Aktualitet

Sipas Institutit të Gjeoshkencave gjatë ditës së nesërme në qarqet Lezhë, Fier, dhe Gjirokastër rrezikohen nga zjarre.
Nesër pritet të ketë reshje të dobëta, kryesisht në Veri.

Ndërsa temperaturat minimale dhe maksimale të ajrit pritet të arrijnë: në bregdet: 20 / 35 °C, në vendet e ulëta: 18 / 39 °C dhe në vendet malore: 15 / 31 °C

Era do të fryjë mesatare deri e fortë, sidomos në bregdet dhe në terrenet e larta malore, ku do të arrijë shpejtësinë deri në 40km/orë.

Ish-truproja i Sali Berishës, Izet Haxhia ka dalë sot për herë të parë përpara togave të zeza të gjykatës penale të Tiranës, për të kërkuar rigjykimin e çështjes ‘Hajdari’, por duket se kjo seancë nuk është pritur mirë nga e dashura e tij. Përmes një postimi në Facebook, ajo shprehet e tronditur që e sheh të rrethuar me policë dhe prokurorë partnerin edhe do donte që e gjitha të ishte thjesht një makth dhe të zgjohej nga gjumi.

Statusi i plotë:
Sot, me syte e mendjes kuptoja dhe shikoja Dashurine e jetes time, te rrethuar me police e prokurore…
Moment i rendesishem per drejtesine dhe per politiken shqiptare. Ai ishte aty dhe buzeqeshte !
Por me syte e shpirtit, nuk kuptoja asgje se c kerkonin keta njerez nga i bukuri im, i shtrenjti, i shenjti im…

E di, drejtesia ka shume kohe qe pret e sigurisht, ajo eshte e domosdoshme si jeta!
Izeti do te luftoje deri ne fund! Ai ju pershendet ngrohtesisht te gjitheve!
Por, fshehtas, ne zemer…. do te doja kaq shume ,te ishim vetem bashke e ne djall te shkonin te gjithe….

Dhe, e gjitha kjo , te ishte thjesht nje makth gjume-prishes.
Zot , na zgjo ne kohe…! Ne , te gjitheve!!!
Te dua prej dashurije, Izet Haxhia!
Kurajo ♥️!

Ministri i Financave Arben Ahmetaj ka shkarkuar 13 inspektorë të kontributeve në Drejtoritë Rajonale dhe një kryetar dege.
Gjatë një takimi me Drejtoritë Rajonale të Sigurimeve Shoqërore deklaroi se çdo muaj do të largohen nga puna inspektorët me performancën më të ulët.
“Kemi vendosur objektiva te matshem performance per cdo inspektor. Çdo muaj do te largohen nga puna inspektoret me performancën me te ulet. Zinxhiri i përgjegjësisë nga drejtoret rajonale deri tek inspektoret ne terren. ISSH duhet te kthehet në një institucion që arkëton të ardhura në favor të buxhetit të shtetit. Rritja e performancës, do zbatojmë metodologji të re pune.

Ndërlidhje online me sistemin e tatimeve për kontributet”, tha Ahmetaj.

Publikimi më i fundit i INSTAT, “Burrat dhe Gratë në Shqipëri” ka sjellë një panoramë të plotë të gjendjes së vendit në lidhje me popullsinë, arsimimin, shëndetin dhe vendimmarjen. Në konferencën prezantuese të studimit merrnin pjesë: Brian Williams, Koordinator i Përhershëm i OKB në Shqipëri ,Z. Heinz Habertheuer, përfaqësues i Agjencisë Austriake për Zhvillim në Shqipëri, Drejtoresha e Përgjithshme e INSTAT, Znj Delina Ibrahimaj,si dhe Zv. Kryeministrja, Znj. Senida Mesi.

Publikimi përmban një sërë informacionesh në lidhje me statistikat gjinore në Shqipëri, “Nga këto risi të publikimit mund të përmendim përfshirjen e lëvizjeve të brendshme për burra dhe gra në kapitullin e popullsisë, si dhe disa të dhëna mbi familjet shqiptare me një analizë gjinore”, tha Ibrahimaj.

