Aktualitet

Komisioneri Jonahes Hahn në një konferencë të zhvilluar në Vjenë nga FMN dhe JVI(Instituti i Përbashkët i Vjenës) ka shprehur mbështetjen e tij për integrimin e vendeve të Ballkanit. Hahn për herë të parë tha një datë për integrimin e vendeve të Ballkanit Perendimor.

Shqipëria përfaqësohet nga 4 deputetë në këtë takim. Mes tyre Ervin Bushati dhe Evis Kushi, si dhe anëtarë të parlamenteve të Kosovës, Maqedonisë, Serbisë dhe Malit të Zi.

“Tashmë Shqipëria ka momentin të bëjë sa më shumë progres me Reformën në Drejtësi dhe me procesin e Vettingut. Vendet e Ballkanit dua t`i shohim në 2025 si anëtare të BE-së. Mund të gjykohem si optimist nga disa për datën që e them sot këtu për herë te parë: por Ballkani është Europë.”

Kolegji i Posaçëm i Apelimit, vendosi sot të lërë në fuqi vendimin e marrë nga Komisioni i Pavarur i Kualifikimit për ndërprerjen e procesit të rivlerësimit ndaj ish- prokurorit të Përgjithshëm Adriatik Llalla, duke qenë se ky i fundit kishte hequr dorë nga e drejta për t’u emëruar në Gjykatën e Apelit, e për pasojë mbetej jashtë radhëve të sistemit të drejtësisë.

Kolegji u vu në lëvizje nga një ankim i Komisionerit Publik, sipas të cilit, dorëheqja e zoti Llalla nuk ishte bërë konform rregullave e për pasojë ai konsiderohej ende një magjistrat.

Por avokati i ish- kryeprokurorit, mbrojti gjatë gjithë kohës tezën se dorëheqja është shprehje e një vullneti personal të sanksionuar në Kushtetutës.

Por ndërsa mbylli këtë kapitull, zoti Llalla ka ende llogari të hapura më drejtësinë shqiptare.
Që prej 15 marsit ndaj tij ka nisur nje hetim për të paktën 4 vepra penale të ‘Refuzimit për deklarim, mosdeklarimit, fshehjes ose deklarimi i rremë i pasurisë , interesave private të zgjedhur dhe nëpunësve publikë ose i çdo personi tjetër që ka detyrimin ligjor për deklarim’, ‘Mosdeklarimit të shumave të të hollave ne kufi’, ‘Pastrimit të produkteve të veprës penale’ dhe të ‘Shpërdorimit të detyrës’.

Hetimet nisën fillimisht në Prokurorinë e Durrësit, por më pas u transferuan në Prokurorinë për Krimet e Rënda në Tiranë.

Zoti Llalla u largua nga detyra në fillim të dhjetorit të kaluar, në përfundim të mandatit, ndërsa zëvendësimi i tij me një drejtues të përkohshëm, zonjën Arta Marku u shoqërua me polemika të forta dhe kundërshtime nga ana e opozitës, sipas së cilës qeveria po vendoste kontrollin mbi Prokurorinë.
Gjatë vitit të fundit të tij në detyrë, zoti Llalla pati përplasje pubike me Ambasadën amerikane.

Atij ju refuzua viza për në Shtetet e Bashkuara, ndërsa ambasadori amerikan e akuzoi hapur se prej kohësh ishte angazhuar kundër Reformës në Drejtësi, ndërsa për largimin e tij nga detyra Ambasada amerikane u shpreh se “Prokurori i Përgjithshëm që refuzonte të ndiqte penalisht politikanë është i ikur”.

Në muajin shkurt të këtij viti Departamenti i Shtetit njoftoi se i kishte ndaluar hyrjen në Shtetet e Bashkuara ish- prokurorit të Përgjithshëm të Shqipërisë, duke shpjeguar se sekretari i atëhershëm I Shtetit Rex Tillerson, e miratoi masën e ndalimit për shkak të përfshirjes së ish- zyrtarit shqiptar në raste të mëdha korrupsioni.(VOA)

Vazhdojnë lëvizjet në Policinë e Shtetit në kuadër të përforcimit të luftës ndaj krimit dhe drogës. Ardi Veliu, Drejtori i Përgjithshëm i Policisë ka firmosur disa lëvizje. Në Tiranë janë
emëruar dy lëvizje në komisariate.

