percaktimin e mases se sigurise ndersa ajo eshte zhvilluar me dyer te mbyllura dhe ne kushte te forta sigurie.

Seanca ehste drejtuar nga gjyqtare Elona Mihali.

Hetimi për videopërgjimin e famshëm ku PD-ja akuzoi vëllanë e Ministrit të Brendshëm Fatmir Xhafaj, se po bëntë transaksion për shitje droge, ka sjellë të reja tronditëse.

Personi që në videopërgjim ofrohet si Agron Xhafaj, është në fakt një tjetër person në mësohet se ka imituar zërin e vëllait të ministrit.

Laboratori i Policisë Shkencore në Romë ka sjellë përgjigjen që zëri nuk është i Xhafajt, por prokuroria ka shkuar edhe më tej duke gjetur personin që ka zërin në videopërgjim.

Madje ky person është ofruar si dëshmitar dhe ka deklaruar se ai dhe i shququajtur Dëshmitari X pra Albert Veliu kanë organizuar gjithçka, me “kërkesë nga lart”. Ky lajm i ri pritet që të sjellë një zhvillim të ri në hetimet që prokuroria ka nisur për këtë çështke.

Pra nga hetimet për trafik, do të nisë ajo për falsifikim dhe shantazh me qëllim të caktuarAfërsisht si rasti i Tom Doshin me Durim Bamin, i cili deklaroi 4 vjet më parë se ishte paguar për të vrarë deputetin socialist.

Në prokurori, “aktori” ka deklaruar se ka qenë Babalja që i ka kërkuar të simulojë zërin e vëllait të ministrit. “Babalen e njoh prej kohësh, ai më thirri dhe më tha që të nisim këtë mesele”, mësohet të ketë thënë në prokuririnë e Krimeve të Rënda, njeriu që ka dubluar zërin e Agron Xhafajt.

Pra siç bëjnë të ditur burime pranë prokurorisë, është vërtetuar tashmë se “telenovela Babale” është një show i stisur dhe i hartuar nga një grupim i caktuar me qëllim padyshim të paracaktuar.\Pamfleti/

Autoritetet belge kanë konfirmuar zyrtarisht njohjen e lejeve të drejtimit të lëshuara nga autoritetet shqiptare.

Praktikisht, nëse një shtetas shqiptar shkon në Belgjikë për më pak se 3 muaj, ai mund të përdorë lejen shqiptare të drejtimit të automjetit.

Për shtetasit shqiptare me qendrim më të gjatë, duhet të paraqiten në komunën belge ku janë regjistruar për tu pajisur me leje belge për drejtim automjeti, bazuar në lejen e tyre shqiptare të drejtimit të automjetit.

Qendra Europiane e Monitorimit të Drogave dhe Varësisë nga Drogat (EMCDDA) ka publikuar raportin vjetor të drogave të vitit 2018, ku shpreh shqetësimin për rishfaqjen e kokainës në një treg dinamik të narkotikëve në Europë.

Ka evidenca të rritjes së disponueshmërisë së kokainës, thekson raporti, i cili ka marrë në shqyrtim 28 vendet e Bashkimit Europian si dhe Turqinë e Norvegjinë.

Disponueshmëria e narkotikëve është e lartë dhe në disa zona duket se po rritet. Të dhënat e fundit tregojnë se në Europë (BE-28, Turqia dhe Norvegjia) u raportuan në vitin 2016 mbi 1 milion kapje të drogave ilegale.

Mbi 92 milionë të rritur në BE (15–64 vjeç) kanë provuar një drogë të paligjshme përgjatë jetës së tyre dhe një numër i vlerësuar prej 1.3 milionë njerëzish kanë marrë trajtim për përdorim të paligjshëm të drogave në 2016 (BE-28).

Dimitris Avramopoulos, Komisioner Evropian për Migracionin, Çështjet e Brendshme dhe Shtetësinë, thotë: “Ne po shohim prodhim më të lartë të drogës dhe disponueshmërisë së tij në Evropë sot. Për më tepër, tregu i paligjshëm i drogës është shumë dinamik dhe i adaptueshëm – prandaj edhe më i rrezikshëm.

Nëse duam të qëndrojmë përpara lojës, përpjekjet tona duhet të përqendrohen në ndërtimin e elasticitetit dhe reagimit, sidomos për shkak të rritjes së rëndësisë së tregut online dhe zhvillimit të llojeve të reja të drogës.

Me rregullat e reja mbi substancat e reja psikoaktive që hyjnë në fuqi deri në fund të vitit, Evropa do të pajiset me mjete shtesë dhe më të fuqishme për të trajtuar më mirë këto sfida dhe për të mbrojtur më mirë qytetarët evropianë kundër drogave të rrezikshme”.

