Të tjera detaje zbulohen për dosjen ‘Tahiri’ pak ditë pasi dy prokurorët shqiptarë shkuan në Romë për të marrë në pyetje Moisi Habilajn si dhe pjesëtarët e tjerë të arrestuar për trafik droge.
Sipas asaj që raporton Tv Klan, mësohet se Moisi Habilaj dhe Nezar Seitaj kanë refuzuar që t’i përgjigjen pyetjeve të dy prokurorëve Besim Hajdarmataj dhe Vladimir Mara sa i përket implikimit të ish-ministrit të Brendshëm Saimir Tahiri.
Përpos përpjekjes prej më shumë se 3 orë nga ana e dy hetuesve, Habilaj ka refuzuar t’u përgjigjet.
Në disa raste të tjera, përgjigjet e dhëna prej tij kanë qenë pa shumë vlerë për hetimet, pasi nuk është përfituar thuajse asnjë e dhënë e vlefshme.
Nga ana e saj, prokuroria pretendon se Moisi Habilaj ka patur marrëdhënie të ngushtë me ish-Ministrin e Brendshëm, Saimir Tahiri, pasi ai është personi që ka marrë përsipër t’i rregullojë skafin, kur ky mjet iu prish gjatë pushimeve në Greqi.
Kujtojmë se hetuesit kanë afat deri në fund të muajit Korrik për të hetuar këtë dosje dhe nuk sqarohet nëse do kërkohet tjetër zgjatje e hetimit apo çështja do të dërgohet në gjyq.
Furrat duhen skeduar si “Vend krimi ushqimor”
Pas deklaratës së OSHEE, për rritje të çmimit të energjisë elektrike për prodhuesit e bukës, që përevç bukës prodhojnë edhe ëmbëlsira e produkte të tjera brumi si pica, byrekë, torta, bakllava, akullore, biskota etj, ata nuk kanë deklaruar se do t’i vërsulen qeverisë me protesta, por se do të sulmojnë popullin me… “levën” e çmimit!
Natyrisht që rritja e çmimit të bukës, ka krijuar reagim tek të moshuarit të cilët e kanë pensionin mujor, sa dieta e 3 netëve të hotelit të një deputeti e ministri. Rritja e çmimit, ka krijuar shqetësim tek familjet me ndihmë ekonomike, të cilave shteti u jep pagesë mujore sa 1 larje makine ministri, ose vetëm 1 bukë në ditë! Por përpara se prodhuesit, të kërcënojnë me rritjen e çmmit të bukës ngaqë po u rritet çmimi i energjisë që për përdorin për prodhimin e tortave dhe bakllavasë, duhet të japin llagari edhe ligjore, se çfarë buke prodhojnë e na shesin!
Sepse po hamë bukë me infeksione kancergjene. Po hamë bukë, me standarde të falsifikuara! Po hamë bukë të përzierë me lloj-lloj lëndësh krunde, bërsi, tagji kafshësh e kimikate! Këtë krim ushqimor njerëzor, shqiptarët e dinë shumë mirë dhe e fusin në stomak përditë, por furrtarë-zuzarët e prodhimit të bukës e mendojnë popuyllin si “sylesh” ngaqë shteti i futur në “thesin e krundeve” të korrupsionit që nga importi i miellit serb, e ka lënë të bëhët “lesh arapi” problemi i cilësisë dhe sigurisë së bukës,!
Sa herë ka rritje të çmimit të energjisë elektrike, aq herë rritet çmimi i bukës! Por ndërsa rritet çmimi i bukës, ulet pesha dhe siguria e saj, aq sa shqiptarët bashkë me bukën e paguar me çmim të lartë dhe për nga pesha sipas stilit paguaj 2 dhe merr 1, po “hanë” edhe sëmundjet kancerogjene. Aq me rrezik për shëndetin e jetën ështrë buka që prodhohet në Shqipëri, sa furrat e bukës mund të cilësohen “vend krimi”, por asnjë furrë nuk bllokohet si e tillë, paçka se lënda e parë e prodhimit të bukës e embëlsirave dhe produkteve të promit për fëmijë është mielli kancerogjen e tagji kafshësh, që importohet nga Serbia .