Komisar Gilbert Hoxha, me detyrë Shef Sektori, në Sektorin për Hetimin e Krimeve të Rënda ndaj Jetës dhe Pronës, në Drejtorinë Vendore të Policisë Tiranë është caktuar përkohësisht në detyrën Shef i Komisariatit të Policisë Nr.2.

Kryekomisar Pal Marku me detyrë Specialist në Njësinë për Hetimin e Krimeve ndaj Personit dhe Pasurisë në Drejtorinë Hetimore Qendrore në Departamentin e Policisë së Shtetit, është caktuar përkohësisht në detyrën Shef i Komisariatit të Policisë Nr.6. në Tiranë.

Nënkomisar Neritan Boçi, nga shef i Komisariatit të Policisë Nr.6 emërohet në detyrën Specialist në Seksionin për Hetimin e Krimeve ndaj Jetës dhe Pronës, në Drejtorinë Vendore të Policisë Tiranë.

Drejtori i Përgjithshëm ka firmosur ndryshime edhe në qarqe në nivel zv/ drejtorësh. Hamdi Fiora emërohet zv/ drejtor në Korçë, Arjan Ferri në Berat, Erzen Cera në Dibër, Skënder Hita në Shkodër, Adriatik Tavciu në Lezhë, Koço Dafa në Gjirokastër dhe Ervin Ndreu nga shef komisariati në Krujë është emëruar zv/ drejtor në Durrës në vendin e Bajram Marës.

Kanë mjaftuar 16 ditë,bashkë me fundjavat që ekspertët italian të laboratorit të kriminalistikës në Romë të mbyllin dilemat nëse në audi0-përgjimin e supozuar Xhafaj-Babale, zërat janë autentik ose jo.

Përballë gjithë vrullit politik të opozitës për të publikuar një pjesë të audio-përgjimit me pretendimin se vëllai i ministrit Fatmir Xhafaj bënte trafik droge, vjen më në fund, fjala e shkencës.

Prokurorë të çështjes janë thirrur të paraqiten pranë laboratarit, ku lanë me duart e tyre provën e vetme për “skandalin” e audio- përgjimit, më 24 maj.

Çështja e cila është në hetim do të ketë në fashikujt e dosjes “Babale-Xhafaj” edhe provën më të fortë , atë të rezultatit që e bënë këtë audio, shkak për hetime apo një përmbysje të fakteve, duke kthyer akuzuesit në të akuzuar?!…

Dorazi prokurorët do të marrin rezultatet që janë përftuar tashmë nga laboratori në Romë dhe vetëm pas kësaj do të mësojmë për fatin e kësaj çështje, që trazoi jo pak ujërat në politikën e vendit.

Agron Xhafaj i dënuar në mungesë nga shteti fqinj ndodhet në Itali për të vuajtur pjesën e mbetur të dënimit që me ligjet shqiptare është parashkruar.

Në këtë hetim është përfshirë dhe Albert Veliu, i cili në mënyrë të mistershme u shfaq në Kosovë me kërkesën për strehim politik. Më parë prokurorët i ofruan atij mbrotje, por ai deklaroi se nuk ndihej i rrezikuar për jetën.

U nis me shumë bujë rihetimi i Adriatik Llallës nga ana e Komisionit të Posaçëm të Apelimit për të rikthyer vettingun për ish kryeprokurorin. Madje e cilësonin thuajse të sigurtë heqjen e të drejtës për të përfituar nga dorëheqja që t’i shmangej vettingut, duke e paralajmëruar se pas vendimit të KPD Llallën e priste burgu.

Pasi komisioneri publik apeloi vendimin e KPK-së që ndërpriste procesin e vettingut për Llallën, KPA shqyrtoi çështjen duke vendosur që ish-Kryeprokurori Adriatik Llalla të mos i nënshtrohet “sitës” së vettingut. Për pasojë shmangej dhe hetimi pasurisë dhe mënyrës së pasurimit.

Pavarësisht argumentit që përdori komisioneri, sipas të cilit ish-Prokurori i Përgjithshëm me gjithë dorëheqjen nga drejtësia, vazhdon të ketë statusin e magjistratit e për këtë arsye dorëheqja e tij nuk rezulton të jetë kryer siç duhet, KPA vendosi në favor të Llallës.