Kokaina është droga stimuluese më e zakonshme e përdorur në Evropë. Rreth 2.3 milion të rinj (15-34 vjeç) e kanë përdorur atë në vitin e fundit (BE-28). Në sfondin e shenjave të rritjes së kultivimit dhe prodhimit të kokainës në Amerikën Latine, analiza konfirmon se tregu i kokainës në Evropë është i lartë, me indikatorët, që tregojnë tashmë rritjen e disponueshmërisë së drogës në një numër vendesh.

Megjithëse çmimi i kokainës mbeti i qëndrueshëm, pastërtia e saj në përdorimin në rrugë arriti nivelin më të lartë në një dekadë në 2016. Numri i konfiskimeve të kokainës është rritur gjithashtu. Rreth 98 000 konfiskime të drogës janë raportuar në BE në vitin 2016 (90,000 në 2015), duke arritur në 70.9 ton.

Laniel i EMCDDA: Shqipëria vijon të jetë burim i furnizimit të kanabisit në BE, “kjo është e sigurt”
Raporti përmend vetëm se Ballkani Perëndimor është një burim si i barit të kanabisit ashtu dhe i vajit të kanabisit.

I kontaktuar me telefon nga “Monitor”, pas daljes së raportit, Laurent Laniel, analist shkencor për reduktimin e ofertës së drogës, në Qendrën Europiane të Drogave dhe Varësisë nga Drogat (EMCDDA) tha se raporti është i fokusuar vetëm në vendet e Bashkimit Europianë dhe Turqinë e Norvegjinë, ndaj nuk i përmend specifikisht vendet e Ballkanit.

Megjithatë, ai shton se nga informacionet që ata kanë Shqipëria vazhdon të jetë burim i furnizimit të kanabisit që trafikohet dhe konsumohet në BE dhe “kjo është e sigurt”.

“Dy vjet më parë, sipas autoriteteve shqiptare dhe italiane, prodhimi i kanabisit në Shqipëri ishte zvogëluar në mënyrë dramatike, por kjo duket se është rikthyer vitin e kaluar, duke pasur parasysh sasinë e barit të kanabisit (dhe produkte të tjera) që u kapën në Shqipëri”, specifikoi ai.

“Vitin e kaluar u kapën 75 ton kanabis në Shqipëri dhe kjo nuk është një sasi e vogël. Do të ishte mrekulli sikur kjo të mbaronte nga një vit në tjetrin”, thotë ai.

Ai shton se problem vazhdojnë të mbeten në Europë personat që flasin shqip, të cilat janë të përfshirë në trafikimin e heroinës dhe kokainës në sasi të mëdha, apo dhe në prodhimin e kanabisit jashtë në vendet e BE-së. “Krimi i organizuar shqiptar është problem në Europë”, shton ai.

Në një intervistë të mëparshme për Monitor, në mars të këtij viti, z. Laniel ka pohuar se, pas vitit 2016, nga Shqipëria nuk raportohet më prodhim masiv i kanabisit, por kapjet e sasive të kanabisit në kufi vazhdojnë, çka të çon dy konkluzione, stok i madh ose prodhimi vazhdon në hapësira të mbyllura.

Por, më shumë sesa për kanabisin e mbjellë në Shqipëri, autoritetet europiane janë të shqetësuara për grupet kriminale që po veprojnë jashtë Shqipërisë. Trafikantët shqiptarë që veprojnë në BE janë forcuar dukshëm së fundi dhe po marrin kontrollin e tregut në Britani, Francën Lindore etj. “Kolegët në Britani thonë se shqiptarët po marrin tashmë drejtimin e tregut të kokainës dhe shpërndarjes në nivelin e mesëm”, pohoi ai. Shqiptarët jashtë po bëhen një kërcënim më i madh, pasi ata duket se janë të përfshirë në tregjet më të mëdha të drogave.

Autoritetet europiane nuk e përjashtojnë mundësinë që grupet që veprojnë në Europë të jenë të lidhur me ata në Shqipëri, madje dyshimet janë se bosët e krimit në Shqipëri janë të mbrojtur dhe nuk i gjen gjë. “Pyetja më e madhe është se si kriminelët shqiptarë, që veprojnë jashtë Shqipërisë, ndërveprojnë me ata që janë në Shqipëri. A janë ata, ashtu siç besojnë oficerët e policisë në disa vende europiane, të lidhur me bosët e krimit, që janë në Shqipëri dhe me sa duket janë të mbrojtur dhe asgjë nuk i gjen ata atje dhe ata organizojnë operacione dhe marrin paratë nga operacione që kryhen jashtë vendit, si trafikimi i kokainës dhe heroinës”, ka pohuar z. Laniel.

Një tjetër fakt, që sipas tij është i sigurt, është që shqiptarët janë përfshirë në sjelljen e kokainës direkt nga Amerika e Jugut, që është një hap tjetër në tregti. Gjithsesi, sipas vlerësimeve të tij, për Europën, Shqipëria nuk është ende një qendër e madhe shpërndarjeje për kokainën, pasi aktiviteti më i madh i importimit dhe shpërndarjes së kokainës për tregjet europiane është nga portet e Belgjikës dhe Holandës.