Z. Brian Williams Koordinator i Përhershëm i OKB në Shqipëri, tha se inkurajimi i shprehur nga Kombet e Bashkuara në lidhje me këtë studim është i lidhur me objektivin numër 5 të Objektivave të Zhvillimit të Qëndrueshëm globale, që lidhet me arritjen e barazisë gjinore dhe fuqizimin e grave dhe vajzave

Znj. Senida Mesi, tha se qeveria është e gatshme të bëjë perpara në lidhje me çështjet e barazisë gjinore dhe fuqizimit të rolit të gruas në shoqëri.

Ajo tha se ky publikim është një mjet shumë i rëndësishëm në lidhje me krijimin dhe implementimin e strategjive dhe politikave të duhura.

Z. Heinz Habertheuer, përfaqësuesi i Agjencisë Austriake për Zhvillim në Shqipëri, theksoi në fjalën e tij rritjen e pjesëmarrjes së grave në vendimarrje.

Sipas Habertheuer numri i grave në tregun e punës vazhdon të jetë në përqindje të ulëta, ndërsa pjesa më e madhe e grave dekurajohen për të punuar.

Ai gjithashtu tha se mungesa e një shërbimi të strukturuar për kujdesin ndaj fëmijëve sjell mbingarkesë në veçanti për gratë e punësuara.

Sipas publikimit te INSTAT, në fund të vitit 2017 niveli i përfaqësimit të grave në parlament ka arritur në përqind, niveli më i lartë i arritur që prej vitit 2013.Ndërkohë që përqindja e grave drejtuese në ndërmarrje është 30 përqind. Në këshillat bashkiakë rreth 36.9 përqind janë gra. Në nivelet diplomatike, rreth 27 përqind e ambasadoreve janë gra ndërkohë që gratë si drejtuese të ministrive zenë 57,0 përqind.

“Burrat dhe Gratë në Shqipëri”, hedh dritë edhe mbi lindshmërinë. Sipas këtij publikimi rezulton se në vendin tonë lindin më shumë djem se sa vajza, ndërsa gratë jetojnë më shumë se burrat.

Në këtë publikim janë trajtuar edhe priblemet shëndetsore më të shpeshta tek shqiptarët.

“Në Shqipëri si për burrat dhe për gratë, vijojnë të jenë “grupsëmundjet e aparatit të qarkullimit të gjakut”, të cilat shkaktojnë 56,8 % të vdekjeve tek gratë dhe 50,7 % të vdekjeve tek burrat”, shkruhet në publikim.

Sa i përket shëndeti, Znj. Ibrahimaj, bëri me dije se ,“këto shifra duhet t’u shërbejnë politikbërësve për të marrë vendime sa me të mira në lidhje me planifikimet buxhetore në shëndetësi.

Siç shihet ndjehet dhe domosdoshmëria për të pasur një buxhet gjinor në vend ku politikat të jenë të fokusura edhe në implementimin e barazisë gjinore në praktikë”.

Abortet ishin një tjetër pikë e trajtuar në publikim, Sipas të dhënave statistikore për çdo 5,9 lindje, ndodh edhe një abort.

Abortet kryesisht kryhen nga grupmoshat 20-34 vjeç,ndërsa mësohet se 77,4 përqind e tyre jane aborte spontane.

Në arsimin parauniversitar sipas studimit kemi  mbizotërojnë djemtë, ndwrsa vajzat zenë rreth 60 përqind të studentëve në auditore.

Skuadra e policisë Shqiponja ka finalizuar këtë të enjte një operacion anti-drogë në kryeqytet ku ka bërë të mundur sekuestrimin e një sasie të konsiderueshme kanabisi.

Në video dallohet qartë tek sa një patrullë policie ka ndaluar një automjet tip BMW X5 me dy persona brenda, në “Rrugën Bardhyl”.

Teksa automjeti luksoz ka ndaluar dhe dy punonjës policie po ushtronin kontroll, njërit prej tyre i janë venë pranga ndërsa sipas dëshmitarëve okular nga vendi i ngjarjes, drejtuesi i automjetit ka goditur me grusht njërin nga punonjësit e policisë dhe është larguar me vrap në mes të lagjes.

E ndërsa efektivët e skuadrës shqiponja janë vënë në ndjekje të drejtuesit të automjetit, nga krahu tjetër është larguar i riu që ishte në pranga.

Por ky i fundit është arrestuar vetëm pak minuta më vonë.

Ndërkohë nuk dihet ende nëse është arrestuar drejtuesi i automjetit që qëlloi punonjësin e policisë./Tema Tv