Kolegji i Posaçëm i Apelimit argumentoi se dorëheqja e Kryeprokurorit ishte sipas rregullave dhe Adriatik Llalla nuk do i nënshtrohet procesit të Vettingut. Pra i ndërpritet procesi. Duke sjellë në këtë mënyrë dhe moshetimin e pasurisë së Adriatik Llallës, por dhe akuza të tjera që kanë rënduar mbi të.

Teksa e ka cilësuar si një sukses të parë të reformës në drejtësi, Sokol Hazizaj avokati i Adriatik Lallës është shprehur se ndaj klientit të tij nuk ka asnjë lloj hetimi penal.

I pyetur për njw hetim të nisur për Llallën, avokati nuk ka dhënë asnjë detaj. “S’kam informacion ligjor, në këto kushte sa kohë s’kam marrë informacionin e duhur, risqaroj që e drejta proceduriale i imponon organit të më informojë kur është i regjistruar me emër procesi apo procedimi, nuk kam informacion të tillë”, tha ai.

Duke nënvizuar faktin se deri më tani nuk ka asnjë hetim, pasi si avokat i ish kryeprokurorit me prokurë duhej të ishte njoftuar për fillimin e një hetimi të tillë. Dhe avokati i Llallës ka paralajmëruar atë që të gjithë i druheshin, shpëtimin e “peshkut të madh” Lalla dhe mbylljes së pritshme të hetimit për të gjitha akuzat që janë te Krimet e Rënda.

Pavarësisht se ambasadori amerikan Donald Lu ka deklaruar kohë më parë se dhe në rastin e shmangies së Vettingut, askush nuk i pengon hetimet nëse prokurorët apo gjyqtarët kanë abuzuar me ligjin, përfshirë dhe Adriatik Llallën. Ku pas largimit të Llallës nga posti i kryeprokurorit, Departamenti Amerikan i Shtetit i ndaloi hyrjen e Llallës dhe familjes së tij në Shtetet e Bashkuara, me argumentin se “ka informacione për përfshirje të tij në raste domethënëse korrupsioni”.

Pikërisht këtu e kishte mbështetjen dhe deklarata e ambasadorit të SHBA në Tiranë Donal Lu.
Ish kryeprokurori Llalla thuhet se po hetohet nga Krimet e Rënda për disa vepra penale:

“Refuzimit për deklarim, mosdeklarimit, fshehjes ose deklarimi i rremë i pasurise, interesave private të zgjedhur dhe nëpunësve publikë ose i çdo personi tjetër që ka detyrimin ligjor për për deklarim”.

Por po hetohet dhe me akuzën e “Mosdeklarimit të shumave të të hollave ne kufi”, “Pastrimit të produkteve të veprës penale“ dhe “Shpërdorimit të detyrës”. Por nga ajo që pamë sot, vendimi i KPA që ndërpret vettingun ndaj Adriatik Llallës, por dhe mbshtetjes së Berisha dhe Meta i kanë dhënë ish kryeprokurorit, pritet që ai të shpëtojë pa u “lagur” nga këto akuza të rënda.

Shpëtimi i Llallës bëhet akoma më e sigurtë nga mbështetja e fortë që Edi Rama, kryeministri i vendit përmes instrumenteve të tij i ka dhënë ish kryeprokurorit, duke e garantuar ndoshta dhe mbylljen e hetimeve në ngarkim të tij, që mund të jetë dhe çështje ditësh.

Kur Edi Rama e kishte menduar ta bënte Adriatik Llallën ambasador të Shqipërisë në një vend shumë të fuqishëm evopian, nuk e ka pohuar as mohuar në të gjitha deklarimet e tij publike këtë fakt, atëherë Edi Rama nuk e ka për gjë ta shpëtojë dhe nga hetimi për pastrim parash dhe nga burgu.

Përpos shijes së hidhur që mbetet pas me këtë mundësi shpëtimi për Adriatik Llallën, mbetet dhe pytetja: Çfarë dopsjesh të rënda fsheh Adriatik Llalla për Metën, Berishën, Ramën dhe Bashën?
Pasi kupola drejtuese e politikës në Shqipëri është vënë në garë për ta shpëtuar, qoftë dhe duke e “mëshiruar” për sëmundjen e epilepsisë që e kap Llallën./Pamfleti