Aktualitet

Në botë, rreth tetë milion ton mbeturina plastike përfundojnë në oqeane çdo vit.

Në 2017, njerëzit në mbarë botën blinin një milion shishe plastike për minutë, 91% e të cilave nuk riciklohen dhe shkaktojnë ndotje të sistemeve natyrore duke kërcënuar peshqit, zogjtë dhe kafshët detare, dhe më pas hyjnë në zinxhirin ushqimor me efekte ende të paqarta në shëndetin tonë.

Statistika të tilla tregojnë vetëm majën e ajsbergut të çështjes së mbetjeve

Një nismë tjetër botërore për të goditur ndotjen nga plastika është Dita Botërore e Mjedisit e OKB-së, e cila po zhvillohet sot për herë të 44-të.

Dita Botërore e Mjedisit është data më e rëndësishme e OKB-së për të inkurajuar ndërgjegjësimin dhe veprimin global për mbrojtjen e mjedisit tonë.

Duke filluar që në vitin 1974, ajo është përhapur duke u shndërruar ne një platformë mbarëbotërore për informim publik që kremtohet në mbi 100 vende.

Tema për vitin 2018, “Beat Plastic Pollution”, është një thirrje për veprim për secilin prej nesh për të luftuar një nga sfidat më të mëdha të mjedisit të kohës sonë, ndotjen nga plastika.

AgroWeb.org i ka kushtuar një artikull kësaj teme, duke ofruar këshilla se si mund të bëjmë ndryshime në jetën tonë të përditshme për të zvogëluar ndikimin e ndotjes plastike në mjedisin dhe në shëndetin tonë.

Sot duam të shqyrtojmë se çfarë iniciativa po ndërmerr Shqipëria për të trajtuar problemin e ndotjes plastike, mjaft të dukshëm në vend.
Shqipëria ndalon prodhimin, importin dhe tregtimin e qeseve plastike
Ky është padyshim një lajm i mirë: Nga korriku i këtij viti, çdo biznes shqiptar që prodhon, importon ose shet qese plastike do të dënohet.

Vendimi i Këshillit të Ministrave u prezantua nga Ministri i Turizmit dhe Mjedisit, Blendi Klosi gjatë takimit me grupet e interesit, prodhuesit dhe importuesit e qeseve plastike.

Pas miratimit të këtij vendimi, çdo biznes që tregton qese plastike të lehta polietileni (nën 35 mikronë) do të gjobitet nga 1 milion deri në 1.5 milionë lekë.

Këto masa kryesisht i drejtohen importuesve të mëdhenj, por ligji nuk përjashton tregtarët më të vegjël si supermarketet dhe dyqanet.

Ministri Klosi theksoi se marrja e kësaj mase drastike u diktua nga situata katastrofike në mjedisin shqiptar si rezultat i përdorimit të qeseve plastike, të cilat jo vetëm që ndikojnë në habitatin natyror dhe në shëndetin tonë, por gjithashtu e vënë në rrezik turizmin në rritje të Shqipërisë.

Ai gjithashtu paralajmëroi se, pas ndalimit të importit të çantave plastike nën 35 mikronë, gjithashtu duhet të priten vendime të mëtejshme lidhur me makinat e prishura dhe vendet e grumbullimit të mbeturinave, si pjesë e 15 iniciativave mjedisore
Pastrimi i plazhit në Durrës
Më 30 qershor 2018 do të organizohet një aksion për  pastrimin e plazhit në Durrës.

Iniciativa është organizuar nga ndërkombëtarët që jetojnë në Shqipëri dhe fillon në Durrës Hostel në orën 9, me mundësi transporti nga Tirana.

Natyrisht, kjo nuk është shumë dhe vetëm fillimi. Tani i takon secilit prej nesh, shoqërisë civile, grupeve të komunitetit, shkollave, universiteteve dhe bizneseve për të vazhduar luftën dhe të frymëzojnë të tjerët për të vepruar.

Sepse çdo veprim i vetëm – pa marrë parasysh se sa i vogël – llogaritet, dhe Dita Botërore e Mjedisit është Dita e Njerëzimit, në fund të fundit./AgroWeb.org

Qeveria ofron një paketë ndihmash për rastin tragjik të gjashtë vajzave në Kukës, të cilat kanë mbetur jetim, duke humbur të dy prindërit dhe duke mos pasur mundësi për vijimin e shkollës dhe për të siguruar një banesë.

I pranishëm në emisionin “Opinion”, Kryeministri Edi Rama u shpreh se qeveria ofron një paketë të plotë ndihme për këta fëmijë.