Sipas ekspertëve të miell-bukës, rezulton se buka në Shqipëri është me sëmundjen “Coli Bacil”, por shën deti publik, laboratroi i ISUV dhe specialistët e AKU (Kontrolli Ushqimor) e lejojnë, duke e “certifikuar” si të pastër e me standarde të vendeve të BE! Kjo sëmundje, nis qysh në fazën e prodhimit të grurit dhe shtohet në përmasa të mëdha në miellin që prodhohet prej këtij gruri të infektuar, duke krijuar element infektimi helmues e kancerogjen në organizimin e konsumuesit të miellit ose bukës së prodhuar prej këtij mielli.
Bukë e tillë vazhdon të prodhohet në 95% të furrave në Shqipëri, sidomos të atyre që janë nëpër bodrume e nëpër hyrje pallatesh! Mjekë infeksionistë, shprehen për “PAMFLETI”, se 80% e qytetarëve që kanë dhimbje barku, diare, marrje mendsh, ulje tensioni, të vjella tek fëmijët e moshës 1-10 vjeç, dobësi fizike, nevojë e shpeshtë për ujë, djersitje të qafës e fytyrës, kruarje të lëkurës në duar, në mesin e trupit e në gjoks, rëndesë në sistemin nervor, shpeshtim të rrahjes së pulsit dhe shpërqëndrim vëmendjeje gjatë bisedave, kanë si shkak ekzitencën e sëmundjes “Coli Bacil” që është në bukë./Pamfleti
Ja 8 standardet e dukshme, që duhet të ketë buka
Buka duhet të jetë e shndritshme, e padjegur dhe pa të çara në kore
Korja e bukës shumë e zezë flet për pjekje mbi normën e lejuar ( deri në 210 gradë celsius)
Tuli nuk duhet të jetë i qullët
Tuli i bukës i qullët tregon se buka është prodhuara me grurë në fazë të mbirë
Buka e zezë duhet të përmbajë ashkla të rrëshqitshme në trupin e bukës
Buka e pjekur në temperaturë mbi 220 gradë celsius është me rrezik për shëndetin
Buka duhet të konsumohet të paktën 5 orë pasi ka dalë nga furra e pjekjes
Konsumi ditor i fibrës nuk duhet të kalojë masën 7-9 gram.
Ja 12 produktet me elementë kancerogjenë, që futen nga Serbia në Shqipëri
Drithëra për miell buke masive
Drithëra për prodhim niseshtje
Drithëra që prodhojnë miell për prodhime qumështi
Produkte të gatëshme brumi, bukë, biskota, baza tortash
Produkte të industrisë bluajtëse, malt; niseshte etj.
Miell rifuxhio, i pa matrikulluar
Mbetje dhe kthime të industrisë ushqimore
Tagjia e përgatitur për kafshët
Drithëra të papërgatitur, lëndë e parë për tagji kafshësh
Drithëra të bluara me rreze të lartë, për koncentrat për shpendët
Prej shumë ditësh opozita ka bllokuar si punimet e Kuvendit, ashtu edhe ato të Komisioneve. Rasti i fundit është shënuar nga Komisioni i Medias ku PD i ka vendosur maxhorancës qeverisëse 23 ditë kohë për të larguar ministrin e brendshëm Fatmir Xhafaj. Po ashtu në Komision ishte i ftuar edhe Ilir Zela, kreu i AKEP, ku do të fliste për mbylljen e portalit satirik kryeministri.com
Demokratët nga ana e tyre e kanë shfrytëzuar mosprezencën e Zelës si pretekst për të krijuar debat. Demokrati Luçiano Boçi tha se qeveria po përgatit bazë ligjore që të mbyllë të gjitha portalet kritike dhe me mbylljen e portalit satirik, po i mat pulsin opozitës dhe opinionit publik.
