Aktualitet

Ish-truproja i Berishës, Izet  Haxhia ka dalë sot para Gjykatës së Tiranës për të kërkuar ballafaqimin ndaj ish-kryeministrit, që e cilëson si denoncues për vrasjen e Azem Hajdarit, vrasje që ai vetë e mohon.

Në përfundim të seancës, juristi Romeo Kara i cili ishte edhe i pranishëm në sallë ka bërë një deklaratë të fortë  për mediat,duke u shprehur  se ka pasur një marrëveshje në Hotel “Rogner” në Tiranë, ku kanë marrë pjesë Sali Berisha, Ilir Meta, Pandeli Majko dhe Genc Pollo.

“Ka qenë një plan për ekzekutimin e disa personave. Izeti ka arritur të shpëtojë”, tha Romeo Kara.

Seanca që do të vendosë për kërkesën e Izet Haxhisë do të zhvillohet më 14 qershor. Haxhia pas ekstradimit nga Turqia ka kërkuar rigjykim për këtë çështje, pasi pretendon se nuk ka qenë ai që ka bërë këtë vrasje.

Ndërsa turi i llogaridhënies në të gjithë Shqipërinë vijon, Kryeministri Edi Rama ka thënë se deri tani janë angazhuar 42 mijë qytetarë që kanë marrë pjesë në 212 takime me anëtarët e qeverisë.

Përmes një statusi të disa minutave më parë në rrjetin social “Facebook”, Rama ka bërë të ditur se në këto takime janë angazhuar deputetë e zv/ministra, të cilët janë njohur nga afër me problemet e qytetarëve.

“LLOGARIDHËNIA PUBLIKE – Numri i takimeve të fushatës së Llogaridhënies Publike në rang republike, ku janë angazhuar anëtarët e qeverisë, deputetët e zëvendësministrat, ka mbërritur në 212 takime në të cilat kanë marrë pjesë mbi 42 mijë qytetarë të të gjitha moshave”, përfundon Rama. Ai e ka shoqëruar postimin e tij me një sërë fotosh nga takimet e ndryshme të kryera me qytetarët./ATSH

Gjykata e Tiranës do të vendosë sot për fatin e Izet Haxhisë. Pas ekstradimit të tij, sot do të mbahet seanca e parë gjyqësore, në të cilën pritet të merret vendimi për rigjykimin e Haxhisë. Ai është dënuar në mungesë me 25 vite burg, si i akuzuar për bashkëpunim në vrasjen e ish-deputetit të PD, Azem Hajdari.

Haxhia asnjëherë nuk e ka pranuar diçka të tillë, ndërsa ka bërë përgjegjës ish-kryeministrin Sali Berisha. Më 8 maj Izet Haxhia u ekstradua nga Turqia dhe pak ditë më pas avokati i tij Bashkim Nikolla ju drejtua Gjykatës së Tiranës, ku kërkoi rigjykim për klientin tij.

Vetë avokati ka folur dje për gazetën “Sot”, duke deklaruar që pret që gjykata sot të pranojë kërkesën e tij. Ai ka dhënë dhe argumentet se përse duhet rigjykim, duke thënë se diçka e tillë garantohet si nga konventat, ashtu dhe nga ligjet shqiptare. “

E enjtja do të jetë dita e parë e nisjes së një beteje të gjatë ligjore. Edhe unë, edhe klienti im do te jemi në gjykatë. Ne kërkojmë vetëm të dëgjohemi. Ne duam të merret vendimi të dëgjohemi. Kjo e drejtë është e mbështetur në Kushtetutë, në Kodin e Procedurës Penale, në konventa dhe në precedentë që ka pasur Gjykata Ndërkombëtare e të Drejtave të Njeriut. Të gjitha materialet ne i kemi dorëzuar dhe presim vendim pozitiv nga gjykata”, tha ai. Avokati ka kërkuar rigjykim, në zbatim edhe të garancisë që shteti shqiptar dha për ekstradimin e tij nga Turqia në Shqipëri.

Sipas kërkesës të dorëzuar në gjykatë, Haxhia është dënuar në një proces gjyqësor në mungesë dhe ku ai nuk ka dhënë asnjëherë prokurë për t’u përfaqësuar nga ndonjë avokat. Gjithashtu theksohet se Izet Haxhia nuk është pyetur dhe nuk ka folur asnjëherë për drejtësinë shqiptare për këtë çështje. Sipas kërkesës, gjykimi i kësaj çështjeje në të gjitha shkallët e gjykimit është zhvilluar në mungesë të të pandehurit Izet Haxhia dhe pa dijeninë e tij.

“Ai nuk ka lëshuar asnjë lloj prokure për avokatin që e ka përfaqësuar në gjykimin në Gjykatën e Shkallës së Parë. Ai nuk ka pasur dijeni për ankimimin që i është bërë vendimit në Gjykatën e Apelit Tiranë, e cila ka lënë në fuqi vendimin e Gjykatës së Shkallës së Parë. Vetë Izet Haxhia provohet se nuk ka bërë deklarime para organeve proceduese”, thuhet në kërkesë. Po ashtu aty përmendet dhe shkresa e Ministrisë së Drejtësisë drejtuar autoriteteve turke, ku jepte garanci për rihapjen e dosjes.

Ja për çfarë akuzohet Haxhia

Izet Haxhia, ish-oficeri i Gardës Kombëtare, është i dënuar me 25 vjet burg për veprën penale të “vrasjes për shkak të detyrës”. Ai u arrestua më 3 qershor të vitit 2006 në shtetin turk, pasi ishte shpallur në kërkim për vrasjen e Hajdarit. Arrestimi i tij në atë kohë u bë i mundur falë një bashkëpunimi mes policisë shqiptare dhe Interpol Ankarasë në mesditën e datës 3 qershor, në Kushadasi të Turqisë. Pak kohë pas vrasjes së Hajdarit, Haxhia u arratis përtej detit.

Sipas informacioneve të policisë, ai jetoi në Stamboll deri në vitin 2004, ndërsa më pas lëvizi drejt Antalias, në Kushadasi, vend në të cilin dhe u arrestua. Haxhia ka qenë truproja e ish-presidentit Sali Berisha. Ai është akuzuar gjithashtu edhe për ngjarjet e 14 shtatorit të po atij viti, kur u sulmua Kryeministria. Madje, për këtë akuzë ai është hetuar nën masën e sigurisë arrest shtëpie. Izet Haxhia u largua nga vendi në fillim të vitit 1999, kur hetimet për vrasjen e ish-deputetit Hajdari po implikonin edhe vëllezërit Haxhia. Deputeti i Partisë Demokratike, Azem Hajdari, u ekzekutua mbrëmjen e 12 shtatorit 1998, pak metra larg selisë së PD-së në kryeqytet. Nga breshëritë e plumbave gjeti vdekjen dhe truproja i tij, Besim Cera nga Dibra

Sot është bërë një njoftim i rëndësishëm nga Ambasada Amerikane përsa i përket aplikimit për viza.

Për të gjithë ata që kanë pyetje, mund t’i drejtojnë ato dhe të marrin përgjigjet që nevojiten, thuhet në një njoftim në Facebook.

“Po mendoni të aplikoni për vizë? Keni pyetje rreth procesit të vizave? Më pyesni! Jam Anna! Jam e lumtur t’u përgjigjem të gjitha pyetjeve tuaja në lidhje me vizat! #PyetAnën“, shkruan Ambasada në njoftimin e saj.