“Në rastin konkret për të cilin jemi mbledhur këtu, bëhet fjalë për një tragjedi. Është për tu admiruar dhe kontributi i Arbërit (Arber Hajdari, Fundjava Ndryshe) dhe gatishmëria spontane e të gjithë qytetarëve. Ndërsa, kur vjen puna te solidariteti i strukturuar, që është karakteristik e vendeve të forta, këtu kemi boshllëqe. Për sa i takon asaj, që çfarë mund të bëjë shteti, janë një sërë masash të përcaktuara edhe ligjërisht, që atë minimumin e domosdoshëm për ndjekjen e shkollës të garantohet. Në rastin e jetimëve, shteti garanton menjëherë edhe konviktin edhe ushqimin falas, edhe bursë të përmuajshme dhe librat falas. Pra, e gjithë ajo paketë e nevojshme për të kaluar këtë moment vështirësie Shteti e jep”, tha Rama.

“Ky është një rast unikal, pa nënë e pa baba, që do trondiste çdo vend të botës. Ka raste që është shumë e vështirë për të marrë aprovimin e njërit prind, apo të marrësh aprovimin e një të afërmi që i ka në kujdestari…Ne nuk kemi forcën e shteteve të tjera. E fundit fare, ne paguajmë çmimin e një historie të gjatë zvarritjeje për të gjitha reformat që duhet të ishin bërë sot”, tha Rama.

“Shërbimi Social në territorin atje është i decentralizuar, pra i Bashkisë atje. Ministria me procedurë të përshpejtuar ka dhënë statusin. Është akorduar fondi”, tha Rama.

Për të marrë ndihmë ekonomike duhet të jesh i regjistruar te zyra e punës

Sipas Ramës, opinioni publik duhet të jetë i qartë se si funksionon ndihma ekonomike, duke theksuar se momentalisht shkalla e refuzimit të punës nga ana e qytetarëve është mjaft e lartë.

“ Për ndihmën ekonomike duhet të jesh i regjistruar tek zyra e punës. Normalisht nuk mund të ndodhi që ti kërkon punë dhe nuk merr ndihmë ekonomike. Për sa i përket punës, as nuk diskutohet që kjo është plotësisht e mundur. E para, që kategoria e krahut të punës, që merr paga, siç tha Arbri merr paga minimale, është një kategori për të cilën vetëm vullneti duhet. Ana tjetër është shkalla e refuzimeve për punë, që është numër tepër i lartë”, tha Rama./e.caushi/

Kokaina! Duke mos pritur që zbulimin real të trafikantëve të vërtetë ta bëjë Donika apo Besimi i Krimeve të Rënda, gazetarë investigative te cilet kane punuar me agjensi inteligjente prej shumë kohësh do proklamojne nesër njerin nga bosët e trafikut të kokainës nga vendet e origjinës në Shqipëri dhe dispersionin e saj në Europë.

“Ai nuk është njeri kontigjent i policisë dhe gangster në paraqitje me zinxhir të trashe floriri në qafë. Është një djalosh timid me buzëqeshje engjellore. I përket një familje skamore bashkë me nusen simpatike.

Por në një kohë rekord arriti të bëhet bos i kokainës dhe të intervenojë me miqësi deri ne zyrën e Kryeministrit ku punësoi dhe bashkeshorten. Vetëm për lule Orkide të ardhuara enkas nga Roterdami në dasmen e tij u shpenzuan 50.000 €, ndërsa dasma i kushtoi plot 1 miliardë lekë në njerin nga hotelet më të shtrenjta të Tiranes…”

Ja një paragraf i shkëputur nga relacioni dhjetëra faqesh i investiguesit, i cili do të botohet në ditët në vijim me foto e informacione te pakundërshtueshme. Në këtë vend ku krimi, politika dhe institucionet e shtetit duket se heshturazi po bashkpunojnë, duhet një pushtet si media të proklamoje me guxim moralin e saj.

Dosja “Kokaina” do rrëzojë shumë versione periferike të përhapura deri sot dhe do drejtojë shigjetën në Thembren e Akilit…!/Pamfleti

Shtatë gjyqtarët dhe prokurorët, të cilët kanë kaluar deri tani rrjetën e trefishtë të Vetingut, duke u konfirmuar në detyrë, do të shpërblehen nga shteti shqiptar. Subjektet e konfirmuara në detyrë do të përfitojnë shumëfishim të pagës, shpërblime të tjera, mundësi për të marrë shtëpi të financuar nga shteti, siguri fizike, siguri për fëmijët, pensione speciale, pushime të gjata të paguara etj.