“Nuk mund të thoni që është projekt pilot, se të ishte i tillë, duhet të mbylleshin 30 portale”, ka thënë socialistja Milva Ekonomi. Por për Albana Vokshin, AKEP duhet të mbyllte “ERTV”-në, sepse ka përmbajtje të dëmshme për qytetarët.
“Pse nuk mbyllet ‘ERTV’, është i paligjshëm, ka përmbajtje të paligjshme dhe përmbajte të dëmshme. Ka monopolizuar tregun. Është pa licencë”, ka thënë Vokshi. ‘’Ti duhet të distancohesh nga ministrat e Brendshëm të lidhur me drogën dhe krimin. Jeni për të ardhur keq. Keni vetëm 23 ditë kohë që të shkarkoni ministrin e Brendshëm”, iu është drejtuar kryetarja Albana Vokshi, socialistëve.
SHERRI TE KOMISIONI I MEDIAS
Albana Vokshi: Unë e quaj të paprecedentë dhe të pafalshme mospjesëmarrjen dhe refuzimin që zoti Ilir Zela i ka bërë Komisionit të Medias. S’mund të refuzohet një komision parlamentar në mënyrë kaq flagrante dhe po bëhet në mënyrë sistematike. Ne çdo javë kemi refuzime ose të kabinetit qeveritar, ose drejtuesve të institucioneve. Edhe të deputetëve sepse marrin urdhër direkt. S’mund ta tolerojmë këtë gjendje…
Luçiano Boçi: Është skandal mbyllja e faqes ‘kryeministri.com’ nuk është rastësi, por është projekt pilot. Është testim për median online, si do jetë reagimi i opozitës dhe reagimi i medias. Pas kësaj do vijnë dhe mbylljet e tjera. Është parapërgatitur nga ana ligjore..
Milva Ekonomi: Nuk mund të thoni që është projekt pilot se të ishte e tillë duhet të mbylleshin 30 portale..
Albana Vokshi: Nuk do lejojmë Edi Ramën të mbyllë portalet.
Milva Ekonomi: Nuk i mbyll Edi Rama dhe nuk i hap. Se Edi Rama i ka lënë të bëjnë ç’të duan.
Albana Vokshi: Pse nuk mbyllet “ERTV”, është i paligjshëm, ka përmbajtje të paligjshme dhe përmbajte të dëmshme. Pse nuk mbyllet?
Milva Ekonomi: “ERTV” është video-live në “Facebook”. Shko pyet Mark Zuckembergun.
Albana Vokshi: Të mbyllet, pse të mos mbyllet, është e dëmshme. Ka monopolizuar tregun. Është pa licencë.
Milva Ekonomi: Ju keni frikë nga ndjekësit që ka “ERTV”. (Deputetët e PD-së qeshin)
Genc Pollo: Ilir Zela, me përgjigjen e tij, ia ka lënë fajin në derë zotit Kryeministër, Edi Rama. Ai thotë qartë që unë nuk e kam mbyllur me iniciativën time, por kam qenë i urdhëruar nga AKCES, agjencia e Kryeministrit. Sulmet ndaj kësaj faqeje nisën vetëm pasi u bë parodia për ministrin e Brendshëm të lidhur me krimin.
Florion Mima: Është e qartë për të gjithë tashmë që negociatat nuk do hapen sepse nuk do Partia Socialiste. Unë kam bindjen që mes jush kolegë të maxhorancës ka njerëz që duan ta mbajnë kokën lart, një pjesë fare e vogël e lidhur me Rilindjen, ata mund të kenë arsye ta mbajnë kokën poshtë. Le ta mbajnë për këtë zarar të madh që po i bëjnë vendit. Cilat janë klanet? Shikoni rotacionin e klaneve në Ministrinë e Brendshme. Klani i marijuanës iku.
Kreu misionin e vet, e kanalizoi vendin me një xhiro vjetore 9 miliardë euro, thotë EUROPOL. 4 miliardë është buxheti i shtetit. Në ikje e sipër është klani i kokainës, 2.5 miliardë e gjysmë euro, thotë OKB. Krimi më i madh është se 2.5% e popullsisë është e varur nga kokaina. Ka dhe një klan që po bëhet gati, është klani i heroinës, por edhe ai siç do vijë, do ikë shumë shpejt.
