Aktualitet

Shkollat e Nju Jorkut ofrojnë mësim në gjuhë të ndryshme per gjithe ata qe jetojne ne SHBA dhe nga dje, ne menyre zyrtare eshte njoftuar se pjese e listes se gjuheve ne programin mesimor eshte tashme edhe gjuha shqipe.

Mediat e huaja raportojne se janë 60,000 banorë shqiptare që jetojnë në Nju Jorku, më shumë se çdo shtet tjetër, sipas një studimi të Qendrës së Harvardit për Zhvillimin Ndërkombëtar të bere ne vitin 2015.

Më shumë se gjysma banojnë në New York City, ne lagjet Bronx, Pelham Parkway, Morris Park, Bedford Park dhe Belmont.

PS 105 në Morris Park do të jetë shtëpia e programit të parë të dyfishtë mësimor shqiptaro-anglisht.

Këshilltari i Bronksit Mark Gjonaj, tha se është krenar që ka punuar per vendosjen e programit të ri.

Ish kryeministri, Fatos Nano mbetet një nga liderët historikë të vendit tonë. Edhe pse është shkëputur nga jeta politike e vendit, ai edhe nga virtualiteti shpeshherë trazon mediat, shkruan Sotnews. Këtë herë Nano nëpërmjet një postimi në Instagram, ka përdorur një shprehje të pasardhësit të tij, Edi Rama.

“Mendoj që nuk keni parë gjë akoma”., shkruan ai krahas një foto, në profilin e tij zyrtar të Instagram. Nuk dihet se çfarë paralajmëron ish lideri i PS, në një kohë që situata politike, mbetet akoma e tensionuar.

I larguar tashmë nga politika aktive, ish-kreu i Aleancës Kuqezi, Kreshnik Spahiu herë pas herë bën komente për politikën në Shqipëri. Spahiu, i cili prej disa kohësh jeton larg kufijve, shkruan se, ka një dallim mes socialistëve dhe demokratëve.

Sipas tij socialistët janë më të dëmshëm pasi përveçse vjedhin nuk bëjnë punë publike, ndërsa demokratët u pasuruan gjatë qëndrimit në pushtet, por kanë bërë disa rrugë.

“Këta vjedhin dhe s’bëjnë asnjë punë. Të paktën demokratët u bënë miliarder por shtruan 3-4 rrugë”, shkruan ish-kreu i AK i cili iku nga Shqipëria i qejfmbetur me Bashën që e la jashtë listave të 25 qershorit.

Pas shumë vitesh është ringritur në Çamëri flamuri shqiptar. Në një vend ku shqiptarëve u mohohen dhe u dhunohen të gjitha të drejtat e tjera elementare të njeriut, në një kohë kur ende nuk mund të hasesh asnjë tabelë rrugore në gjuhën shqipe, shikon flamurin shqiptar që valëvitet gjithë krenari.

Ai është ngritur në një fshat të quajtur “Arta” pa shkuar në Janinë, ndërsa poshtë tij janë germat greke të një restoranti.

Nuk dihet se si është vendosur flamuri shqiptar aty, por të bëhet zemra mal teksa shikon në tokën shqiptare pas kaq shumë vitesh ngjyrat kuqezi. JOQ

Mikel Shallari e ekzekutoi ish-komisar Artan Cukun për 20 mijë euro. Kjo është shifra e saktë e zbuluar nga dokumentat ligjorë në gjyqin ku ekzekutuesi, Shallari, u dënua me 10 vite burg.

Në këtë aktmarrëveshje është zbuluar dhe motivi i krimit. Ashtu siç është folur në media, viktima ka arrestuar Bledar Jambellin si të dyshuar për vrasjen e shtetasit Amarildo Delaj. Në kërkim për këtë krim të rëndë janë dy porositësit Bledar Jambelli dhe bashkëpunëtori i tij Kristaq Leci.

Mikel Shallari u kthye në të penduarin e drejtësisë, duke treguar emrat e vrasësve të ish komisarit Artan Cuku, duke bërë një akt marrëveshje me prokurorinë.

Kjo e fundit është njohur nga Gjykata e Tiranës, dhe Prokurori i Krimeve të Rënda Henrik Ligori kërkoi dënimin me 10 vite burg për të.

Vala e ndryshimeve në radhët e Policisë së Shteteve do të prekë edhe Policinë e Qarkut të Korçës. Drejtoria vendore do të pësojë ndryshime në disa prej strukturave kyçe të saj.

Sipas burimeve të Top Channel, mësohet se janë shkrirë plotësisht sektori i krimit ekonomik dhe sektori i antidrogës, ku përveç specialistëve, të cilët janë transferuar në sektorë të tjerë, mësohet se janë larguar nga detyra edhe dy drejtuesit e këtyre sektorëve.

Sipas të njëjtave burime, janë larguar edhe shefi i qarkullimit të Korçës dhe Pogradecit, të cilët do të mbajnë detyrën e shefit të rendit. Shefi i qarkullimit të Korçës do të mbajë pozicionin e shefit të rendit në Maliq, ndërsa shefi i qarkullimit të Pogradecit do të mbajë pozicionin e shefit të rendit në po të njëjtin qytet.

“Furtuna” e lëvizjeve ka përfshirë edhe sektorin e qarkullimit rrugor. Më shumë se 50% e efektivëve të këtij sektori do të transferohen në sektorin e rendit, ndërsa në sektorin e qarkullimit priten emërime të reja. Lëvizjeve nuk do t’i shpëtojnë edhe komisariatet.