Të gjitha këto privilegje janë kërkuar nga përfaqësuesit e SHBA-BE, që kanë asistuar autoritetet shqiptare për hartimin e reformës në drejtësi, me qëllim për t’i bërë njerëzit e drejtësisë së re të pavarur nga politika dhe të pathyeshëm nga krimi. Këto garanci pritet t’i bëjnë gjyqtarët dhe prokurorët që do të shërbejnë në drejtësinë e re, të pathyeshëm. Të gjitha këto përfitime do të garantohen nga shteti shqiptar, në kuadër të zbatimit të reformës në drejtësi.

Rritja e pagës

Paga e një gjyqtari dhe prokurori që ka kaluar Vetingun shkon deri në 3 mijë USD në muaj. Sipas nenit 12 të ligjit për statusin e magjistratëve, paga bazë e prokurorit dhe gjyqtarit që kalon Vetingun shkon sa 90 % deri në 106 % e pagës së drejtorit të drejtorisë së përgjithshme në Kryeministri. Ata do të marrin edhe një shtesë për vjetërsi në ushtrimin e funksionit llogaritet në masën 2 për qind të pagës referuese bazë për çdo vit shërbimi në funksion, por jo më shumë se 25 vjet shërbim.

Gjithashtu, prokurorët dhe gjyqtarët e deleguar në një rreth tjetër, në largësi më shumë se sa 45 km, do të përfitojnë edhe 60 % të pagës. Për ushtrimin e funksionit të kryetarit të gjykatës ose të prokurorisë, magjistrati përfiton 10 për qind shtesë page mbi pagën bruto fillestare të tij.

Po ashtu, çdo vit, prokurorët apo gjyqtarët të cilët në vitin paraardhës kalendarik, në mënyrë të veçantë, kanë pasur vlerësimin më të lartë etik dhe profesional, marrin një shpërblim të barabartë me një pagë referuese bazë. Por, nuk mbaron me kaq. Gjyqtarët dhe prokurorët do të paguhen për orët e punës jashtë orarit, do t’u kompensohet çdo shpenzim nëse punojnë në një rreth tjetër, do të paguhen për vështirësi etj. Ata do të përfitojnë edhe shtesa për vjetërsi në punë.

Kredi për shtëpi të financuar nga shteti

Gjyqtarët dhe prokurorët që kanë kaluar Vetingun do të mund të marrin kredi të financuar nga shtetit, për të blerë shtëpi të reja në qendrat e qyteteve ku ushtrojnë detyrën. Konkretisht, gjyqtari apo prokurori ka të drejtë që një herë gjatë ushtrimit të funksionit të tij, pasi të ketë ushtruar jo më pak se tre vjet të detyrës, të përfitojë kredi për shtëpinë të financuar nga shteti, në shumën e vlerës mesatare të një apartamenti prej 50 m2 në zonën e qendrës së qytetit ku magjistrati ushtron detyrën.

Ndërkaq, për çdo anëtar të familjes, i cili jeton në të njëjtën banesë me magjistratin, masa referuese e sipërfaqes së banesës shtohet me 10 m2 për person. Banesa e blerë nëpërmjet kredisë lihet kolateral në bankë për sigurimin e kredisë. Por, magjistrati ka të drejtë të shesë pronën gjatë kohës së amortizimit të kredisë dhe të blejë një banesë tjetër. Në rastet kur shuma e përfituar nga shitja është me e madhe se rritja e vlerës së tregut të pronës, atëherë diferenca do t’i kthehet shtetit. Magjistrati nuk ka të drejtë të japë me qira banesën e përfituar me kredi.

Mbrojtje të veçantë

Gjyqtarët dhe prokurorët që kanë kaluar Vetingun me sukses përfitojnë mbrojtje të veçantë nga shteti, përfshirë edhe familjet e tyre. “Gjatë ushtrimit të funksionit ose për shkak të tij, magjistrati dhe familja e tij gëzojnë të drejtën të kenë mbrojtje të veçantë nga shteti për jetën, shëndetin dhe pasurinë e tyre.

Magjistrati që nuk e ushtron funksionin ose që ka dalë në pension gëzon këtë mbrojtje, në rast se e kërkon, si dhe në rast cenimi për shkak të ushtrimit të mëparshëm të funksionit të magjistratit. Në rast se jeta, shëndeti dhe pasuria e magjistratit ose familja e tij janë në rrezik, shteti ofron mbrojtje të veçantë, si dhe mbrojtje fizike, sipas kritereve dhe procedurave të përcaktuara me vendim të Këshillit të Ministrave, pas konsultimit me Këshillat.

Dëmet e shkaktuara për jetën, shëndetin ose pasurinë e magjistratit ose familjes së tij/saj, shpërblehen nga shteti, në rast se këto dëme shkaktohen gjatë ushtrimit të funksionit të magjistratit ose për shkak të tij”, parashikohet në ligjin për statusin e prokurorëve dhe gjyqtarëve.