Ismet Beqiri:Sa për drogën dhe krimet e tjera, Shqipëria nuk u kanabizua për 4 vjet, por ka 27 vjet dhe zotërinjtë mos të bëjnë apologjinë, mos të bëjmë virgjërinë këtu. E dimë ç’është Shqipëria, e dinë Shqiptarët jashtë kësaj salle n.q.s ju keni ardhur dhe do ta vazhdoni deri në fund derisa të japë Europa vendimin përfundimtar për Shqipërinë. Unë kam shumë shpresë se mendojnë më shumë për shqiptarët se për ato ekipe politike, që janë dhe ikin në pushtet. Ne nuk i bëjmë mirë çështjes në këto momente, duke hedhur baltë dhe duke nxirë gjithë veten tonë. Le ta shikojmë gotën gjysmë plot dhe jo vetëm gjysmë bosh.
Albana Vokshi: Ti duhet të distancohesh nga ministrat e Brendshëm të lidhur me drogën dhe krimin. Jeni për të ardhur keq. Keni vetëm 23 ditë kohë që të shkarkoni ministrin e Brendshëm dhe të tregoni që e keni seriozisht plotë- simin e kritereve. Po mbani peng një Shqipëri të tërë, po mbani peng rininë.
Ismet Beqiri: Rininë po e mbani ju peng , me politikat që po bëni.. Injektoni pozitivitet në mendjen e njerëzve, ju lutem.
Aldo Bumçi: Është mbyllur një portal kritik me qeverinë.
Milva Ekonomi: I paligjshëm..
Aldo Bumçi: Këtë e vendos Gjykata. Por sot nuk ekziston më Gjykata Kushtetuese, sepse e mbylli Edi Rama. Nuk mundet të mbyllet një institucion se anëtarët e saj nuk justifikojnë dot të ardhurat e tyre.. Institucioni ka më shumë vlerë se dy anëtarë, se me këtë logjikë, as doganat, as polici dhe asnjë institucion tjetër. Gjykata Kushtetuese është ajo gjykatë që na mbron të drejtat.
Albana Vokshi: O Ismet, ti e ke marrë sot rolin se pardje e kishte Fideli…
Fidel Ylli: Ça halli ke që provokon. Çfarë halli ke që provokon moj zonjushë? Pse ma përmend emrin..
Albana Vokshi: Thashë vetëm që bërë zhurmë herës tjetër.
Fidel Ylli: Nuk bëj zhurmë asnjëherë unë, flas me fakte. Dal me fakte me argumente. Ju kam thënë deri në datë 28 ne do ju durojmë, dhe do ju respektojmë. Na paskan vënë dhe përgjuesin se ça flasim ne me njëri-tjetrin, qenkemi të mërzitur nga qeverisja. Këta i dinë të gjitha.. Mos e streso veten. Albana vetëm di të provokojë edhe kur s’duam të flasim.
Albana Vokshi: Lexoni rregulloren dhe pastaj e respektojmë.
Fidel Ylli: E kuptoj unë dhimbjen që ke kur je në opozitë.
Albana Vokshi: Mos kini frikë nga fjala..
Klevis Balliu: O Ismet trimi..
Ismet Beqiri: Po, trim jam. Trim jam, ta dish ti…
Fadil Nasufi: Boll e ndotëm ambientin publik me akuza…
Albana Vokshi: Me drogën? Me drogën? Me drogën që mbushet gjithë Shqipërinë.
Fadil Nasufi: Drogë është dhe kjo mënyrë e të folurit dhe të përbalturit.
Albana Vokshi: S’mund të thuash ti për kolegët e mi që kanë ndodhur ambientin. Ju e ndotët me drogë. Është turp, tregoni respekt dhe etikë. Kemi miratuar Kod Etike.
Kryeministri Edi Rama postoi mëngjesin e sotëm një video ku tregonte në çdo qytet bregdetar të Shqipërisë qendrat shëndetësore verore të cilat tha ai janë gati për përballimin në gatishmëri të plotë të sezonit turistik nga ana e Shërbimit Kombëtar Shëndetësor.
Por meas duket ndjekësit në rrjetet sociale kanë ankesa lidhur edhe me rastet konkrete që kanë ndodhur së fundmi.
Disa nga replimat midis Kryeministrit dhe komentuesit:
E premtja ka shënuar ditën më të nxehte të Qershorit, ku termometri ka regjistruar 37 gradë në mesditë.
Fundjava sjell rënie të temperaturave dhe rreshje shiu, por sinoptikanët parashikojnë rikthim të të nxehtit në ditët e fundit të muajit.
Java e parë e Qershorit ka shënuar ditë të nxehta me temperatura përvëluese. Mesditën e të premtes u regjistruan 37 gradë. Për sinoptikanët kjo nuk është një situtatë normale, por veçse një episod i të nxehtit që pritet të përsëritet sërish në fund të muajit.
Parashikimet flasin për rreshje shiu, që do të përfshijnë vendin gjatë javës që vjen.
Ashtu si edhe muaji Maj, Qershori pritet të jetë një muaj më i nxehtë se normalja.
Natasha Mulaj, kryetarja e Kolegjit të Posaçëm të Apelimit ka paralajmëruar se nuk do të ketë mëshirë dhe tolerim ndaj asnjë të korruptuari në sistemin shqiptar të drejtësisë dhe se do të denoncojë ndërhyrjet politike dhe financiare që mund të bëhen.
“Drejtësia jonë ka ceduar shumë, duke e rrënuar respektin dhe besimin e opinionit publik, dhe kjo për shkak të individëve të korruptuar. Tani unë besoj se është koha dhe momenti që ata të japin llogari për makutërinë e tyre të pështirë. Asnjë tolerim, asnjë cedim, asnjë selektivitet dhe asnjë përjashtim”.
Fjala e plotë:
Përfaqësues të nderuar të Operacionit Ndërkombëtar të Monitorimit,
dhe Koleg të respektuar,
Ju falenderoj sinqerisht që gjetët kohë në këtë të premte të nxehtë për të qenë se bashku me ne.
Duke qenë se jemi të falenderimet një falenderim shumë të veçantë kam për Minstren e Drejtësisë zonjën Etilda Gjonaj fal kontributit të së cilës është mundësuar krijimi i kushteve të Kolegjit që ju do ti shihni pas pakë.
Më në fund kam kënaqësinë t’ju mirëpres në shtëpinë tonë të re.
Ne si shqiptarë kemi një shprehje, të cilën e përdorim shpesh,: “ I duruari, I fituari “. Te duruar besoj se kemi qene, ndoshta edhe me shume sesa duhej, ndersa tani besojme se po fillojme te jemi te fituar. Po, ne duam te fitojme, dhe kjo nuk ka te beje aspak me ambicjet tona personale dhe profesionale. Puna jone eshte ajo e misionarit, eshte sfida madhore per te pastruar rradikalisht sistemin e drejtesise.
Si çdo mision dhe misionar, realiteti imponon kushtet në të cilat veprojmë. Të gjithë pjestarët e sistemit të drejtësisë duhet të kalojnë në “siten” e imët të Vettingut. Unë jam e bindur se “skanimi” kërkon vetëm paanshmëri, ndershmeri, profesionalizem dhe padyshim ate element qe realisht ka munguar ne te gjitha sistemet qe perbejne demokracine: mungesen totale te selektivitetit. Vetem keshtu une jam e bindur se do t;ja dalim mbane me sukses dhe te jemi krenare perpara vetes, profesionit, popullit, demokracise, Atdheut dhe para Zotit.
Pavaresisht se eshte thene shpesh, ky proces ka si qellim sherimin e njeres prej plageve me te renda te demokracise; zhdukjen e korrupsionit ne rradhet e gjyqtareve dhe te prokuroreve. “Detyra e pare e cdo shoqerie eshte Drejtesia”, thoshte Alexander Hamilton, njeri prej baballareve te demokracise amerikane. Ndonese te vonuar, asnjehere nuk eshte vone.