Pensioni suplementar

Gjyqtarët dhe prokurorët që kanë kaluar Vetingun përfitojnë edhe pension shtetëror për merita të veçanta. “Magjistratët përfitojnë pension shtetëror suplementar dhe përfitime të tjera të parashikuara nga ligji “Për pensionet shtetërore suplementare të personave që kryejnë funksione kushtetuese dhe të punonjësve të shtetit”, të njëjtë me funksionarët e parashikuar në grupin e dytë, sipas përcaktimit të shkronjës “a”, të pikës 9, të nenit 1, të ligjit “Për pensionet shtetërore suplementare të personave që kryejnë funksione kushtetuese dhe të punonjësve të shtetit””, thuhet në ligjin për statusin.

Pensioni i parakohshëm

Gjyqtari dhe prokurori që ka kaluar Vetingun gëzojnë të drejtën e pensionit të parakohshëm nëse kanë ka mbushur të paktën moshën 60 vjeç, ka ushtruar funksionin e magjistratit për të paktën 30 vjet dhe nuk është në gjendje të ushtrojë funksionin e tij, për shkak të sëmundjes, të vërtetuar nga komisioni mjekësor i caktimit të aftësisë në punë.

Magjistrati që ushtron funksionin në gjykatën e posaçme për gjykimin e veprave penale të korrupsionit dhe krimit të organizuar, si dhe Prokurorinë e Posaçme, gëzon të drejtën e pensionit të parakohshëm tre muaj më parë, për çdo vit të ushtrimit të funksionit në këto struktura.

Leje deri në dy vjet më të drejtë page

Subjektet që ka kaluar Vetingun kanë gjithashtu të drejtë të kërkojë leje të papaguar deri në 2 vjet për qëllime kualifikimi profesional dhe specializime në një institucion trajnimi, ose për arsye familjare ose shëndetësore. Leja e papaguar mund të merret e gjitha njëherësh ose në periudha të ndryshme sipas kërkesës së magjistratit.

Këshillat mund të japin lejen e papaguar pasi kanë marrë mendimin e kryetarit të gjykatës ose prokurorisë, nëse leja nuk bie ndesh me interesat kryesorë të funksionit dhe nuk vë në rrezik në tërësi përmbushjen e funksionit me efiçencë dhe në kohë, në gjykatë ose në prokurori.

Magjistrati ka të drejtë për ulje të ngarkesës së çështjeve, në rast nevoje, për një nga këto shkaqe: sëmundje e përkohshme, për një kohëzgjatje të kufizuar deri në dy vjet; studime jashtë kursit të formimit vazhdues në Shkollën e Magjistraturës, për një kohëzgjatje të kufizuar deri në tre vjet. Ngarkesa e çështjeve mund të ulet deri në 75 për qind të ngarkesës, në varësi të rrethanave.

Pushimet vjetore

Subjekti që ka kaluar Vetingun gëzon të drejtën për pushime vjetore të paguara me kohëzgjatje 25 ditë pune. Magjistrati që ushtron funksionin në gjykatën e posaçme për gjykimin e veprave penale të korrupsionit dhe krimit të organizuar ose në Prokurorinë e Posaçme, ka të drejtë të përfitojë pesë ditë pune shtesë leje vjetore.

Në vitin kur magjistrati caktohet në pozicion ose largohet prej tij ose kur është me leje prindërore, gëzon të drejtën për pushime të pjesshme vjetore të paguara, të cilat përcaktohen në raport me kohëzgjatjen në funksion, si vijon: 2 ditë pune leje për çdo muaj të plotë në funksion; 2 ditë pune leje për një muaj jo të plotë, prej më shumë se 15 ditë pune; 1 ditë pune leje për një muaj jo të plotë deri në 15 ditë pune./Shqiptarja.com

Kryeministri Edi Rama e ka konsideruar tragjedi me proporcione të jashtëzakonshme rastin e gjashtë motrave jetime, i cili u prezantua në emisionin ‘Opinion’, të martën në darkë.

Rama: “Rastin që jemi mbledhur këtu bëhet fjalë për një tragjedi në proporcione të jashtëzakonshme dhe janë për t’u falëndëruar të gjithë ata njerëz që merren me zbulimin dhe evidentimin e këtyre rasteve, por edhe spontaniteti i shumë njerëzve.

Ky është një problem që shoqëria jonë fatkeqësisht e ka. Shoqëria jonë e ka një reagim të menjëhershëm kur një rast i ngjashëm shfaqet, ka një reagim spontan, por kur vjen puna tek ai spontaniteti i strukturuar dhe sistematik që është karakteristikë e atyre vendeve që kanë një shtet solid, këtu kemi edhe mangësitë tona. Kur vjen puna tek solidariteti i strukturuar ne kemi shumë boshlliqe.”