Nuk jam une e para qe e them, por jam e bindur se nuk gaboj teksa serisht e nenvizoj me shume force se nxjerja pa meshire e te korruptuarve nga rradhet tona eshte jetike per demokracine. “Togat e zeza“ me ne fund duhet ta kene “faqen e badhe”. E thjeshte per t’u artikuluar, aspak e lehte per tu realizuar, por ne prandaj jemi ketu: per te bere drejtesi te drejte, pa kulisa dhe teresisht transparente.
Nje nga gangrenat e shumta te realitetit tone kompleks shqiptar eshte padyshim selektiviteti. Une jam e angazhuar dhe e perkushtuar teresisht si ne diten e pare kur morra detyren qe te gjitha subjektet duhet t’i trajtojme me korrektese dhe ndershmeri ekstreme.
Kjo nenkupton thjeshte dhe vetem shqyrtimin ne themel te te gjitha komponenteve qe parashikon ligji i vetingut; pra pasurine, figuren dhe kompetencen profesionale. Drejtesia jone ka ceduar shume, duke e rrenuar rrespektin dhe besimin e opinionit public, dhe kjo per shkak te individeve te korruptuar. Tani une besoj se eshte koha dhe momenti qe ata te japin llogari per makuterine e tyre te peshtire
Asnje tolerim, asnje cedim, asnje selektivitet dhe asnje perjashtim. Sentenca “ Te gjithe te barabarte perpara ligjit” duhet te funksionoje si e tille, dhe opinion qytetar duhet te bindet se ne kete po bejme. Ata gjithashtu duhet te mesojne te verteten dhe vetem te verteten per ta, por jo vetem kaq; ata duhet te japin llogari. Nuk ka drejtesi te cunguar, ajo duhet te jete e thelle dhe e plote, dhe te shihet si e tille.
Une personalisht gjykoj se filtri i imet dhe funsional do te sherbeje si gurethemeli per shendoshjen e sistemit tone. Edhe nese nga vettingu dalin vetem pak individe te paster ne bregun tjeter, kjo eshte serisht mjaft e shendetshme.
Te qenurit i paster, i paperlyer dhe i painfuencushem nga politika dhe paraja, eshte parakusht thelbesor per te hedhur bazat e forta per shendoshjen e drejtesise se semure shqiptare. Ne po e operojme Drejtesine semure shqiptare, por jemi te sigurte se pas reanimacionit aj do te jete me e shendetshme se kurre.
Ndarja e pushteteteve, qe ka filluar qe nga koha e Monteskjese, ndoshta vetem tani ne Shqiperi do te filloje te materializohet dhe konkretizohet. Me pelqen qe kur flas per rendesine e pavaresise se Drejtesise te citoj Ish Presidentin e Gjykates Supreme Amerikane John Rutlege, bashkepunor i Xhorxh Washintonit, i cili me nje thjeshtesi mahnitese eshte shprehur:
“Persa kohe nje vend ka nje sistem te pavarur Drejtesie, atehere interesat madhore te popullit jane te sigurta”. Une personalisht nuk do te hezitoj per asnje cast te denoncoj direct, pa doreza dhe pa ekuivoke cdo nderhyrje politike apo financiare ne vetting. Askush nuk mund te vere ne dyshim integritetin dhe vullnetin tone. Ne jemi sherbetore te devotshem te ligjit dhe popullit.
“Vdekjen mund ta prisja por këtë jo”. Kështu është shprehur babai i një vajze 11 vjeçe në fshatin Luftinjë të Tepelenës ndërsa i tronditur ka rrëfyer për ngacmimin seksual ndaj të bijës nga mësuesi i fshatit.
Mësuesi 63 vjecar mësohet se është Myzo Dida ku pas denoncimit të bërë nga familjarët e minorenes së dhunuar seksualisht, mësohet se është arrestuar. Ndërkohë që Drejtoria e Policisë së Gjirokastrës, këtë ngjarje e ka mbajtur tërësisht të fshehtë cka ka bërë që Juguneës.net të hulumtojë dhe të nxjerrë në dritë gjithë ngjarjen e ndodhur të rrëfyer nga prindërit e vajzës 11 vjecare të abuzuar seksualisht nga mësuesi i saj.
Në deklarimin përpara kameras dy prindërit e vajzës 11 vjecare të dhunuar seksualisht A.M, rrëfejnë momentet kur mësuan abuzimin që kishte kryer ndaj vajzës së tyre, mësuesi 63 vjecar me të cilin janë bashkëfshatar.
I ati i vajzës 11 vjecare Besnik Mucodemi, ka ngelur i shokuar kur ka mësuar përmes gruas së tij, ngacmimet seksuale që i kishte bërë të bijës, mësuesi 63 vjecar. Ai dhe bashkëshortja e tij, ka mësuar gjithcka pas një telefonate anonime të kryer në telefonin e shtëpisë të shtunën e kaluar.
Kjo thirrje në telefon ka qenë informuese për abuzimet që ka kryer mësuesi Myzo Dida, ndaj vajzës së tyre A.M 11 vjece nxënëse e klasës së pestë në shkollën e fshatit Luftinjë 1. Pas kësaj, i ati i vajzës, ka gjykuar që këtë cështje ta ndjekë në rrugë ligjore.
Ndërkaq e ëma e vajzës së ngacmuar seksualisht, e thellon akoma skandalin, duke pranuar se mësuesi i fshatit, ka lënë gjurmë në abuzimet seksuale në dëm të së bijës së saj. Në rrëfimin e saj e ëma e 11 vjecares së abuzuar seksualisht, pranon se pas vizitës që është kryer në Repartin Gjinekologjik në Spitalin Rajonal të Gjirokastrës, obstetrja ka thënë se vajza paskësh qenë e prekur.
Mësohet se mësuesi ngacmimet seksuale i ka kryer në ambjentet e shkollës nën presion psikologjik dhe dhunë. Këtë fakt e konfirmon edhe njëri prej nxënësve të klasës së vajzës së dhunuar. Vetë mësuesi Myzo Dida, pretendohet se ka kryer gjithcka në ambjentet e shkollës dhe ndërkohë që këto veprime i ka kryer pas përzënies së fëmijëve nga klasa kur jepte mësim.
Prindërit e vajzës së dhunuar, kanë kërkuar ndëshkimin e abuzuesit të vajzës së tyre ndryshe, këtë cështje do ta zgjidhin me vetëgjyqësi. Vajza 11 vjecare, prej një jave qëndron e mbyllur në një dhomë në banesë dhe nuk preferon të komunikojë me askënd përvecse me të ëmën. Ajo ka pësuar një goditje psikologjike dhe nuk dëshiron më as të ndjekë shkollën. E habitshme ndërkohë ngelet heshtja e Policisë së Gjirokastrës e cila ka dashur t’a fshehë këtë ngjarje dhe motivet nuk dihen se përse.
Kryeministri Edi Rama shkarkon zv.ministren e Jashtme Kleopatra Maliqi. Vendimi është marrë ditën e djeshme, por është bërë publik sot. Maliqi pritet të emërohet tashmë drejtoreshë e shkollës së Administratës Publike.
Arsyet e këtij shkarkimi të papritur janë ende të panjohura por e gjitha vjen në një kohë kur Shqipëria po pret verdiktin e vendeve anëtare të BE në fund të qershorit për çeljen ose jo të negociatave.
VENDIM Nr. 341, datë 7.6.2018
PËR LIRIM NGA DETYRA
Në mbështetje të nenit 100 të Kushtetutës dhe të pikës 2, të nenit 6, të ligjit nr. 9000, datë 30.1.2003 “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave vendosi: Znj. Kleopatra Maliqi, zëvendësministër për Evropën dhe Punët e Jashtme, lirohet nga kjo detyrë.
Ky vendim hyn në fuqi menjëherë.
